Inatsisartut peqqussutaat nr. 2, 20. oktober 1983-meersoq Pisortat angissusileriikkanik ikiorsiisarnerat pillugu Inatsisartut peqqussutaata nr. 11-ip 1. november 1982-imeersup allannguutaa pillugu.
§ 1.
Pisortat angissusileriikkanik ikiorsiisarnerat pillugu Inatsisartut peqqussutaanni nr. 11-mi 1. november 1982-imeersumi allannguutigitinneqassapput makku:
a) § 2 ima oqaasertaqassaaq:
"Isumaginninnermut ataatsimiititaliaq akissarsialinnut angissusileriikkanik ikiorsiissuteqartassaaq.
1) pineqartoq 18-inik ukioqalereersimappat imaluunnit pilersuisuuppat, amma
2) pineqartoq Kalaallit Nunaanni najugaqavissuullunilu inuit aqqisa nalunaarsorneqartarfiannut nalunaarsimappat, amma
3) pineqartoq Sulinermik Inuutissarsiuteqartut Kattuffiannut (SIK)-mut ilaasortaappat.
Imm. 2. Immikkoortoq 1 naapertorlugu angissusileriikkanik ikiorsiineqarsinnaalertassaaq pineqartoq sapaatit akunnerini kingullerni 13-ini SlK-mut ilaasortaasimallunilu sivikinnerpaamik nalunaaqquttap akunnerini 260-ini akissarsialittut sulisimappat."b) § 14-imi nutaamik immikkoortortatut 4-tut ilanngunneqassaaq:
"Isumaginninnermi ataatsimiititap erseqqivissumik paasisimaguniuk ikioqqusup aningaasaqassutsiminik pissuteqartumik ikiorsiissut pisariaqartinngilluinnaraa, angissusileriikkanik ikiorsiissutissat qaqutigooraluartumik itigartitsissutigisinnaavai."c) Maannamut § 14, imm. 4-tinneqartoq matuma kingornagut § 14, imm. 5-ngortinneqarpoq.
d) § 15, imm. 2, ima oqaasertaqqassaao:
"Immikkoortoq 1 naapertorlugu ikiorsiineq pisinnaavoq sapaatit akunerini katillugit 5-ini. Sa-
paatit akunneri 5-it taakku §-ini 8, imm. 2-mi, § 9, imm. 1-imi amma § 14, imm. 3-imi sivisussuserititat iluanniissapput."e) § 20, ima oqaasertaqassaaq:
"Peqqussut manna Suliassaqartitsiniarnermik inunnillu isumaginninnermik Kalaallit Nunaannut inatsit nr. 580, 29. november 1978-imeersoq tunngavigalugu suliarineqartoq atulissaaq 1. januar 1984.
Imm. 2. Peqqussut 1985-imi inatsisartut ukiakkut ataatsimiinnissaanni imaluunniit tamanna sioqqullugu allanngortitassanngorlugu oqaluuserisassanngortinneqassaaq.
§ 2.
Peqqussut manna atulerpoq 1. januar 1984.
Namminersornerullutik Oqartussat, ulloq 20. oktober 1983.
Jonathan Motzfeldt/
Agnethe Davidsen