Kommunedata I/S-imi inuit allattorsimaffiisa qarasaasiakkut ingerlanneqarnerannut Kalaallit Nunaanni komnunenut kattunneqartunut maleruagassat pillugit Namminersornerullutik Oqartussat nalunaarutaat nr. 2, 16. december 1983-imeersoq.
Nalunaarsuutit naalakkersuisuni pisortat ingerlassaat pillugit inatsimmi nr. 294, 8. juni 1978-imeersumi § 1, stk. 1, § 20 aamma § 29, stk. 2, tak. Namminersornerullutik Oqartussat pillugit inatsirami nr. 577, 29. november 1978-imeersumi § 19, naapertorlugit makku aalajangersarneqarput:
Kapitali 1
Nalunaarsuutip aqqa siunertaalu il.il.§ 1. Nalunaarsuutip aqqa tassaavoq Kommunedata I/S-imi inuit qarasaasiakkut allattorsimaffiisa kommunenit kattullutik ingerlanneqarnerat.
Imm. 2. Kommunalbestyrelsi tassaavoq pisortaq akisussaasoq nalunaarsuutinut inunnut koinmunemi folkeregisterimut nalunaarsorsimasunut paasissutissanik imalinnut aammalu paasissutissanut pisoqalisimasunut kommuneminngaanneersunut. Namminersornerullutik Oqartussat tassaapput pisortat akisussaasut nalunaarsuutinut inunnut Namminersornerullutik Oqartussat Danmarkimi allaffeqarfiani Kalaallit Nunaanni koranunet aggornerisa avataannut folkeregisterimut nalunaarsimasunut paasissutissanik imalinnut kiisalu paasissutissanut pisoqalisimasunut folkeregisterimit tassanngaanneersunut.§ 2. Nalunaarsuutip siunertaraa konimunenini aqutsivinnut/Namminersornerullutik Oqartussat Danmarkimi allaffeqarfiannut folkeregisterimit paasissutissanik tunniussinissaq.
Imm. 2. Nalunaarsuutit siunertarivaattaaq kommunemi ilitsersuusiornermut atugassanik tunniussinissaq.
Imm. 3. Kiisalu nalunaarsuutit siunertarigujaat Kalaallit Nunaanni rigsanbud-imit boligstøttip allaffitsigut ingerlanneqarneranut atugassanik tunniussinissaq. Nalunaarsuutit taamaallaat Kommunedata I/S-imi ingerlanneqarsinnaapput.
Kapitali 2
Nalunaarsuutip imaa, atorneqarnera piiarneqarneralu.§ 4. Nalunaarsuut taamaallaat imaqassaaq inunnik konmunemi folkeregisterimut/Namminersornerullutik Oqartussat Danmarkimi allaffeqarfianut nalunaarsimasunik.
§ 5. Nalunaarsuut taamaallaat paasissutissanik maleruagassanut ilanngussami 1-imi taaneqartutut ilusilinnik imaqarsinnaavoq.
Imm. 2. Nalunaarsuutini paasissutissat taamaallaat pissarsiarineqarsinnaapput Qitiusumik Inuit Nalunaarsorsimaffiannit (Det centrale Personregister) maskina atorlugu nuussinikkut. Taamaattorli telefonit normui sullivinnullu paasissutissat kommunemit nalunaaruteqarnikkut pissarsiarineqarsinnaapput. Boligstøttimik aaqqissuussinemut atatillugu taarsigassarsiat normuinik paasissutissat Kalaallit Nunaanni rigsotibudsmand-imit (Boligstøtteudvalget) nalunaaruteqarnikkut pissarsiarineqarsinnaapput.
Imm. 3. Paasissutissat maskinat atorlugit atuarneqarsinnaasut kommunep/Namminersornerullutik Oqartussat Danmarkimi allaffeqarfiata avataanniittunut nuunneqassappata, taava paasissutissat atoreernerisigut aserorterneqassapput imaluunniit konmunemut utertinneqassallutik.
