Kalaallit Nunaanni suliffissarsiuussisarneq pillugu inatsisartut peqqussutaat nr. 4 29. oktober 1985-imeersoq.

Suliffissaqartitsiniarnermut Inunnillu isumaginninnermut Kalaallit Nunaanni inatsimmi 580-imi, 29. november 1978-meersumi 2 naapertorlugu matumuuna makku aalajangersarneqassapput:

 

Kapitali 1.
Naammassiniagassat.

1. Suliffissarsiuussisarfiup naammassiniagassaraa nuna tamakkerlugu sullivittut sunnersimaneqanngilluinnartutut suliffissarsiortut sulisitsisullu akornanni akeqanngitsumik atassuteqaataassalluni tamatumunngalu atatillugu inuutissarsiummik ilinniagaqarnissamillu qinersinermi ikiuutissalluni, (s.i. inuutissarsiutinik ilitsersuussineq). Suliffissarsiuussisarfiup kiffartuutissavai suliffissarsiortut sulisitsisullu inuutissarsiutinit tamanit atorfiusartunillu tamanit pisut.
Imm. 2. Kiisalu suliffissarsiuussisarfiup naammassiniagassaraa suliffissarsiuussisarnermi politikimi ingerlatsilluartumi ilaatitassatut suliffissaqartitsiniarnermut tunngasuni ingerlaaseq malittarissalugu, apeqqutini suliffissaqartitsiniarnermut pingaarutilinni suliniuteqassalluni aammalu pisortatigoortumik ikiussallugit suliffissaqartitsiniarnermut tunngasut pillugit nalunaarutit katersorlugit isummerfigalugillu.

 

Kapitali 2.
Iluarsartuussineq.

2. Naalakkersuisut nuna tamakkerlugu suliffissaqartitsiniarnermi ataatsimiititaliamik pilersitsissapput.

3. Nuna tamakkerlugu ataatsimiititaliaq suliffissarsiuussisarnerup qitiusumik siulersorneqarnerani, pilersaarusiorfigineqarnerani aammalu ataqatigiissinneqarnerani peqataassaaq.
Imm. 2. Naalakkersuisut nuna tamakkerlugu suliffissaqartitsiniarnermi ataatsimiititaliaq siunersioqatigalugu suliffissarsiuussisarnerup katitigaanera ingerlanissaalu pillugu aalajangersakkanik pilersitsissapput.
Imm. 3. Naalakkersuisut nuna tamakkerlugu ataatsimiititaliamit oqaaseqaammik piniareernermikkut kattuffiit pisussaatissinnaavaat nammineerlutik suliffissarsiuussisarnissaannik immikkut suliap imaluunniit nunap aalajangersimasup ilaata iluani, immikkut illuinnartumik pisariaqartitsineqassappat.

4. Nuna tamakkerlugu suliffissaqartitsiniarnermi ataatsimiititaliap ilaasortarissavai:
Siulittaasoq Naalakkersuisunit toqqagaq. Taanna naalakkersuisuni ilaasortaassanngilaq. Sinniisi Kalaallit Nunaata inatsisartuinit toqqagaq. Sinniisi Kalaallit Nunaanni kommuneqarfiit Kattuffiannit toqqagaq. Sinniisi sulisitsisut namminersortut kattuffiinit toqqagaq. Sinniisi Kalaallit Nunaanni nuna tamakkerlugu aalisartut piniartullu peqatigiiffiisa kattuffiinit toqqagaq. Sinniisit pingasut Kalaallit Nunaanni sulinermik inuutissarsiutillit peqatigiiffiisa kattuffiinit Kalaallit Nunaanni najugalinnit toqqakkat.
Imm. 2. Siulittaasup ilaannginnerani taartaasartussamik ataatsimiititaliaq akunnermini siulittaasup tullissaanik qinersissaq.
Imm. 3. Aalajangersimasumik ataatsimimeeqataasartussat tassaapput Inuutissarsiutitigut Ilinniartitaanermi Qullersaqarfimmit sinniisi ataaseq, Aalisanermut suliffissuaqarnermullu Naalakkersuisoqarfimmit sinniisi ataaseq, Kalaallit Nunaanni Rigsombudsmandi kiisalu Naalakkersuisoqarfimmi susassaqartumi pisortaq.
Imm. 4. Pisariaqartinneqartutut isumaqarfigineqarpat nuna tamakkerlugu suliffissaqartitsiniarnermi ataatsimiititaliaq immikkut paasisimasaqarluartunik ataatsimiigiaqqusisinnaavoq.
Imm. 5. Ataatsimiititaliap suliassanik ingerlatseriaasissani nammineq aalajangissavaa.
Imm. 6. Namminersornerullutik Oqartussani suliffissarsiuussisarnermut immikoortoqarfiup allatoqarneq isumagissavaa.
Imm. 7. Nuna tamakkerlugu suliffissaqartitsiniarnermi ataatsimiititaliap atortuuffissaata assigissavaa piffissaq Inatsisartut qinigaaffiat.

