Namminersornerullutik Oqartussat kinguppanniarnermut akuersissutit pillugit nalunaarutaat nr.12, 3. november 1983-imeersoq.

Inuutissarsiutigalugu aalisarneq, piniarneq aallaaniarnerlu pillugit Inatsisartut inatsisaat nr. 4, 13. oktober 1980-imeersumi § 3 aamma § 5 naapertorlugit aalajangersarneqarput:

 

§ 1. Nalunaarummi pineqarput inuit piginneqatigiiffiillu   kalaallit aalisarsinnaatitaanermut uppernarsaataannik peqartut Kalaallit Nunaata imartaani inuutissarsiutigalugu kinguppanniartut.

§ 2. Angallatit 80 BRT-inik qaangerlugillu usisinnaasut kinguppanniarsinnaapput Inuutissarsiornermi Naalakkersuisumit akuersissunnik aatsaat peqqaarlutik.
Imm. 2. Akuersissutinik tunniussinermut atatillugu akuerineqartut akornanni pisassat agguataarneqarsinnaapput pisassat anerlassusiat, angallatit usisinnaassusiat   aalisarnermilu inuutissarsiuteqarnerup piffinni assigtinngitsuni pissusissamisoortumik ineriartornissaa tunngavigalugit.
Imm. 3. Akuersissutit tunniunneqartassapput angallatit 1983-imi kinguppanniarsinnaanermut akuersissummik peqarsimasut salliutillugit.

§ 3. Kinguppanniarnermut akuersissummik qinnuteqaat kiisalu § 4, imm. 4-mi uppernarsaat taaneqartoq Inuutissarsiornermi Naalakkersuisumeeriissaaq 5. december 1983 nallertinnagu. Inuutissarsiornermi Naalakkersuisoq pisinnaatitaavoq immikkut ittumik pissutissaqartillugu akuersissummik qinnuteqaatinut piffissaq killiliussaq ataasiakkaatigut saneqqussinnaallugu.

§ 4. akuersissut tunniunneqartoq 1984-imut atortuussaaq.
Imm. 2. Akuersissummik tunineqarnissamut patsisissaatinneqarpoq aalisariarneq siulleq pitinnagu Kalaallit Nunaanni tunisassiorfinnik isumaqatiginnittoqarsimanissaa kinguppaat uunneqanngitsut tunisassiassatut nunnigunneqartarnissaat pillugu. Isumaqatigiissuteqarneq kinguppattanut tamanut tunngatinneqassaaq, akuersissummik tunniussaqarnermut atatillugu akuersissutigineqarsimanngippat kinguppattat 90%-ii kinguppanniummi suliarineqarsinnaasut. Isumaqatigiissutip assilineqarnera Inuutissarsiornermi Naalakkersuisumit tiguneqareersimassaaq kingusinnerpaamik 15. februar 1984.
Imm. 3. Akuersissummik tunineqarnissamut patsisissaatinneqarpoq angallatip inuttaasa minnerpaamik 70%-ii tassaassasut inuit kalaallinut inuiaqatigiinnut attuumassuteqarnermik piumasarisanik eqqortitsisut, tak. inatsisartut inatsisaat nr. 4 13. oktober 1980-imeersoq § 2, imm. 1 aamma 10. Piumasarisap naammassineqarsimaneranut uppernarsaat aalisariarluni angalareernerit tamaasa Inuutissarsiornermi Naalakkersuisumut nassiunneqartassaaq.
Imm. 4. Akuersissummut patsisissaatinneqarpoq piginneqatigiiffiup aningaasaataasa minnerpaamik 2/3-ii imaluunniitangallatinunnit aalisarneq inuutissarsiutigivillugu allagartamik peqartut pigisarigaat, tak. Inatsisartut inatsisaat nr. 4 13. oktober 1980-imeersoq § 2, imm. 3. Tamatuminnga uppernarsaat akuersissummik qinnuteqaammut ilanngunneqassaaq.

§ 5. Inuutissarsiornermi Naalakkersuisup pissutissaqavitsillugu akuersissummik tunniussaqartarnermi § 4, imm. 2-4-mi piumasarisat sanioqqussinnaavai.

§ 6. Inuutissarsiornermi Naalakkersuisup akuersissut malillugu pisassarititaasut annertussusii aalajangersaaffigisinnaavai naliliinermi tunngavigalugu tamakkiisumik pisassarititaasut aalajangiiffigineqarnerisa imaluunniit tamakiisumik pisassarititaasut tamakkerneqarnissaasa taama aalajangersaanissaq pisariaqartilersimappassuk.
Imm. 2. Akuersissut malillugu pisassarititaasut pisarineqarpata aalisarneq unitsinneqassaaq, kingusinnerpaamillu unitsinneqassalluni Kalaallit Nunaanni Naalagaaffimmut Sinniisuutitap radiokkut aviisitigullu tamakkiisumik pisassarititaasut tamakkerneqarsimanerat nalunaarutigippagu.

§ 7. Akuersissut angallatip aalajangersimasup piginnittaata aalajangersimasup pissaatut allanneqassaaq.
Imm. 2. Akuersissut piginnaatitaaffiillu taassuma imarisai allamut tunniunneqarsinnaanngillat.
Imm. 3. Akuersissummik piginnittoq toqussagaluarpat, ingerlatseqatigiiffik atorunnaarsinneqassagaluarpat angallalluunniit akuersissuteqarfigineqarsimasoq tunineqassagaluarpat umiulluniluunniit akuersissutaasimasoq atorunnaassaaq, eqqarsaatigeqqinneqarsinnaallunili paasiniarlugu akuersissutip tunniunneqarnerani patsisissaatitaasutsalieqquutinneqarnersut akuersissutip atuutileqqinnissaanut tunngaviussallutik.
Imm. 4. Akuersissut angallammiitinneqassaaq.

§ 8. Nalunaarummik matuminnga imaluunniit § 2 najoqqutaralugu akuersissutini tunniunneqarsimasuni patsisissaatitaasunik unioqqutitsinerit mianersoqqussummik, akiliisitaanermik akuersissummilluunniit arsaagaanermik kinguneqarsinnaapput. Suliassat taamaattut suliarineqassapput Inatsisartut inuutissarsiutigalugu aalisarneq, piniarneq aallaaniarnerlu pillugit inatsisaanni nr. 4 13. oktober 1980-imeersumi aalajangersakkat malillugit.

§ 9. Nalunaarut saqqummiunneqarnermini atortuulissaaq.
Imm. 2. Namminersornerullutik Oqartussat kinguppanniarnermut akuersissutit pillugit nalunaarutaat nr. 11, 2. november 1982-imeersoq atorunnaassaaq 1. januar 1984.

Nuuk, ulloq 3. november 1983.

Lars Emil Johansen

/

Emil Abelsen