Meeqqat atuarfianni klassini qullerni atuartut atuarnermut tapiiffigineqartarnerat pillugu Inatsisartut nalunaarutaat nr. 3, 18. maj 1983-imeersoq.

Meeqqat atuarfianni klassini qullerni atuartut atuarnermut tapiiffigineqartarnerat pillugu Inatsisartut peqqussutaata nr. 5, 28. oktober 1982-imeersup § 4, imm. 3-a naapertorlugu matumuuna Isumaginninnermi Pisortaqarfimmik isumaqatigiinniuteqareerluni atuartup qanoq ilisukkut atuarnerminut malinnaasutut isigineqartassaneranik malittarisassat tulliuttut aalajangersarneqarput:

 

§ 1. Atuartoq qaammatip sivisussusiata ilaani siumut aalajangeriikkami napparsimanerup imaluunniit peqqutissaqavilluni atuarnerit 10 sinnerlugit peqanngissimanngikkuni atuartoq isigineqassaaq piffissap ingerlanerani atuarnerminut malinnaasutut.

§ 2. Kommunit aalajangigaannut naammagittaalliuutit naammagittaalliuutip tiguneqareerneratigut sapaatip akunneri 4 iluani piffissaatitaasup qaangiutinnginnerani Kultureqarnermi atuartitsinermilu Pisortaqarfimraut suliassanngortinneqarsinnaapput.

§ 3. Nalunaarut manna atuutilissaaq 1. august 1983.

Nuuk, den 18. maj 1983

Stephen Heilmann

/

Aqigssiaq Møller