Imm. 4. Paasissutissat eqqunngitsut paasinerluutaasinnaasulluunniit nalunaarsorneqarnissaat pinngitsoorniarlugu pisariaqartumik nakkutilliisoqassaaq. Paasissutissat eqqunngitsut paasinerluutaasinnaasulluunniit paasineqartut piaarnerpaamik piiarneqassapput naqqinneqassallutilluunniit.§ 6. Data atorlugu suliarinninneq nalunaarsuutip paasissutissaataanik iluarsaanerinnaallunilu paasissutissanik stk. 2-mi taaneqartutut ilusilinnik paasissutissiornerinnaassaaq.
Imm. 2. Nalunaarsuutinit pissarsiarineqarsinnaapput qinersisinnaasut allassimaffii, qinersisinnaasut allagartaat, listit il.il. meeqqat atualernerannut atorneqartut, meeqqat tapiisa aqunneqarnerannut atugassat, paasissutissat pisoqalisimasut piiarneqarsimasut allassimaffiat, nalunaarsuutit siunertaanut nalunaarusiat, kukkunernut nalunaarutinullu allassimaffiit, listit imaluunniit magnetbåndet kommunemi ilitsersuusiornermi atugassat, listit aamma/imaluunniit inunnut piffissami aalajangersimasumi folkeregisterimi nikerarsimasunut inuit aqqisa allassimaffii nipititertakkat, Boligstøttemi taarsigassarsianik akiliinissami tapiissutissat qanoq kisinneqarnissaannut tunngasut kiisalu listit, nassuiaatit nalunaarsukkallu allat.
Imm. 3. Kommunet aammalu Namminersornerullutik Oqartussat akileraartarnermut ingerlatsinerannut atortussatut maskinat atorlugit paasissutissanik folkeregisterimit Akileraartarnermi Pisortaqarfiup inuit amerlassusiisa naatsorsorneqarfiannut (mandtalsfil) nuutitsisoqarsinnaavoq, naalagaaffiinmi atorfillit aningaasarsiaasa akileraarutinillu paasissutissat ataatsimut ingerlanneqarnissaat siunertaralugit. Ataatsimut ingerlatsinermut atortullu ataatsimut ingerlatsinermi saqqummersut malittarisassaat, aammalu Koimiunedatap Kalaallit Nunaanni akileraartarnermut ingerlatsinermut listinik nuussisarneranut malittarisassat "Akileraartarnermi Pisortaqarfiup inuit amerlassusiisa naatsorsorneqarfianut malittarisassai"-ni Namminersornerullutik Oqartussat atulersitaanni aalajangersarneqarput.
Imm. 4. Nalunaarsuutinit nuussineq taamaallaat Kommunedatami pisinnaavoq.§ 7. Kommunedatap ullut tamaasa Qitiusumik Inuit Nalunaarsorsimaffiat iluarsiivigineranut atatillugu nalunaarsuutit iluarsiivigissavai.
§ 8. Paasissutissat nalunaarsorneqarsimasut piscqalinertik pissutsilluunniit allat peqqutigalugit nalunaarsuiffiup suliassaanik isumaginninnermut pingaarutaarussimasut piiarneqassapput.
Imm. 2. Paasissutissat, pisoqalisimasut allassimaffiinut nuutinneqarsimasut tassunga pinerminninngaannit kingusinnerpaamik qaaramatit 27 qaangiukkaangata piiarneqartassapput. Taamaattorli paasissutissani pisoqalisimasuni najukkap, aappaqarnerup aanmalu inuup normuanik allannguutit kingulliit qanorluunniit pisoqaatigigaluarpata toqqortarineqassapput.
