Kalaallit Nunaanni oqaasiliortut pillugit inatsisartut inatsisaat nr. 4, 1. april 1982-imeersoq.

 

§ 1. Oqaasiliortut suliassaraat oqaatsit oqariartaatsillu kalaallisuut nutaat, naalisakkat ilanngullugit, katersussallugit, nalunaarsussallugit akuerisassallugillu.
Imm. 2. Oqaasiliortut suliassaraattaaq kalaallit oqaasii pillugit pisortat inuillu siunnersortassallugit.
Imm. 3. Aammattaaq oqaasiliortut suliassaraat suliffeqarfiit kalaallisut aammalu Kalaallit Nunaanni atsersuisartut imaluunniit atissanik inassuteqartartut suleqatigissallugit.
Imm. 4. Kultureqarnermi atuartitsinermilu Naalakkersuisup oqaasiliortut sulianik allanik imm. 1-3-mi taaneqartunut assingusunik suliassissinnaavai.

§ 2. Oqaasiliortut tallimanik ilaasortaqarput marlunnillu sinniisussaqarlutik Inatsisartut toqqagaannik.
Imm. 2. Ilaasortat toqqarneqartassapput Inatsisartut qinigaaffiat malillugu.
Imm. 3. Oqqasiliortut namminneerlutik siulitaasortik qinertassavaat sulinerminnilu ingerlatseriaasissarti aalajangersassallugu, taamaattorli tak. § 4.

§ 3. Ilisimatusarfik oqaasiliortunut allaffeqarfiuvoq.

§ 4. Oqaasiliortut sulinerat pillugu malittarisassat erseqqinnerusut kultureqarnermi atuartitsinermilu aqutsisut aalajangersassavaat.

§ 5. Inatsit una erniinnaq atulerpoq. Tamatumunnga peqatigitillugu oqaatsinut allattaatsimullu udvalgi pillugu landsrådip ileqqoreqqusaliaa 25. februar 1959-imeersoq atorunnaarpoq.

Namminersornerullutik Oqartussat, 1. april 1982.

Jonathan Motzfeldt

/

Thue Cristiansen