Namminersornerullutik Oqartussat nalunaarutaat nr. 5, 9. januar 1985-imeersoq januar 1985-imi aalisagartassarititanut tunngasoq.

Inatsisartut inatsisaat nr.ll 21. november 1984-imeersoq inuutissarsiutigalugu aalisarnermut tunngasumi 7, 8 aamma 14 naapertorlugit aalajangersarneqarpoq:

 

1. EF- Rdip peqqussutaanut (EF) nr. 2/85 19. december 1984-imeersumut Kalaallit Nunaata imartaani 1985-imi aalisagartassat agguataarneqarnerannut tunngasumut akerliusumik aalisartoqassanngilaq.

2. EF-Rdip peqqussutaanut (EF) nr. 4/85 aamma 5/85 19. december 1984-imeersunut nungutsaaliuinermut qanoq-iliuusissanut aalajangersimasunut aamma angallatit norskit erfalasuannik erfalasullit kiisalu angallatit Savalimmiuni nalunaarsorneqarsimasut aalisakkanik pisuussutinik atuisussat nakkutigineqarnerannut 1985-imut aalajangersakkanut tunngasunut akerliusumik aalisartoqassanngilaq.

3. 1 aamma 2-mi peqqussutit malillugit angallatit aalisarsinnaasut matumuuna akuersissummik tunineqarput. Akuersissutit nalunaarutip atuuffiani atorneqarsinnaapput.

4. Nalunaarummi aalajagersakkanik unioqqutitsineq akiliisitsinermik kinguneqarsinnaavoq. Suliassat tassunga tunngasut Inatsisartut inatsisaat inuutissarsiutigalugu  aalisarnermut tunngasoq malillugu aamma suliarineqartassapput.

5. Nalunaarut saqqummiunneqarnermini atortuulissaaq.
Imm. 2. Nalunaarut januar 1985-ip naanissaanut atuuppoq.




Nuuk, ulloq 9. januar 1985.




Jonathan Motzfeldt

/

Emil Abelsen