Kalaallit Nunaanni Namminersornerullutik Oqartussat nalunaarutaat nr. 9, 21. oktober 1983-imeersoq nioqqutissat ilaannik Kalaallit Nunaannut eqqussinermi aammalu Kalaallit Nunaanni sananermi akitsuusiussat pillugit.
Nioqqutissat eqqunneqartut akitsuutaat il.il. pillugit inatsisartut inatsisaanni nr. 7-imi 23. oktober 1979-imeersumi, inatsisartut inatsisaatigut nr. 2-kut 2. april 1980-imeersukkut, inatsisartut inatsisaatigut nr. 8-kut 23. oktober 1980-imeersukkut, inatsisartut inatsisaatigut nr. 7-kut 26. oktober 1981-imeersukkut, inatsisartut inatsisaatigut nr. 3-kut 31. marts 1982-imeersukkut aammalu inatsisartut inatsisartut inatsisaatigut nr. 3-kut 17. oktober 1983-imeersukkut allanngortinneqartumi § 3, imm. 2, §4, §5, §7, §8-12 aammalu § 13 naapertorlugit matumuuna makku aalajangersarneqarput:
§ 1. Nioqqutissat kinguliini taaneqartut akitsuuteqafiusumut eqqunneqarneranni, takuuk § 3, Kalaallit Nunaata landskasseanut isertitassatut makku akitsuusiunneqassapput:
Nr. 1. Sukkut suugaluartulluunniit, taakkununnga ilaatillugit sirup aamma glykose 1 kg. 1 kr. 31 øre
Nr. 2. Sukkulaatit aamma sukkulaatinit nioqqutit suugaluartulluunniit (cacao ilanngunnagu), lakrids lakridsinillu nioqqutit suugaluartulluunniit. Marcipan marcipaninillu nioqqutit suugaluartulluunniit, karamilit, bonbons sukkuaqqat taamaangajattullu sukkullit sukkoqanngitsullu 1 kg. 20 kr. 00 øre
Nr. 3. Immiaaqat:
a) aalakoornartumik 1 vægtprocent taannalu inorlugu imallit 35 cl. 0 kr. 29 øre
b) aalakoornartumik 1 vægtprocent sinnerlugu annerpaamillu 1 3/4 vægtprocentimik imallit 35 cl. 0 kr. 58 øre
c) 1 3/4 vægtprocent sinnerslugu aamma 4 vægtprocent inorlugu aalakoornartullit 35 cl. 1 kr. 87 øre
d) 4 vægtprocent taannalu qaangerlugu aalakoornartullit 35 cl. 2 kr. 60 øre
Nr. 4. Imigassat kimittuut aamma sprit pinnagit sprit akuiagaq aammalu sprit Kalaallit Nunaanni nakorsaqarfinni atugassatut eqqunneqartut:
a) 60 rumprocent sinnernagu aalakoornartullit literimut 139 kr. 45 øre
b) Allat literimut 215 kr. 65 øre
Nr. 5. Viinnit, tassunga ilaatillugit druevin soorlu rosinvin, cider frugtviinnillu allat aamma mjød:
a) 14 rumprocent sinnernagu aalakornartullit literimut 7 kr. 93 øre
b) Allat literimut 28 kr. 75 øre
Nr. 6. Sikaat, cerutit sikaavaqqallu:
a) ataaseq 3 gr. taannalu inorlugu ataaseq 0 kr. 53,1 øre
b) ataaseq 3 gr. sinnerlugu ataaseq 0 kr. 63,5 øre
Nr. 7. Cigarettit ataaseq 0 kr. 70,7 øre
Nr. 8. Tupat:
a) agguakkat, taaneqartut cut plug, tupat aseqqorissut taamaangajattullu pujortagassallu allat minnerpaamik 1,5 mm.-mik silissusillit 1 kg. 110 kr. 40 øre
b) Allat 1 kg. 138 kr. 00 øre
Nr. 9. Cigarettit pappiarartassaat, puussat ilanngullugit ataaseq 0 kr. 10 øre
Nr. 10. Kaffit, kaffit aserorteriikkat aamma kaffit akusat 1 kg. 3 kr. 86 øre
Nr. 11. The, tiit sequtsikkat aamma tiit akusat 1 kg. 4 kr. 60 øre
