Namminersornerullutik Oqartussat nalunaarutaat nr. 2, 10. januar 1985-imeersoq angalanermi ineqarnermilu, aningaasarsiassaagaluit annaasat taartisissutaasarnissaasa ataatsimiinnersiutillu ilageeqarnermi qinikkat ataatsimiissatillugit matussutissaqartinneqarnissaannut tunngasoq.
Namminersornerullutik Oqartussat peqqussutaat nr. 2 30. marts 1982-imeersoq Kalaallit Nunaanni ilageeqarnermut tunngasup paragraffiisa 1-at imm. 1 malillugu ilagiit siulersuisui ima aalajangersaapput:
Kapitali 1.
Ilagiinni ataatsimiinnissat pilersaarusiortarnissaannut.§ 1. Ilagiit sinniisuini ataatsimiinnissat nunaqarfimmi illoqarfimmiluunniit ilaasortat najugaqarfigisaanni ataatsimiittarnissat sapinngisamik suliffiup avataani ingerlanneqartassapput.
Imm. 2. Palaseqarfiup siulersuisuisa ataatsimiittarnissaat illoqarfimmiitinniarneqartassapput sapinngisamillu suliffiup avataani pisassallutik.
Imm. 3. Ataatsimiittarnissat ilageeqarnermut tunngasut allat nalunaarummi matumani aaliangersakkanut attuumassuteqarsorinartut tamatigut ilagiit siulersuisoqarfianni immikkut ittumik aaliangiineqareerneratigut pisassapput.
Kapitali 2.
Angalanerup allallu akilerneqartarnissaat.§ 2. Ilageeqarnermi qinikkat ataatsimiititalialluunniit ataatsimiinnissaannut peqataajartorluni angalanerni aningaasartuuteqarnerunermut matusissuteqartoqarsinnaavoq (ullormusianik unnuinersiutinillu) Kalaallit Nunaanni atorfillit tamakkua tungaasigut pineqartarneranni aalajangersakkat malillugit.
Imm. 2. Aammattaaq angallannermi periarfissaq akikinnerpaaq atorlugu akeqanngitsumik angalasoqarsinnaavoq. Taamatut pisoqarsinnaanngittaraangat angallammik attartortoqarsinnaavoq soorlu qaannamik, qimussimik angallammilluunniit akitigut isumaqatigiinniartartut piniartullu peqatigiit kattuffiata isumaqatigiissutaat malillugit akilerneqartartussanik. Timmeralaannik umiatsianilluunniit sukkasuulianik (nal. akunneranut 20 knob sinnerlugit sukkassusilinnik) attartorneq akinik isumaqatigiinniartartut piniartullu peqatigiit kattuffiata isumaqatigiissutaannut ilaanngitsunik akikinnerpaamik isumaqatigiissuteqarnikkut pisinnaavoq, angallatip isumannaallisaanikkut annanniuteqarnikkullu pisatai pissusissamisoorsimappata piginnittorlu angallammut kikkulluunniit akornuseriataarnissaannut navialeriataarnissaannullu sillimmaserneqarsimappat.
Imm. 3. Nammineq angallat akinik isumaqatigiinniartartut KNAPK-llu isumaqatigiissutaasa iluanni atorneqarsimagaangat ingerlaarnerit kisimik akilerneqartassapput, taamaasilluni isumaqatigiissutit malillugit utaqqinermissaaq akissarsiassaagaluit, minnerpaamik attartorsinnaaneq nal. akunnerisalu siullit arfineq-pingasut 50%-imik tapeqartitaasarnerat pineqarsinnaassa-
natik. Nammineq timmeralaaq angallatigisarluunniit sukkasuuliaq atorsimagaanni akinik isumaqatigiinniartartut KNAPK-ilu isumaqatigiissutaanni allassimanngitsoq ingerlatissaq atugaq 50 procentimik qalleqqiusiinnarlugu pissarsiarineqartassaaq paasissutissat takussutissartallit soorlu motoorip sakkortussusia qanoq sivisutigisumik ingerlasimaneq ornitallu ungasissusia najoqqutaralugit. Qajaq qimmilluunniit namminerisat atorsimagaanni isumaqatigiissutit malillugit akissarsissutaasinnaapput taamaattorli qajartortut qimussersullu eqqarsaatigalugit ullormusiassat nal. akunnermusiassallu pineqarsinnaassanatik. Namminerisamik snescooterersimagaanni ingerlatissaq atugaq 50 procentimik qalleqqiuserlugu uppernarsaatissat tunngavigalugit pissarsiarineqarsinnaapput.
Kapitali 3.
