Namminersornerullutik Oqartussat nalunaarutit nr. 14, 2. april 1985-imersoq aalisarnermik nakkutilliinermut tunngasoq.

Inatsisartut inatsisaat nr. 11 21. november 1984-imeersoq inuutissarsiutigalugu aalisarnermut tunngasumi § 17 naapertorlugu aalajangersarneqarpoq:

 

§ 1. Nalunaarut Kalaallit Nunaata imartaani aalisarfiusumut atuuppoq.
Imm. 2. Nalunaarummi matumani "Kalaallit Nunaata Kitaa"-nik taasamik pineqarpoq NAFO-p killeqarfia 1, Kalaallit Nunaata imartaata aalisarfianiittoq. "Tunu"-mik taasamik pineqarput ICES-ip killeqarfii II, V, XII aamma XIV Kalaallit Nunaata imartaata aalisarfianiittut.
Imm. 3. Nalunaarut kapisilinniarnermut atuutinngilaq.

 

Angallatit maleruagassanit pineqartut.

§ 2. Nalunaarummi pineqarput angallatit tulliinniittut 80 BT aamma 80 BRT taakkulu qaangerlugit angissusillit (taamaattorli tak. § 9):
a) Angallatit aalisarnermik ingerlataqartut.
b) Angallatit aalisakkanik aalisakkanilluunniit tunisassianik suliarinnittartut.
c) Angallatit aalisakkanik aalisakkanilluunniit tunisassianik nuussivigineqarsimasut Kalaallit Nunaata imartaata aalisarfittaaniit assartuisussanngorlugit.
Imm. 2. Nalunaarummi angallatit angissusii nalunaarsorneqarsimapput uuttueriaatsit folketingip inatsisaa nr. 203 18. maj 1977-imeersoq umiarsuarnik uuttuisarnermut tunngasoq naapertorlugu aalajangersarneqarsimasut malillugit, aamma uuttuisarnermut maleruagassat siusinnerusukkut atuuttut malillugit. Umiarsuup usitussutsimut allagartaa aalajangiisuussaaq angallammut pineqartumut, nalunaarut malillugu usisinnaassutsimut killigitinneqartussap sorliup atorneqarnissaanut.

 

Immamut aalisarfiusumut anngunneq.

§ 3. Angallatit Kalaallit Nunaata imartaanut aalisarfiusumut tikinnissaminnik pilersaaruteqartut taanna pillugu nalunaaruteqassapput (aalisalernermik nalunaarut) siusinnerpaamik tikinnissaq nal.ak. 24-nik kingusinnerpaamillu nal.ak. 12-inik sioqqullugu. Nalunaaruteqarnermi makku ilisimatitsissutigineqassapput:
a) Nalunaarutip suunera (aalisalernermik nalunaarut).
b) Angallatip aqqa.
c) Nuna angallatip nalunaarsorneqarfia.
d) Normu angallatip saneraani allassimasoq.
e) Aalisarsinnaanermut akuersissutip normua.
f) Angallatip radiokkut attaveqarfigineqarsinnaaneranut ilisarnaat.
g) Nalunaaruteqarnerup nalerpiaani angallatip sumiissusia (nalunaarutigineqassapput allorniusat ammukartut sanimukartullu kiisalii decimalminutsit).
h) Pisanik lastimiittoqarpat suussusiat annertussusiallu (suliarineqanngitsut oqimaassusiat), kiisalu taakku sumi pisarineqarsimanerat.
i) Kalaallit Nunaata imartaanut aalisarfiusumut sukkut appakaannissaq (allorniusat ammukartut sanimukartullu nalunaarutigalugit) aamma aalisarneq sumi (tak. ilanngussaq) aallarnerniarneqarnersoq.
j) Aalisarnermik ingerlatsinissamik pilersaarut, tassunga ilanngullugu aalisariaasissaq.
k) Nalunaaruteqarnerup ullua nalunaaqutarlu (GMT).
l) Angallatip naalagaata aqqa.

