Namminersornerullutik oqartussat sutorniartarfinni imigassanik aalakoornartortalinnik tuniniaanermi sassaallernermilu akigititat qaffasinnerpaaffigisassaanut nalunaarutaat nr. 30 ulloq 14. november 1985-imeersoq.
Imigassanik aalakoornartortalinnik nioqquteqarneq sassaallertarnerlu pillugit inatsisartut inatsisaanni nr. 13 ulloq 29. oktober 1985-imeersumi § 23, imm. 2, malillugu matumuuna makku aalajangersarneqarput:
§ 1. Sutorniartarfinni imigassanik aalakoornartortalinnik nioqquteqarnermi sassaallertarnermilu akitsuutit pillugit inatsisartut inatsisaanni nr. 8, 25. oktober 1985-imeersumi nioqquteqarfinni pineqartuni imigassamik nioqquteqarnermi sassaallernermilu akit qaffasinnerpaaffissaat aalajangiunneqarallarpoq 15. oktober 1985-imi akigitinneqartutut angissuseqassasut ilaneqarlutilli immiaaqqamut 1 literimut 3,45 kr.-imik, viinni literimut 34,50 kr.-imik, imigassaq kimittuumut oqimaassutsimigut 50 procent ataallugu silaarunnartortalimmut literimut 69,- kr.-imik aammalu imigassaq kimittuumut oqimaassutsimigut 50 procent sinnerlugu silaarunnartortalimmut literimut 138,- kr.-imik.
Imm. 2. 15. oktober 1985-ip kingornagut pisiarinerini akiusunut qaffaatigitinneqarsimasut uppernarsaatissallit periarfissiissapput akinut qaffaatissanut taaneqartunut qaffaatissallu 15%-iannik ilassuserlugit qaffaanissamut.
Imm. 3. Imm. 1 aamma 2 najoqqutaralugit qaffasinnerpaatut akiutinneqartut qummut 50 ørimut qaninnerpaamut akkunnaallineqarsinnaapput.§ 2. § 1-imi akit qaffasinnerpaaffissaatut aalajangersarneqartut unioqqutinneqannginnissaat qularnaarniarlugu akuersissutinik pigisaqartut kikkulluunniit kingusinnerpaamik 30. november 1985 kommunalbestyrelseimut 15. oktober 1985-imi nioqquteqarnermi sassaallernermilu akigititaasunik pisiarinerinilu akiliutigineqartartut angissusnnik allaattuiffimmik tunniussissapput.
§ 3. Nioqquteqarfik 15. oktober 1985 tikilllugu nioqqutigisami saniatigut imiqassanik aalakoornartortalinnik allanik nioqquteqalerniarpat akit qaffasinnerpaaffissaat aalajangiunneqassaaq nioqqutigisassap kimittoqataasa aknnut nallersuuttunngorlugu.
Imm. 2. Imm. 1 malillugu akit aalajangersarneqarnerannut nalornisoorutit Isumaqinninnermi Pisortaqarfimmit aalajangiifiqineqartassapput, taassuma aalajanqiinera allanngortinneqarsinnaanngilaq.§ 4. Akuersissummik pigisaqartup isumagissavaa imerneqarsinnaasut akn tamarmik aalaakkaajussasut. Akit allassimaffiat sutorniartarfinni inissinneqarsimassaaq isersimasunit tamanit takuneqarsinnaasunngorlugu, tak. inatsimmi § 21, imm. 4.
§ 5. Ininut ininulluunnnt ataasiakkaanut nalu- naarummi uani nioqquteqarfinnut pineqartunut atasunut kommunalbestyrelsit sinniisaat isernissamut itigartinneqartussaanngillat, tak. inatsisip § 25-iat.
§ 6. Isumaginninnermi Pisortaqarfik pisinnaatitaavoq nalunaarummi uani nioqquteqarfinnit pineqartunit sukkulluunnnt akit allattorsimaffiat aammalu immaqa naatsorsuutinut takussutissat pissarsiarissallugit.
§ 7. Nalunaarummi uani maleruagassanut unioqqutitsinerit akilnsitsissutigineqarsinnaapput, tak. inatsisip § 24-iat.
§ 8. Nalunaarut manna akuerineqarnermini ingerlaannarluni atulerpoq.
Namminersornerullutik Oqartussat, ulloq 14. november 1985.
Aqqaluk Lynge/
Storch Lange