Namminersornerullutik Oqartussat nalunaarutaat nr. 36, 30. december 1985-imeersoq nioqqutissanik eqqussinermi eqqussinermilu akitsuutinut tunngasoq.

Inatsisartut inatsisaat nr. 15 29. oktober 1985-imeersoq nioqqutissanik eqqussinermi eqqussinermilu akitsuutinut tunngasoq naapertorlugu tulliiniittut aalajangersarneqarput:

 

§ 1. Kalaallit Nunaannut tikinnermi angalasut nioqqutissat tulliini taagorneqartutulli annertussuseqartut akitsuuteqanngitsumik nassatarisinnaavaat:
a) cigaritsit 200 imaluunniit sikaat 50 imaluunniit cigarillosit 100 imaluunniit tupat 250 g.
b) cigaritsit pappialartassaat imaluunniit pappialartassat ineriikkat 200.
c) imigassaq kimittooq puiaasaq nalinginnaasoq 1 (1 liter) imaluunniit hedvinit 2 liter aamma vinit nerrisit 2 liter.
d) tipigissaat 50 g aamma 1/4 liter tipigissoq
e) immiaaqqat 2 liter.
f) 1 kg sukkulaatit, lakridsit imaluunniit assigisaat.
g) 1 kg kaffe imaluunniit tiit.
h) neqi, neqinit nioqqusiat imaluunniit timmissat 5 kg.
Imm. 2. Inuit 18-inik ukioqalereersimasut kisimik imigassanik kimittuunik, viinninik tupanillu akitsuuteqanngitsunik eqqussisinnaatitaapput.
Imm. 3. Angalanermi nammineq atugassatut eqqiluisaarnermi atortut akitsuuteqanngitsut, inatsisip § 2, nr. 14-a_, naapertorlugu akitsuuteqanngitsut, pineqartut annertussutsimikkut ilutsimikkullu angalanermi atortussatut nalinginnaasutut isigineqarsinnaappata, eqqunneqarsinnaapput.
Imm. 4. Akitsuusiinnginnissamut patsisissaassaaq:
- nioqqutissat inummi namminerminiillutilluunniit tikinnermiluunniit nammineerluni nassataniittinneqassallutik, taamaalilluni tikiffimmi akitsuusiinissamut tunngatillugu misissuinermi takutinneqartussangorlugit.
- eqqussineq inuutissarsiornermut attuumassuteqassanngitsoq

§ 2. Angallassinermi sulisuusut - t.i. inuit umiarsuarni timmisartunilu nunat tamalaat akornanni angalasuni angallassissutip ingerlanneqarnerani imaluunniit taassuma iluani suliaqartut - ullut 15 inorlugit sivisussusilimmik Kalaallit Nunaata avataani najugaqareersimagunik uternerminni makkuninnga eqqussisinnaatitaapput:
a) Cigarettit 60 imaluunniit sikaat 40 imaluunniit cigarillosit 50 imaluunniit tupat 250 g.
b) Hedvinit 2 liter aamma vinit nerrisit 2 liter kisianni imigassanik kimittuunik pinnatik.
c) Tipigissaat 50 g aamma 1/4 liter tipigissoq.
d) Kaffit 500 g.
e) Tiit 100 g.
Imm. 2. Ulluni 15-ini taakkuluunniit sinnerlugit Kalaallit Nunaata avataani najugaqareernermi angallassissutini inuttaasut § 1-mi maleruagassat naapertorlugit nioqqutissanik nassarsinnaapput.

§ 3. Umiarsuarni, Kalaallit Nunaata avataani nalunaarsorneqarsimasuni, inuttaasut umiarsuup kalaallit imartaanni angalanerani akitsuusigaanngitsunik atugaqarsinnaatitaapput. Inuttaasumut ataatsimut ulloq unnuarlu akitsuusigaanngitsunik atorneqarsinnaasut imaapput: vini 1/4 liter, imigassaq kimittooq 1/4 liter aamma 40 g tupanik nioqqusiat.
Imm. 2. Imm. 1 naapertorlugu akitsuusigaanngitsunik atuisinnaasunut ilaatinneqanngillat qallunaat savalimmiormiullu aalisariutaanni, kalaallit imartaanni aalisartunut, inuttaasut.
Imm. 3. Takornariat nunat allamiut umiarsuaannut ilaasartaatinut ilaasut imm. 1-mi taaneqartutut akitsuusigaanngitsunik atuisinnaatitaapput.
Imm. 4. Imm 1 aamma 3 naapertorlugit akitsuusigaanngitsunik atuisinnaatitaaneq taamaallaat nioqqutissanut, umiarsuup akitsuusigaaffiusumiit nassataannut imaluunniit akitsuusigaaffiusumi pisiarisimasaannut, atuuppoq.
Imm. 5. Takornariat, imm. 3 naapertorlugu akitsuusigaanngitsunik atugaqartut, nioqqutissanik akitsuusikkanik allanik nunaliaasseqqusaanngillat, taamaallaat tupat, sukkulaatit aamma lakridsinik nioqqusiat, nammineq atugassat. Kalaallit Nunaat aqqusaarlugu angerlamut aallarnissaq akuersissutigineqarpat takornariap § 1 naapertorlugu nioqqutissat akitsuusigaanngitsut nassatarisinnaavai. Nioqqutissat taakku akitsuusigaaffiusumi atorneqaqqusaanngillat.
Imm. 6. Umiarsuarni inuttaasut, imm. 1 naapertorlugu nioqqutissanik akitsuusigaanngitsunik pissarsisimasut, akitsuusigaaffiusumiit aallarnissartik pissutigalugu umiarsuarmiit niusimasut nioqqutissanik akitsuusigaanngitsunik, §§-ini 1-mi 2-milu annertussusissamut aalajangersakkat annertoqataannik, nassataqarsinnaatitaapput. Nioqqutissat taakku akitsuusigaaffiusumi atorneqaqqusaanng illat.