 

Sapaatip akunneranut nalunaaruteqarneq

§ 4. Angallatit Kalaallit Nunaata imartaata aalisarfittaaniitillutik ataasinngornerit tamaasa nalunaaruteqartassapput (sapaatip akunneranut nalunaaruteqarneq). Umiarsualivimmiinnermi sapaatip akunneranut nalunaaruteqartoqassanngilaq. Sapaatip akunneranut nalunaaruteqarnermi pineqarpoq piffissaq ataasinngornermi nal. 00,01 GMT-imiit sapaammi nal. 23,59 GMT-imut. Sapaatip akunneranut nalunaarut siulleq tunniunneqassaaq immamut aalisarfimmut tikinnerup kingorna ataasinngornermi siullermi, piffissarlu apuuffik aallarnerfigalugu sapaammi nal. 23,59 GMT-imut.
Imm. 2. Sapaatip akunneranut nalunaaruteqarnermi makku ilisimatitsissutigineqassapput:
a) Nalunaarutip suunera (sapaatip akunneranut nalunaaruteqarneq).
b) Angallatip aqqa.
c) Angallatip radiokkut attavigineqarsinnaaneranut ilisarnaat.
d) Nalunaaruteqarnerup nalerpiaani angallatip sumiissusia (nalunaarutigineqassapput allorniusat aminukartut sanimukartullu kiisalu decimalminutsit).
e) Nalunaarummi piffissaq pineqartoq.
f) Piffissami pineqartumi aalisagartat (ilivitsuutillugit oqimaassusiat) suussusii immikkoortiterlugit, aalisarfimmilu sorlermi ilanngussami taaneqartuni pisarineqarsimanerat nalunaarlugu.
g) Piffissami taaneqartumi igeqqitat (ilivitsuutillugit oqimaassusiat), aalisarfimmilu sorlermi ilanngussami taaneqartuni pisarineqarsimanerat nalunaarlugu.
h) Pisanik allamut nuussisoqarsimatillugu (tamatumunnga tunngatillugu tak. inuutissarsiutigalugu aalisarneq pillugu inatsisartut inatsisaanni § 4): Pisat suussusii, annertussusii (nalunaarlugu tunisassiarineqarsimasut oqimaassusiat imaluunniit ilivitsuutillugit oqimaassusiat) aamma suminngaaniit imaluunniit sumut allamut nuunneqarsimanersut. Allamut nuussinermi pineqarput aalisakkat nuunneqarnerat imaluunniit aalisakkanik tunisassianik angallammiit angallammut allamut toqqaannartumik nuussinerit imaluunniit ittujaarsaanerit.
i) Nalunaaruteqarnerup ullua nalunaaqutarlu (GMT).
j) Angallatip naalagaata aqqa.

 

