Nioqqutissat Kalaallit Nunaannut eqqunneqartartut tassanngaanniillu anninneqartartut nalunaarsorneqarnerat nakkutigineqarnerallu pillugit Inatsisartut inatsisaat nr. 6, 16. november 1984-imeersoq.
Kapitali 1
Nalunaarsuineq§ 1. Nioqqutissat Kalaallit Nunaannut eqqunneqartut tassanngaanniillu anninneqartut Den kongelige grønlandske Handel-imut nalunaarutigineqartassapput, aalajangersakkanik immikkut ittunik allanik ilaqartinneqanngippata.
Imm. 2. Nioqqutissat suunerisa nalunaarutiginerini, nioqqutissat suunerinut sunillu sanaajunerinut paasissutissat, nunanik allanik niueqateqarnermi kisitsisit atorlugit nalunaarusiortussaanermi pisariaqartinneqartut aamma immikkut ittumik aalajangersakkat eqqussinermut-, annissinermut-, aqqusaarsinermullu tunngasut, assigiinngitsunik pissuteqartumik, soorlu aningaasat naliinut, peqqinnissamut, isumannaallisaanermut, uumasut nappaataannut, naasut nappaataannut tunngasut, imaluunniit allanik pissuteqartumik nioqqutissat ilaannut aalajangersarneqarsimasut nakkutiginissaannut atugassat nalunaarneqarsimassapput.§ 2. Naalakkersuisut aalajangersaassapput malittarisassanik erseqqinnerusunik, kina nioqqutissanik Den kongelige grønlandske Handel-imut nalunaaruteqartuusassanersoq aammalu paasissutissiissutit nalunaarutillu qanoq erseqqinnerusumik uppernarsarneqassanersut malittarisassiullugit.
Imm. 2. Nioqqutissat suunerisa nalunaarutigineqarnerini il.il. allattuivissiat, immikkoortulersorlugit titarnilersorneri Den kongelige grønlandske Handel-imit aalajancfersarneqartussat atorneqassapput.§ 3. Naalakkersuisut aalajangersinnaavaat, nioqqutissanik pisartuullutillu nassitsisartut Kalaallit Nunaanni nunaqavissut, inuutissarsiornermut tunngasunik siunertaqartumik nioqqutissanik eqqussisarnermik annissisarnermillu ingerlataqartut Den kongelige grønlandske Handel-imut nalunaartassasut.
§ 4. Den kongelige grønlandske Handel-ip paasissutissiissutit tigusani nioqqutissat amerlassusaannut, suunerinut, naleqassusiinut, sunit pisuunerinut, nioqqutissat kalaalliit Nunaanni sumut ingerlasussatut eqqunneqarlutillu sumit anninneqarnissaannut tunngasut Danmarks Statistik-imut ingerlateqqittassavai.
Kapitali 2
Nakkutilliineq§ 5. Inatsimmi matumani nalunaarsuinissamik aalajangersakkat, kiisalu inatsisini allani Kalaallit Nunaannut nioqqutissanik eqqussinissamik tassanngaanniillu annissinissamik inerteqquteqarneq pillugu aalajangersakkat malinneqarnerinik nakkutilliineq Den kongelige grønlandske Handel-imit suliarineqassaaq, taamaattoq tak. Imm. 2.
Imm. 2. Ilaasunik ilaasullu nassataannik nakkutilliineq Kalaallit Nunaanni politi-nit suliassarineqarpoq Justitsminister-eqarfimmik isumaqatigiissut naapertorlugu.
Imm. 3. Justitsminister-eqarfimmik isumaqatigiissutit naapertorlugit Den kongelige grønlandske Handel-ip imm. 1 malillugu nakkutilliinermik suliaqarnerani politi-t ikiuutissapput tamatumunnga pisariaqartitsineq naapertorlugu.§ 6. Nalunaarsuinerup aamma nioqqutissat eqqussat annissallu nakkutiginerini nakkutilliinermut pisortaqarfiit pisinnaatitaaffeqarput §§-ini 9-11-mi Kalaallit Nunaannut nioqqutissat eqqunneqartut akitsuuserneqartarneri pillugit Inatsisartut inatsisaanni nr. 7-imi 23. 10.1979-imeersumi taaneqartunik.
Imm. 2. Niuernermik ingerlassaqartunik § 3-mi taaneqartunik nakkutilliinerup assinganik Inatsisartut inatsisaanni nr. 7-imi 23.10.1979-imeersumi § 12 imaqarpoq.
Imm. 3. Nakkutilliinerup qanoq ingerlannissaanik malittarisassat Naalakkersuisut aalajangersartassavaat.
Kapitali 3.
Aalajangersakkat allat.§ 7. Den kongelige grønlandske Handel-i pisinnaatinneqassaaq nioqqutissat sumit pinerinik, Kalaallit Nunaannut eqqunneqarnerini tassanngaanniillu anninneqarnerini uppernarsaatinik pisariaqartillugu tunniussinissamut.
Imm. 2. Den kongelige grønlandske Handel-ip aammattaaq pisussaaffigaa danskit, nunani allamiulluunniit, ilanngaaserisoqarfiinit imaluunniit Kalaallit Nunaanni avammut tunisassiortut namminersortut qinnuteqarnerisigut pisariaqartitsineq naapertorlugu nioqqutissanut Kalaallit Nunaannit avammut nioqqutissiaalersunut tunngatillugu nioqqutissat suuneri, sumit pineri il.il. pillugit immikkut imaluunniit naqqiutinik paasissutissiissutit, uppernarsaatit assigisaallu pissarsiariniassallugit imaluunniit pissarsiariniarnerini ikiuutissalluni.§ 8. Inatsisikkut matumuuna peqqussutigineqartutut imaluunniit tamatuma pilersitaanik malittarisassani peqqussutitut paasissutissiinngitsoorneq il.il. , kiisalu eqqunngitsunik imaluunniit paasinerlunneqarsinnaasunik paasissutissiineq il.il. akiliisitsinermik kinguneqarsinnaavoq.
Imm. 2. Den kongelige grønlandske Handel-imit aalajangersarneqartumik nioqqutissat nalunaarsuutaannik tunniussinissamut piffissaliussamik eqquutitsinnginneq suliassat naammassisarnerinut akiliummik akiliisitsinertaqartinneqassaaq Naalakkersuisunit aalajangersarneqartumik.§ 9. Inatsit una atulerpoq 1. januar 1985.
Imm. 2. Ullormit tassannga nioqqutissat Kalaallit Nunaanni eqqunneqarsimasussaangitsut imaluunniit tassannga anniseqqusanngitsut nakkutigineqarnerinut tunngatillugu Kalaallit Nunaannut nioqqutissanik eqqussinermi aktisuutit pillugit inatsimmi §§ 6-6d atorunnaarput, tak. inatsimmut nalunaarut nr. 351 20. juli 1972-imeersoq.
Kalaallit Nunaanni Namminersornerullutik Oqartussat, ulloq 16. november 1984.
Jonathan Motzfeldt/
Josef Motzfeldt