1985-imi tuttunik eqqisisimatitsinissaq pillugu Namminersornerullutik Oqartussat nalunaarutaat nr. 21, 9. juli 1985-imeersoq.

Inatsisartut inatsisaat nr. 12 22-november 1984-meersoq naapertorlugu inuutissarsiutigalugu piniarneq aallaani-
arnerlu pillugit, aalajangerneqarpoq:

 

1. Tuttunniarneq august-ip aalaqqaataanit september-ip 25-anut kisimi akuerineqarpoq.
Imm. 2. Aalisarnermut Suliffissuaqarnermullu Naalakkersuisoq imm. 1-imi aalajangersagaq saneqqullugu Kangaatsiaq kommunimi akuersissuteqarsinnaavoq marts-ip aallaqqaataanit marts-ip 15-inianut kommunalbestyrelse inassuteqarneratigut .
Imm. 3. Aalisarnermut Suliffissuaqarnermullu Naalakkersuisoq allatut ajornartoornermik pisoqartillugu, soorlu sivisuumik piniagassaasuasoqartillugu imaluunniit aalisarneq sikunik ajornartorsiorneqartillugu, pisinnaavoq killilikkamik tuttunniarnissamik akuersissalluni kommunini ataasiakkaani piffissami marts aallaqqaataanit marts-ip 15-ianut inunnut aalisarnermut , piniarnermut aallaaniarnermullu inuutissarsiutigivillugu allagartalinnut. Radio-kut atuagassiatigullu akuersissutit, taakununngalu atatillugu atuutussat nalunaarutigineqassapput .
Imm. 4. Piniarfissamut naatsorsuutigineqarpoq ulloq siulleq aamma ulloq kingulleq taaneqartut.

2. Inuit piniarnermut aallaaniarnermullu inuutissarsiutigivillugu allagartallit pisinnaapput piffissami 1 imm. 1-timi taaneqarsimasumi tuttuniarsinnaallutik.
Imm. 2. Inuit piniarnermut aallaaniarnermullu saniatigooralugu allagartallit pisinnaapput piffissami 1 imm. 1-imi taaneqartumi tuttunik 8-nik illoqatigiinnut ataatsinut pisaqarsinnaallutik.
Imm. 3. Inuit piniarnermut aallaaniarnermullu nuannariinnarlugu allagartallit aammalu qallunaatut innuttaaqataasut Kalaallit Nunaanni najugaqavissut, pisinnaapput piffissami 1 imm. 1-imi taaneqarsimasumi tuttunik pingasut tikillugit illoqatigiinnut ataatsinut pisaqarsinnaallutik.
Imm. 4. Inunnut, pinngitsooratik piniarnermut allagartamik qinnuteqartussanut, malittarisassat ileqqoreqqusami nr. 543 11. november 1976-imeersumi aallaaniarnermut aalisarnermullu allagartaqarneq pillugu, malittarisassat ileqqorequsami aalajangerneqarsimasut atuupput.

3. Qoorortuuaqqat, timmiarsiutit aammalu aallaasit eqittaannakkat tuttunniarnermi atornissaat inerteqqutaapput.
Imm. 2. Tuttut eqqornerliukkat sapinngisaq malillugu piaartumik ujarneqassapput toqunneqarlutillu.
Imm. 3. Piffissami august-ip aallaqqaataanit september-ip 25-anut qimmit piniarfiusunut nassaqqusaanngillat.
Imm. 4. Kangaatsiap kommuniani piffissami martsip aallaqqaataanit marts-ip 25-anut 1 imm. 2 tunngavigalugu tuttunniarnissamik akuersisoqarsimassappat, ajornartinneqanngilaq qimmit qimuttut atorneqarnissaat. Ingerlaarnermi qimmit pitussimanngitsut nassaqquneqanngillat. Ukiuunerani qamutit motor-illit atornissaat inerteqqutaavoq.