Immamik aalisarfimmik qimatsineq

§ 5. Angallatit Kalaallit Nunaata aalisarfittaanniit qimagunniarlutik pilersaaruteqartut taanna pillugu nalunaaruteqassapput (qimatsinermik nalunaarut) kingusinnerpaamik qimagunnissaq nal.ak. 48-nik sioqqullugu. Nalunaarummi makku ilisimatitsissutigineqassapput:
a) Nalunaarutip suunera (qimatsinermik nalunaarut).
b) Angallatip aqqa.
c) Angallatip radiokkut attavigineqarsinnaaneranut ilisarnaat.
d) Nalunaaruteqarnerup nalerpiaani angallatip sumiissusia (nalunaarutineqassapput allorniusat ammukartut sanimukartullu kiisalu decimalminutsit).
e) Sumi qaqugulu Kalaallit Nunaata imartaata aalisarfittaa qimanneqassanersoq (sumiissuseq nalunaarutigineqassaaq allorniusat ammukartut sanimukartullu).
f) Nalunaarutip ullua nalunaaqutarlu (GMT).
g) Angallatip naalagaata aqqa.
Imm. 2. Kalaallit Nunaata imartaata aalisarfiusup qimanneqarnerani tamanna pillugu nalunaaruteqartoqassaaq (aalisarunnaarnermik nalunaarut). Nalunaarummi makku ilisimatitsissutigineqassapput:
a) Nalunaarutip suunera (aalisarunnaarnermik nalunaarut).
b) Angallatip aqqa.
c) Angallatip radiokkut attavigineqarsinnaaneranut ilisarnaat.
d) Nalunaaruteqarnerup nalerpiaani angallatip sumiissusia (nalunaarutigineqassapput allorniusat ammukartut sanimukartullu kiisalu decimalminutsit).
e) Sapaatip akunnerata siuliani nalunaaruteqarnerup kingorna pisarisat (ilivitsuutillugit oqimaassusiat) suussusii immikkoortiterlugit, aalisarfimmilu sorlermi ilanngussami taaneqartuni pisarineqarsimanerat nalunaarlugu.
f) Sapaatip akunnerata siuliani nalunaaruteqarnerup kingorna igeqqitat suussusii immikkoortiterlugit, aalisarfiimmilu sorlermi ilanngussami taaneqartuni pisarineqarsimanerat nalunaarlugu.
g) Pisanik allamut nuussisoqarsimatillugu (tamatumunnga tunngatillugu tak. inuutissarsiutigalugu aalisarneq pillugu Inatsisartut inatsisaanni § 4): Pisat suussusii, annertussusii (nalunaarlugu tunisassiarineneqarsimasut oqimaassusiat ilivitsuutillugilluuniit oqimaassusiat) aamma suminngaaniit imaluunniit sumut allamut nuunneqarsimanersut. Allamut nuussinermi pineqarput aalisakkat nuunneqarnerat imaluunniit aalisakkanik tunisassianik angallammiit angallammut allamut toqqaannartumik nuussinerit, imaluunniit nunakkoortillugit.
h) Immamut aalisarfiusumut ikinnermiit angallatip pisarisimasai igeqqitaalu (ilivitsuutillugit oqimaassusiat) tamakkerlugit suussusii immikkoortiterlugit, aalisarfimmilu sorlermi ilanngussami taaneqartuni pisarineqarsimanerat nalunaarlugu.
i) Nalunaarutip ullua nalunaaqutarlu (GMT).
j) Angallatip naalagaata aqqa.

 

Umiarsualivimmit aallarneq tikinnerlu

§ 6. Kalaallit Nunaanni umiarsualivimmiit aallalersigani taanna pillugu angallat nalunaaruteqassaaq (aalisalernermik nalunaarut). Nalunaarummi makku ilisimatitsissutigineqassapput:
a) Nalunaarutip suunera (aalisalernermik nalunaarut).
b) Angallatip aqqa.
c) Nuna angallatip nalunaarsorneqarfia.
d) Normu angallatip saneraani allassimasoq.
e) Aalisarsinnaanermut akuersissutip normua.
f) Angallatip radiokkut attaveqarfigineqarsinnaaneranut ilisarnaat.
g) Umiarsualivik aallarfik.
h) Aalisakkat pisarineqarsimasinnaasut lastimiititat suussusii annertussusiilu (ilivitsuutillugit oqimaassusiat), kiisalu sumi pisarineqarsimanerat nalunaarlugu.
i) Pisanik allamut nuussisoqarsimatillugu (tamatumunnga tunngatillugu tak. inuutissarsiutigalugu aalisarneq pillugu Inatsisartut inatsisaanni § 4): Pisat suussusii, annertussusii (nalunaarlugu tunisassiarineqarsimasut oqimaassusiat imaluunniit ilivitsuutillugit oqimaassusiat) aamma suminngaaniit imaluunniit sumut allamut nuunneqarsimanersut. Allamut nuussinermi pineqarput aalisakkat nuunneqarnerat imaluunniit aalisakkanik tunisassiat angallammiit angallammut allamut toqqaannartumik nuussinerit, imaluunniit nunakkoortillugit.
j) Pilersaarusiukkamik aalisarnermik ingerlatsinissaq, tamatumunnga ilanngullugu aalisariaasissaq, aamma aalisarfimmi sorlermi (tak. ilanngussaq) aalisarneq aallarnerniarneqarnersoq.
k) Nalunaaruteqarnerup ullua nalunaaqutarlu (GMT).
1) Angallatip naalagaata aqqa.
Imm. 2. Kalaallit Nunaanni umiarsualivimmut tikitsinnani taanna pillugu angallat nalunaaruteqassaaq (aalisarunnaanermik nalunaarut). Nalunaarummi makku ilisimatitsissutigineqassapput:
a) Nalunaarutip suunera (aalisarunnaarnermik nalunaarut).
b) Angallatip aqqa.
c) Angallatip radiokkut attaveqarfigineqarsinnaaneranut ilisarnaat.
d) Nalunaaruteqarnerup nalerpiaani angallatip sumiissusia (nalunaarutigineqassapput allorniusat ammukartut sanimukartullu kiisalu decimalminutsit).
e) Umiarsualivik tikiffissaq piffissarlu tikiffissatut ilimagineqartut (GMT).
f) Sapaatip akunnerata siuliani nalunaaruteqarnerup kingorna pisarisat (ilivitsuutillugit oqimaassusiat) aalisakkat assigiinngitsukkuutaarlugit aalisarfimmilu sorlermi ilanngussami taaneqartuni pisarineqarsimanerat nalunaarlugu.
g) Sapaatip akunnerata siuliani nalunaaruteqarnerup kingorna igeqqitat (ilivitsuutillugit oqimaassusiat) aalisakkat assigiinngitsukkuutaarlugit aalisarfimmilu sorlermi ilanngussami taaneqartuni pisarisimanerat nalunaarlugu.
h) Pisanik allamut nuussisoqarsimatillugu (tamatumunnga tunngatillugu tak. Inatsisartut inatsisaanni inuutissarsiutigalugu aalisarnermut tunngasumi § 4): Pisat suussusii, annertussusii (nalunaarlugu tunisassiarineqarsimasut oqimaassusiat imaluunniit ilivitsuutillugit oqimaassusiat) aamma suminngaaniit imaluunniit sumut allamut nuunneqarsimanersut. Allamut nuussinermi pineqarput aalisakkat nuunneqarnerat imaluunniit aalisakkanik tunisassianik angallammiit angallammut allamut toqqaannartumik nuussinerit imaluunniit nunakkoortillugit.
i) Aalisalernermik nalunaaruteqarnerup siuliata kingorna angallatip pisarisimasai igeqqitaalu tamakkerlugit, aalisakkat assigiinngitsut immikkoortiterlugit (ilivitsuutillugit oqimaassusii) aalisarfimmilu sorlermi ilanngussami taaneqartuni pisarineqarsimanersut nalunaarlugu.
j ) Nalunaaruteqarnerup ullua nalunaaqutarlu (GMT).
k) Angallatip naalagaata aqqa.