Nr. 12. Imeruersaatit, sodavand, limonadet, aamma kulsyremik imallit, allallu aalakoornartoqanngitsut, pinnagit imeruersaatit immuk aamma cacao tunngavigalugit suliat aamma paamat grønsagillu isseri kulsyranik akuneqanngitsut literimut 2 kr. 00 øre
Nr. 13. Cyklit motorimik ikiortillit (knallertit), pinnagit innarluutillit cykelii motorimik ikiortillit Kalaallit Nunaanni isumaginninnermi pisortatigoortumik piniarneqartut ataaseq 2.300 kr. 00 øre
Imm. 2. Glykose aammalu nioqqutissat imm. 1, nr. 2, nr. 3 c, d aammalu nr. 4 - 9-mi taagorneqartut taamaallaat Den kongelige grønlandske Handelimit eqqunneqartassapput, tak. nioqqutissat ilaannik Kalaallit Nunaannut eqqussisinnaatitaaneq pillugu Kalaallit Nunaannut ministereqarfiup nalunaarutaa.§ 2. Nioqqutissanik § 1, imm. 1-imi taaneqartunik Kalaallit Nunaanni inuutissarsiutigalugu sananermi nioqqutissanut eqqunneqartunutulli akitsuumnik akiliisoqassaaq. Akitsuutit naatsorsorneqassapput tunisat uppernarsaatissaqartitat tunngavigalugit.
§ 3. Akitsuutit akilerneqartassapput Den kongelige grønlandske Handelimut.
Imm. 2. Qaammat februari naatinnagu Den kongelige grønlandske Handelip akitsuutit qaammatisiutit malillugit ukiumi qaangiuttumi akilerneqarsimasut naatsorsuutaat landskassemut nassiuttassavai. Akitsuutit akilerneqarsimasut qaammatikkuutaartumik a conto-nngorlugit landskassemut akilerneqartassapput, pisortaaffigineranni akissarsiassat ilanngaatigereerlugit. Akiligassat tamakkerlutik akilerneqartassapput februari naatinnagu.§ 4. Makku akitsuuteqartitaanngillat:
a) Nioqqutissat, Kalaallit Nunaata illersorneqarnissaa pillugu isumaqatigiissut 27. april 1951-imeersoq naapertorlugu illersuisoqarfiusunut tunisat. Nioqqutissalli § 1, imm. 1 nr. 3 c aamma d-mi aammalu nr. 4 - 9-mi taaneqartut taamaallaat eqqunneqarsinnaapput Den kongelige grønlandske Handelimit aammalu Amerikami naalagaaffeqatigiit sakkutuuinit aammalu tamatuma saniatigut Kalaallit Nunaannut ministerip immikkut akuersineratigut, tak. nioqqutissat ilaannik Kalaallit Nunaannut eqqussisinnaatitaaneq pillugu Kalaallit Nunaannut ministereqarfiup nalunaarutaa.
b) Nioqqutissat nunat allat naalakkersuisuisa aallartitaannut sinniisuutitaannullu tamakkunanilu sulisunut tunineqartarlutillu tamakkunannga atorneqartartut, tamakku nunani allani naalagaaffinmi innuttaassuseqarpata.
c) Nioqqutissat danskit sakkutuuisa imarsiortut umiarsuaannut sivikinnerpaamik ukiumut qaamnatini 8-ni Kalaallit Nunaanniittunut tunineqarlutillu taakkunannga atorneqartartut.
d) Nioqqutissat nunat allat naalagaaffiisa umiarsuaanniiginnartut.
e) Nioqqutissat umiarsuamiittut imaluunniit silaannakkut angallatiniittut usingiaanneqanngitsut imaluunniit umiarsuit/silaannakkoorutit Kalaallit Nunaanni umiarsualivissiffissaannut/miffissaannut siullermut angalanernermi imaluunniit umiarsualivimnit aallarfianniit/timmisartut mittarfianrtit tingiffiannit kingullermiit angalanermi atorneqartut.