4. Kominunini tuttoqarfiusuni nunataasup tallimariarterutaa tuttoqarfiussaaq eqqisisimatinneqartoq. Taamatut eqqissisimatitsiviusuni ukiup qanoq ilineraniluunniit inerteqqutaavoq.
Imm. 2. Kommunalbestyrelsip aalajangissavaa sumi tuttunik eqqissivissiisoqassanersoq. Eqqissivissiivigineqarsimasut nunap assinganut nalunaarsorneqassapput, naalakkersuisunullu nassiunneqarlutik.

5. Qeqertarsuarmi, Nuussuarmi, Tasiilap kommuniani aammalu Nuup kommuniani Qeqertarsuarmi Qoornullu Qeqertarsuani aamma Avanersuarmi tuttunniarneq inerteqqutaavoq.
Imm. 2. Aalajangersagaq imm. 1 soqutiginagu, Aalisarnermut Suliffissuaqarnermullu Naalakkersuisoq akuersisinnaavoq Qeqertarsuarmi tuttut 35-it pisarinissaannut allagartaliisoqarnissanut piffissami august-ip aallaqqaataaniit september-ip 25-anut.
Imm. 3.Aalajangersagaq imm. 1 soqutiginagu, Aalisarnermut Suliffissuaqarnermullu Naalakkersuisoq akuersisinnaavoq Uummannap Ilulissallu kommuniini Nuussuup Qeqertaasaani tamarmik immikkut tuttut 50-it pisarinissaannut akuersissummik allagartaliisoqarsinnaasoq piffissami august-ip aallaqqaataaniit september-ip 25-anut.
Imm. 4. Aalajangersagaq imm. 1 soqutiginagu, Aalisarnermut Suliffissuaqarnermullu Naalakkersuisoq akuersisinnaavoq Tasiilap kommuniani tuttut qulit pisarisinnaanissaannut akuersissummik allagartaliisoqarsinnaasoq piffissami august-ip aallaqqaataanit septemberip 25-anut.
Imm. 5. Aalajangersagaq imm. 1 soqutiginagu, Aalisarnermut Suliffissuaqarnermullu Naalakkersuisoq akuersisinnaavoq Nuup kommuniani qeqertarsuarmi Qoornullu Qeqertarsuani tuttunik 30-nik akuersisummik allagartaliinikkut pisaqartoqarsinnaasoq piffissami august-ip  aallaqqaataanit marts-ip 15-anut tuttut 10 pisarineqarsinnaallutittaaq. Aammattaaq Naalakkersuisoq akuersissuteqarsinnaavoq tuttut 50-it akuersissummik allagartalerneqarsinnaasut Avanersuarmi piffisami august-ip aallaqqaataanit september-ip 25-anut.
Imm. 6. Akuersissummik allagartat imm. 2 - 5-imi taaneqartut pingaarnerutillugu inunnut inuutissarsiutigivillugu piniartunut aallaniartartunullu tunniunneqassapput. Allagartat kommunalbestyrelsen-it sananeqassapput illoqarfinni KNAPK-p immikkoortortaqarfiisa innersuusinerisigut.

6. Tuttut nassuinik piniarfiusup nalaani kisimi pisinnaavoq.

7. Inerteqqutaavoq pisissalluni imaluunniit allatut ililluni pissarsisalluni tuttunik unioqqutitsilluni pisarineqarsimasunik.

8. Qulaani taaneqartunik aalajangersakkanik unioqqutitsisoqarneq kinguneqarsinnaavoq akiliisitaanermik, tassungalu atatillugu unioqqutitsilluni pisarineqarsimasut neqaat amiilu arsaarinnissutigineqassallutik.
Imm. 2. Tassunga atatillugu Namminersornerullutik Oqartussat nalunaarusiaat nr. 12 2. juli 1981-meersoq tuttunik Kalaallit-Nunaanni eqqisisimatitsineq allannguutaasimasut ilanngullugit atorunnaarsinneqarpoq.




Nuuk, ulloq 9.juli 1985.




Steffen Heilmann

/

Henrik Skydsbjerg