 

Sumiissutsimik nalunaarut

§ 7. Aalisalernermik nalunaaruteqareernerup kingorna (tak. § 3, imm. 1, aamma § 6, imm. 1) angallallat nal. 08.00-ip 10.00-illu (GMT) nalunaaruteqarnerup nalerpiaani sumiissutsiminik nalunaaruteqassaaq (sumiissutsimik nalunaarut). Nalunaarummi makku ilisimatitsissutigineqassapput:
a) Nalunaarutip suussusia (sumiissutsimik nalunaarut).
b) Angallatip aqqa.
c) Angallatip radiokkut attavigineqarsinnaaneranut ilisarnaat.
d) Nalunaaruteqarnerup nalerpiaani angallatip sumiissusia (nalunaarutigineqassapput allorniusat ammukartut sanimukartullu kiisalu decimalminutsit).
h) Nalunaaruteqarnerup ullua nalunaaqutarlu (GMT).
f) Angallatip naalagaata aqqa.
Imm. 2. Angallatit Kitaaniittut Tunumut killeqarfimmik qaangiigunik ilua-tungaanulluunniit pigunik nalunaaruteqassaapput (sumiissutsimik nalunaarut). Nalunaarummi makku ilisimatitsissutigineqassapput:
a) Nalunaarutip suunera (sumiissutsimik nalunaarut).
b) Angallatip aqqa.
c) Angallatip radiokkut attaveqarfigineqarsinnaaneranut ilisarnaat.
d) Aalisarfimmi sorlermi (tak. ilanngussaq) aalisarnerup aallarnerneqassamaarnera.
e) Nalunaaruteqarnerup ullua nalunaaqutarlu (GMT).
f) Angallatip naalagaata aqqa.

