Namminersornerullutik Oqartussat nalunaarutaat nr. 4, 1. august 1984-imeersoq Namminersornerullutik Oqartussat nalunaarutaata nr. 12, 2. juli 1982-imeersumut Kalaallit Nunaanni tuttut eqqissisitaanerannut tunngasoq, taanna allanngortinneqarsimasoq Namminersornerullutik Oqartussat nalunaarutaatigut nr. 1, 23. februar 1982-imeersukkut.

Inatsisartut inatsisaanni nr. 4-mi 13. oktober 1980-imeersumi inuutissarsiutigalugu aalisarnermut, piniarnermut aallaaniarnermullu tunngasumi § 8 naapertorlugu aalajangersarneqarpoq:

 

§ 1.

Namminersornerullutik Oqartussat nalunaarutaanni nr. 12-imi 2. juli 1981-imeersumi Kalaallit Nunaanni tuttut eqqissisitaanerannut tunngasumi Namminersornerullutik Oqartussat nalunaarutaatigut nr. 1, 23. februar 1982-ikkut allanngortinneqarsimasumi makku allanngortinneqarput:

1. § 5, imm. 1 atorunnaarsinneqarpoq taarsiullugulu imatut oqaasertalerneqarluni:
"§ 5. Qeqertarsuarmi, Nuussuarmi, Tasiilap kommuneani taavalu Nuup kommuneani Qeqertarsuarmi Qoornullu Qeqertarsuani tuttunniarneq inerteqqutaavoq."

2. § 5, imm. 3 allanngortinneqassaaq "tuttut 25"-niit "tuttut 50"-inut.

3. § 5, imm. 5 atorunnaarsinneqarpoq taarsiullugulu   imatut oqaasertalerneqarluni:
"Imm. 5. Imm. 1-imi aalajangersarneqarsimagaluartoq Aalisarnermut Suliffissuaqarnermullu Naalakkersuisup akuersissutigisinnaavaa Nuup kommuneani Qeqertarsuarmi Qoornullu Qeqertarsuani piffissami 10. augustip 25. septemberillu akornanni tuttut 30-t aamma 1.  martsip 15. martsillu akornanni tuttut qulit pisarineqarsinnaanerannut allagartamik tunisinissaq."

4. § 5-imi nutaatut imm. 6 ilanngunneqassaaq:
"Imm. 6. Allagartat imm. 2-miit 5-imut taaneqartut inunnut inuutissarsiutigivillugu piniarnermik aallaaniarnermillu ingerlataqartunut siulliullugit tunniunneqartassapput. Allagartat KNAPK-p immikkoortortaata inassuteqarneratigut kommunalbestyrelsemit tunniunneqassapput."

 

§ 2.

Nalunaarut manna saqqummiunneqarnermigut atortuulissaaq.

Nuuk, ulloq 1. august 1984.

Lars Emil Johansen

/

Thyge Kjær