Ineqarnermut tapiiffigineqartarneq pillugu Inatsisartut peqqussutaat nr. 1, 17. oktober 1983-meersoq
Inatsit nr. 580 29. november 1978-imeersoq Kalaallit Nunaanni suliassaqartitsiniarnermut inunnillu isumaqinninnermut tunngasoq malillugu matumuuna makku aalajangerneqarput:
Kapitali 1
Aalajangersakkat nalinginnaasut§ 1. Peqqussut manna naapertorlugu ineqarnermut tapiiffigineqarsinnaapput inoqutigiit pisortat aningaasaataat atorlugit inissialiani attartortittakkani najugaqartut imaluunniit Kalaallit Nunaanni illuliornermut ikiorsiisarnermik nalunaarummi kapitali II naapertorlugu boligstøttip illuliarititaani najugaqartut.
Imm. 2. Aammattaaq ineqarnermut tapiiffigineqarsinnaapput inissiani nammineq pigisani attartortut, taakkuli aatsaat tapiiffigineqarsinnaassapput ineqarnermut akiliutaat naalagaaffmp ineqarnermut akiliutinik aalajangersaanissaq pillugu malittarisassai naapertorlugit naalagaaffíup inissiaataani taamaattumi naatsorsorneqartuuguni annertussusianut naleqqiullugu 1 1/2-eriaammit annertunerunngippat.
Imm. 3. Ineqarnermut tapiiffigineqarsinnaanngillat init ataasiakkaat, klubværelsit allallu taakku assigisaat.§ 2. Ineqarnermut tapiissuteqartoqartassaaq inoqutigiit amerlassusiisa inissiap angissusianut sanilliunneri aammalu ineqarnermut aningaasartuutit inoqutigiit isertitaannut sanilliunneri tunngavigalugit naliliinikkut.
Imm. 2. Inersimasut meeqqallu inissiami aalajangersimasumik najugallit tamarmik inoqutigiittut naatsorsuunneqassapput.§ 3. Ineqarnermut tapiissuteqarnissamut pingaarnerutillugu patsisissaatinneqassaaq inissiami init najugarineqarsinnaasut amerlassusii najugallit amerlassusiinut naleqquppata.
Imm. 2. Init najugarineqarsinnaasut najugalinnut naleqqiullugit ataaseq sinnerlugu amerlaneruppata imaluunniit inissiami inini najugarineqarsinnaasuni agguaqatigiissillugu inunnik marlunnik amerlanerusunik najugaqartoqarpat ineqarnermut tapiissuteqartoqarsinnaanngilaq.
Imm. 3. Inissiamik attartortoq inissiamik naleqquttumik allamik innersuunneqarsinnaanngippat pissutsillu immikkut ittut taamaaliornissaq pissutissaqartippassuk, kommunalbestyrelsi immikkoortoq 2-mi aalajangersakkanik saneqqutsisinnaavoq.§ 4. Ineqarnermut aningaasartuuterpiaannarnut tapiissuteqartoqarsinnaavoq, taamaammallu kiassarnermut kallerullu inneranut tapiissuteqartoqarsinnaanngilaq.
Imm. 2. Inissiani attartortittakkani ineqarnermut aningaasartuut tassaavoq ineqarnermut akiliut, ingerlatsinermut aserfallatsaaliinermullu akiliummik ilaqareersoq tassanngalu ilanngaatigineqassapput tamanut aalajangersimasumik tapiissut kiisalu ineqarnermi qitornanut tapiissutisiaqarsimappat tapiissutisiat taakku.
Imm. 3. Kap. II malillugu illuliani ineqarnermut aningaasartuut tassaavoq erniat kiisalu atukkanut akilersukkat tamanut aalajangersimasumik tapiissummik kiisalu ineqarnermi qitornamit tapiissutisiaqarsimappat tapiissutisianik taakkunannga ilanngakkat.
Imm. 4. Ineqarnermut tapiissuteqartoqarsinnaanngilaq nammineq akiliutinik kinguaattoorutinut, qinnuteqarneq sioqqullugu imaluunniit tapiissutisiaqartarnerup nalaani kinguaattoorutaaneri apeqqutaatinnagit.§ 5. Ineqarnermut tapiissuteqartoqartassaaq inoqutigiit isertitaat ilanngaasikkat iluarsiissusikkallu tunngavigalugit.
