Inuit timimikkut eqqarsartaatsimikkullu annertuumik innarluuteqartut isumagineqarnerat pillugu inatsisartut peqqussutaat nr. 3, 20. oktober 1983-meersoq.

 

Kapitali 1.
Piumasarineqartut nalinginnaasut.

§ 1. Inuit Kalaallit Nunaanni aalajangersimasumik najugaqartut peqqussummi matumani maleruagassat najoqqutaralugit ikiorserneqarnissamut periarfissaqartitaapput annertuumik timimikkut aamma/imaluunnit eqqarsartaatsimikkut innarluuteqarnertik patsisigalugu sulissunneqarnissaminnut aammalu ikiorserneqarnissaminnut immikkut pisariaqartitsigunik.
Imm. 2. Ikiorsiinermi tamatigut siunertarineqassaaq pineqartut innarluutaasa suuneri qanorlu annertutigineri tunngavigalugit inuuniarnerisa isumannaallisinneqarnissaat sapinngisamik ajoquteqanngitsut inuuniarnerat assigilersillugu.
Imm. 3. Inuit peqqussummi uani malittarisassat malillugit ikiorneqarnissaminnut pisinaaatitaasut makkuupput:
1) Eqqarsartaatsiraikkut kinguarsimasut
2) Noqarlutik inukullertartut
3) Timimikkut innarluutillit
4) Oqalulluarsinnaanngitsut
5) Tappiitsut isigiarsuttullu
6) Tusilartut tutsarluttullu
7) Inuit tarnimikkut/eqqarsartaatsimikkut nanertuuteqartut.
Imm. 4. Inuit 60-inik ukioqalereersimasut peqqussusiami uani illanngunneqanngillat.

 

Kapitali 2.
Misissuinerit utertitassanngortitsinerillu il.il.

§ 2. Oqartussaasup peqqussut una malillugu suliassamik suliarinnittup ikiorserneqarumalluni saaffiginnittoq piumasaqarfigisinnaavaa paasissutissanik pissarsiniaqataanissaanut, soorlu nakorsamit misissortinnikkut imaluunniit napparsimavimmut unilluni misissugaritillunilu suliaritinnikkut. Oqartussaasup taassuma aamma pissutsinik ilisimasaqartut allat erseqqissaatinik suliassap suliarineranut pisariaqartutut isiginartunik piumasaqarfigisinnaavai.

§ 3. Peqqussut una malillugu isumagineqartoq pisussaatitaavoq Isumaginninnermi Pisortaqarfik isumaginninnermulluunniit ataatsimiititaliaq ilisimatissallugu pissutsit atukkani allannguuteqarsimappata, tamatumalu malitsigisinnaallugu ikiorsiissutit annikillisinneqarnerat unitsinneqarneralluunniit.

§ 4. Isumaginninnermi Pisortaqarfik utertitsinissamik aalajangiisaaq kinaluunniit § 3-mi piumasarineqartut malillugit paasissutissanik nalunaaruteqarsinnannginnini imaluunniit piaaraluneerluni ikiorneqarsinnaannginnini nalunngikkaluarlugu peqqussut una malillugu ikiorsiissutinik pisarsinnappat.

 

Kapitali 3.
Ikiorsiissutit.

§ 5. Peqqussut una malillugu ikiorsiissutit ingerlaannartumik imaluunniit ataasiaannakkanik ikiorsiissutitut tunniunneqarsinnaapput.
Imm. 2. Taamaattullu ilaqutaasut allallu pikkorissartinneqarnerinut il.il. aningaasartuutit akilerneqarsinnaapput taamaaliornikkut innarluuteqartup ulluinnarni inuunera oqilisaaffigineqarlunilu pitsanngorsaaffigineqarsinnaappat.
Imm. 3. Ikiorsiissutip suussusia qanorlu annertutiginissaa malittarisassat naalakkersuisunit aalajangersorneqartut malillugit Isumaginninnermi Pisortaqarfimmit aalajangiiffigineqartassaaq.

 

Kapitali 4.
Aqunneqarnera.

