Namminersornerullutik Oqartussaat ineqarnermut tapiissuteqartarneq pillugu nalunaarutaat nr. 13, 30. november 1983-imeersoq.

Ineqarnermut tapiissuteqartarneq pillugu inatsisartut peqqussutaanni nr. 1-imi 17. oktober 1983-imeersumi § 5, imm. 3 naapertorlugu makku aalajangersarneqarput:

 

§ 1. Isertitanut ilanngaaseriikkanut iluarsiissuseriikkanullu pisortanit ikiuutit pilersuinermut tunngassuteqartut akileraaruserneqarnerlu ajortut makku ilaapput:
1) Angissuserititat tunngavigalugit pisortanit ikiuutit pillugit Inatsisartut peqqussutaat nr. 11 1. november 1982-imeersoq, Inatsisartut peqqussutaatigut nr. 2-kut 20. oktober 1983-imeersukkut allanngortinneqartoq naapertorlugu suliffissaarunnerup nalaani, napparsimanerup nalaani imaluunniit naartunermi erninermilu angissuserititat tunngavigalugit ikiuutit tunniunneqartartut.
2) Pisortanit ikiuutit pillugit Inatsisartut peqqussutaat nr. 10 1. november 1982-imeersoq naapertorlugu pissaaleqineq naapertorlugu ikiuutit aamma pisariaqartitsineq naapertorlugu ikiuutit annertusisat tunniunneqartartut.
3) Inuussutissarsiorsinnaajunnaarneoni pisartakkat pillugit Inatsisartut peqqussutaat nr. 8 28. oktober 1983-imeersoq naapertorlugu inuussutissarsiorsinnaajunnaarnermi pisartakkat, tassunga ilanngullugu aningaasat tunngavii, meeqqanut tapit aamma inummut tapit tunniunneqartartut.
4) Utoqqalinersiutit aamma utoqqamut inissiat pillugit Inatsisartut peqqussutaat nr. 7 28. oktober 1982-imeersoq naapertorlugu utoqqalinersiutit, tassunga ilanngullugu aningaasat tunngavii, meeqqanut tapit aamma inummut tapit tunniunneqartartut.
5) Atuartunut, meeqqat atuarfianni klasseni annerni atuartunut tapiissutit pillugit Inatsisartut peqqussutaat nr. 5 28. oktober 1982-imeersoq naapertorlugu ilinniarnermi tapiissutit tunniunneqartartut.
6) Kalaallit Nunaanni meeqqanut tapiissutit pillugit Landsrådip ileqqoreqqusaa 6. januar 1975-imeersoq naapertorlugu meeqqanut tapiissutit tunniunneqartartut.

§ 2. Nalunaarut una 1. april 1984 atortuulerpoq.

Nuuk, 30. november 1983

Moses Olsen

/

Fl.Bolø