Nalunaarut nr. 19, 28.juni 1985-imeersoq, tassani pineqarluni nalunaarut nr. 9, 7. marts 1985-imeersumi ilinniagaqarnermi tapiissutinut tunngasumik allannguut.

 

§ 1.

Nalunaarut nr. 9-mi 7. marts 1985-imeersumi ilinniagaqarnermi tapiissutinut tunngasumi allannguut una ilanngunneqassaaq:

1. Kapitali 1, § 5, imm. 1 ima allannguuteqarpoq:
"Ilinniartuunersiutit immikkullu tapiissutit qaammammoortumik siumut tunniunneqartarput. Ukiumi tapiissuteqarfiusumi ataatsimi, tassa 1. august-imiit 31. juli-mut, ilinniartuunersiutit immikkullu tapiissutit annerpaamik qaammatini 11-ni tunniunneqarsinaapput. Ilinniartuunersiutit immikkullu tapiissutit nalinginnaasumik qaammammi juli-mi tunniunneqarneq ajorput."

 

§ 2.

Nalunaarut manna 15. juli 1985 atortuulerpoq.

Nuummi, 28. juni 1985.

Josef Motzfeldt

/

Hans Simonsen