Inatsisartut peqqussutaat nr. 3, 19. November 1984-imeersoq pisortat annertussusileriikkanik ikiorsiisarnerat pillugu Inatsísartut peqqussutaata nr. 11-p 1. november 1982-imeersup allannguutaa pillugu.

 

§ 1.

Inatsisartut peqqussutaanni nr. 11 1. november 1982-imeersumi pisortat annertussusileriikkanik ikiorsiisarnerat pillugu peqqussutaasumi, kingorna Inatsisartut peqqussutaanni nr. 2 20. oktober 1983-imeersumi allanngortinneqartumi, makku allannguutigitinneqassapput:

1) § 2, imm. 2 ima oqaasertaqassaaq:
Immikkoortoq 1 naapertorlugu annertussusileriikkanik ikiorsertittoqarsinnaalertassaaq sapaatit akunnerini kingullerni 13-ini sivikinnerpaamik nalunaaquttap akunnerini 180-ini akissarsialittut sulisimagaanni.

2) § 9, imm. 3 ima oqaasertaqassaaq:
Taamaattorli sapaatit akunneri marluk sinnerlugit napparsimasoqartillugu imaluunniit sulilluni ajoqu sernikkut napparsimalersoqartillugu ulloq napparsi malerfik aallarnerfigalugu ikiorsiisoqartassaaq.

3) § 15, imm. 2 ima oqaasertaqassaaq:
Immikkoortoq 1 malillugu ikiorsiineq qaammatit malittuinnaat 12-it ingerlaneranni katillugit sapaatit akunnenni tallimani pisinnaavoq. Annertussusileriikkanik ikiorsiissutisinissamut naatsorsuinermi piffissaq taanna tamakkiisumik sulifflusimasutut isigineqassaaq, kisianni sapaatit akunnerini 13-ini pissarsiassaqarnerup saniatigut tunniunneqartassalluni.

 

§ 2.

Allannguutit atulerput 1. januar 1985 aallarnerfigalugu.

Kalaallit Nunaanni Namminersornerullutik Oqartussat 19. November 1984.

Jonathan Motzfeldt

/

Aqqaluk Lynge