Namminersornerullutik Oqartussat nalunaarutaat nr.14, 3. december 1983-imeersoq aalisarnerup killilersugaanera pillugu.
Landstingip inatsisiliaa § 6 nr. 4- 13. oktober 1980-imeersoq tunngavigalugu inuutissarsiutigalugu aalisarneq, piniarneq aallaaniarnerlu pillugit aaliangiunneqarpoq:
§ 1. Kilisalluni aalisarneq inerteqqutaavoq titarnernit tunngavissaatitaasunit Kalaallit nunaata imartai pillugit nalunaarummi nr. 629-imi 22. december 1976-imeersumi § 2-mi taaneqartunit 3 sømiilinik tiffasinnerusumi.
Imm. 2. Stk. 1 taamaakkaluartoq qalut qalorsuillu atorlugit saarullinniarnani, suluppaagarniarnani, nataarnarniarnani, qaleralinniarnani, qeerarniarani kapisilinniarnani eqalunniarnanilu aalisarneq ajornartitaanngilaq.
Imm. 3. Kitaani 68° 00'nord-ip avannaani kinguppanniarneq titarnernit tunngavissaatitaasunit stk. 1-imi taaneqartunit tiffasinnerusumi ingerlanneqaqqusaanngilaq angallatit 80 BRT-nit usitunerusut atorlugit. Taamaattoq aalisarnermut, niuvernermut suliffissuaqarnermullu naalakkersuisoq tamatumannga allaasumik akuersissuteqarsinnaavoq angallatit 1970 sioqqullugu sanaat aammalu pisarnertoortumik Diskobugtimi aalisartarsimasut pillugit.
Imm. 4. Stk. 1 taamaakkaluartoq qalut qalorsuillu atorlugit saarullinniarneq pisinnaatitaavoq Qaqortup pigisaata ilaani Sermersuut aalisarfeqarfianni (ukua akornanni: 60° 18,5' nord, 60° 26' nord, 45° 26' vest, 45° 19' vest). Aatsaalli taamaaliortoqarsinnaavoq 200 miiterit akimorlugit itissusilimmi aammalu angallatit 50 BRT inorlugit usitussutillit atorlugit.§ 2. Saarullinnik, suluppaakkanik, nataarnanik qaleralinnillu kilisalluni aalisarnermi qassutit nigartussusaat mmnerpaamik 140 mm-ussasoq 1. september 1984 aallarnerfigalugu atortinneqalisaaq.
§ 3. Aalajangersakkanik nalunaarutiniittunik unioqqutitsineq akiliisitsinermik kinguneqarsinnaavoq. Suliassat tamatumunnga tunngasut suliarineqartassapput Landstingip inatsisiliaa nr. 4 13. oktober 1980-imeersoq inuutissarsiutigalugu aalisarnermut, piniarnermut aallaaniarnermullu tunngasoq najoqqutaralugu.
§ 4. Nalunaarut atuutilissaaq avammut saqqummiunneqarnermmi.
Nuuk, 3. december 1983.
Lars Emil Johansen/
Emil Abelsen