Imm. 2. Isertitat ilanngaasikkat iluarsiissusikkallu naatsorsorneqartassapput ukiumi aningaasarsiorfimmi inaarummik akileraarusiiffimmi kingullermi isertitat tunngavigalugit, taakkunanngalu ilanngaatigineqassapput ilanngaat aalajangersimasoq, ingerlatsinermi aningaasartuutit, aningaasarsiornikkut ingerlatsinermi nalikilliliinerit kiisalu isertitat pilersinnerinut atatillugu ernianut aningaasartuutit, taavalu ilassutigalugit utoqqalinersiutit imaluunniit inuutissarsiorsinnaajunnaarnersiutit kiisalu pisortanit pilersuinissamut naatsorsuullugit tunniunneqartartut akileraarusersugaanngitsut allat - taamaattunik pisartagaqartoqarsimappat.
Imm. 3. Naalakkersuisut piginnaaneqartinneqarput erseqqinnerusumik aalajangiinissaminnut, suut pisortanit pilersuinissamut naatsorsuullugit tunniunneqartartut akileraarusersugaanngitsut isertitanut ilanngaasikkanut iluarsiissusikkanullu ilaassanersut.§ 6. Ineqarnermuttapiissuteqartoqarsinnaavoq inoqutigiit ukiumut isertitaat § 5-imi aalajangersakkat malillugit naatsorsorneqarsimasut, killissarititanit ukiut tamaasa Kalaallit Nunaanni Inatsisartunit aalajangersarneqartartunit ikinneruppata. Inoqutigiit killissarititanit ikinnerusunik isertitallit ineqarnermut aningaasartuutimik (ineqarnermut akiliutimik imaluunniit terminimut akiliutimik) ilaanik namminneerlutik akiliuteqartassapput, inoqutigiillu ineqarnerminnut akiliutissaat taanna isertitaasa procentiatut naatsorsorneqartassaaq, tassa isertitat amerlassusii procentip angissusianut aalajangiisuussallutik.
Imm. 2. Kalaallit Nunaanni Inatsisartut inoqutigiit namminneq akiliutissaata procentiata annerpaaffissaa aalajangertassavaat. Killissarititamut, immikkoortoq 1-ími taaneqartumut, naleqqiullugu 4.000 kroninik appariarnerit tamaasa proncenti 2-mik appartinneqartassaaq, kisianni 7%-imit minnerulersinnaanngilaq.
Imm. 3. Isertitanut killilersuutigineqartut immikkoortoq 2-mi taaneqartut 4.000 kronikkuutaat iluanni inoqutigiit namminneq akiliutissaasa naatsorsunnginnerini isertitaat killilersuutit pineqartut affaannut akunnaallineqartassapput, taamaalillutik inoqutigiit isertitanut killilersuutigineqartut iluanni isertitallit namminneq akiliutaat assigiittussanngorlugit.
Imm. 4. Ineqarnermut aningaasartuutit inoqutigiit namminneq akiliutissaannit amerlanerugaangata nikingassutaat ineqarnermut tapiissutitut tunniunneqartassaaq.§ 7. Kalaallit Nunaanni Inatsisartut ukiut tamaasa ukiumoortumik ineqarnermut tapiissutissat amerlanerpaaffissaat ikinnerpaaffissaallu aalajangertassavaat, aningaasat killiliussamit qaffasinnerussutaat appasinnerussutaalluunniit tunniunneqartussaajunnaarlugit.
Kapitali 2
Ineqarnermut tapiissutisiaqarnissamik qinnuleqarneq§ 8. Ineqarnermut tapiissutisiaqarnissamik qinnuteqartoqartassaaq immersugassaq immersoreerlugu kommunalbestyrelsimut tunniussinikkut.
Imm. 2. Qinnuteqartoq pisussaavoq paasissutissanik suugaluartunik ineqarnermut tapiissutissap naatsorsornissaanut pingaaruteqartunik saqqummiussissalluni, taakkununnga ilaapput inoqutigiit amerlassusii, katitigaaneri isertitaannullu tunngasut.§ 9. Ineqarnermut tapiissuteqartoqartassaaq qinnuteqaatip tunniunneraniit qaammatip tulliup aallaqqaataaniit qaammatip inissiamit nuuffiup naaneranut.
Imm. 2. Inissianut allanut nuunnermut atatillugu ineqarnermut tapiissutissamik qinnuteqartoqarsimappat kommunalbestyrelsi ulloq inissiamut nuuffik aallarnerfigalugu tapiissutisiassanik tunniussisitsisinnaavoq.
Kapitali 3
Aqutsineq§ 10. Ineqarnermut tapiissutit kommunalbestyrelsimit naatsorsorneqarlutillu tunniunneqartassapput.
Imm. 2. Inissiani attartortittakkani ineqarnermut tapiissutit ukiumoortunngorlugit naatsorsorneqartassapput, taakkulu 1/12-ii qaammatikkuutaartumik siumoorlugit attartortup ineqarnermut akiliutaanit ilanngaatigineqartassapput, taamaalilluni attartortoq ineqarnermut tapiissutip ineqarnermullu aningaasartuutip nikingassutaannaannik akiliisussanngorlugu, ineqarnermulli tapiissut attartortitsisumut toqqaannartumik akilerneqassalluni.
