Savaatilissat ilinniartitaanerat pillugu Namminersornerullutik Oqartussat nalunaarutaat nr. 6, 1. juni 1983-imeersoq.
Landstingip peqqussutaa nr. 5, 24. oktober 1980-imeersoq naapertorlugu savaatilissat ilinniartitaanissaat pillugu aalajangersakkat imaattut makkuupput:
Kapitali 1.
Aalajangersakkat nalinginnaasut.§ 1. Ilinniartitsinermi siunertarineqarpoq inuusuttunik savaatilinngorumaartunik ilinniartitsinissaq, tassa tamatumuuna ilisimasariaqartunik savaatilittullu inuutissarsiornermi suliassanik assigiinngitsunik isumannaatsumik ilinniartinneqarnerisigut suliffeqarfimmi imminut ingerlattumi Upernaviarsummiittumi aammalu savaatilinni pikkorissuni najugaqartillugit pilersaarusiorluakkamik sulisillugit ilinniartinneqarnerisigut.
Imm. 2. Ilinniartitaanissaq sisamanut immikkoortitaassaaq - aallarniutigalugu misilitsinnerinnangajaasoq trin I, tunngaviusumik ilinniartitaaneq trin II aammalu suliitigaluni ilinniartitaaneq trin III aamma IV. Trin IV amerlanertigut Islandimi ingerlanneqartassaaq, aammali Kalaallit Nunaanni ingerlatassatut aaqqissuunneqarsinnaalluni.§ 2. Tunngaviusumik ilinniartitaaneq trin II ingerlanneqassaaq suliffeqarfimmi imminut ingerlattumi Upernaviarsummi Qaqortup eqqaaniittumi.
§ 3. Savaatilinngorniartunik ilinniartitsinermi pisortaassaaq suliffeqarfimmi imminut ingerlattumi Upernaviarsummiittumi sukkulluunniit pisortatut atorfeqartitaasoq. Ilinniakkamut tunngasumik ataatsimiititaliaq (brancheudvalg) ilinniartitaanermik qanorlu ingerlaneranik nakkutilliissussaaq tamanna pillugu nalunaarut atortuusoq naapertorlugu.
Imm. 2. Inuttat pillugit råde (personaleråd) pilersinneqassaaq kikkunnit inuttaqartitaanissaa sunillu isumagisassaqarnissaa inuutissarsiutinut tunngasumik nalakkersuisuni ilaasortaatitaasumit akuerineqassallutik ilinniartitaanermut inspektøreqarfimmit inassuteqarneq naapertorlugu.
Kapitali II.
§ 4. Inuutissarsiutinut tunngasumik naalakkersuisuni ilaasortaatitaasup suliffimmut tunngasumik ataatsimiititaliap inassuteqarnera naapertorlugu aalajangertassavaa ilinniartut qassit ukiut tamaasa tiguneqartassanersut.
§ 5. Ilinniartitsinermi suliassamut tunngasut fagit saniatigut fagit ilinniartitsissutaasartut allat naliginnaasut aamma ilinniartitsissutigineqartassapput.
Imm. 2. Ilinniartut siunnersorneqartassapput/ilitsersuunneqartassapput ilinniarfimmiinnerannnut inuutissarsiummullu tunngasunik taamatullu inuttut atugarisaanut tunngasunik.§ 6. Ilinniartitaaneq aallarnerneqassaaq trin 1-mi misilitsinnermik savaatilinni ingerlanneqartartussamik. Taamatut misilitsinneq qaammatinik pingasunik sivisussuseqartassaaq. Ilinniartoq suliap suussusianik paasitinniarneqassaaq najugaqarfimrrini suliassanik assigiinngitsunik qanimut malinnaasinneqarnermigut. Aallarnersarneq tamanna misilitsinneruvoq, tassalu tamatuma nalaani ilinnialeraluarneq ilinniartumit sulisitsisuanillu atorunnaarsinneqarsinnaavoq. Tamatuma kingorna ilinniarneq atorunnaarsinneqarsinnaalissaaq aatsaat Ilinniakkamut tunngasumik ataatsimiititaliap siumut akuerisisinneqarneratigut.