 

Nalunaarutinik nassiussineq

§ 8. §§ 3-miit 7-imut naapertorlugit nalunaarutit kalaallisut, qallunaatut tuluttulluunniit oqaasertaqartinneqassaapput.
Imm. 2. Nalunaarutit nalunaarasuaatigineqassapput sinerissamiluunniit radio atorlugu oqarasuaatigineqassallutik Kalaallit Nunaanni Aalisarsinnaanermut Akuersissutinik Nakkutilliivimmut (telegramadressea: LICENS-KON).
Imm. 3. Angallat imm. 2-mi taaneqartutut nalunaaruteqarsinnaanngikkunik paasissutissat allakkasuaatikkut nassiunneqarsinnaapput (allakkasuaatip normua 90400). Taamaattoqartillugu kisitsisit tamarmik, sumiissutsimik nalunaarneq ilanngullugu, allanninngorlugit erseqqissarneqassapput_f taakku kingornisigut ungaluusikkanik kisitsisitalerlugit (assersuutigalugu: 1010 kg saarulliit, imatut "en nul en nul (1010) kg saarulliit").

 

Angallatip allattaavia logbogi

§ 9. Aalisariutit 50 BT-illit 50-BRT-illillu taakkulu qaangerlugit angissusillit angallatit allattaaviannut logbogimut allattuisussaapput, ullullu tamaasa paasissutissat makku ilanngunneqartassallutik:
a) Kilisalluni aallartinnerit tamaasa, imaluunniit ningittakkernermi qassusernermiluunniit sumiissuseq (nalunaarlugu allorniusat ammukartut sanimukartullu kiisalu decimalminutsit).
b) Ulloq-unnuarlu qaangiuttumi kilisannerit (imaluunniit ningittakkernerit qassusernerilluunniit) tamaasa pisat annertussusii, igeqqitat ilanngullugit, aalisakkat suussusii immikkoortiterlugit.
c) Ulloq-unnuarlu qaangiuttumi kilisannerit (imaluunnii ningittakkernerit qassusernerilluunnit) tamaasa piniarnermut atortut atorneqartut suussusii.
d) Aalisarnermi pisaqarsinnaassuseq, tassa qassutit, oqummersat kilisannerilluunniit amerlassusii, piffissarlu aalisarnermut atortut kilisannerni (ningittakkernerni qassusernerniluunniit) ataasiakkaani atuuffigisimasaat.
e) Ulloq-unnuarlu qaangiuttumi pisat qanoq atorneqarsimanerat, tassa suut tunisassiarineqarsimanersut, kiisalu igeqqitat.
f) Piniariarnermi pineqartumi angallatip pisarisai tamakkerlugit, igeqqitat ilanngullugit, aalisakkat suussusii immikkoortiterlugit aalisarfimmilu sorlermi ilanngussami taaneqartuni pisarineqarsimanersut nalunaarlugu.
Imm. 2. Imm. 1., b)-mi, e)-mi aamma f)-imi taaneqartunik igeqqitaqarsimatinnagu taanna nalunaarutigineqassaaq imaallillugu "igeqqitaqanngilaq" imaluunniit "0".
Imm. 3. Kalaaliunngitsut angallataat (tak. Inatsisartut inatsisaanni inuutissarsiutigalugu aalisarnermut tunngasumi § 5) angallatit allattaaviannik immersuinerminni immersugassaq ilanngussaq Il-mi EF-kommissionip peqqussutaani nr. 2807/83-imi 22. september 1983-imeersumi taaneqartumut assingusoq atussavaat. Kalaallit aalisariutaasa (tak. Inatsisartut inatsisaanni inuutissarsiutigalugu aalisarnermut tunngasumi § 3) immersugassaq aamma taanna atorsinnaavaat.
Imm. 4. Angallatip allattaaviata assilineqarnera aalisariareernerit tamaasa ullu 14-it qaangiutsinnagit Grønlands Fiskeri- og Miljøundersøgelser, Tagensvej 135, 2200 København N-imut nassiunneqartassaaq. Taamatuttaaq Kalaallit Nunaanni Aalisarsinnaanermut Akuersissutinik Nakkutilliivik nassinneqarnissamik piumasaqarsinnaavoq.
Imm. 5. § 9-mi aalajangersakkat uiluinniarnermi saattuarniarnermilu atunngillat.

 

Ittujaarsineq.