§ 4. Taamatuttaaq akitsuusigaasussaanngitsut makkuupput, tak. inatsisip § 3-a:
a) Nioqqutissat_f Kalaallit Niuerfiannit imaluunniit namminersorluni pisiniarfiutilimmit paarineqartillutik, ajutoornikkut annaaneqartut, Kalaallit Niuerfiannit atsiorneqarsimappata nioqqutissat annaaneqarsimasut.
b) Nioqqutissat tunineqaqqinnissaat siunertaralugu eqqunneqarsimasut kisiannili akitsuuteqarfimmut utertinneqartut. Akitsuutip akilerneqareersimasup utertinneqarnissaa piumasarineqarsimappat akitsuutip aningaasartaasa 10%-iat Kalaallit Niuerfiata uninngatissavaa siulersuinermi akiliutit matussutissaattut.

§ 5. Kalaallit Niuerfiat umiarsuarnut imaluunniit silaannakkut angallassissutinut, Kalaallit Nunaanni najugaqartuunngitsunut, imaluunniit umiarsuarnut nunani allani, Savalimmiuni Danmarkimiluunniit umiarsualivimmut ingerlassallutik Kalaallit Nunaata imartaanik qimatsisunut taquassanik akitsuuserneqanngitsunik tunisaqarsinnaavoq. Taquassanik pinermi malinneqassapput angallatinut nunani allani angalasunut akitsuuteqanngitsunik tunniussinissamut maleruagassat atuuttut.

§ 6. Akitsuutit Kalaallit Niuerfiannut akilerneqassapput.
Imm. 2. Nioqqutissanik nalunaakkanik annisseqqinnermi  akitsuutinik akiliisussaatitaasoq pisussaavoq nakkutilliisutut oqartussanut nioqqutissap anniseqqinneqarnerani akiliut utertitsissutigissallugu.

§ 7. Kalaallit Niuerfiata nioqqutissat akitsuusigassat pappiaraminernik amitsukujuunik nioqqutissat akitsuusigassat imaluunniit nalunaaquttamik allamik pilersinnaavai takutinniarlugu akitsuut akilerneqarsimasoq.

§ 8. Oqimaassutsip, angissutsip naleqassutsillu il.il. aalajangersarneqarnissaanni maleruagassat danskit ilanngaaserisuisa malitaat malinneqassapput.

§ 9. Akitsuusiinermik maleruagassat malinneqarnissaannik nakkutilliineq Kalaallit Nunaanni politiinit aamma Kalaallit Niuerfiannit ingerlanneqassaaq. Oqartussaasut taakku pisussaaffeqarlutillu pisinnaatitaaffeqarput Inatsisartut inatsisaanni nr. 16-mi 29. oktober 1985-imeersumi, nioqqutissat Kalaallit Nunaannut eqqunneqartartut tassanngaaniillu anninneqartartut nalunaarsorneqarnerat nakkutigineqarnerallu pillugit Inatsisartut inatsisaanni, takuneqarsinnaapput.

§ 10. Nalunaarummi uani aalajangersakkanik unioqqutitsineq akiliisitsissutaasinnaavoq aammalu nioqqutissaq imaluunniit aningaasaq, taassuma nalingata angeqataa, arsaarinnissutigineqarsinnaapput.

§ 11. Nalunaarut atortuulerpoq 1. januar 1986.

Kalaallit Nunaanni Namminersornerullutik Oqartussat, ulloq 30. december 1985.

Josef Motzfeldt

/

Fl.Bolų