Landsstyremut il.il. ilaasortaareersimasut soraarnerussutisiaqalernissaannik landstingip inatsisaa nr. 7, 14. juli 1982-imeersoq.
§ 1. Namminersornerulernerup atuutilernera tikillugu landsrådip siulittaasua taassumalu aappaa aammalu landsstyremut ilaasortaasimasut aappaallu soraarnerussutisiaqartussaatitaapput inatsimmi maani aalajangersakkat malillugit.
Nammineq soraarnerussutisiat.
§ 2. Soraarnerussutisiat naatsorsorneqassapput qanoq sivisutigisumik atasimaneq naapertorlugu.
Imm. 2. Qanoq sivisutigisumik atasimaneq tassaavoo piffissaq pineqartup - ataannartumik akunnilimmilluunniit - taa- maattutut suliffigisimasaa. Qanoq sivisutigisumik atasimaneq naatsorsornecrassaaq ukiunut ilivitsunut ukiunillu sulilluni aallartiffiit aallartinneri najoqqutaralugit. Landsstyremi ilaasortat nakorsamit uppernarsaaneq malillugu landsstyremut ilaasortaanissamut akornutaasumik nappaateqarluni tunuarpat qanoq sivisutigisumik atasimanerata naatsorsorneqarnerani piffissaq qinersivik tunuarfigisaa tamarmi naatsorsuunneqassaaq.§ 3. Soraarnerussutisiaqartitsinissamut patsisissaavoq sivikinnerpaamik ukiut 8-t atasimaneq.
Imm. 2. Ukiut soraarnerussutisiffissat naatsorsorneqarneranni atasimaneq ima nalilerneqassaaq:
Qanoq sivisutigiatasimaneq
Ukiut soraarnerussumik sutisiffissat
Ukiut 8 - 10 naatsorsorneqassapputukiunut 28-nut Ukiut 10 - 12 naatsorsorneqassapput ukiunut 30-nut Ukiut 12 - 14 naatsorsorneqassapput ukiunut 31-nut Ukiut 14 - 16 naatsorsorneqassapput ukiunut 33-nut Ukiut 16 - 18 naatsorsorneqassapput ukiunut 34-nut Ukiut 18 - 20 naatsorsorneqassapput ukiunut 36-nut Ukiut 20 qummullu naatsorsorneqassapput ukiunut 37-nut § 4. Soraarnerussutisiat piffissamit pineqartup landsrådimut siulittaasutut/landsstyremut ilaasortatut tunuarfianit tunniussorneqalissapput pineqartup ukiut nalinginnarmik soraarnerussutisiaqalerfissat 60-it angusimappagit, taamaanngippallu ullormit taamatut ukioqalerfianit.
§ 5. Nammineq soraarnerussutisisat annertussusiat landsstyremut ilaasortap ukiunik soraarnerussutisiffissaanik tunuarnermilu nalaani soraarnerussutisissutaasinnaasunik akissarsiaasa annertussusiinik tunngaveqarluni angissusilerneqassapput. Soraarnerussutisiat naatsorsorneqartassapput iluarsiivigineqartassallutillu Kalaallit Nunaanni namminersornerunerup ataani tjenestemændinut maleruagassat sukkullunniit atuuttut naapertorlugit.
§ 6. Inuk inatsit manna naapertorlugu soraarnerussutisialik nutaamik landsstyremut ilaasortatut qinerneqarpat soraarnerussutisiat unitsinneqassapput taamatut atorfeqarallartillugu.
Aappap soraarnerussutisiai.
§ 7. Aappamut meeqqanullu soraarnerussutisiat Kalaallit Nunaanni namminersornerunerup ataane tjenestemændinut maleruagassaat atuuttut naapertorlugit tunniunneqartassapput.
Malittarisassat immikkut ittut soraarnerussutisiaqartussaatitaq pisortani atorfeqaraangat atuuttut.
§ 8. Inuk inatsit manna naapertorlugu soraarnerussutisialik tamatuma saniatigut pisortani atorfimminit allamit akissarsisussaatitaappat soraarnerussutisiaqartussaatitaappalluunniit, taava landsstyremut ilaasortatut soraarnerussutisiai millilerneqassapput imaalillugu akissarsiat soraarnerussutisiallu katillutik annerpaamik inatsit manna naapertorlugu landsstyremut ilaasortatut ukiut soraarnerussutisiffissaasa qaffasinnersaat angusinnaallugu.
Namminersornerullutik Oqartussat, 14. juli 1982.
Jonathan Motzfeldt/
Alibak Steenholdt