Namminersornerullutik Oqartussat nalunaarutaat nr. 3, 3.januar 1985-imeersoq saattuarniarnermut tunngasoq.
Inatsisartut inatsisaanni nr. 11 21. november 1984-imeersumi inuutissarsiutigalugu aalisarnermut tunngasumi §§ 8, imm. 2 aamma 3, 9, 10, 12 aamma 14 najoqqutaralugit aalajangersarneqarpoq:
§ 1. Nalunaarut Kalaallit Nunaata aalisarfittaani inuutissarsiutigalugu saattuarniarnermik ingerlatsisunut, inunnut piginneqartigiiffinnullu Kalaallit Nunaanni aalisarsinnaanermik akuersissuteqartunut atuuppoq.
Imm. 2. Nalunaarummi angallatit angissusii allassimapput uuttueriaatsit inatsit nr. 203-mi 18. maj 1977-imi umiarsuarnik uuttuisarnermut tunngasumi aalajangersakkat naapertorlugit. Angallatip usisinnaassusia aalajangiisuussaaq nalunaarut malillugu angallatip pineqartup angissusianut killigitinneqartup sorliup atorneqarnissaanut.§ 2. Saattuarniarsinnaaneq saattuarniarsinnaanermik akuersissummik tunngaveqartinneqassaaq.
Imm. 2. Akuersissut qaammatisiutit malillugit ukiuusumut qinnutigineqartassaaq. Qinnuteqaat imm. 3-imi paasissutissanik ilallugu Naalakkersuisunut ilaasortamit tiguneqareersimassaaq kingusinnerpaamik 5. december qaammatisiutit malillugit ukiumi siuliani. 1985-imi qinnuteqarnissaq killeqarpoq 15. januar 1985. Immikkut ittumik peqqutissaqartillugu killigititaq taanna Naalakkersuisunut ilaasortap qinnuteqaatini ataasiakkaani allanngortissinnaavaa.
Imm. 3. Qinnuteqaat immersugassamut nalunaarummut matumunnga ilanngunneqartumut immersorneqassaaq.
Imm. 4. Umiarsuarnut BT 50-ilinnut 50 BRT-linnullu pisassarisinnaatitat annerpaaffissaat aalajangersarneqassaaq. Aamma taamatut umiarsuit umiarsuarmi tunisassiornissamut akuersissuteqarfigineqarsimasut, apeqqutiginagu qanoq angitiginerat.
Imm. 5. Akuersissutinik tunniussinissamut piumasarineqarpoq angallatip inuttaasa minnerpaamik 70 %-iisa Kalaallit Nunaanni aalajangersimasumik ukiuni marlunni najugaqarsimanissaat najugaqartuarnissaallu kiisalu kalaallinut inuiaqatigiinnut aalajangersimasumik attuumassuteqarnissaat aalisarnermillu inuutissarsiuteqavilluni ingerlataqarnermik uppernarsaateqarnissaat. Piumasarisap naammassineqarsimaneranut uppernarsaat piniariareernerit tamaasa Kalaallit Nunaanni Aalisarsinnaanermut Akuersissutinik Nakkutilliivimmut nassiunneqartassaaq.
Imm. 6. Akuersissuteqarnermi piumasarineqarpoq pisat agguataarnerisa aalajangersimasut nunami tunisassiorfinni tunisassiassanngorlugit tulaanneqartarnissaat. Akuersissummi aamma piumasarineqarsinnaavoq nunami tunisassiorfinnut aalajangersimasunut tunisaqarnissaq.
Imm. 7. Immikkut peqqutissaqartillugu imm. 5-imi 6-imilu aalajangersakkat Naalakkersuisunut Ilaasortap atunngitsoortissinnaavai.§ 3. Akuersissummik piginnittup toqunerani, piginneqartigiiffiup akuersissummik piginnittup atuukkunnaarnerani angallatilluunniit akuersissummik piginnittup tunineqarnerani annaanneqarsinnaajunnaarluniluunniit umiunerani akuersissut atorunnaarsinneqassaaq, isumaliutigineqaqqissinnaallunili paasineqarpat piumasarineqareersimasut nutaamik akuersissutitaarnissamut naammassineqarsimanersut.
Imm. 2. Akuersissut umiarsuarmiitinneqassaaq.§ 4. Pisassat annertunerpaaffissaat akuersissummi aalajangersarneqarsinnaapput piffissallu qanoq-ilineraniaalisarfimmi sumilu pisarineqarnissaat agguataarneqarsinnaallutik. Taamaaliornermi tunulequtarineqassapput pisarineqarsinnaatitaasut annertussusiinik, angallatit pisaqarsinnaassusiinik nunallu sua-tungaani aalisarnerup pitsaanerusumik ineriartortinneqarnissaanik nalileereernikkut.