§ 10. Angallatit § 2, imm. 1, b)-mi aamma c)-mi taaneqartut tunisassiarineqarsimasunik ittujaarsaarissapput tunisassiarineqarsimasut suussusii immikkoortiterlugit. Assigiit lastimi assigiinngitsunut iliorarneqarsinnaapput, nalunaarsornerili erseqqilluinnartuussapput. Kinguppaalli qalipaajakkat qalipaajarneqanngitsunit immikkoortinneqassapput.
Imm. 2. Angallatit soorlu imm. 1-imi taaneqartoq ittujaarsaarinermik pilersaarasiussapput tunisassiat lastimi inissinneqarsimanerat tunisassiallu annertussusii umiarsuarmiitinneqartut tonsinngorlugit takuneqarsinnaanngorlugit.
Imm. 3. Aalisarnermut allattaaviit ittujaarsaarinermullu pilersaarutit qaamatisiutit malillugit ukiumut matumunnga atuuttut tamarmik angallammi pigineqassapput. Aamma taamatut 1. januar 1986-imiit qaammatisiutit malillugit ukiup siulianut atuuttut.

 

Usingiaaneq.

§ 11. Angallatip Kalaallit Nunaata imartaani aalisarsimasup usingiarneqarata imaluunniit aalisakkanik aalisakkanilluunniit tunisassianik immamiit aalisarfiusumiit assartuinerata kingorna ullut 14-it qaangiutsinnagit Kalaallit Nunaanni Aalisarsinnaanermut Akuersissutinik Nakkutilliivik, Postbox 501 , 3900 Nuuk uppernarsaammik nassiussivigineqartassaaq.
Imm. 2. Uppernarsaammi aalisakkat aalisakkanillu tunisassiat annertussusiinik tamarmiusunik paasissutissaqassaaq, suuneri sunullu tunisassiarineqarsimaneri immikkoortiterlugit. Tassunga ilanngunneqassapput paasissutissat ukununnga tunngasut:
a) Ulloq angalanerup aallarnerfia naaffialu.
b) Ulloq Kalaallit Nunaata imartaanut aalisarfiusumut tikiffik qimaguffillu.
c) Ullut Kalaallit Nunaanni umiarsualivinnut tikiffiit allarfiillu.
Imm. 3. § 11-mi aalajangersakkat atuutilissapput augustip 1-ani 1985.

 

Angallatit mikinerusut pisaannik tigusineq

§ 12. Angallatit aalisakkanik imaluunniit aalisakkanik tunisassiassani angallatinit 80 BT-init aamma 80 BRT-init (tak. Inatsisartut inatsisaanni inuutissarsiutigalugu aalisarnermut tunngasumi § 4) mikinerusunit suliarineqartussanik tigusaqartut suliffeqarfittulli Kalaallit Nunaannut ministereqarfiup nalunaarutaani nr. 326-imi 7. januar 1979-imeersumi aalisariutit mikinerususut pisaannik nalunaaruteqartarnermut tunngasumi suliffeqarfit taaneqartutulli taanna pillug paasissutissiisassapput.

 

Pineqaatissat

§ 13. Nalunaarummi aalajangersakkanik unioqqutitsineq akiliisitaanermik kinguneqarsinnaavoq. Suliassat tassunga tunngasut Inatsisartut inatsisaanni inuutissarsiutigalugu aalisarnermut tunngasumi maleruagassat malillugit aamma suliarineqartussaapput.

 

Atortuulernera

§ 14. Nalunaarut atortuulerpoq 1. maj 1985.
Imm. 2. Taanna ilutigalugu atorunnaarsinneqarput Kalaallit Nunaannut ministereqarfiup nalunaarutai nr. 47, 8. februar 1977-imeersoq nunat EF-imut ilaasortaanngitsut Kalaallit Nunaata imartaani aalisarfiusumi aalisartunik nakkutigineqarnerannut tunngasoq aamma nr. 166 12. april 1978-imeersoq Kallaallit Nunaata imartaata aalisarfittaani aalisartunik nakkutilliinermut tunngasoq.

Nuuk, aprilip 2-at 1985

Lars Emil Johansen

/

Einar Lemche

---

Ilanngussaq (pdf-format)