Kommunalbestyrelsenut bygderådinullu qinersineq pillugu inatsisartut inatsisissaat nr. 2 martsip 30-anni 1982-imeersoq.
Kapitali 1
Kommunalbestyrelsemut qinersineq Qinersisinnaatitaaneq qinigaasinnaanerlu§ 1. Imikkoortoq 2-mi taaneqartut kisimik pinnatik, kommunalbestyrelsemut qinersisinnaatitaavoq
1) kinaluunniit qaliunaatut innuttaassuseqartoq , folketingimut qinersisinnaanermut ukiussarititaasunik naammatsitsisimasoq aammalu qinersinissaq sioqqullugu sivikinnerpaamik qaammatini 6-ini Kalaallit Nunaanni kommunemilu najugarisamini sivikinnerpaamik qaammatini 3-ni aalajangersumik najugaqarsimasoq aammalu
2) kinaluunniit Finlandimi, Islandimi, Norgemi imaluunniit Sverigimi naalagaaffimmi innuttaassuseqartoq, folketingimut qinersisinnaanermut ukiussarititaasunik naammatsitsisimasoq aammalu qinersinissaq sioqqullugu sivikinnerpaamik ukiuni pingasuni naalagaaffimmi, sivikinnerpaamik qaammatini 6-ini Kalaallit Nunaanni, kommunemilu najugarisamini sivikinnerpaamik qaammatini pingasuni aalajangersumik najugaqarsimasoq.
Imm. 2. Inuit Kalaallit Nunaanni eqqartuunneqarnermikkut nammineersinnaajunnaarsitaasimasut qinersisinnaatitaanngillat.
Imm. 3. Kinaluunniit qinersisinnaatitaanngilaq qinersisartut allassimaffiannut ilanngunneqarsimatinnani.§ 2. Kommunalbestyrelsemut qinigaasinnaatitaavoq kinaluunniit § 1 imm. 1 aamma 2 naapertorlugit tassunga qinersisirmaatitaasoq, pineqartoq ukiut kingulliit tallimat ingerlaneraimi pinerluuteqarsimanerminut inissutaasumik eqqartuunneqarsimanngikkuni imalunniit ukiut kingulliit pingasut ingerlaneranni eqqartuunneqarsimanini pisssutigalugu kommunemi rådimut ilaasortaanissaminut naleqqukkunnaarsimanngikkuni. Piffissaliussat taaneqartut ullormit qinersivimmiit atuutissapput.
§ 3. Kommunalbestyrelsemut qinersinermi kommunet tamarmik immikkut bilag 1-imi taaneqartutut qinersivinnut aggugaapput. Qinersivinni tamani kommunalbestyrelsemut ilaasortassatut qinerneqassapput bilagimi taaneqartutut amerlatigisut. Naalakkersuisut allanngortissinnaavaat qinersiviit aggorneri aammalu ilaasortat qinersivinni ataasiakkaani qinerneqartussat amerlassusissaat.
§ 4. Kommunalbestyrelsemut ilaasortat ukiunut sisamanut qinigaassapput, ilaasortallu tamarmik ataatsikkut tunuassallutik.
Imm. 2. Piffissaq qinigaaffik 1. majimiit atuutilissaaq, qinersinerlu pissalluni aprilimi, ullormi qinersinermut ataatsimiititaliamit, tak. § 50, aalajangerneqartumi.
Qinersisussat allassimaffii
§ 5. Ukiumi qinersivimmi 1. februar nallertinnagu kommunalbestyrelsep suliarissavai inuit kommunemi najugallit, ullormi qinersivissami qinersisinnaatitaasut, allassimaffiat.
Imm. 2. Qinersisussat allassimaffiat suliarineqassaaq kommunemi inunnik nalunaarsuiffiit tunngavigalugit.
Imm. 3. Inuk qinersisussat allassimaffiannut ilanngunneqarsimasoq ukiumi qinersivissami l.februar kingornagut kommunep avataani aalajangersuaiik najugaqalersimasoq, qinersisussat allassimaffianniit piiarneqassaaq.§ 6. Kommunet tamarmik immikkut qinersivinnut, bilag 1- imi taaneqarsimasunut aggugaapput. Qinersivinnut ilaapput illoqarfiit nunaqarfiillu il.il. bilagimi taaneqarsimasut. Qinersiviit kommunalbestyrelsep aalajangiineratigut taasiartorfinnut aggorneqarsinnaapput.
Imm. 2. Qinersiviit tamaasa immikkut qinersisussat allassimaffiannik sanaanneqassapput. Qinersivik taasiartorfinnut aggorneqarsimappat qinersisartut allassimaffiat suliarineqassaaq taasiartorfiit tamaasa immikkoortunngorlugit.
Imm. 3. Qinersisussat allassimaffianniissapput qinersisussat aqqi, ulloq ukiorlu inuuii, aammalu ilagiinnut ilaasortaanerannik paasissutissat. Aamma qinersisussat allassimaffiat kommunalbestyrelsemut qinersinermi krydsiliiffissaqassallunilu ilagiit sinniisaannik qinersinermi krydsiliiffissaqassaaq.§ 7. Qinersisussat allassimaffiat februarimi sapaatip akunnerini marlunni qinersivimmi kikkunnilluunniit tikinneqarsinnaasumi saqqumitinneqassaaq.
Imm. 2. Qinersiviup iluani taasiartorfiit ataasiakkaat tamaasa immikkoortortanngorlugit qinersisussat allassimaffiat suliarineqarsimappat, immikkoortortat tamaasa qinersiviup qinersivittaani taasiartorfimmi kikkulluunniit tikinneqarsinnaasumi saqqumitinneqassapput, qinersiviulli taasiartorfiini allani tamani qinersisussat allassimaffiata taasiartorfimmut atortup assilinera saqqumitinneqassalluni.
Imm. 3. Qinersisussat allassimaffiata qaqugu sumilu saqqumitinneqarnissaanik nalinginnaasumik nalunaaruteqartoqassaaq kommunalbestyrelsep aalajangiinera malillugu.§ 8. Kinaluunniit isumaqartoq, nammineq imaluunniit inuk alla pissutissaqanngitsumik allassimaffimmi ilanngunneqarsimanngitsoq imaluunniit ilannguneqarsimasoq, qinersisussat allassimaffiata saqqumitinneqarfissaata naanerata kingorna kingusinnerpaamik ulluinnaat marluk qaangiutsinnagit kommunalbestyrelsemut allakkatigut naammagittaalliuuteqarsinnaavoq, naammagittaalliornerminut pissutaasut naatsumik taallugit.
Imm. 2. Qinersisussat allassimaffiat pillugu naammagittaalliuutaasut kommunalbestyrelsemit aalajangiiffigineqassapput sapaatip akunnerani tulliuttumi ataatsimiinnermi. Qinersisussat allassimaffii tamatuma kingorna iluarsineqarsimasut kommunalbestyrelsep siulittaasuanit atsiorneqassapput.
Imm. 3. Kinaluunniit, ataatsimiinnermi immikkoortoq 2-mi taaneqartumi qinersisussat allassimaffianniit peerneqarsimasoq imaluunniit nammineq inuulluunniit allap ilanngunneqarsimannginneranik naammagittaalliuutaa pillugu isumaqatigineqanngitsoq, kommunalbestyrelsep allakkatigut nalunaarfigissavaa.
Imm. 4. Inuup qinersisinnaatitaannginnerminik naammagittaalliuuteqartup, qinersisussat allassimaffiata immikkoortoq 2 malillugu iluarsineqarnerata kingorna ullut arfineq marluk qaangiutsinnagit allakkatigut qinersinermut ataatsimiititaliamut, inissutaasumik aalajangiisussamut, apeqqut saqqummiusinnaavaa. Qinersinermut ataatsimiititaliap naammagittaalliortoq kommunalbestyrelselu aalajangiinerminik nalunaarfigissavai, tamatumalu kingorna qinersisussat allassimaffianni iluarsisassat kommunalbestyrelsemit iluarsineqassapput.
