Akissarsiat il.il. akitsuutinut iluarsineqartarnerat pillugu Inatsisartut inatsisaat nr. 6, 5. december 1983-imeersoq.

 

§ 1. Pristali Kalaallit Nunaanni iluarsiissutaasartoq  januar 1984 aallarnerfigalugu naatsorsorneqartassaaq qaammammi tassani pristali aallaavigalugu (=100).

§ 2. Ataatsimut isumaqatigiissutini il.il. akissarsiat  pristali Kalaallit Nunaanni iluarsiissutaasartoq tunngavigalugu iluarsineqartarfiini akissarsiat akitsuutinut iluarsineqartassapput 100-p pointinik 3-nik qaangerneqarneri tamaasa 18 qaangerlugit ukiulinnut nal. akunneranut 90 øremik aaituna 18 inorlugit ukiulinnut 45 øremik. Pointit sinnerukkunnartut iluarsiinissamut tullermut uninngatinneqassapput.
Imm. 2. Inatsisip atortuulernerani tapisiat immikkullu akissarsiarititat manna tikillugu akitsuutinut iluarsineqartartut taamatut 100-p pointinik ilivitsunik 3-nik qaangerneqarneri tamaasa manna tikillugu aningaasat angissusiisa 9/5-iinik iluarsineqassapput.

§ 3. Inatsit una atortuunngilaq akissarsianut, il.il. naalagaaffimmi atorfeqarnermi akissarsiarineqartunut imaluunniit naalagaaffimmit akilerneqarsimasunut.
Imm. 2. § 2-mi aalajangersakkat akitsuutinut iluarsiissuteqartitsisarnerup atorunnaarsikkallarneqarnissaanut peerneqarnissaanulluunniit akornutaanngillat.

§ 4. Inatsit manna atortuulerpoq 31. december 1983.
Imm. 2. Pristali Kalaallit Nunaanni iluarsiissutaasartoq tunngavigalugu akitsuutinut iluarsiissutit allat (januar 1975 = 100) 1. oktober 1983-ip kingornatigut tunniunneqassanngillat, 1983-ip affaani kingullermi akit qaffaataat pristalimi Kalaallit Nunaanni iluarsiissutaasartumi nutaami inatsisikkut matumuuna aalajangersarneqartumi tunngaviusuni ilaairanata, tak. § 1

Namminersornerullutik Oqartussat, ulloq 5. december 1983

Jonathan Motzfeldt

/

Moses Olsen