5. Kommuneni tamani konununalbestyrelsit pisussaapput kommunemi suliffissaqartitsiniarnermi ataatsimiititaliamik pilersitsissallutik.
Imm. 2. Suliffissaqartitsiniarnermi ataatsimiititaliaq pilersinneqassaaq koiranunet ingerlatsinermut inatsisaat malillugu ataatsimiititalianik ataavartunik pilersitsinermut malittarisassat malillugit.
Imm. 3. Kommuneni inukitsuni imaluunniit pissutsit pisariaqartippassuk Naalakkersuisut nuna tamakkerlugu suliffissaqartitsiniarnermi ataatsimiititaliaq tusarniaaffigereerlugu aalajangersinnaavaat kommunemi suliffissaqartitsiniarnermi ataatsimiititaliap pilersinneqarnissaanik piumasarisaq immikkut akuersissuteqarnikkut atunngitsoortissalluqu. Taama kommune suliffissaqartitsiniarnermut ataatsimiititaliamik pilersitsinnginnissamik akuerineqarpat suliassai kommunalbestyrelsep isumagissavai.
Imm. 4. Aalajanqersimasumik taaseqataasinnaanatilli ataatsimeeqataasassapput kommuneqarfimmi aalisartut piniartullu peqatigiiffiinit toqqagaq ataaseq, sulinermik inuutissarsiuteqartut peqatigiiffiinit toqqagaq ataaseq namminersorlutillu sulisitsisut peqatigiiffiinit toqqagaq ataaseq. Pisariaqartinneqartutut isumaqarfigineqarpat suliffissaqartitsiniarnermi ataatsimiititaliaq immikkut paasisimasaqartunik ataatsimiigiaqqusisinnaavoq.
Imm. 5. Inuutissarsiutitigut siunnersortimik atorfeqartoqarpat taanna aalajangersimasumik ataatsimeeqataasassaaq.
Imm. 6. Suliffissaqartitsiniarnermi ataatsmiititaliap suliassanik ingerlatseriaasissani nammineq aalajangissavaa.

 

Kapitali 3.
Nuna tamakkerlugu suliffissaqartitsiniarnermi ataatsimiititaliap naammassiniagassai.

6. Nuna tamakkerlugu suliffissaqartitsiniarnermi ataatsimiititaliap suliassarai
a) suliffissaqartitsiniarnermut iliuusissanik siunnersuuteqartarnissaq aammalu siunnersuutit najukkami suliffissaqartitsiniarnermi oqartussaatitanit saqqummiunneqartut isummerfigissallugit,
b) naalakkersuisut siunnersortassallugit suliffissarsiuussisarnermut tunngasunik aammalu suliniutit naammattumik suliffissaqartitsinissap isumannaallisagaanissaannik siunertaqartut pillugit malittarisassaliornerannut aammalu nalinginnaasumik ingerlatsinermi, pilersaarusiornermi suliffissarsiuussisarnermilu suliniutinik ataqatigiissitsisuussalluni aammalu
c) inatsisitigut periarfissalerneqarsimappat ingerlatsinermi naammagittaalliuutinik suliarinnittassalluni.

 

Kapitali 4.
Qitiusumik ingerlatsiviup naammassiniagassai.

7. Nuna tamakkerlugu suliffissaqartitsiniarnermi ataatsimiititaliap qitiusumik ingerlatsinermini suliassaasa isumaginissaanut suliassaqartitsiniarnermi immikkoortoqarfimmik pilersitsineqassaaq.

Immikkoortoqarfik

a) ikiuullunilu ilitsersuissaaq najukkani suliffissaqartitsiniarnermi ataatsimiititalianut aamma suliffissarsiuussisarfinnut,
b) kommunet akornanni suliffissarsiuussisarnermi naammassiniagassanut ikiuutissaaq,
c) kommunet suliffissaqartitsiniarnermi ataatsimiititaliaanni ilaasortanut kursuseqartitsisassalluni aammalu
d) sulisut suliffissarsiuussisarfinnut atasut ilinniartitaanissaat ilinniarsimasaminnillu nangitsinissaat iluarsartuutissallugu, siulersussallugu isumagissallugulu.
Imm. 2. Pissutsit Kalaallit Nunaanni suliffissarsiuussisarnermut tunngasut pillugit kisitsisinngorlugit paasissutissat katersorneqarnerat immikkoortoqarfiup siulersorlugulu maleruagassiuutissavaa suliniuteqassallunilu paasissutissat taakku suliarineqarnissaannut.