Imm. 5. Tamatuma saniatigut qinersisussat allassimaffiat, immikkoortut 2 aamma 4 naapertorlugit kommunalbestyrelsemit iluarsineqareeruni, allanngortinneqarsinnaanngilaq.
Qinersinerup piareersarneqarnera.
§ 9. Qinersineq kommuneni tamani piareersarneqarlunilu siulersorneqassaaq qinersinermik siulersuisunit.
Imm. 2. Qinersinermik siulersuisunut ilaasortaassapput kommunalbestyrelsep siulittaasua aammalu kommunalbestyrelsemut ilaasortat ikinnerpaamik marluk, kommunalbestyrelsemit namminermit qinerneqarsimasut. Kommunalbestyrelsep siulittaasua qinersinermik siulersuisunut siulittaasuussaaq.
Imm. 3. Qinersinermik siulersuisut kommunemi qinersiviit tamaasa tikkuaaffigissavai inummik qinersisinnaatitaasumik, qinersiviup iluani taaguinermik siulersuisussamik.
Imm. 4. Qinersivik taasiartorfinnut arlalinnut aggorneqarsimappat aamma tikkuaasoqassaaq inummik qinersisinnaatitaasumik, taasiartorfinni qinersiviup qinersivittaaniinngitsuni taaguinermik siulersuisussamik, qinersivimmi taaguinermik siulersuisoq aamma siulersuisuussalluni taasiartorfimmi qinersivimmiittumi.
Imm. 5. Inuk immikkoortut 3 aamma 4 naapertorlugit tikkuarneqarsimasoq imminut suliassanngortitaasimasut suliarinissaannut pisussaavoq.§ 10. Qinersinermik siulersuisut § 12-imi maleraqqusat naapertorlugit qinersineqarnissaa nalunaarutigissavaat.
Imm. 2. Qinersinermik siulersuisut allattuiffigissavaat qinersinermik allattaavik kommunalbestyrelsemit akuerineqarsimasoq, tassani allanneqassallutik suut qinersinermut pingaaruteqarnerusut, tassunga ilanngullugit qinigassanngortitanik nalunaarutit tunniunneqarsimasut, pappiarat taasiviit taasiffigineqarsimasut atorsinnaasut qassiunerat, pappiarat taasiviit taasiffigineqarsimasut atorsinnaanngitsut qassiunerat, atorsinnaannginnerannut pissutaasut taallugit, aammalu qinersinerup inissutaasumik naatsorsorneqarneranik paasissutissat, qinersiviit tamaasa immikkut taamaaliorlugit.§ 11. Qinersivinni tamani taasiartorfinnilu tamani taaguinermik siulersuisussatut tikkuarneqarsimasut § 12-imi oqaatigineqartutut nalunaaruteqassapput. Qinersinermik siulersuisutulli qinersinermik allattuiffik kommunalbestyrelsemit akuerineqarsimasoq allattuiffigissavaat.
Imm. 2. Taaguinermik siulersuisup isumagissavaa suut tamarmik taasinissamut aaqqissuunneqareersimanissaat, pingaartumik qinersisussat allassimaffiata pappiarallu taasiviit piareersimanissaat, aammalu qinersinernut tamanut inini qinersivinni tamani ineeqqamik taasivissamik karsimillu taasivinnik nakkartitsivissamik peqarnissaa.§ 12. Qinersinermik siulersuisut qinersinermut ataatsimiititaliamit, tak. § 4, nalunaarutisinertik naapertorlugu sapinngisamik piaartumik nalunaarutigissavaat taasinissap qaqugu pinissaa. Aamma nalunaarutigineqassapput inuit kommunemi qinersivinni taasiartorfinnilu ataasiakkaani taaguinermik siulersuisussussatut tikkuarneqarsimasut aqqi, bilag 1 naapertorlugu qinersivinni tamani kommunalbestyrelsemut ilaasortassatut qinerneqartussat qassiunerat, aammalu qinigassanngortitanik nalunaarutinik tunniussinissamut piffissaliussaq. Nalunaarut arlalinngorlugu nassiunneqassaaq taaguinermik siulersuisussanut taaneqartunut, tamatuma kingorna ingerlaannartumik taasiartorfissanik aammalu qinigassanngortitanik nalunaarutit sumi qaqugulu tunniunneqarnissaannik tamanut nalunaarutiginnittussanut.
Imm. 2. Nalunaaruteqarneq pissaaq allagarsiinikkut aammalu kommunalbestyrelsep taaguinermillu siulersuisup erseqqinnerusumik aalajangiinerat malillugu.§ 13. Qinigassanngortitanik taakkulu sinniisussaannik nalunaarut qinersivimmi taaguinermik siulersuisumut tunniunneqareersimassaaq kingusinnerpaamik martsimi ulluinnarmi siullermi nal. 18.
Imm. 2. Qinigassanngortitanik nalunaarut atsiorneqarsimassaaq qinersivimmi qinersisartunit qinigassanngortitsisunit ikinnerpaamik tallimanit, amerlanerpaamik 10-nit, qinersivinni 1000-inik taakkulu sinnerlugit inulinni, qinersinissaq ukiumik ataatsimik sioqqullugu 1. januarimi, taamaattorli qinigassanngortitsisunit ikinnerpaamik 10-nit amerlanerpaamillu 20-nit. Nalunaarut nammineq taassumaluunniit nuutinneri atsiorneqarsinnaapput. Nalunaarummiissapput qinigassanngortitsisut tamarmik aqqi, inuuii, atorfii najugaallu. Qinigassanngortitsisut ilaat ataaseq qinigassanngortitsisut tamaasa sinnerlugit nalunaarut pillugu saaffigineqartartussatut taaneqarsimassaaq. Qinigassanngortitsisut aqqi qinnuteqartoqarneratigut taaguinermik siulersuisumit qinersivimmi qinersisartumut kimulluunniit nalunaarutigineqassapput.
Imm. 3. Qinersisartoq ataaseq qinigassanngortitanut arlalinnut qinigassanngortitsisuusinnaanngilaq.
Imm. 4. Qinigassanngortitamik nalunaarummi ataatsimi qinigassanngortitaq ataasiinnaq taaneqarsimassaaq. Qinigassanngortitat tamarmik immikkut ataatsimik marlunnilluunniit sinniisussaqassapput. Sinniisussat marluuppata nalunaarummi taaneqarsimassaaq taakku qanoq tulleriinneqarlutik qinigassanngortitamik sinniisuussanersut. Qinigassanngortitamik nalunaarummiissapput qinigassanngortitap sinniisussaasalu aqqi, inuuii, atorfii najugaallu. Qinigassanngortitaq sinniisussaalu qinersinissamut qinigassanngortinneqarnissaminnut atsiorlutik akuersisimassapput. Nalunaarut nammineq imaluunniit nuutinneri atsiorneqarsinnaapput.
Imm. 5. Inuk ataaseq qinersivimmi ataasiinnarmi qinigassanngortissinnaavoq. Inuk ataaseq qinigassanngortittunut arlalinnut sinniisussaasinnaavoq. Qinigassanngortitaq qinigassanngortitanut allanut sinniisussaajutigisinnaavoq. Qinigassanngortitaq qinigassanngortitanut allanut sinniisussaajutigisinnaavoq.