§ 6. Peqqussut una malillugu aalajangiiffigineqartussat Isumaginninnermi Pisortaqarfimmit aalajangiiffigineqartassapput. Pisariaqartitsineq naapertorlugu Pisortaqarfiup Nakorsaaneqarfik aamma Kulturikkut Atuartitsinikkullu Pisortaqarfik siunersiortassavai.

§ 7. Kommuunimi isumaginninnermi ataatsimiititaliap pisussaaffigaa Isumaginninnermi Pisortaqarfik ikiorsiissutit suut inunnut peqqussut manna malillugu ikiorsiiffigineqartunut ikiorsiissutigineqartariaqanersut misissuinerani ikiussalugu. Isumaginninnermi ataatsimiititaliat pisussaaffilerneqarput nakkutiginnittuarnissamik ikiorsiissutit aallartisinneqarsimasut allanngortinneqarsinnaanissaat unitsinneqarsinnaanissaalluunniit eqqarsaatigalugu. Taamatullu aamma kommunet pisussaaffigaat isumagissallugu piariaqartumik ilassutaasunik ikiorsiisoqarsinnaanissa, soorlu pisortanit ikiorsiissutit, meqqanut inuusuttunullu ikiorsiissutit imaluunniit inuutissarsiorsinnaajunnaarnersiutisiaqarnermut malittarisassat malillugit.

 

Kapitali 5.
Aningaasalersorneqarnera.

§ 9. Peqqussut manna malillugu aningaasartuutit Kalaallit Nunaanni Inatsisartut aningaasartuutigineqassapput.

 

Kapitali 6.
Maalaaruteqarsinnaaneq.

§ 10. Isumaginninnermi Pisortaqarfiup aalajangiga sapaatip akunnerinik sisamanik piffissaqartinneqarluni Isumaginninnermut tunngasunik maalaaruteqartarfimmut maalaarutigineqarsinnaapput, isumagininninnermut tunngasut siulersorneqarnerat aaqqissuunneqarnerallu pillugit peqqussummi nr. 8, 10. oktober 1979-meersumi § 8 malillugu.

 

Kapitali 7.
Pineqaatissiisinnaaneq.

§ 11. Kinaluunniit peqqussutip matuma atortinneqarnerani peqataasoq pinerluttulerinermi inatsisip pisortani atorfeqarnermi suliaqartitaanerniluunniit pinerluuteqartarnerit pillugit maleruagassai tunngavigalugit akisussaatitaavoq, taamatut suliassaqartitaaneq  naalakkersuinermi qinigaanikkut pisimagaluarpalluunniit.

 

Kapitali 8.
Ikaarsaariarnermi aalajangersakkat.

§ 12. Inuit peqqussutip matuma atulernerani Inatsisartut Peqqussutaat nr. 9, 15. oktober 1979-meersoq inuit tiraimikkut eqqarsartaatsimikkullu annertuumik innarluuteqartut isumagineqarnerat pillugu peqqussutaasoq malillugu annertuumik innarluuteqartutut nalunaarsorneqarsimasut § 1-milunniit aalajangersagaasut tunngavigineqaraluarpata peqqussummi maturaani malittarisassat malillugit ikiorserneqarsinnaatitaapput.

 

Kapitali 9.
Atortuulersitsineq.

§ 13. Peqqussut manna suliarineqarsimasoq inatsit  nr. 580, 29. november 1978-meersoq Kalaallit Nunaanni suliassaqartitsinermik inunnillu isumaginninnermik inatsisaasoq tunngavigalugu atulerpoq 1. januar 1984.
Imm. 2. Ullormit tassannga Inatsisartut Peqqussutaat,  nr. 9, 15. oktober 1979-meersoq inuit timimikkut eqqarsartaatsimikkullu annertuumik innarluutillit isumagineqarnerat pillugu peqqussutaasoq atorunnaarpoq.

Kalaallit Nunaanni Namminersornerullutik Oqartussat, ulloq 20. oktober 1983.

Jonathan Motzfeldt

/

Agnethe Davidsen