Imm. 2. Naalakkersuisunut ilaasortamit imm. 1-imi pisassaritinneqartut annertussusissaattut aalajangerneqarsimasut allanngortinneqarsinnaapput, pisassaritinneqartut tamarmiusut aalajangiivigineqarneranni pisassaritinneqartut tamarmiusut pisarineqarnissaat eqqarsaatigalugu Naalakkersuisunut Ilaasortap naliliinera malillugu allannguuteqartitsinissaq pisariaqartinneqarpat. Aamma taamatut allanngortitsisoqarsinnaavoq piffissaq aalisarfiillu aalajangersimasut eqqarsaatigalugit.
Imm. 3. Aalisarneq taamaatinneqassaaq pisassat annertussusii imm. 1-imi 2-milu aalajangerneqarsimasut pisarineqarpata, imaluunniit imm. 1-imi 2-milu aalajangersakkat malillugit qanoq-iliuuseqartoqartariaqarpat. Aalisarnerli kingusinnerpaamik taamaatinneqassaaq Naalakkersuisunut ilaasortaq radio-kkut tusagassiuutitigulluunniit taanna pillugu nalunaaruteqarpat. Piffissamut aalisarfinnullu aalajangersimasunuinnarnulli taamatut nalunaaruteqarneq attuumassuteqarsinnaavoq.§ 5. Ministereqarfiup nalunaarutaani nr. 629-imi 22. december 1976-imeersumi amma nr. 176-imi 14. maj 1980-imeersumi Kalaallit Nunaata aalisarfittaanut tunngasumi aalajangersakkat najoqqutaralugit tunngaviusumik killigititamiit 3 sømilinik ilorpasinnerusup sinerissallu akornani angallatit BT 80-illit 80 BRT-llillu taakkunanngalu annerusut saattuarniarsinnaatitaanngilImm. 2. Immikkut peqqutissaqartillugu Naalakkersuisunut Ilaasortaq tunngaviusumik killigititamiit 3 sømilinik ilorpasinnerusumi kalaallit angallataannut pioreersunut BT 80-ilinnut 80 BRT-linnullu taakkunanngalu annerusunut aalisarsinnaanermut akuersissuteqarsinnaavoq, taamaaliorneq pisuussutit uumassusillit angallatillu pisaqarsinnaassusiisa atorluarneqarnissaat eqqarsaatigalugit iluaqutaappat.
§ 6. Saattussat arnavissat saattussallu qatikkamikkut 9 cm-imik mikinerusut angallammiitinneqaannaratik avalatseqqinneqartassapput.
§ 7. Allunaasat pullataasallit 1000 meterit sinnerlugit takissuseqassanngillat imminnullu uiguleriissinneqassanatik. Allunaasat pullataasallit 200 meterikkaarlugit erseqqissumik puttasunik nalunaaqutserneqassapput.
Imm. 2. Isuini nalunaaqutai puttasut qajannaarluarlugit ikkunneqassapput. Nalunaaqutillu allunaasartai naleqquttumik takissuseqartinneqassapput puttaannartumik allunaasartaqartinnagit umiarsuarnut angallattunut ajoqutaasinnaasunik.§ 8. Immersugassaq Inuutissarsiornermi Pisortaqarfimmi pissarsiarineqarsinnaasoq atorlugu allattuisoqartassaaq. Piniariareernerit tamaasa immersugassaq uunga nassiunneqassaaq: Aalisarsinnaanermut Akuersissutinik Nakkutilliivik, Postbox 501, 3900 Nuuk.
§ 9. Nalunaarummi matumani aalajangersakkanik unioqqutitsineq akiliisitaanermik aamma/imaluunniit akuersissummik arsaagaanermik kinguneqarsinnaavoq. Suliassallu tassunga tunngassuteqartut Inatsisartut inatsisaanni inuutissarsiutigalugu aalisarnermut tunngasumi maleru agassat malillugit suliarineqartassapput.
§ 10. Nalunaarut manna atortuulerpoq 3. januar 1985.
Nuuk, ulloq 3. januar 1985.
Lars Emil Johansen/
Emil Abelsen
Ilanngussaq 1 (pdf-format)
Ilanngussaq 2 (pdf-format)