Imm. 6. Qinigassanngortitaq Kalaallit Nunaanni parti sinnerlugu qinigassanngortissinnaavoq. Qinersivimmi ataatsimi qinigassanngortitat marluk arlallilluunniit isumaqatigiissutigisinnaavaat tapersersoqatigiinniarlutik (kattusseqatigiinneq). Qinigassanngortitaq ataaseq kattusseqatigiiffimmi ataasiinnarmi peqataasinnaavoq. Qinigassanngortitaq ataaseq, parti sinnerlugu qinigassanngortittoq qinigassangortitanik allanik kattusseqateqarsinnaanngilaq.
Imm. 7. Qinigassanngortitaq parti sinnerlugu qinigassanngortippat tamanna pillugu paasissutissiisoqarsimassaaq qinigassanngortitsinermik nalunaarummi. Partip siulersuisuisa imm. 8-mi taaneqartut taassuma qinigassanngortitaanera atsiorlutik akuerisimassavaat. Qinigassanngortitap qinigassanngortitaq alla ataaseq arlallilluunniit kattusseqatigisimappagit nalunaarummi tamanna taaneqarsimassaaq. Qinigassanngortitat atsiorlutik akuersissutigisimassavaat kattusseqateqarnissartik. Siulersuisut qinigassanngortitallu akuersinerat nalunaarutigineqarsinnaavoq nalunaarummi namminermi imaluunniit taassuma nuutinnerini.
Imm. 8. Partip kommunalbestyrelsemut qinersinissamut qinigassanngortitsisup ukiumi qinersivissami kingusinnerpaamik 1. februar qinersinermut ataatsimiititaliamut nassiutissavaa partimi siulersuisut, qinersivinni tamani qinigassanngortitanik akuersissutiginnissinnaasut allassimaffiat, aammalu kina siulersuisut pineqartut sinnerlugit piginnaassusiligaanersoq. Qinersinermut ataatsimiititaliap qinersivinni siulersuisoq tamatuminnga ilisimatissavaa.§ 14. Qinigassanngortitanik nalunaaruteqarnissamut piffissaliussaq naaniariarpat qinersivimmi taaguinermik siulersuisup pilertornerpaamik telegrammikkut imaluunniit allatut iliorluni allakkatigut qinersinermik siulersuisunut ilisimatitsissutigissavai qinigassanngortitanik nalunaarutit tigusimasani, oqaatigalugu nalunaarutit isummani malillugu atorsinnaanersut. Taamaanngippat nalunaarutip ataatsip arlallilluunniit atorunnaarsittariaqarsimanerannut pissutaasut taaneqassapput. Qinigassanngortitalli nalunaarutigineqarnerani kukkuneqarsimappat, qinigassanngortitsisut kukkunerup aaqqinneqarnissaanut ullunik marlunnik piffissalissavai.
Imm. 2. Qinersivimmi qinigassanngortitanik nalunaaruteqarnissamut piffissaliussap naanerani qinersivimmi kommunalbestyrelsemut ilaasortassatut qinerneqartussaniit ikinnerusut nalunaarutigineqarsimappata, taava taaguinermik siulersuisuusup allagarsiilluni imaluunniit allatut tamanut nalunaaruteqarluni qinersivimmi qinersisartut kajumissaassavai piffissaq erseqqinnerusumik taasaq naatinnagu qinigassanngortitanik allanik nalunaarutiginneqqullugit.
Imm. 3. Qinersinermik siulersuisut nalunaarut imm. 1-imi taaneqartoq qinersivinnit tamaniit tigoreerunikku ataatsimiillutik inissutaasumik aalajangissavaat nalunaarutit tunniunneqarsimasut atorsinnaasutut akuerineqassanersut. Qinersinermik siulersuisut qinigassanngortitaq pinerluuteqarsimanini pillugu eqqartuunneqarsimanera pillugu allassimaffimmiit peersinnaanngilaat, tak. § 2. Qinersinermik siulersuisut aalajangiineri tamatuma kingorna piaarnerpaamik kommunemi taaguinermik siulersuisunut tamanut nalunaarutigineqassapput.
Imm. 4. Qinigassanngortitat sinniisussaasalu aqqi il.il. allagarsiinikkut taaguinermik siulersuisumit tamanut nalunaarutigineqassapput.§ 15. Qinersivimmi qinigassanngortitanik nalunaarutiginninnissamut piffissaliussap naanerani qinersivinuni kommunalbestyrelsemut ilaasortassatut qinerneqartussatut amerlatigisut kisimik nalunaarutigineqarsimappata, qinersinermik siulersuisut qinersivimmi kommunalbestyrelsemut taasinissaq taamaatissavaat qinigassanngortitarlu imaluunniit qinigassanngortitat taasinertaqanngitsumik qinigaasutut nalunaarutigissallugit.
Imm. 2. Qinersinermik siulersuisut qinersinermik allattaavimmi erseqqilluinnartumik nalunaarutigissavaat kikkut qinigaasutut isigineqarnersut, aammalu qinigaasunut tamanut immikkut sinniisussatut kikkut isigineqassanersut. Qinersinermik siulersuisut qinigaasut qinigaanerannik nalunaarifigissavaat.
Taaguineq.
§ 16. Taaguineq pissaaq taasiartorfinni tamani inimi kommunalbestyrelsemit taaguiffissatut innersuussutigineqartumi.
Imm. 2. Inimi taaneqartumi taaguinermik siulersuisumit aaqqissuunneqassaaq, tak. § 11, imm. 2, ineeraq taasivissaq, inuup ineeqqap silataaniit allanit isigineqarani qeqarfigisinnaasaa. Ineeraq taasivik ima qaammarsarluagaatigissaaq allakkat erseqqissumik atuarneqarsinnaassallutik, aammalu tassaniittoqassalluni aqerluusamik nalinginnaasumik qernertumik, allannermilu allequtassamik qajannaakkamik.
Imm. 3. Ineeqqap taasiviup silataaniittoqassaaq karsimik nakkartitsivimmik parnaarsimasumik, ammarneqartinnagu pappiaramik taasivimmik tigusiffigineqarsinnaajunnaarlugu suliaasumik.§ 17. Naalakkersuisut erseqqinnerusumik aalajangersakkiussapput pappiarat taasivissat pissarsiarinissaat, ilusilernissaat agguaannissaallu pillugu. Pappiarat taasiviit kalaallisut qallunaatullu naqitanik allagartaqassapput "kommunemut qinersineq".
§ 18. Taaguinermik siulersuisup taaguinerup aallartinrterani taaguineq ammarnerarlugu nalunaarutigissavaa, najuuttullu isigitillugit karsit nakkartitsiviit ammariarlugit imaqannginnerat takutissallugu, taamaalioreerunilu karsit parnaassavai.
Imm. 2. Inimi qinersivimmi erseqqissunngorlugu inissitamik allagartaqassaaq, tassani allassimassallutik qinersivimmi qinigassanngortitat sinniisussaasalu aqqi, nalunaarutigineqarsimaneri malillugit tulleriiaarlugit. Qinigassanngortitaq parti sinnerlugu qinigassanngortippat imaluunniit qinigassanngortitat arlallit kattusseqatigiissimappata, allagarsiussami tamanna taaneqarsimassaaq, qinigassanngortittullu aammalu sinniisussaat parti kattusseqatigiiffilluunniit sinniisuuffiat malillugu gruppekkuutaarlugit aaqqissuunneqassallutik. Allagartaq taassuma assinga nivingatinneqassaaq ineeqqami taasivimmi, allannissami allequttap qulaatunginnguani.
Imm. 3. Qinersisoqassaaq nammineerluni inimut qinersivimmukarnikkut, qinersisussallu taaguinermik siulersuisumut saaffiginnittassapput isaanertik malillugu tulleriiaarlutik. Taaguinermik siulersuisup qinersisussat allassimaffianni qinersisartup aqqa nalaatigut krydsilissavaa, taavalu qinersisartoq pappiaramik taasivissamik allaffigineqarsimanngitsumik tunissallugu.
