Kalaallit Nunaanni illuliortiternermi oqartussaassuseq pillugu Namminersornerullutik Oqartussat nalunaarutaat nr. 31, 10. december 1985-imeersoq.
Nunamik atuineq, nuna tamakkerlugu illoqarfimmillu pilersaarusiorneq illuliortiternerlu pillugit Inatsisartut peqqussutaanni nr. 1-imi 2. februar 1981-imeersumi § 25 naapertorlugu makkua aalajangersarneqarput:
§ 1. Namminersornerullutik Oqartussat illuliortiternermi oqartussaapput.
§ 2. Illoqarfinni illuliortiternermi oqartussaassuseq Namminersornerullutik Oqartussat sinnerlugit kommunalbestyrelset ataasiakkaat ingerlatissavaat.
Imm. 2. Illuliortiternermi oqartussaanermi innuttaasuni suliassat kommunalbestyrelsep suliarissavai Namminersornerullutik Oqartussanut akisussaasuseqarlutik tamatumanilu allaffeqarfimmi ingerlatsinermi nakkutilliisuunermilu suliassat kiisalu oqartussat suliassanik pilersaarutinik naliliinerat nammassissallutigittaaq.
Imm. 3. Kommunalbestyrelse pisinnaatitaavoq oqartussap suliassamik pilersaarummik naliliinera GTO-mut sullivimmulluunniit allamut Namminersornerullutik Oqartussanit akuerisaasumut suliaritissallugu tamatumunnga isumaqatigiissutit tamanut atuuttut imaluunniit isumaqatigiissutit sulianut immikkoortitaartunut ataasiakkaanut tunngassuteqartut tunngavigalugit.
Imm. 4. Malittarisassat Namminersornerullutik Oqarrtussanik isumaqatigiissuteqarnermik tunngaveqartut aallaavigalugit kommunalbestyrelse oqartussaanermi suliarinninnerminut akiliuteqartitsiumasinnaavoq.§ 3. Illuliortiternermi oqartussaassuseq "Illuliortiternermi maleruagassat 1982"-imi aalajangersakkat kiisalu illuliortiternermi maleruagassanut atatillugu Namminersornerullutik Oqartussanit malitassiarineqartut unnersuussutigineqartullu tunngavigalugit ingerlanneqassaaq.
§ 4. Immikkut akuersissutit Namminersornerullutik Oqartussat sinnerlugit GTO-p siunnersuisoqarfianit Nuummiittumit nalunaarutigineqassapput tassungalu qinnutigineqassallutik. Immikkoortoqarfiup immikkut akuersissuteqarnissamut tunngasumik suliassani tamani aalajangiinerit pillugit Namminersornerulluni uqartussat ilisimatittassavai.
Imm. 2. Illoqarfimmi illuliortiternermi oqartussat illuliassamut tunngatillugu portussusissamut ungasissusissamullu tunngatillugu illuliortiternermi maleruagassanit immikkut qinnuteqartoqartillugu pisussaapput sanilit aperissallugit. Aatsaat immikkut akuersissuteqartoqarsinnaavoq illoqarfimmi illuliortiternermi oqartussat illup immikkut akuersissuteqarnissamik qinnuteqaatigineqartup sanilerisaanik ilisimatitsineriniit kiisalu sapaatip akunnerisa marluk qaangiutinnginneranni illoqarfimmi illu1iortiternermi oqartussanut oqaaseqaateqarsinnaanerannik ilisimatitsineriniit sapaatip akunnerisa marluk qaangiutereerneranni. Sapaatip akunnerinik marlunnik piffissaliussaq naatsorsorneqassaaq illuliortiternermi oqartussat sanilerisanut attorneqartunut nalunaarutaata tiguneraniit.§ 5. GTO-p siunnersuisoqarfiata § 4 imm. 1 naapertorlugu aalajangigaanut kiisalu illuliortiternermi maleruagassat naapertorlugit aalajangikkat pillugit naammagittaalliuutit Nuna tamakkerlugu pilersaarusiornermut udvalgimut assuarlerfissaatitaasumut nassiunneqassapput.
Imm. 2. Piffissaq naammagittaalliorfissaq ullormit aalajangiinerup nalunaarutigineqarfianiit sapaatip akunnerinik sisamanik sivisussuseqarpoq.§ 6. Unioqqutitsinerit nunamik atuineq, nuna tamakkerlugu pilersaarusiorneq aamma illoqarfimmik pilersaarusiorneq illuliortiternerlu pillugit Inatsisartut peqqussutaanni § 30 aamma § 31 naapertorlugit pillarneqartussaapput.
§ 7. Nalunaarut 1. januar 1986 atortuulerpoq.
Imm. 2. Tamatumunnga peqatigitillugu Kalaallit Nunaanni illuliortiternermi oqartussaassuseq pillugu Namminersornerullutik Oqartussat nalunaarutaat nr. 4, 1. december 1982-imeersoq atorunnaarsinneqarpoq.
Namminersornerullutik Oqartussat, 10. december 1985.
Jonathan Motzfeldt/
John E.Jensen