§ 7. Tunngaviusumik ilinniarneq. Tunngaviusumik ilinniarneq Upernaviarsummi ingerlanneqartassaaq. Tunngaviusumik ilinniarneq sivikinnerpaamik ukiumik ataatsimik sivisussuseqartassaaq.
Imm. 2. Tunngaviusumik ilinniartitaanerup siunertarai:
1) ilinniartut ataaslakkaat atuakkat sulinerlu atorlugit sapinngisamik peqqissaartumik ilinniartitaanissaat taamalu ilinniartut ataasiakkaat savaatilittut sulilernissamlnni sapinngisamik pitsaanerpaamik periarfissaqartitaanissaat.
2) ilinniartut sulinikkut sungiusarneqarnissaat tamatumuuna ilinniartut paasitissallugit inuutissarsiut taanna qanoq ittunik suleriaaseqarluni ingerlanneqarsinnaasoq (suliassat sorpiaanersut ilisimassallugit) sungiusarluni savaatilimmukannginnermini.
Imm. 3. ilinniartut paasitissallugit savaatilittut ilinniarnerup inooqatigiissutsimut tunngasortaanik.
Imm. 4. ilisimasassanik nalinginnaasunik ilinniartinneqarneratigut ilinniartumut paasitinniassallugu sumi inissisimanera aammalu paasitinniassalugu kalaallit inuutissarsiutaasa inooqatigiissutsimut allamut naleqqiullutik sumi inissisimanerannik.§ 8. Ilinniartitaanermi immikkoortoq, trin III suliitigaluni ilinniarneruvoq Kalaallit Nunaanni savaatillit ilaanni ingerlanneqartussaq. Ilinniartup savaatilittut suliassat assigiinngitsut tamaasa malittarissavai. Trin III qaammatinik qulingiluanik sivisussuseqassaaq.
§ 9. Ilinniartitaanerup immikkoortoq, trin IV suliitigaluni ilinniarnerup ilagissavaa amerlanertigut Islandimi savaatillit ilaanni ingerlanneqartussaq. Ilinniarnerulli ilaa tamanna Kalaallit Nunaanni savaatilimmi aamma ingerlanneqarsinnaasassaaq. Ilinniarnerup ilaa taanna ukiumik ilivitsumik sivisussuseqartassaaq.
Kapitali IV.
Ilinniarnerup annertussusia imarisaalu.§ 10. Ilinniartitaanerup immikkoortuani, trin 11-mi piffissaq atuarnermut atorneqartussaq aalajangerneqarpoq sapaatip akunneranut minnerpaamik nal. akunnerinut 40-inut. Taakkunannga minnerpaamik 20 % ilisimasariaqartunik nalinginnaasunik ilinniarnermut atorneqartassapput.
Imm. 2. Ilinniartitaanerup immikkoortua taanna, trin II avinneqassaaq 60 %-itia sulinikkut 40 %-itialu atuarnikkut ingerlanneqartussanngorlugu.
Imm. 3. Naatsorsuutigineqarpoq misissuisarfiup (Stationip) ingerlatitaanerani ilinniartut suleqataanissaat, sianigineqassallunili ilinniartup atuarnerminik ingerlatsinissaa akornuserneqassanngimmat.
Imm. 4. Ilinniartitaanerup siunertaata, sunik imaqarnerata qanorlu ingerlanneqarnissaata allaaserineqarnera kaajallaasitatut nassiurneqassaaq.
Kapitali V.
Suliitigaluni ilinniarneq.§ 11. Suliitigaluni ilinniarnerit ingerlanneqartassapput savaateqarfinni Ilinniakkamut tunngasumik ataatsimiititaliap (brancheudvalg) ilinniartumit najorneqartussatut akuerisaani, atuarfiup isumaa naapertorlugu ilinniarnerup immikkoortuisa III-p aamma IV-p ingerlanneqarnerini ilinniarfissatut naleqquttuni.
Imm. 2. Ilinniartitaanerup immikoortuisa III-p aamma IV-p ingerlanneqarnissaani ilinniartoq isumaqatigiissuteqarfigineqartassaaq isumaqatigiissutissatut naqitaq ilinniakkamut tunngasumik ataatsimiitaliamit akuersissutaasimasoq atorlugu ilinniartitsinermi pisortaasumut inassuteqarnikkut. Isumaqatigiissutissaq atsiorneqartassaaq suliitigaluni najugaqarfissamit ilinniartumillu. Isumaqatigiissummi takuneqarsinnaassaaq suliitigaluni najugaqarfissaq ilinniartorlu sutigut imminut pisussaaffeqarnersut. Kiisalu ilinniarnermi tapisiassaq/akissarsiassaq isumaqatigiissummi aamma takuneqarsinnaassaaq.