Imm. 4. Taava qinersisartoq ineeqqamut taasivimmut, allamik inoqartussaanngitsumut, isissaaq. Qinersisartup pappiara taasivik immissavaa qinersivimmi qinigassanngortitap, kommunalbestyrelsemut qinerumasami aqqa allallugu. Taamaalioreeruni qinersisartup pappiara taasivik peqissavaa, allanit takuneqarsinnaajunnaarlugu kina taasimanerini taamaalioreerunilu ineeqqamit taasivimmit anissaaq pappiaralu taasivik peqitaq karsimut nakkartitsivimmut ikissallugu. Qinersisartoq taasereeruni pissutissaqanngitsumik sivitsorsaanani inimit qinersivimmit qimagutissaaq.
Imm. 5. Naalakkersuisut maleruaqqusaliorsinnaapput taasineq krydsiliinikkut pisussanngorlugu.
Imm. 6. Nalinginnaasumik taasisitsineq naammassereerpat taaguinermik siulersuisoq nammineerluni taasissaaq.
Imm. 7. Pappiara taasivik qinersisartumut tunniunneqareerluni, karsimulli nakkartitsivimmut ikineqartinnani mianersuaalliornikkut atorsinnaajunnaarsitaasimappat, qinersisartup pappiara taasivik tunniullugu allamik taarsertissinnaavaa. Pappiara taasivik atorsinnaajunnaarsitaasimasoq taaguinermik siulersuisumit immikkoortillugu toqqortarineqassaaq.
Imm. 8. Qinersisartup pappiara taasivik pissusissaatut nammineerluni immersorsinnaanngippagu, taaguinermik siulersuisup piumaffigineqarnermigut ikiugassaraa. Qinersisartut angallarlunnertik pissutigalugu allamilluunniit assigisaanik peqquteqarlutik inimut taasivimmut isersinnaanngitsut, taaguinerntik siulersuisoq isigitillugu inip taasiviup silatinnguani taasisinnaassapput. Qinersisartup tappiitsuuguni isigiarsuttuuguniluunniit piumasarisinnaavaa taasinermini inummit najuuttumit, nammineq toqqakkaminit taamaallaat ikiorneqarnissani.§ 19. Qinersineq aallartissaaq nal. 9 naammassineqassallunilu nal. 20, siusinnerusukkulli naammassineqarsinnaalluni qinersisussat tamarmik, piffissaq taasaq kingulleq nallertinnagu tamakkerlutik taasiartoreersimappata.
Taasanik kisitsineq il.il.
§ 20. Taaguineq naammassineqarniariarpat taaguinermik siulersuisup immikkut poortugakkuutaarlugit makku qilersussavai:
1) pappiarat taasiviit atorsimanngitsut aammalu
2) pappiarat taasiviit allamik taarsigassatut utertinneqarsimasut.
Imm. 2. Taamaalioreerniariarluni najuuttut isigitillugit karsi nakkartitsivik ammassavaa taasinerillu kisissallugit, naatsorsussallugulu qinigassanngortitap aqqa pappiarani taasiffigineqarsimasuni qasseriarluni taaneqarsimartersoq.
Imm. 3. Inuit qinersisinnaatitaasut ikinnerpaamik marluk taasinernik kisitsinermi, kikkunilluunniit najuuffigineqarsinnaasumi, najuukkiartorlutik takkussimanngippata taaguinermik siulersuisoq uppernarsaasussanik marlunnik qinersisinnaatitaasunik aggeqqusissaaq.§ 21. Pappiara taasivik atorsinnaanngilaq:
1) erseqqissumik takuneqarsinnaanngippat qinersisartup qinigassanngortitaq sorleq taaniarsimagaluarneraa,
2) pappiarap taasiviup isikkua malillugu isumaqarnarpat pappiara taasivik inatsit naapertorlugu suliarineqarsimasuunngitsoq,
3) qinersisartup inuup qinigaatinniakkami aqqata saniatigut pappiara taasivik allaffigisimappagu, titartaavigisimappagu allatulluunniit iliorfigisimappagu, titartaavigisimappagu allatulluunniit iliorfigisimappagu, imaluunniit krydsiliinikkut taaguinermi pappiara taasivik krydsiunngitsumik allamik allaffigineqarsimappat.
Imm. 2. Pappiara taasivik atorsinnaanngitsuutinneqarpat tamanna qinersinermik allattaavinuni, taaguinermik siulersuisup allattuiffigisaani, allanneqassaaq, atorunnaarsitaaneranut tunngaviusoq naatsumik taallugu.
Imm. 3. Qinersinermik allattaavimmi allattorsimassapput qinersivimmi qinigassanngortitat aqqi, aqqisalu tamarmik immikkut nalaatigut aiianneqassalluni qinigassanngortitaq qinersinermi qassinit taaneqarsimanersoq.§ 22. Qinersivinni taasiartorfinnut arlalinnut aggorneqarsimasuni taaguinermik siulersuisup qinersineq naammassippat piaarnerpaamik kingusinnerpaamillu aqaguani qinersivimmi taaguinermik siulersuisumut taasinerit kisinnerata inernera nalunaarutigissavaa.
§ 23. Qinersivimmi taaguinermik siulersuisup taasiartorfinnit, qinersiviup aggorneqarfigisimasaaniit kisitsinerup inerneri katersussavai, taakkulu tunngavigalugit qinigassanngortitap ataatsip qinersivimmi katillugit qassinik taaneqarsimaneri kisissallugit.
Imm. 2. Qinersivik taasiartorfinnut aggorneqarsimanngippat qinigassanngortitat qasseriarlutik taaneqarsimanerat taaguinermik siulersuisumit ullormi qinersivimmi naatsorsorneqassaaq.
Imm. 3. Qinersivimmi qinersinerup inernera qinersivimmi taaguinermik siulersuisumit telefonikkut telegrammikkulluunniit qinersinermik siulersuisunut nalunaarutigineqassaaq.§ 24. Qinersinermik siulersuisut qinersivimmi taaguinermik siulersuisumiit naatsorsukkat inerneri tigoreerunikkik qinersivimmi qinersinerup tamakkerluni inernera naatsorsussavaat.
Imm. 2. Naatsorsuinermi partit tamarmik immikkut kattusseqatigiillu tamarmik immikkut qinigassanngortitaannik taasinerit katinneqassapput. Partimik kattusseqatigiiffimmilluunniit tamanik immikkut taasinerit 1-imik, 2-mik, 3-mik il.il. agguarneqassapput. Siulliulluni ilaasortanngussaaq parti, kattusseqatigiiffik imaluunniit kisimiilluni qinigassanngortittoq, amerlanerpaamik taagorneqarsimasoq, tulliulluni ilaasortanngussalluni parti, kattusseqatigiiffik imaluunniit kisimiilluni qinigassanngortittoq amerlanerpaamut tulliulluni taagorneqarsimasoq il.il.
Imm. 3. Ilaasortaaffiit partimit kattusseqatigiiffimmilluunniit ilaasortaaffigineqalersussat, partip kattusseqatigiiffiulluunniit qinigassanngortitaannit agguarneqassapput imaallillugu, siulliulluni ilaasortanngussalluni qinigassanngortittoq amerlanerpaamik taagorneqarsimasoq, tulliulluni ilaasortanngussalluni qinigassanngortittoq amerlanerpaamut tulliulluni taagorneqarsimasoq il.il.
