Kalaallit Nunaanni sulisussat atorfinitsinneqartarnerat pillugu landstingip inatsisaata nr. 1-p 12. marts 1980-imeersup allanngortinneqarnera pillugu landstingip inatsisaa nr. 6, 14. juli 1982-imeersoq.

 

§ 1.

Kalaallit Nunaanni sulisussat atorfinitsinneqartarnerat pillugu landstingip inatsisaani nr. 1-mi 12. marts 1980-imeersumi imatut allanngortitsineqarpoq.

1. Inatsisip kalaallisoortaani § 1, imm. 1-mi oqaaseq "ilaatinneqarput" taarserneqarpoq oqaatsimik: "pineqarput"-mik.

2. § 1, imm. 1, nr. 2 imatut oqaasertalerneqassaaq:
2) Atorfiit niuernermi allaffimmilu ilinniagaqarsimanermik pisariaqartitsisut, taamaattoq pineqanngillat overassistentit fuldmægtigillu Sulinermik Inuutissarsiuteqartut Kattuffiata isumaqatigiissutaani taaneqartut, aammalu HK-p isumaqatigiissutaani taaneqartut, aggersitat.

3. § 1, imm. 1, nr. 3 imatut oqaasertalerneqarpoq:
3) Immakkut angallassinermik suliaqarfiup iluani atorfiit, soorlu makku, umiarsuup qaamiut, maskinalerisut, aalisartut aammalu sutorniartarfinni sulisut. Umiarsuup aqumiui aalajangersakkami pineqanngillat.

4. Inatsisip kalaallisoortaani § 1 imm. 2-mi, § 3 imm. 2-mi, § 8 imm. 1-mi aammalu § 8 imm. 3-mi oqaaseq "Inuutissarsiornermut Pisortap" imatut allanngortinneqassaaq: "Inuutissarsiornermi Naalakkersuisup".

5. Inatsisip kalaallisoortaani § 4 imm. 3-mi oqaaseq "Inuutissarsiornermut Pisortaq" imatut allanngortinneqassaaq: "Inuutissarsiornermi Naalakkersuisoq":

6. Inatsisip kalaallisoortaani § 5 imm. 1-mi oqaaseqatigiit kingulliit imatut oqaasertalerneqassapput: "Akuersissut tunniunneqartutut isumaqarfigineqassaaq, suliassaq kommunalbestyrelsemut suliassiissutigineqarneraniit qaammat ataaseq qaangiutsinnagu sulisitsisoq nalunaarummik allamik tigusaqarsimanngippat".

 

§ 2.

Inatsit tamanut saqqummiunneqarnermigut atulissaaq.

Nuuk, ulloq 14. juli 1982

Jonathan Motzfeldt

/

Lars Emil Johansen