 

Kapitali 5.
Suliffissaqartitsiniarnermi ataatsimiititaliap naammassiniagassai pingaarnerit.

8. Suliffissaqartitsiniarnermi ataatsimiititaliap suliassaraa najukkami sulisitsisut, sulisartut pisortallu immikkoortoqarfiata akornanni suleqatigiilluarnissap tatigeqatigiilluarnissallu pilersinneqarnissaat, taamaalilluni najukkami inuutissarsiutinut tunngasunik siuarsaaniarneq tunngavissaqalissammat, taamaalillunilu suliffissaqarniarneq siuarsarneqassammat, aammalu suliassaqartitsiniarnermut suliniutissanik siunnersuuteqartassalluni kommunep iluani sulisinnaasut pikkorissarneqarnissaannut.
Imm. 2. Ataatsimiititaliaq aalajangiisassaaq qinnuteqaatit Kalaallit Nunaanni najugaqartuunngitsunik sulisoqarniarnermut tunngasut pillugit, Kalaallit Nunaanni sulisussat atorfinitsinneqartarnerat pillugu Inatsisartut inatsisaani 2 malillugu.
Imm. 3. Naalakkersuisut suliassaqartitsiniarnermut suliniutinut tunngasunik erseqqinnerusunik aalajangersagaqarsinnaapput.

 

Kapitali 6.
Suliffissarsiuussisarfiup naammassiniagassai pingaarnerit.

9. Suliffissarsiuussisarfiup suliassaraa inatsisit tunngavigalugit najukkami immikkoortoqarfinnut suliassat suliffissaqartitsiniarnermut tunngasut tunniunneqarsimasut suliarissallugit. Ilutigalugu immikkoortoqarfiup qitiusumik suliffissaqartitsiniarnermut tunngasunik suliallit suleqatigissavai apeqqutinik suliffissaqartitsiniarnermut tunngasunik, isumaqatigiinniarnermut tunngasunik najukkami aaqqinneqarsinnaanngitsunik.

10. Kommunemi suliffissarsiuussisarfiup suliassat ingerlatissavai peqqussut najoqqutaralugu.
Imm. 2. Suliffissaqartitsiniarnermut ataatsimiititaliamik pilersitsisoqarsimatinnagu suliassat konununip immikkoortortaqarfiisa isumagissavaat.
Imm. 3. Naalakkersuisut suliffissarsiuussisarfiup suliassai pillugit sukumiinerusumik aalajangersaasinnaapput.

11. Allaffik suliffissarsiuussisarfik suliffissaqartitsiniarnermut siunnersortimik pisortaqassaaq.

 

Kapitali 7.
Isumannaallisaanerit.

12. Suliffissarsiuussisarfiup suliassaraa kommunemi suliffissaqartitsineq tamarmiusoq pillugu kisitsisinik nalunaarsuutinik takussutissiornissaq.
Imm. 2. Malittarisassat sukumiinerusut naalakkersuisunit aalajangersarneqassapput.

13. Sulisussanik unnersuussineqaraangat   suliffissarsiuussisarfik sulisitsisumut tamanna pillugu nalunaaruteqartassaaq.

14. Allaffik suliffissarsiuussisarfik  suliffissarsiortunik aammalu sulisitsisut pillugit susassaqanngitsunut paasissutissiisussaanngilaq.
Imm. 2. Qinnuteqarneq malillugu suliffissarsiuussisarfik sulisitsisumut nalunaaruteqarsinnaavoq inuit aalajangersimasut sulisitsisup suliffissarsisissallugit kissaatigisai suliffissarsiortutut nalunaarsimanersut. Suliffissarsiuussisarfik isumaqarpat itigartitsinissamut pissutissaqartoq sulisitsisup tamanna suliassanngortissinnaavaa kommunemi suliffissaqartitsiniarnermi ataatsimiititaliamut. Ataatsimiititaliap aalajangigaa naammagittaalliuutigineqarsinnaavoq 22-mi aalajangersakkat naapertorlugit.
Imm. 3. Sulliviup/sulisitsisup inuk aalajangersimasoq imaluunniit inuit arlallit aalajangersimasut erseqqissakkanik tunngaveqarluni sulisorissallugit kissaatiginngippagit allaffiup inuk taanna/inuit taakku sullivimmut/sulisitsisumut unnersuussinnaanngilai, inullu taanna/inuillu taakku tamatuminnga tunngavianillu ilisimatinneqassapput.