Imm. 4. Partit, kattusseqatigiiffiit imaluunniit kisimiillutik qinigassanngortittut arlallit amerlaqatigiimmik taagorneqarsimappata, tak. imm. 2, qinersinermik siulersuisut tannermoortitsineratigut aalajangerneqassaaq kina arlaat sorleq ilaasortanngussanersoq. Aamma taamaappoq partip kattusseqatigiiffiulluunniit qinigassanngortitaasa akornanni ilaasortaaffiit agguarneqarneranni, tak. imm. 3, partip imaluunniit kattusseqatigiiffiup qinigassanngortitaat arlallit assigiimmik taagorneqarsimappata.
Imm. 5. Qinersinermik siulersuisut qinersinermik allattaavimmut allassavaat kikkut qinigaasutut isigineritik, taavalu qinigaasoq imaluunniit qinigaasut qinigaanerannik allaffigissallugit.§ 25. Kingusinnerpaamik qinersinerup aqaguani taaguinermik siulersuisup pappiarat taasiviit taasiffigineqarsimasut immikkut poortuganngorlugit qilersussavai imaalillugit
1) pappiarat taasiviit atorsinnaasut,
2) pappiarat taasiviit allaffigineqarsimanngitsut allallu atorsinnaanngitsut.
Imm. 2. Poortukkat immikkoortoq 1-imi aammalu § 20, imm. 1-imi taaneqartut tamatuma kingorna piaarnerpaamik nassiunneqassapput qinersinermik siulersuisunut, ilanngullugit qinersisussat allassimaffii aammalu qinersinermik allattaavik taaguinermik siulersuisumit immersorneqarsimallunilu atsiorneqarsimasoq.
Imm. 3. Qinersivik taasiartorfinnut arlalinnut aggorneqarsimappat, atortussat imm. 2-mi taaneqartut nassiunneqassapput qinersivimmi taaguinermik siulersuisumut, taassumalu isumagissavaa taakkua qinersinermik siulersuisunut erniinnaq nassiunneqarnissaat.§ 26. Qinersinermik siulersuisut atortussat § 25-mi taaneqartut kommunemi qinersivinni tamaniit tigoreerunikkik, piaarnerpaamilli qinersinerup kingorna sapaatip akunnerisa marluk qaangiunneranni, ataatsimiissapput, ataatsimiinnermi tassani qinersisimanerup atuussinnaassusia aalajangiiffigineqassalluni, taamaattoq tak. § 31. Ataatsimiinnissamut tassunga aggeqquneqassapput qinigassanngortitat qinersivinni ataasiakkaani qinigaasutut isigineqartut.
Imm. 2. Qinersivimmi qinersinerup atorsinnaassusia akerlilerneqarsinnaavoq qinersinermi qinigassanngortitanit, qinigaasimappata qinigaasimanngippataluunniit, aammalu qinersivimmi qinersisartumit kimilluunniit, kiisalu kommunalbestyrelsemi ilaasortanit ataasiakkaanit, sumi najugaqarneq apeqqutaatinnagu. Akerliliineq pissaaq allakkatigut, akerliliinermut pissutaasoq naatsumik oqaatigalugu, qinersivimmilu taaguinermik siulersuisumut tunniunneqassalluni qinersinerup kingorna kingusinnerpaamik ullut arfineq marluk qaangiutsinnagit. Qinersivimmi taaguinermik siulersuisup naammagittaalliuut sapinngisamik piaartumik qinersinermik siulersuisunut ingerlateqqissavaa, oqaaseqaatigisariaqarsorisaminik ilallugu.
Imm. 3. Akerliliissut qinersinermik siulersuisunut ilaasortat ilaanneersuuppat, akerliliinerlu qinersivimmi taaguinermik siulersuisumut oqaaseqarfigisassanngortinneqarsimanngippat apeqqutip aalajangiiffiginissaa kinguartinneqassaaq oqaaseqaateqartoqareerserlugu.
Imm. 4. Qinersineq akuerineqartutut isigineqassaaq qinersinermik siulersuisut akornanni amerlanerussuteqarnikkut atortussaajunnaarsinneqanngikkuni.
Imm. 5. Qinersinermik siulersuisut aalajangiineri qinersinermik allattaavimmut allattorneqassapput, qinersinermillu allattaaviup assilinera qinersinermut ataatsimiititaliamut piaarnerpaamik nassiunneqassaaq.§ 27. Naammagittaalliuutit takkussimasut pillugit qinersinermik siulersuisut & 26 naapertorlugu aalajangiinerat aalajangiinerup kingorna ullut arfineq marluk qaangiutsinnagit naammagittaalliuutigeqqinneqarsinnaavoq qinersinermut ataatsimiititaliamut, aalajangiinera allanngortinneqarsinnaanngitsumut. Naammagittaalliuuteqarsinnaapput inuit § 26, imm. 2 naapertorlugu qinersineq pillugu qinersinermik siulersuisunut naammagittaalliorsinnaasut. Naantmagittaalliuut allaganngorlugu nassiunneqassaaq qinersinermik siulersuisunut, taakkulu naammagittaalliuut sapinngisamik piaartumik qinersinermut ataatsimiititaliamut ingerlateqqissavaat, oqaaseqaatiginiakkaminnik ilallugu.
Imm. 2. Qinersinermi annertuunik kukkussuteqartoqarsimappat qinersinermut ataatsimiititaliaq pisinnaatitaavoq tunngaveqartumik aalajangiinermigut qinersinerup atorsinnaanngitsutut nalunaarutiginissaanut kommunalbestyrelselu peqqusinnaallugu qinersisitseqqinnissaanik.§ 28. Qinersinermik siulersuisut ilaasortat nutaat qinigaasimanerat akuerisimappassuk, aalajangiinerlu, piffissaliussap § 27, imm. 1-imi taaneqartup naannginnerani qinersinermut ataatsimiititaliamut naammagittaalliuutigineqarsimanngippat, kommunalbestyrelseusimasoq 30. april tunuassaaq. Aalajangerneq piffissaliussap naannginnerani qinersinermut ataatsimiititaliamut naammagittaalliuutigineqarsimappat kommunalbestyrelse atuutiinnarallassaaq qinersinermut ataatsimiititaliaq qinerseqqittoqannginnissaanik aalajangerserlugu, imaluunniitqinersinermut ataatsimiititaliap ilaasortamik ataatsimik arlalinnilluunniit qinersineq atorsinnaanngitsutut oqaatigippagu - inatsit malillugu qinerseqqittoqarseerlugu.
Imm. 2. Qinersinermik siulersuisut ilaasortamik ataatsimik arlalinnilluunniit qinersineq atorsinnaatinngippassuk kommunalbestyrelse aatsaat tunuassaaq inatsit malillugu qinerseqqittoqareerpat, imaluunniit - aalajangerneq piffissaliussap § 27, imm. 1-imi taaneqartup naannginnerani qinersinermut ataatsimiititaliamut naammagittaalliuutigineqarsimappat - qinerseqqittoqannginnissaanik taanna aalajangereerserlugu.
Imm. 3. Kommunalbestyrelse, imm. 1 aamma 2-mi maleruaqqusat malillugit 30. aprilip kingorna atuuttoq Kalaallit Nunaanni kommunenut Nakkutilliisuutitat akuersiseqqaartinnagit siumut missingersuusiani akuerineqarsimasuni aalajangerneqarsimanngitsunik aningaasartuuteqarsinnaanngilaq, imaluunniit allanik siumut missingersuusiani tunngavissaqartitaanngitsunik pisussaaffeqalersinnaanani.§ 29. Sapinngisamik piaartumik qinerseqqinneqassaaq.