Imm. 3. Suliitigaluni ilinniarfissarsiortarnerit atuarnermi pisortaasumit isumagineqartassapput, taassumalu savaatilinnut ataasiakkaanut atassuteqarneq isumagisassaraa.
Imm. 4. Savaateqarnermut siunnersortip aamma/imaluunniit atuarfimmi suleqataasut savaatilinngorniartumut suliitigaluni ilinniarfiit nakkutiginerat isumagissavaat nakkutigalugulu ilinniarnerup qanoq ingerlanneqarnera.§ 12. Suliitigaluni najugaqarfiusoq pisussaavoq ilinniartup ilinniartitaanermut najoqqutassatut aalajanderiigaasut naapertorlugit ilinniartitaanissaa isumagissallugu. Allatut ajornavitsillugu aatsaat ilinniartoq suliassinneqartarsinnaavoq ilinniartitsinermut najoqqutassani allassimanngitsunik. Ilinniartoq pisussaavoq suliitigaluni ilinniarnissaminut najoqqutassaatitaasu ni allassimasut suliassat peqataaffiginissaannut.
Kapitali VI.
Ilinniartutut tiguneqarnissami piumasaasut.§ 13. Ilinniartunngorumallutik qinnuteqartussat ilinnialernerminni ukiup siulliup naannginnerani l8-inik ukioqalersussaassapput. Ilinniartunngortussaq kalaallit oqaasii atorlugit ilinniartinneqarsinnaassaaq. Ilinniartunngortussaaq amertanertigut 9. klassemi minnerpaamik atuarsimassaaq aammalu savaatilittut inuutissarsiornermut paasisimasaqariissalluni.
Imm. 2. Qinnuteqartut allatigut piukkunnaateqartut, soorlu inuutissarsiutinik naleqquttunik ingerlataqarsimanermikkut allatigut ilinniarsimanermikkut, inuutissarsiutinut naleqquttunut kursuseqataasimanermikkut, inooqatigiinni kiffartuussisimanermikkut il. il. piuk kunnaateqalersimasut ilinniartutut tiguneqaqqullugit inassutigineqarsinnaapput.
Imm. 3. Savaateqarnermi ilinniartunngorusukkaluartoq itigartinneqarpat, itigartitsinermut pissutaasoq nalunaarutigineqassaaq, pineqartorlu inanneqassaaq kommunemi najugaqarfigisamini inuutissarsiutinut tunngasumik ilitsersorneqarnissaanik. Savaatilinngornianut ilinniarfiup itigartitsinermini pissutigisaa ilinniartitaanermut inspektøreqarfimmut maalaarutigineqarsinnaavoq.
Kapitali VII.
Ilinniarnerup inernera.§ 14. Ilinniartunut savaatilinngorniatut ukiuni pingasuni ilinniarnissamut pilersaarusiaq naapertorlugu atuareersimasunut atuarfiup ilinniarsimanermut uppernarsaat tunniutissavaa.
Imm. 2. Ilinniarneq tamakkerlugu inersimanngikkaanni ilinniartuusimasoq pisinnaatitaavoq atuaqataasimanini uppernarsaasertissallugu.
Kapitali VIII.
Aalajangersakkat immikkut ittut.§ 15. Ilinniartitaanermut tunngasumik ataatsimiitaliap (brancheudvalg) inassuteqarneratigut ilinniartitaanermut inspektøriusup nalunaarummi uani allassimasunik saneqqutsigallarnissaq akuersissutigisinnaavaa ineriartornerup ilaatut isigalugu.
§ 16. Nalunaarut 1. juni 1983-imi atortussanngortitaasoq misissoqqinneqassaaq kingusinnerpaamik 1. juni 1985-imi.
Namminersornerullutik Oqartussat, ulloq 1. juni 1983
Moses Olsen/
Carl Iver Carlin