15. Suliamik tunngasunik peqatigiiffiup imaluunniit soqutigisaqaqatigiit kattuffiata allakkatigut suliffissarsiuussisarfik nassuiaatinik naammattunik nassiussivigisimappagu sullivik/sulisitsisoq suliumajunnaarnermut imaluunniit sullivimmik matusinermut ilaatinneqartoq suliffissarsiuussisarfik sulisitsisumut sulisussanik unnersuuteqassanngilaq akerleriinneq atorunnaartinnagu imaluunniit inatsisinik unioqqutitsinertut eqqartuussissutaareersinnagu.

 

Kapitali 8.
Allamut suliartornermi ikiorsiissutit.

16. Suliffissarsiuussisarfiup suliffissarsiortut najukkap avataani suliassinneqarnissaat siunertarigaangamiuk unnersuussinissaq sioqqullugu nassuiaatinik erseqqinnerusunik pissarsiortussaavoq suliassaq pineqartoq pillugu akissarsiatigut sulinermilu atugassarisat pillugit qanorlu iliorluni suullu atugassaralugit sulisartut suliassinneqartut nerisaqarnissamik inissamillu pissarsissunneqarsinnaanersut.
Imm. 2. Suliffissarsiuussisarfik ima ungasitsigisumi suliffissamik unnersuussuteqarpat pissutsillu imaassimappata suliamik tigusinermi najukkamit nuuttariaqalerluni, aammalu najukkami pissutsit sulianillu paasisimasalinnik atorfissaqartitsineq nalilereerlugit nuunnissaq kissaatiginartutut isumaqarfigineqarpat, suliffissarsiuussisarfik pisussaavoq qulakkiissallugu sulisitsisorilerumaakkap inissaqartitsinissaa.
Imm. 3. Suliassiinerup nassatarissappagu suliartoqquneqartut angalanermi aningaasartuutit il.il. akilissallugit najukkaminniit suliffissamut unnersuussutigineqartumut suliassaq tamanna suliffissarsiuussisarfiup qinnuigineqarnini najoqqutaralugu inunnik isumaginninnermi ataatsimiititaliamut saqqummiutissavaa aningaasartuutinut taakkununnga pisortatigut ikiuutit tunniunneqarsinnaanerata aalajangerneqarnissaa siunertaralugu.
Imm. 4. Pissutsini immikkut illuinnartuni suliffissarsiuussisarfiup inuit utaqqiisaanngaangitsumik suliartoqquneqartut angalanerannut aningaasartuutit akilersinnaavai, imm. 2-mi tunngavigineqartut naapertorlugit.

 

Kapitali 9.
Aningaasalersuineq.

17. Allamut suliartornermi angalanermut aningaasartuutit 16, imm. 4 malillugu pisut Naalakkersuisunit akilerneqassapput aningaasallu tamatumunnga atorneqartussat Inatsisartut aningaasanut inatsisaannut atatillugit aalajangerneqartassallutik.
Imm. 2. Suliffissarsiuussisarfiup ingerlatitaaneranut aningaasartuutit konununemit akilerneqassapput.
Imm. 3. Akissarsiat kommunemit akilerneqartussat saniatigut suliffissarsiuussisarfiit sulisuisa ilinniartitaanerannut atatillugit aningaasartuutit aammalu kommuneni suliffissaqartitsiniarnermi ataatsimiititaliat ilaasortaanut kursuseqartitsinerni aningaasartuutit Namminersornerullutik Oqartussanit akilerneqassapput, taakkulu aalajangersarsinnaavaat kursuseqartitsinerni ilaanerni kommunet aningaasaleeqataanissaanut tunngasut.
Imm. 4. Nuna tamakkerlugu suliffissaqartitsiniarnermi ataatsimiititaliap sulinerani aningaasartuutit Namminersornerullutik Oqartussanit akilerneqassapput.

 

Kapitali 10.
Aalajangersakkat assigiinngitsut.