Imm. 2. Qinersisussat allassimaffiata atorneqarsimasup annertuumik amigaateqarnera pissutigalugu qinersineq atortussaajunnaarsitaappat, qinersinerup atortussaajunnaarsitaanerata peqatigisaanik aalajangerneqarsinnaavoq nutaamik qinerseqqinneqartinnagu qinersisussat allassimaffiata iluarsineqarnissaa, inuit qinersinermi atortussaajunnaarsitaasumi qinersisussat allassimaffianni ilanngunneqarnissaminnut píumasarisaasunik eqqortitsisimanngitsut piiarneqarneratigut, aammalu inuit allassimaffimmi ilanngunneqarsimasussaagaluartut ilanngunneqarneratigut. Taamatut aalajangiisoqarpat qinersinermik siulersuisut qinersinermik allattaaviup taamatut suliarineqarsimasup nalinginnaasumik misissorneqarnissaanut il.il. erseqqinnerusumik maleruaqqusaliussapput.§ 30. Kommunalbestyrelsemut ilaasortaasimasut tunuarniariarpata kommunalbestyrelse qinigaaqqammersoq sulilissaaq.
Imm. 2. Kommunalbestyrelse tunuaraluarpalluunniit borgmesteriusimasup kommunemi ulluinnarni suliassat isumagisussaavai kommunalbestyrelsep nutaap siullermmerluni ataatsimiinnissaata tungaanut.§ 31. Kommunalbestyrelsemi qinigaaqqammersumi ilaasortaq piffissaliussat § 2-mi taaneqartut iluanni pinerluuteqarsimanini pissutigalugu eqqartuunneqarsimappat, Kalaallit Nunaanni kommunenut Nakkutilliisuutitat aalajangissavaat ilaasortaq taanna tamatuma kinguneranik qinigaasinnaajunnaarsimanersoq.
Imm. 2. Qinersinerup kingorna qaammat ataaseq qaangiutsinnagu kommunalbestyrelsep Kalaallit Nunaanni kommunenik Nakkutilliissuutitanut nassiutissavaa kommunalbestyrelsemut ilaasortatut qnigaasimasut tamarmik allassimaffiat, ilaasortat aqqi inuuiilu taallugit.
Imm. 3. Kalaallit Nunaanni kommunenut Nakkutilliisuutitat tamatuma kingorna Kalaallit Nunaanni Politimestere oqaaseqartereerlugu aalajangissavaat ilaasortaq qinigaasinnaajunnaarsimanersoq, tamannalu pissutissaqanngitsumik kinguarsaanani kommunalbestyrelsemut ilaasortamullu pineqartumut nalunaarutigissallugu.
Imm. 4. Immikkoortuni 1-3-mi maleruaqqusat aamma atuupput ataatatsimiititalianut assigiinngitsunut il.il. ilaasortanut, ilaasortaassagunik kommunemi rådinut qinigaasinnaasussaasunut, qaammammilli ataatsimik piffissaliussaq naatsorsorneqassalluni pineqartup tikkuarneqarfianiit.
Imm. 5. Ilaasortap sinniisussaa piffissap qinigaaffiup iluani ilaasortanngorpat tamanna imm. 2-mi maleruaqqusani taaneqartutut nalunaarutigineqassaaq, tamatumalu kingorna Kalaallit Nunaanni kommunenut Nakkutilliisuusitat imm. 3 naapertorlugu aalajangiissapput.§ 32. Ilaasortaq piffissaq qinigaaffiup iluani kommunalbestyrelsemit tunuarniarluni qinnuteqarpat, kommunalbestyrelsep aalajangissavaa qinnuteqaat taamaattoq akuerineqarsinnaanersoq. Qinnuteqaat peqqissutsimut tunngasunik, sulianik assigisaannilluunniit pingaaruteqartunik, qinnuteqartup ilaasortaanissaanut ajornartorsiutaasussamik pissuteqarpat, qinnuteqaat nalinginnaasumik akuerineqassaaq.
Imm. 2. Ilaasortap qinigaasinnaanini annaaguniuk ilaasortaajunnaassaaq, taamaattoq tak. Imm. 6.
Imm. 3. Ilaasortaq piffissap qinigaaffiup iluani pinerluuteqarsimanini pissutigalugu eqqartuunneqarpat, tak. § 2, Kalaallit Nunaanni kommunenik Nakkutilliisuutitat aalajangissavaat ilaasortap tamatuma kinguneranik qinigaasinnaanini annaasimaneraa.
Imm. 4. Kalaallit Nunaanni Politimesterip Kalaallit Nunaanni kommunenut Nakkutilliisuutitanut nassiutissavaa pinerluttuliornermik suliassap aalajangiiffigneqarnerata assilinera.
Imm. 5. Immikkoortuni 1-4-mi maleruaqqusat aamma atuupput ataatsimiititalianut assigiinngitsunut il.il. ilaasortanut, kommunemi rådimi ilaasortaassagunik qinigaasinnaasussanut.
Imm. 6. Ilaasortap qinigaasinnaanerminik allanik pissuteqartumik annaasaqarsinaneranik apeqqut kommunalbestyrelsemit aalajangiiffigineqassaaq. Ilaasortaq kommunemi najugaqarunnaarallarpat kommunalbestyrelsep aalajangersinnaavaa kommunalbestyrelsemi ilaasortaajunnaassasoq kommunemi aalajangersumik najugaqaqqilernissami tungaannaanut.§ 33. Ilaasortaq piffissap qinigaaffiup iluani kommunalbestyrelsemut ilaasortaajunnaarpat imaluunniit toquppat, sinniisussaata taarsissavaa.
Imm. 2. Ilaasortaaffiup innuttaarunnerani kommunalbestyrelsemut ilaasortaq sinniisussaqanngippat, ilaasortarlu pineqartoq kisimiilluni qinigassanngortittutut qinigaasimappat ilaasortaaffiup inuttassaanik qinersineqassaaq, kommunalbestyrelsemi ilaasortaasimasut affaasa sinnerinit aalajangerneqanngippat taamatut qinersineqassanngitsoq. Pineqartoq parti sinnerlugu qinigassanngortissimappat imaluunniit qinigassanngortitamik ataatsimik qinigassanngortitanilluunniit arlalinnik kattusseqateqarsimappat ilaasortaaffik inuttalerneqassaaq partip kattusseqatigiiffiulluunniit qinigassanngortitaannik, qinigaanani amerlanerpaamik taagorneqarsimasuntik.
Imm. 3. Ilaasortaaffiup inuttaqanngitsup inuttassaanik qinersinermi qinigaasoq piffisap kommunalbestyrelsep atuuffiata sinnerinnaanut qinigaassaaq.
Pappiaramik taasivimmik nassitsinikkut taasineq.
§ 34. Qinersisartut taasinissamut piffissaliussat iluanni taasiartorfimmukarsinnaanngitsut imaluunniit aatsaat ajornartorsiorujussuarlutik taasiartorfimmukarsinnaasut §§ 35 - 41-imi maleruaqqusat malillugit taasisinnaapput pappiaramik taasivimmik nassitsinermikkut.
§ 35. Qinersisartut Kalaallit Nunaanniittut taasisinnaapput inunnik nalunaarsuisarfimmi, tassunga ilanng.ullugu kommunemi qinersisussat allassimaffiannut ilanngunneqarfigisimasaminni inunnik nalunaarsuisarfimmi.
Imm. 2. Qinersisartut napparsimavimmiittut, imaluunniit peqqissartarfimmi paaqqinnittarfimmiluunniit allami uninngasut taasisinnaapput napparsimavimmi paaqqinnittarfimmiluunniit uninngaffigisaminni, maleruaqqusat naalakkersuisunit aalajangerneqartut malillugit.
Imm. 3. Qinersisartut, Kalaallit Nunaanni pinerluttunik isumaginnittut inissiisarfiini inissinneqarsimasut, inissinneqarfigisaminni taasisinnaapput, maleruaqqusat naalakkersuisunit aalajangerneqarsimasut malillugit.