Kapitali 3
Kommunemi/Namminersornerullutik Oqartussani isumannaallisaanerit.§ 9. Kommunani isumannaallisaanerit pillugit kommunalbestyrelsi iliuusissanik aalajangersaassaaq malittarisassanik kapitalini 3-miit 7-imut taaneqartunik itisiliinerusunik. Malittarisassani pingaartumik pineqassapput pissutsit aqutsinermut tunngasut timilu atorlugu isumannaallisaanerit kiisalu isumannaallisaanermut iliuutsit kommunanut aalajangersarneqarsimasut malinneqarnerannik nakkutilliineq. Malittarisassatiguttaaq toqqarneqassaaq atorfilik akisussaaffeqareersoq isumannaallisaaniarnermut iliuutsit nakkutigineqarnerannik aallarnersaasussaq, taamaattoq tak. imm. 2.
Imm. 2. Maleruagassat makku kiisalu kommunemi malittarisassat aalajangersakkat naapertorlugit borgmesterip konmunemi isumannaallisaaniarneq siulersussavaa.
Imm. 3. Namminersornerullutik Oqartussat danmarkimi allaffinmini isumannaallisaatissanik aalajangersaasussaavoq, tak. stk. 1.§ 10. Pappiarat (udskrifter) paasissutissanik inunnut aalajangersimasunut tunngasunik imaqartut taamaallaat atorneqarsinnaallutillu paarineqarsinnaapput kommunemi/danmarkimi allaffiinmi § 11-mi § 12-imilu maleruagassat naapertorlugit, taakku kommunemi/danmarkimi allaffiinmi inunnut nalunaarsorneqarsimasunut ataasiakkaanut suliassamut aalajangersimasumut tunngariinngippata.
§11. Nalunaarsuutinit pappiarat pissarsiarineqartut taamaallaat atorneqarsinnaapput kommunemi/danmarkimi allaffimmi suleqataasunit pappiarat isumagineqarnerannik aqutsiviusumi suliaqartunit.
Imm. 2. Taamaattoq kommunemi/danmarkimi allaffimmi aqutsiviusumi suleqataasut allat pappiaranik taakkunannga atuisinnaapput paasissutissat aqutsiviup pineqartup ingerlanneqarneranut annertuumik pingaaruteqarpata, imaluunniit aqutsiviup alajangiinissaanut annertuumik pingaaruteqarpata.§ 12. Pappiarat atorneqartinnagit parnaarsartumik toqqorsimaneqassapput.
Imm. 2. Pappiarat taamaallaat toqqorsimaneqarsinnaapput ukiuni 5-ni tamatumalu kingorna aserorterneqassallutik. Kisianni paasissutissanut pisoqalisinasunut piiarneqarsimasunut listit taamaallaat ukiuni 3-ni toqqorsimaneqassapput.
Kapitali 4
Isumannaallisaanerit allat.§ 13. Kommmunedatap maleruagassai isumannaallisaaniarluni iliuutsit, Finansministeriap Kommunedata I/S-imi inuit allattorsimaffiisa qarasaasiakkut ingerlanneqarnerannut kommunenut kattunneqartunut maleruagassiaani ilanngussani A-mi B-milu taaneqarsimasut.
§ 14. Paasissutissanut pisoqalisimasunut piiarneqarsimasunut listit taamaallaat kommunemut paasissutissanik pissarsiviusumut nassiunneqartassapput.
Imm. 2. Paasissutissanut pisoqalisimasunut piiarneqarsimasunut listit Namminersornerullutik Oqartussat danmarkimi allaffianeersut taamaallaat danmarkimi allaffimmut nassiunneqartassapput.§ 15. Paasissutissanik Kommunedataniit pappiaranut nuussineq inunnut aalajangersimasunut tunngasoq ingerlatsinermut pilersaarut naapertorlugu pissaaq, taamaattorli tak. stk. 2-4. Ingerlatsinermut pilersaaruinmi nalunaarsimassaaq qaqugu paasissutissat tunniunneqarnissaat, ullut Kommunedatami sulliviusut Kommunedatamillu paasissutissat tunniunneqarfissaat. Ingerlatsinermut pilersaarut Kommunedatamit aalajangersarneqassaaq kommunemut/Namminersornerullutik Oqartussat danmarkimi allaffiannut aamalu Namminersornerullutik Oqartussanut kiisalu Kalaallit Nunaanni Kommunet Kattuffiannut nassiunneqassalluni.