18. Sulisitsisoq suliffissarsiortunik suliffissarsiuussisarfiup imminut unnersuutaanik itigartitsisoq pisussaavoq taarsissallugit angalanermi aningaasartuutit il.il.unnersuussap najugaani inunnik isumaginninnermi ataatsimiititaliap imaluunnit suliffissarsiuussisarfiup akilersimasai, itigartitsinermut pissutaasimappat sulisussanik allanik tigusineq aammalu sulisitsisup suliffissarsiuussisarfik piffissaalluarallartillugu nalunaarfigisimanngippagu suliartorfimmut angalaneq pinngitsoorneqarsinnaasimagaluartoq.

19. Suliffissarsiuussisarnermut tunngasutigut suliffissarsiuussisarfiup naammassiniagassai 1-imi allaaserineqarsimasutut Kalaallit Nunaanni suliffissarsiortunut sulisitsisunullu tunngasuupput, aammali sulisitsisunut Kalaallit Nunaata avataani najugaqartunut suliffissarsiuussinermut, taaneqartut kingulliit Kalaallit Nunaanni ingerlatsissappata.
Imm. 2. Suliffissarsiuussisarfiit suliffissarsiortunik Kalaallit Nunaata avataani najugalinnik suliffissanik unnersuussisinnaanngillat taakku sulisussanut Kalaallit Nunaanni najugaqavissunut piumasarineqartunik naammassinnissimanngippata inatsisartut Kalaallit Nunaanni sulisussanik atorfinititsisarneq pillugu inatsisaanni nr. 1-imi 12. marts 1980-imi 3 malillugu.

20. Najukkami najugaqartuunngitsunik atorfinitsitsiniarluni imaluunniit sulisoqarniarluni imaluunniit najukkami najugalinnik avataanilluunniit najugalinnik atorfinitsitsiniarluni nalunaarnermi sulisitsisoq/sullivik najukkami suliffissarsiuussisarfimmut saaffiginnissaaq nalunaarutigalugu atorfik qanoq ittoq pineqarnersoq, atorfinunut atatillugu inimik imaluunniit inissiamik pissaqartitsisoqarsinnaanersoq aammalu akissarsiat tungaasigut qanoq ittunik atugassaqartitsisoqarnersoq.
Imm. 2. Kalaallit Nunaanni najugaqavissuunngitsunik atorfinitsitsinissamik pisariaqartitsinikkut sulisussarsiortoqarpat atorfinitsitsinissaq pillugu qinnuteqaatsuliffissarsiuussisarfik aqqutigalugu kommunemi suliffissaqaratitsiniarnermi ataatsimiititaliamut tunniunneqassaaq.
Imm. 3. Naalakkersuisut tamanna pillugu erseqqinnerusumik najoqqutassiussapput.

21. Suliffissaarusimanermi ikiuutit angissusileriikkat tunniunneqarsinnaanerat sioqqullugu suliffissarsiuussisarfik allaganngorlugu nalunaaruteqassaaq ikioqqusoq suliffissarsiuussisarfimmut suliffissaarusimasutut nalunaarsimasoq allaffiullu suliffissamik unnerssuussinnaasimanngikkaa.
Imm. 2. Uppernarsaasiap ilusissaa Isumaginninnermi Pisortaqarfiup suliarissavaa.

 

Kapitali 11.
Assuarliuteqarsinnaaneq.

22. Peqqussut manna malillugu suliffissaqartitsiniarnermi ataatsimiititaliap aalajangigarisimasaanut assuarliuutit kommunalbestyrelsemut tunniunneqassapput.
Imm. 2. Peqqussut manna malillugu kommunalbestyrelsep aalajangigarisimasai nuna tamakkerlugu ataatsimiititaliamut suliassanngorteqqinneqarsinnaapput.

 

Kapitali 12.
Atortuulersitsinermi ikaarsaariarfimmilu aalajangersakkat.

23. Inatsisartut peqqussutaat atortuulersinneqassaaq 1. januar 1986. Ilutigitillugu atorunnaarsinneqarpoq suliffissarsiuussisarneq pillugu Inatsisartut peqqussutaat nr. 12, 16. oktober 1979-meersoq allanngortinneqartoq Inatsisartut peqqussutaanit nr. 3-mit 21. oktober 1980-imi ullulikkamit.

24. Kalaallit Nunaanni Naalakkersuisut pisinnaatinneqarput 4 aamma 5 pillugu ikaarsaariarnermi aalajangersagaqassallutik Kalaallit Nunaanni Kommunit Kattuffiat tusarniaaffigeqqaarlugu.




Nuuk, ulloq 29.oktober 1985.




Jonathan Motzfeldt

/

Hendrik Nielsen