Ataatsimiinnersiutit, aningaasarsiassat aaliangersimasut suliffimmilu aningaasarsiassaagaluanut annaasanut taartisiassat allallu.§ 3. Ilagiit sinniisuisa palaseqarfiilluunniit siulersuisuisa ataatsimiinneranni ataatsimiinneq nal. ak. sisamat sinnerlugit sivisussuseqarsimasaraangat ilaasortamut ataatsimut kr. 166,00 akitsuutisiassat ilanngunnagit akiliutigineqartassapput. Ataatsimiinnerulli nal. ak. sisamat ataassimagaangagit taaneqartup affaanik tunineqartassallutik. Taamaattorli ukiup ataatsip ingerlanerani annerpaamik ataatsimiinnerit marluk nal. ak. sisamat sinnerlugit sivisussusillit imaluunniit ataatsimiinnerit sisamat nal. ak. sisamat inorlugit sivisussusillit ilagiit sinniisuini palaseqarfiilluunniit siulersuisuini ataasiakkaani ataatsimiinnersissutaasinnaapput.
Imm. 2. Ilagiit siulersuisuisa ilageeqarnermi qinikkani ataatsimiititalianilluunniit ataatsimiittoqartillugu imm. 1-imi taaneqartut saniatigut aaliangertarsinnaavaa ataatsimiinnersiutisisoqartassanersoq.§ 4. Ilagiit sinniisuisa ilagiit siulersuisuini ilaasortassatut qinigaat qaammammut tapeqartinnatik 800,00 kr,-nik aningaasarsiaqartinneqassaaq.
§ 5. § 3-mi taaneqartunut ataatsimiinnernut ataatsimiinnernullu allanut ilagiit siulersuisuisa pisariaqartitsinerat naapertorlugu pisariaqalersinnaasunut tamak kununngalu attuumassuteqartumik angalanerni suliffimmi aningaasarsiassaagalugit annaasat taartisissutaasinnaapput.
Imm. 2. Suliffillit peqannginnerminni taartisiassaat feriarnersiassaminni annaasassaat ilanngullugu sulisitsisuisa naatsorsortassavaat.
Imm. 3. Namminersorlutik inuutissarsiortut allallu tamatumunnga eqqaanartumik inuatissarsiutillit nunaqarfimminni suliffiup nalaani ataatsimiittaraangamik tapeqanngitsumik 190,00 kr,-nisisassapput. Ataatsimiinnerni angalanerniluunniit allani ullormut tapeqanngitsumik 380,00 kr.-it aningaasarsiarineqartassapput.
Imm. 4. Aappariit inooqatigiilluunniit namminersorluni inuutissarsiortumi suliffimmiluunniit ikiortaasut iram. 3-mi taaneqartutut pissaqartinneqarsinnaapput.
Imm. 5. Ilaasortat imm. 2-4-mi taaneqartut malillugit pisassaqartitaanngikkaluartut ataatsimiinnerup nalaani meeqqamik paaritinnerannut akiliutimik uppernarsaataat malillugit taarsiivigineqarsinnaapput.
Kapitali 4.
Akitsuutisiat, atortussanngortitsinermi aaliangersakkat allallu.§ 6. Aningaasarsiassat akitsuutitaqanngitsut § 3, 4 aamma 5-imi taaneqartut april-ip oktober-illu aallaqqaataani akitsuuserneqartarput Kalaallit Nunaanni akit naatsorsorneqarnerat najoqqutaralugu (januar 1984 100-mik nalilerlugu) tassannga nikingassummut qaninnerusumut iluarsiineqartarmat.
§ 7. Ataatsimiinnersiutissat allagartaat ataatsimiinnermi siulersuisumit atsiorneqartassapput.
§ 8. Ilagiinni atorfillit allallu ulloq naallugu sulisartut suliaminnut atatillugu ataatsimeeqataassagaangamik uani aaliangersakkami pineqanngillat.
§ 9. Ilagiit siulersuisuisa pisariaqalersoqartassagaluarpat aaliangersakkami uani pineqartut kaajallaasitatigut tamakkununngaluunniit eqqaanartumik nalinginnaasumik aaliangersakkatigut tapiissuteqarfigisarsinnaavaat.
§ 10. Nalunaarut una februar-ip 1-anni 1985-imi atortuulerpoq.
Imm. 2. Tamatumunnga peqatigitillugu ilagiit siulersuisuisa kaajallaasitaat nr. 1/82 26. april 1982-imeersoq atorunnaarpoq.
Namminersornerullutik Oqartussat, ulloq 10. januar 1985
Stephen Heilmann/
Kr.Mørch