Imm. 4. Qinersisartut, inoqarfinni avinngarusimasuni, immikkut taasiartorfiunngitsuni najugaqartut taasisinnaapput inummi qinersisinnaasumi, kommunalbestyrelsemit attavigisaminnit toqqarneqarsimasumi.
Imm. 5. Qinersisartut timmisartut mittarfiini, silasiorfinni il.il. kommunet aggornerisa avataaniittuni najugaqartut, taasisinnaapput inummi naalakkersuisunit piginnaatitaasumi.
Imm. 6. Qinersisartut naalagaaffiup ilaani allami najugaqartut taasisinnaapput inuit aqqinik nalunaarsuisarfimmi imaluunniit inummi naalakkersuisunit piginnaatinneqartumi.
Imm. 7. Taasineq siusinnerpaamik pisinnaavoq qinersineq sapaatip akunnerinik arfinilinnik sioqqullugu.§ 36. Kalaallit Nunaanni taamatut taaguinissami pappiarat taasiffissat, immikkut puussartallit, allakkanik nassitsissutinik immersugassartallit, aammalu allakkat puussaat, pappiarap taasiviup allakkallu nassitsissutit kommunalbestyrelsemut nassiunneqartussat ikineqarfissaannik ungaluusartalik, naalakkersuisunit pissarsiarineqarsimassapput.
Imm. 2. Kalaallit Nunaata avataani taasinermi atorneqassapput taasinermi atortussat Danmarkimi Savalimmiunilu kommunenut qinersinerni atorneqartartut.§ 37. Taasiartorfinni § 35-imi taaneqarsimasut ilaanni taasissutinik tigooqqaasussamut qinersisartoq saaffiginninnermigut tunineqassaaq pappiaramik taasivimmik, puussaqarlunilu allakkanik nassitsissutitaqarlunilu ungaluusartalimmik. Qinersisartup allanit isigineqarani pappiara taasivik ernerluni immersussavaa, qinersivimmi, qinersisussat allassimaffiannut ilanngunneqarfigisimasamini qinigassanngortitat ilaata ataatsip aqqa allallugu. Qinersisartup taamaaliorniariarluni pappiara taasivik puussaanut ikissavaa puualu nipitissallugu.
Imm. 2. Qinersisartoq taasiniariarpat allakkat nassitsissutit immersorneqassapput. Taakkua ukuninnga imaqassapput:
1) qinersisartup nammineq piumassutsiminik allanillu isigineqarani pappiaramik taasivimmik immersuisimaneranik, puussaanut ikisisimaneranik tassuminngalu nipititsisimaneranik uppernarsaat. Qinersisartup aamma ilumoorluinnarluni uppernarsassavaa ullormi qinersivissami taasinissamut piffissaliussat iluanni taasiartorfimmukarsinnaanani imaluunniit aatsaat ajornartorsiorujussuarluni taasiartorfissamukarsinnaalluni. Allakkat nassitsissutit qinersisartup atsiussavai taasinermik tigusisussaq
isigitillugu, allakkanilu nassitsissutini taaneqassaaq atsiornerup ullua, qinersisartup aqqi tamaasa, inuuia, atorfia kommunemilu qinersisussat allattorsimaffiannut ilanngunneqarfigisimasamini, najugaa.
2) qinersisartup atsiornerata ilumoortuuneranik aammalu qinersisartup piffissami sumiiffimmilu taasaani pisimaneranik, kiisalu allanit isigineqarani taasisimaneranik taasinernik tigooqqaasup uppernarsaasiussaa. Uppernarsaat taanna pineqartumit namminermit atsiorneqarsimassaaq, ateq, atorfik najugarlu taallugit.§ 38. Puussaq pappiaramik taasivimmik allakkanillu nassitsissutinik imalik ikineqassaaq ungaluusaamut tassunga ikisiffissiamut, taannalu nipitinneqassaaq, kommunemilu, qinersisartup qinersisussat allassimaffianni allanneqarfigisimasaani kommunalbestyrelsemut nassiunneqassalluni. Ungaluusami erseqqissumik taaneqarsimassapput qinersisartup aqqa kommunemilu taaneqartumi najugaa. Taasinernik tigooqqaasup pisariaqanngitsumik kinguarsaanani ungaluusaq kommunalbestyrelsemut nassitsivissamut nassiutissavaa.
§ 39. Kommunalbestyrelsep ungaluusaq nassiunneqarsimasoq ammarnagu ernerluni ingerlateqqissavaa qinersivimmi imaluunniit taasiartorfimmi qinersisartup pineqartup najugaatut ungaluusami taaneqarsimasumi taaguinermik siulersuisumut. Ungaluusat taaguinermik siulersuisumit tiguneqareersimassapput taaguineq aallartitsinnagu.
§ 40. Taaguineq aallartitsinnagu ungaluusat tiguneqarsimasut taaguinermik siulersuisumit ammarneqassapput, taassumalu tamatuma peqatigisaanik qinersisartup pineqartup aqqa qinersisussat allassimaffianni krydsilissavaa. Allakkat puuat pappiaramik taasivimmik imalik taaguineq naammassineqareerserlugu toqqortarineqassaaq allakkat nassitsissutit ungaluusarlu ilanngullugit, taavalu allakkat puuat pappiaramik taasivimmik imalik ammarnagu karsimut nakkartitsivimmut nakkartinneqassaaq.
Imm. 2. Paasineqarpat ungaluusaq inummit qinersisussat allassimaffianni ilanngunneqarsimanngitsumeersoq, imaluunniit qinersineqartinnagu toqusimasumeersoq, taava naatsorsuutigeqqinneqassanngilaq. Aamma taamaappoq ungaluusaq allamik imaluunniit allakkanik nassitsissutinik ataasiinnaanngitsunik allakkalluunniit puuannik ataasiinnaanngitsumik imaqarpat, imaluunniit ungaluusap, allakkat puuata allakkalluunniit nassitsissutit isikkuatigut isumaqarnarpat inatsimmut naapertuuttumik suliarineqarsimasuunngitsoq, imaluunniit immersorneqarnerat uppernarsarneqarnerat atsiorneqarneralluunniit peqqussutigineqartut malillugit pisimanngitsoq.
Imm. 3. Ungaluusat taaguineq aallartereersoq aatsaat taaguinermik siulersuisumit tiguneqartut naatsorsuutigineqassanngillat.
Imm. 4. Ungaluusat, allakkat nassitsissutit, allakkat puui pappiarallu taasiviit atortussanut § 25-imi taaneqartunut ilanngullugit qinersinermik siulersuisunut nassiunneqassapput.§ 41. Pappiarat taasiviit eqqartorneqartut atorsinnaanngillat:
1) qularnaatsumik aaljangerneqarsinnaanngippat qinersisartup qinigassanngortitaq kina taaniaraluarsimaneraa,
2) allakkat puuat pappiaramik taasiviunngitsumik imaluunniit pappiaramik taasivimmik ataasiinnaanngitsumik imaqarpat,
3) pappiarap taasiviup isikkua naapertorlugu isumaqarnarpat inatsimmut naapertuuttumik suliarineqarsimasuunngitsoq, imaluunniit immersorneqarnera peqqussutigineqarsimasutut pisimanngitsoq.
Kapitali 2
Bygderådinut qinersineq.§ 42. Bygderådinut qinersineqassaaq nunaqarfinni bilag 2-mi taagorneqarsimasuni. Naalakkersuisut nunaqarfinni bygderådit pilersitsiffissat taagorneqarnerinik allanngortitsitsisinnaavoq.
§ 43. Qinersineq kommuneni tamani piareersarneqarlunilu siulersorneqassaaq qinersinermik siulersuisunit.