Imm. 2. Paasissutissanik stk. 1-imi taaneqartutut pappiaranut nuussineq ingerlatsinermut pilersaarut naapertorlugu pisoq taamaallaat pisinnaavoq kommunep/Namminersornerullutik Oqartussat danmarkimi allaffiata folkeregisteriani suleqataasut imaluunniit kommunep/danmarkimi allaffiup aqutsiviata ilaani paasissutissanik atuiffiusussami suleqataasut allakkatigut qinnuteqarnerisigut. Borgmesteri imaluunniit danmarkimi allaffimmi pisortaasoq (Namminersornerullutik Oqartussat Akileraartarnermut Pisortaqarfiani pisortaasup piumasaa malillugu) piginnaatitsissaaq suleqataasut pineqartut paasissutissanik piniarsinnaanissaannut. Kommunedata ilisimatinneqassaaq kikkut nuussinissamut qinnuteqarnissamut piginnaatitaanersut.
Imm. 3. Kalaallit Nunaanni rigsombudsmand-imut paasissutissanik pappiaranut nuussineq, tak. § 28, ingerlatsinermut pilersaarut naapertornagu pisoq taamaallaat pisinnaavoq boligstøtteudvalgimi suleqataasut allakkatigut qinnuteqarnerisigut. Rigsombudsmandi piginnaatitsissaaq suleqataasut pineqartut paasissutissanik piniarsinnaanissaannut. Kommunedata ilisimatinneqassaaq kikkut nuussinissamut qinnuteqarnissamut piginnaatitaanersut.
Imm. 4. Pissutsit immikkut itsillugit qinnuteqarneq stk. 2-mi taaneqartutut ittoq allakkasuartaatit atorlugit pisinnaavoq. Paasissutissanik nuussineq nassiussinerlu pitinnagit Kommunedatap qinnuteqarneq telegrammikkut akuersissutigissavaa inummut paasissutissanik qinnuteqarnissamut piginnaatitaasumut, tak. stk. 2. Kommunedatap nakkutigissavaa stk. 2-mi taaneqartutut allakkatigut qinnuteqaat Kommunedataniit tiguneqarsimassasoq allakkasuartaatitigut qinnuteqarnermiit sap. ak. 3-t qaangiutsinnagit.
Imm. 5. Pissutsit immikkut itsillugit qinnuteqarneq stk. 2-mi taaneqartutut ittoq telefonikkut pisinnaavoq. Paasissutissanik nuussineq nassiussinerlu pitinnagit Kommunedatap qinnuteqarneq uppernarsaasissavaa inummut paasissutissanik qinnuteqarnissamut piginnaatitaasuraut telefonernermigut, tak. stk. 2. Kommunedatap nakkutigissavaa stk. 2-mi taaneqartutut allakkatigut qinnuteqaat Kommunedatamit tiguneqarsimassasoq telefonikkut qinnuteqarnermiit sap. ak. 3-t qaangiutsinnagit.
Imm. 6. Paasissutissanik pappiaranut nuussineq taamaallaat nalunaarsuutit ilaannit kommunalbestyrelsimit atorneqarsinnaasunit pisinnaavoq, tak. § 1, stk. 2.§ 16. Paasissutissat Kommunedatameersut nalunaarsuutit ilaannit kommunalbestyrelsimit atorneqarsinnaasunit pisut, tak. § 1, stk. 2, aammalu paasissutissanik inunnut ataasiakkaanut tunngasunik imaqartut Kommunedatap nassiussai adressilerneqassapput borgmesterimut imaluunniit suleqataasumut taassuma toqqagaanut.
