Namminersornerullutik Oqartussat nalunaarutaat nr. 7, 20. september 1983-meersoq 1984-imi akileraarutitigut naligiissaanissaq pillugu.

Aningaasarsianit akileraarutit pillugit landstingip inatsisaani § 83 naapertorlugu aalajangerneqarpoq.

 

§ 1. Kommuneni inummut ataatsimut agguaqatigiissisitanik akileraarutitigut iluanaarutit assigiinngissutaasa naligiissarneqarnissaat anguniarlugu kommunet ataani taaneqartut 1984-imi imaattunik tapiissuteqarfigineqassapput:

Nanortalik	kr. 5.076.000
Julianehåb	kr. 1.649.000
Kangatsiaq	kr. 3.781.000
Egedesminde	kr. 2.559.000
Christianshåb	kr. 2.543.000
Jakobshavn	kr. 4.395.000
Godhavn	kr.    627.000
Upernavik	kr. 5.962.000
Thule	kr. 2.172.000
Angmagssalik	kr. 7.460.000
Scoresbysund	kr.    651.000

Imm. 2. Tapiissutit 1andskassemit akilerneqartassapput qaammatini tamani 1/12-iusut qaammatinut ataasiakkaanut tapiissutinut agguagassanut tapertaliullugit.

§ 2. Tapiissutit § 1-imi aalajangerneqartut matuneqarnissaat anguniarlugu kommunet ataani taaneqartut 1984-irai imaattunik akilluteqassapput:
Ivittuut ............ kr. 3.906.000
Nuuk ................ kr. 32.969.000
Imm. 2. Akiliutissat landskassemut akilerneqartassapput ukiup qaammataani tamani 1/12-iusut qaammatinut ataasiakkaanut tapiissutinit agguagassanit millilerutitut.
Imm. 3. Imm. 2 malillugu akiliutissat qaammammi tapiissutinit agguagassanit annertuneruppata aningaasat qaammammi tapiissutinit agguagassanit annertunerussutaasut 1andskassemut akilerneqassapput qaammatip pineqartup aallaqqaataani.

Namminersornerullutik Oqartussat, ulloq 20. september 1983.

Moses Olsen

/

Ole Sinkbæk