Namminersornerullutik Oqartussat nalunaarutaat nr. 20, julip 9.-aneersoq 1985 inuutissarsiutigalugu kapisilinnik pisarneq pillugu.

Inuutissarsiutigalugu aalisarneq pillugu Inartsisartut inatsisaanni nr. 11 novemberip 21-ani 1984-imeersumi 16 aamma 17 naapertorlugit aalajangerneqarpoq:

 

1. "Kapisilinnik pisineq" nalunaarummi matumani  ima isumaqarpoq inuutissarsiutigalugu kapisilinnik Kalaallit Nunaata nunataani imartaanilu aalisartunit toqqaannartumik pisineq pinerlu.

2. Inuit ingerlatseqatigiillu (selskabet)il.  il. kapisilinniarnermut akuersissummik peqartut kisimik kapisilinnik pisiffigineqaqqusaapput.
Imm. 2. Kapisillit ukiumi ataatsimi kalaallinut pisassarititaasut anguneqareeraangata inunnit ingerlatseqatigiinnillu il.il. kapisilinniarnissamut allagartamik pigisaqartunit kapisilissisoqaqqusaanngilaq.
Imm. 3. Pisassarititaasut nungunneqarpata Aalisarnermut Suliffissuaqarnermullu Naalakkersuisumit tamanna radiokkut avisitigullu nalunaarutigineqassaaq.

3. Angallatiniit (angissusaat apeqqutaatinnagu)   kapisilissinermi ullummoortumik Kalaallit Nunaanni Aalisarsinnnaanermut Akuersissutinut Nakkutilliivimmut  ullup siuliani pisiarisimasat annertussusiinik tunitsitivigineqartoq nalunaaruteqartassaaq.
Imm. 2. Tamanna pisaqarsimanermut nalunaarfissianut allallugu ullut tamaasa nassiunneqassaaq (takuuk nalunaarummi ilanngussaq A) allakkatigut KNAN-imut box 501,   3900 Nuuk. Immersuinermi immersugassamut nalunaarfigissamut naatsorsorneqartassapput angallatinit 26 fods anguinnarlugu angissusilinnit pisiat kapisillit iluitsukkuutaat qanoq oqimaatsiginersut immikkullu aamma angallatinit 26 fods qaangerlugu angissusilinnit pisiat kapisillit iluitsukkuutaat qanoq oqimaatsiginersut. Kapisillit erlaveqanngitsut ilivitsutut oqimaassusilerniarneqarneranni kiilu ataaseq 1,11 kiilutut naatsorsuutigineqassaaq. Imm. 3. Tuniniaaviusuttaaq nalunaarutigissavaa kapisillit ilivitsut amerlassusiat KNAN-imut telefon-ikkut nr. 23299 imaluunniit telex nr.
90400. Tamanna pisassaaq ullut tamaasa nal. 8.00-miit  nal. 10.00-mut (maani nalunaaqutaq malillugu).

4. 2-mik unioqqutitsinerit imaluunniit 3 malillugu paasissutissiinngitsoornerit akiliisitaanermik kinguneqarsinnaapput.

5. Nalunaarut atulissaaq ulloq nalunaarutigineqarfimmini.

6. Kalaallit Nunaanni inuutissarsiutigalugu kapisilinnik pisisarneq il.il. pillugu Kalaallit Nunaannut Ministereqarfiup nalunaarutaa nr. 352 junip 28-ani 1974-imeersoq matumuuna atorunnaarsinneqarpoq.




Nuuk, ulloq 9.juli 1985




Steffen Heilman

/

Henrik Skydsbjerg


Ilanngussaq (pdf-format)