f) Nioqqutissat umiarsuit Kalaallit Nunaanni angerlarsimaffeqanngitsut Kalaallit Nunaata imartaani angalaneranni umiarsuarmiut nerisaqartitaaneranni atorneqartut.
g) Nioqqutissat misiligutit, nassitsisoq nassitsinissaminut allakkatigut akuersissumik Den kongelige grønlandske Handelimiit piniarsimagaangat.
h) Nioqqutissat, najoqqutassat immikkut ittut naapertorlugit akitsuusiiffiusumut pinermi akitsuusernagit nassarneqarsinnaasut.
i) Nioqqutissat Den kongelige grønlandske Handelimiit imaluunniit namminersorluni inuutissarsiortumiit paarineqarnerminni, imaluunniit Kalaallit Nunaanni nioqqutissiorfik nalunaarummi matumani pineqartoq qimatsinnagu ajutoornikkut asiusut, nioqqutissat asiusimanerat Den kongelige grønlandske Handelimit uppernarsarneqarsimagaangat.
j) Nioqqutissat tuniniaqqitassatut eqqunneqarsimasut, akitsuusiiffiusumiilli utertinneqartut. Akitsuusiussaq akilerneqarsimasoq uterteqqullugu qinnuteqartoqaraangat Den kongelige grønlandske Handelip akitsuusiussap 10%-ia ilanngaatigisassavaa pisortaaffiginninnermi aningaasartuutiminut matussutissatut.§ 5. Den kongelige grønlandske Handel umiarsuit imaluunniit silaannakkoorutit, Kalaallit Nunaanni angerlarsimaffeqanngitsut, imaluunniit umiarsuit Kalaallit Nunaata immakkut killeqarfianiit nunat allamiut, savalimmiormiut imaluunniit qallunaat umiarsualiviannukarlutik aallartut taquasssaannik nioqqutissanik akitsuusigaanngitsunik tunisaqarsinnaavoq. Taquassanik pisinermi angallatinullu nunani allani angalasunut akitsuusigaanngitsumik tunisinermut maleruaqqusat atuuttut malinneqassapput.
§ 6. Oqimaassutsinik uuttuutinillu aalajangiinermi aammalu naliliinertni il.il. qallunaat akitsuuserisartuinit maleruaqqusat malinneqartartut atorneqassapput.
§ 7. Den kongelige grønlandske Handelip nioqqutissat akitsuuteqartussaatitaasut nioqqutissanut akitsuusersukkanut nalunaaqutsiuttakkamik (banderole) imaluunniit allamik ilisarnaqutserlugit nalunaaqutsersinnaavai, akitsuusiussat akilerneqartussat akilerneqarsimanerannut uppernarsaatitut.
§ 8. Akitsuutit pillugit aalajangersakkat eqqortinneqarnerat Kalaallit Nunaanni politiinit aammalu Den kongelige grønlandske Handelimit nakkutigineqassaaq. Pisortat taaneqartut taakku inatsimmi kapitali 11-mi taaneqartumik pisussaaffeqarlutillu pisinnaatitaaffeqarput.
§ 9. §§ 1 aamma 2-mik unioqqutitsinerit, tak. § 4, pillaammik akiliisitsissutaasinnaapput, taamatullu nioqqutissat imaluunniit aningaasat taassuma nalingasut amerlatigisut pinngitsaaliissummik arsaarinnissutigineqarsinnaallutik.
§ 10. Nalunaarut 7. november 1983-imiit atulerpoq.
Imm. 2. Tamatuma peqatigisaanik atorunnaarsinneqarpoq nioqqutissat ilaannik Kalaallit Nunaannut eqqussinermi sananermilu akitsuusiisameq pillugu nalurtaarut nr. 137 27. april 1967-imeersoq, pinnagit § 4 aairma § 7, tak. § 8, kisermaassisussaatitaanermik aaqqissuussinermut tunngasut.
Kalaallit Nunaanni Namminersornerullutik Oqartussat, 21. oktober 1983
Lars Emil Johansen/
Fl.Bolø