Imm. 3. Illuni kapitali II naapertorlugu sanaani ineqarnermut tapiissutit ukiup affakkuutaanut marlunnut naatsorsorneqartassapput, takkulu Boligstøtteudvalgimut akiliutigineqartassapput piginnittup ukiup affaanut akiliutissaanut ikilisaatitut, taamaalilluni piginnittoq ineqarnermut tapiissutit kiisalu ineqarnermut aningaasartuutip nikingassutaannaannik akiliisussanngorlugu.§ 11. Ineqarnermut tapiissutit oktoberip aallaqqaatai tamaasa naatsorsuinermi tunngaviusut allanngorneri malillugit iluarsiivigineqartassapput. Tassa ineqarnermut tapiissuteqartarnermut ukioritinneqarpoq oktoberip aallaqqaataaniit septemberip 30-anut.
Imm. 2. Kommunalbestyrelsi ukiumoortumik iluarsiissuteqarnermut atatillugu piumasaqarsinnaavoq ineqarnermut tapiissutisisartut amerlassusertik, katitigaanertik isertitaminnullu tunngasut pillugit nutaanik paasissutisseeqqullugit.
Imm. 3. Inoqutigiit atugarisaat tunngavigalugit ineqarnermut tapiissutisisarnerata ingerlaannarnissaanut tunngavissaqarpat kommunalbestyrelsi tapiissutit annertussusissaannik nutaamik naatsorsuissaaq ineqarnermut aningaasartuutit annertussusii, isertitaasa ilanngaasikkat iluarsiissusikkallu ukiumoortumik inaarutaasumik akileraarusiinerup kinguneranik allannguutaat kiisalu Inatsisartut aningaasanik §§-ini 6-imi 7-mi!u taaneqartunik aalajangiinerisa kingunerinik allannguutit najoqqutaralugit.§ 12. Ukiup ineqarnermut tapiissuteqarfíusup ingerlanerani inoqutigiit ataannartumik ineqarnermut tapiissuteqartarnernut naatsorsuinermi tunngaviusumut naleqqiullugit isertitaat naatsorsuutigeriinngisamik, annertuumik ataavartumillu appariarpata qinnuteqartoqareerneratigut tapiissutigineqartartut ukiumut isertitassatut naatsorsuutigineqartut tunngavigalugit allanngortinneqarsinnaapput.
Kapitali 4
Utertitsisarneq§ 13. Kommunalbestyrelsi aalajangiisinnaavoq ineqarnermut tapiissutaasimasut utertinneqassasut inuk §§-ini 8-mi aamma 11-mi itnmikkoortoq 2-mi paasissutissanik piumasarineqartunik saqqummiussisimanngippat, taamaalillunilu amerlavallaanik tapiissuteqarfigineqarsimappat imaluunniit ineqarnermut tapiissutisisinnaannginnini ilisimaarigaluarlugu tapiissutisisarsimappat.
Imm. 2. Kommunalbestyrelsi utertitsinissamik aalajangiissimappat aningaasat Kalaallit Nunaanni eqqartuussisarnermik inatsimmi aalajangersakkat naapertorlugit akilersinniarneqassapput.
Kapitali 5
Aningaasalersuineq§ 14. Peqqussut manna naapertorlugu kommuninit aningaasartuutigineqartunut Landskassi tapiissuteqartassaaq.
Kapitali 6
Maalaaruteqartarneq§ 15. Kommunalbestyrelsip peqqussut manna naapertorlugu aalajangiineri Isumaginninnermi maalaaruteqarnermut ataatsitniittartuutitanut nangitassanngortinneqarsinnaapput ísumaginninnermut tunngasut siulersorneqarnerat aaqqissuunneqarnerallu pillugit Inatsisartut peqqussutaanni nr. 8-mi 10. oktober 1979-imeersumi maalaaruteqarnissamut aalajangersakkat malillugit. Maalaaruteqarnissamut piffissaq sapaatip akunnerinik sisamanik sivisussuseqarpoq.
Kapitali 7
Atulersitsineq§ 16. Peqqussut manna atulerpoq 1. april 1984.
Imm. 2. Peqqussutip matuma atulerneranut peqatigitillugu inunnut aningaasarliortunut illoqarnermi aningaasartuutit millisinneqarnissaanut ikiorsiissutissat pillugit Landsrådip ileqqoreqqusaa 26. april 1977-imeersoq atornaarpoq.
Kalaallit NunaanniNamminersornerullutik Oqartussat,17. oktober 1983
Jonathan Motzfeldt/
Moses Olsen