Imm. 2. Paasissutissat stk. 1-imi taaneqartut nassiunneqartut, nalunaarsuutit ilaannit Namminersornerullutik Oqartussanit atorneqarsinnaasuneersut, tak. § 1, stk. 3, folkeregisterimi danmarkimi allaffimni pisortaasumut naasiunneqartassapput.
Kapitali 5
Inuit namminerminnut paasissutissanik pissarsinissamut pisinnaatitaanerat.§ 17. Inuk nalunaarsorneqarsimasoq tamatuminnga kissaateqarpat, taava kommunalbestyrelsip/danmarkimi allaffiup piaarnerpaamik nalunaarsorsimasoq paasissutissanik nalunaarsorsimasunik nalunaarfigissavaa.
Imm. 2. Paasissutissanik tunniussineq taamaallaat pisinnaavoq pineqartoq naammattumik kinaassutsiminik uppernarsaasereerpat imaluunniit allatut ersarissumik qulakkeerneqarpat qinnuteqartoq taannaasoq paasissutissanik tunngassuteqartoq. Qinnuteqarneq nalunaarsorsimasumit namminermit pinngippat inummilli allamit pineqarluni kommunalbestyrelsip/danmarkimi allaffiup qulakkiissavaa pineqartoq nalunaarsorneqarsimasumik sinniilluni iliuuseqarnissamut piginnaatitaanersoq.
Imm. 3. Nalunaarutit stk. 1-imi qinnutigineqarneranni piumasarineqarpat allaganngorlugit tunniunneqassapput.
Imm. 4. Inuk nalunaarsorneqarsimasoq stk. 1 naapertorlugu nalunaarummik pisimasoq pinermi kingulliup kingorna qaammatit 12-t qaangiutsinnagit nutaamik nalunaarfigineqarsinnaanngilaq, tamatumunnga inmikkut patsisissaqarnini uppernarsaasinngikkuniuk.§ 18. Paasissutissanik § 17 malillugu pisinnaatitaanermut nalornisoornerit nalunaarsuutinut nakkutilliisunut ingerlateqqinneqarsinnaapput. Nakkutilliisut aalajangiinerat pisortanut allanut ingerlateqqinneqarsinnaanngilaq.
Kapitali 6
Paasissutissanik inuinnarnut namminersortunullu ingerlateqqiineq.§ 19. Paasissutissat inunnut aalajangersimasunut tunngasut inuinnarnut sullivinnullu namminersortunut ingerlateqqinneqarsinnaanngillat tamanna §§ 20 - 23-imut taaneqarsimanngippat.
§ 20. Paasissutissat ingerlateqqinneqasinnaapput nalunaarsorneqarsimasoq taannaluunniit sinnerlugu piginnaatitaasoq tamatumunnga akuersisimappat.
Imm. 2. Akuersissut allakkatigut nalunaarutigineqassaaq makkunanngalu paasissutissartaqassalluni:
1) paasissutissat qanoq ittut ingerlateqqinneqarsinnaanersut
2) paasissutissat kimut ingerlateqqinneqarsinnaanersut, aamnalu
3) paasissutissat tigusisussatut taaneqartumit qanoq atorneqassanersut.
Imm. 3. Akuersissut atorunnaassaaq kingusinnerpaamik ukiup ataatsip qaangiunneratigut.§ 21. Paasissutissattaaq ilisimatusarnermut piviusumik suliniuteqartunut ingerlateqqinneqarsinnaapput erseqqissumik tamakku atornissaannik piumasaqarfigalugit Indenrigsministeriamiillu akuerineqareernikkut.
§ 22. Aalajangersakkat Indenrigsministeriap folkeregisterit pillugit nalunaarsuutaaniittut naapertorlugit paasissutissanik ingerlatitseqqiineq makku malillugit pisinnaavoq:
1) Inummut aalajangersimasumut aternut tamanut tunngasut konmunemilu najugaanik paasissutissat imaluunniit paasissutissat pineqartup toqusimaneranik, tanunarsimaneranik, nunamut allamut nuussimaneranik kommunemilluunniit nuussimaneranik. Matumani najukkamik isertuisarneq pillugu aalajangersakkat sianigineqassapput.
2) Paasissutissat allat inuranut aalajangersimasumut tunngasut qinnuteqartoq uppernarsaasinnaagaangat tamatumunnga immikkut ittumik soqutigisaqarnerminik. Inuulli normuanik paasissutissiineq Indenrigsministeriamit akuerineqarnikkut aatsaat tunniunneqarsinnaavoq. Nalunaarutit kommunenut tunngasut, tak. ilanngussaq 1, tunniunneqassanngillat.
3) Inuit folkeregisterimi nalunaarsorneqarsimasut aqqinik najugaannillu paasissutissat kormunemi ilitsersuusianik sananermut atugassat tunniunneqarsinnaapput, najugarisaq isertugaanngippat imaluunniit nalunaarsorneqarsimasoq kommunemut qinnuteqarsimappat paasissutissat siunertamut taaneqartumut tunniunneqanng innissaannik.
4) Paasissutissat ataatsimoortut allat Indenrigsministeriap akuersineratigut aatsaat tunniunneqarsinnaapput. Nalunaarutit kommunenut tunngasut, tak. ilanngussaq 1, tunniunneqassanngillat.§ 23. Paasissutissat, kommunemit nalunaarutigineqartut siunertaqartullu atortussanik namminersortumik sulliviit ilitsersuusiornissaannut, tamatumunnga atugassatut tunniunneqarsinnaapput.
§ 24. Paasissutissanut §§ 20, 21 aamma 22, nr. 1, 2 aamma 4 malillugit tunniunneqartunut akileeqqusisoqarsinnaavoq, inummut ataatsimut annerpaamik 25 kr.-inik, apeqqutaatinnagu pineqartoq nalunaarsuutiniinnersoq. Paasissutissat kommunemi ilitsersuusianut atugassat tunniunneqarnerannut atasumik aningaasartuutit akileqquneqarsinnaapput.
Kapitali 7
Paasissutissanik pisortanut ingerlateqqiineq.§ 25. Paasissutissat inunnut aalajangersimasunut tunngasut pisortanut allanut ingerlateqqinneqarsinnaanngillat, tamanna §§ 26 - 30-mut taaneqarsimanngippat.
§ 26. Paasissutissat pisortanut allanut ingerlateqqinneqarsinnaapput §§ 20 - 21-imut aalajangersakkat naapertorlugit.
§ 27. Nalunaarsuutinit kommunalbestyrelsip oqaasissaqarfigisaanit paasissutissat, tak. § 1, stk. 2, Namminersornerullutik Oqartussanut aammalu Kaalaallit Nunaata ministereqarfianut ingerlateqqinneqarsinnaapput ministereqarfiup suliassaasa ingerlannerannut pisariaqartitsinerit naapertorlugit.
§ 28. Kalaallit Nunaanni Rigsombudsmandimut (boligstøtteudvalgi) ingerlateqqinneqarsinnaapput paasissutissat inissiani boligstøttemut aaqqissuussineq naapertorlugu naalagaaffimmmit taarsigassarsiaqarfiusuni najugaqartunut tunngasut meeqqat angerlarsimaffimni najugaqartut tunngavigalugit akiliutissamik millilerinissamut atorneqartussat. Najukkamik nalunaaruteqarneq taperneqarsinnaavoq boligstøtteudvalgimit normuliussamik (taarsigassarsinermi normu).
§ 29. Paasissutissat pisortanut allanut ingerlateqqinneqarsinnaapput pisortat pineqartut ingerlatsinerannut annertuumik pingaaruteqarunik imaluunniit pisortat aalajangiinissaannut annertuumik pingaaruteqarunik. Taamaattorli paasissutissat ataatsimoortut allat Indenrigsministeriap akuersineratigut aatsaat tunniunneqarsinnaapput, paasissutissanillu tunniussisoqassanngilaq nipangiussisimanissammut peqqussutit immikkut ittut akerleralugit.
§ 30. Aammattaaq paasissutissat pisortanut allanut ingerlateqqinneqarsinnaapput pisortat pineqartut aalajangersakkat immikkut ittut naapertorlugit paasissutissanik pissarseqqusaappata.
Kapitali 8
Unioqqutitsineq.§ 31. § 5-mik, tak. ilanngussaq 1, § 6, stk. 1-imik 4-millu, §§7-8-mut, aama §§ 13 - 16-imut unioqqutitsineq akiliisitsissutigineqarsinnaapput.
Kapitali 9
Atortuulernermut ikaarsaarnermullu il.il. aalajangersakkat.§ 32. Maleruagassat atortuulerput 1. maj 1983.
§ 33. Kommuni nalunaarsuutinut aatsaat ilanngussinnaavoq kommunalbestyrelsip ataatsimiinnermini tamatumunnga aalajangiineratigut. Kommunalbestyrelsip aalajangernera nalunaarsuutinik nakkutilliisunut ingerlaannartumik nalunaarutigineqassaaq. Kiisalu § 9-mi isumannaallisaanermut malittarisassanik itisiliinissamut taaneqartut aainmalu ilanngunnermut piumasaqaataasinnaasut immikkut ittut ilanngullugit nassiunneqassapput.
Imm. 2. Namminersornerullutik Oqartussat aalajangiisinnaapput danmarkimi allaffimmi folkeregisteri nalunaarsuutinut ilanngutissanersoq. Aalajangiineq ingerlaannartumik nalunaarsuutinut nakkutilliisunut nalunaarutigineqassaaq. Kiisalu § 9, stk. 3-mi isumannaallisaanermut malittarisassanik itisiliinissamut taaneqartut aainmalu ilanngunnermut piumasaqaataasinnaasut immikkut ittut ilanngullugit nassiunneqassapput.
Imm. 3. Kommuni nalunaarsuutinut atajunnaartoq tamatuminnga nalunaarsuutinut nakkutilliisunut, Indensrigsministeriamut aainmalu Namminersornerullutik Oqartussanut nalunaaruteqassaaq. Nanroinersornerullutik Oqartussat danmarkimi allaffiat nalunaarsuutinut atajunnaarpat Namminersornerullutik Oqartussat tamatuminnga nalunaarsuutinut nakkutilliisunut aamma Indenrigsministeriamut nalunaaruteqassaaq.
Imm. 4. Konmunedata nalunaarsuutinik ingerlatsiunnaaruni, taava Kommunedatap nalunaarsuutinik nakkutilliisut, Indenrigsministeria aammalu Namminersornerullutik Oqartussat tamatuminnga nalunaarfigissavai.§ 34. Namminersornerullutik Oqartussat aalajangersagaat 6. november 1980-imeersoq, Kalaallit Nunaanni kommunet Kalaallit Nunaanni Konmunedata I/S-imi Kalaallit Nunaata immikkoortutut folkeregistereqarneranut kommunenit kattunneqartoq-nut atassuteqarnermut malittarisassaq 1. januar 1984-imiit atortuulersussamik atorunnaarsinneqarpoq, kisiannili tak. stk. 2.
Imm. 2. taamaattorli aalajangersakkami 6. november 1980-imeersumit §§ 9 - 11-mut, pappiarat toqqortarineqarnerannut, atorneqarnerannut aammalu atorunnaarsinneqarnerannut aalajangersakkat 1. januar 1989-p tungaanut atortuuginnartinneqarput.
Namminersornerullutik Oqartussat, ulloq 16.12.1983.
Moses Olsen/
Ole Sinkbæk