Imm. 2. Nunaqarfiit tamarmik immikkut taasiartorfiupput. Qinersinermik siulersuisut tikkuaassapput inummik, nunaqarfinni taaguinermik siulersuisussamik tikkuaaffigineqarsimanngitsuni, taaguinermik siulersuisussamik.
Imm. 3. Inuk imm. 2 naapertorlugu tikkuarneqarsimasoq pisussaavoq imminut suliassissutigineqartut suliarinissaannut.§ 44. Bygderådit tamarmik immikkut ilaasortaqassapput bilag 2-mi taaneqartutut amerlassusilinnik.
Imm. 2. Ilaasortaq kommunalbestyrelsemi ilaasortassatut nunaqarfimmi qinerneqarsimasoq bygderådimut ilaasortaassaaq, nunaqarfimmi aalajangersumik najugaqaruni. Kommunalbestyrelsemut ilaasortassanik arlalinnik nunaqarfimmi qinersineqarpat taakku bygderådimi ilaasortaassapput, nunaqarfimmi aalajangersumik najugaqarunik. Ilaasortaaneq bygderådip piffissamut atuuffianut atuutissaaq, tak. Imm. 3.
Imm. 3. Bygderådimi ilaasortat allat ukiunut sisamanut qinerneqassapput. Piffissaq qinigaaffik 1. junimiit naatsorsorneqassaaq. Ulloq qinersivissaq qinersinermut ataatsimiititaliap aalajangissavaa.§ 45. Bygderådimut qinersisinnaatitaavoq kinaluunniit kommunalbestyrelsemut qinersisinnaatitaanermut piumasarisaasunik eqqortitsisimasoq, aammalu qinersinissaq kingusinnerpaamik ullunik 14-inik sioqqullugu nunaqarfimmi aalajangersumik najugaqalersimasoq.
Imm. 2. Kommunalbestyrelsep qinersinissaq ullunik 14-inik sioqqullugu suliarissavaa inuit, ullormi qinersivissami qinersisinnaatitaasut, nunaqarfimmi najugallit, allassimaffiat. Qinersisussat allassimaffiannut ilannguneqarsimatinnani qinersisoqarsinnaanngilaq.
Imm. 3. Qinersisussat allassimaffii suliarineqarnermik kinguninngua ulluni marlani saqqumitinneqassapput.
Imm. 4. Inuk qinersisussat allassimaffiannut ilannguneqarsimasoq, qinersisussat allassimaffiata suliarineqareernerata kingorna nunaqarfimmi aalajangersumik najugaqarunnaarsimasoq, qinersisussat allassimaffianniit piiarneqassaaq.§ 46. Bygderådimut qinigaasinnaavoq kinaluunniit § 45, imm. 1 naapertorlugu tassunga qinersisinnaatitaasoq, ukiut kingulliit tallimat ingerlaneranni pinerluuteqarsimanini pissutigalugu inissutaasumik eqqartuunneqarsimanngikkuni imaluunniit pillaammik akiliisussanngortitaasimanngikkuni imaluunniit ukiut kingulliit pingasut ingerlaneranni pinerluuteqarsimanini, kommunemi rådimi ilaasortaanissaminut piukkunnarunnaarutigisani pillugu eqqartuunneqarsimanngikkuni. Piffissaliussat ullormit qinersivimmiit naatsorsorneqassapput.
Imm. 2. Qinigaasinnaanermik annaasaqarneq pillugu §§ 31-32-imi maleruaqqusat aamma bygderådimi ilaasortanut atuupput.§ 47. Qinigassanngortitanik sinniisussaannillu nalunaarut nunaqarfimmi taaguinermik siulersuisumut tunniunneqarsimassaaq qinersinissaq ullunik qulinik sioqqullugu nal. 18.
Imm. 2. Qinigassanngortitanik nalunaarut atsiorneqarsimassaaq nunaqarfimmi qinersisartunit qinigassanngortitsisunit ikinnerpaamik tallimanit amerlanerpaamillu qulinit.
Imm. 3. Qinigassanngortitat tamarmik immikkut sinniisussaqassapput.§ 48. Naalakkersuisut erseqqinnerusumik aalajangersakkiussapput pappiarat taasivissat naqitamik allagarserneqarsimasussat "bygderådinut qinersineq" pissarsiarinissaat, ilusilernissaat agguarnissaallu pillugu.
Imm. 2. Qinersisartut taasinissamut piffissaatitat iluanni taasiartorfimmukarsinnaanngitsut imaluunniit aatsaat ajornartorsiorujussuarlutik taasiartorfimmukarsinnaasussat §§ 35 - 41-imi maleruaqqusat malillugit taasisinnaapput, tassunga ilanngullugu Kalaallit Nunaata avataani taasinissami allakkatigut taasinermi Danmarkimi atortussat atorsinnaallugit.§ 49. Nunaqarfinni ataasiakkaani qinersinerup piareersarneranut ingerlanneranullu, inerneratalu naatsorsorneranut nalunaarutigineranullu tunngatillugu kommunalbestyrelsemut qinersinermut maleruaqqusat assingi atuupput, tak. kap. 1.
Kapitali 3
Ataatsimut aalajangersakkat.§ 50. Qinersinermut ataatsimiititaliaq kap. 1 aamma 2-mi taaneqartoq tassaavoq inatsisartunut qinersineq pillugu inatsisartut inatsisaanni ataatsimiititaliaq taaneqartoq. Qinersinermut ataatsimiititaliap suliassai suliarineqassapput inatsisartut inatsisaanni qulaani taaneqartumi § 42-mi maleruaqqusat malillugit.
§ 51. Qinersinermut ataatsimiititaliaq qinersinerup piareersarnerani ingerlanneqarneranilu piginnaatitaavoq pissutsit naapertorlugit, tassunga ilanngullugu sila, pisariaqarsorinarneratut inatsisartut inatsisaanni maleruaqqusanik saneqqutsinissaminut, patsisissaatillugu qinersinerup isertuussassaanerata qinersinerullu ingerlanneqarnerata nakkutigisaanerata tamatigut isumannaarneqarsimanissaat.
§ 52. Nagitertitanut, nalunaarutinut pappiaranullu taasivinnut aningaasartuutit landskassemit akilerneqassapput. Kommunalbestyrelsenut bygderådinullu qinersinermut atatillugu aningaasartuutit allat kommunep pineqartup karsianit akilerneqassapput.
§ 53. Qinersisartoq taasisimasoq suliassami sumiluunniit pisussaanngilaq eqqartuussisunut oqaatigissallugu qinigassanngortitaq kina taasimanerlugu.
§ 54. Kinaluunniit, inatsisartut inatsisaat una naapertorlugu imminut suliassiissutigineqartunik sumiginnaasoq pillaammik akiliisussanngortinneqarsinnaavoq, inatsisit allat naapertorlugit annertunerusumik pineqaatissinneqartariaqanngikkuni.
§ 55. Qinersinermik siulersuisunut ilaasortat imaluunniit allat, nalunaarummi uani aalajangersakkat malillugit inini pappiarat taasiviit tigooqqarneqarfianniissinnaatitaasut
1) taasisitsinerup nalaani qinersisartumik siunnersuissanngillat, ilitsersuissanatik kajumissaarissanatilluunniit qinigassanngortitaq kina taassanerat,
2) allanik ilisimatitsissanngillat qinersisartoq una unalu najuussimanersoq, imaluunniit pappiaramik taasivimmik tuneqqusimanersoq imaluunniit
3) allanut nalunaarutiginnissanngillat taasivimmi qinersisartup qinigassanngortitamik sorlermik taasisimaneranik paasisimasaminnik.
Imm. 2. Inerteqqutaavoq qinersisartut aggerlutik taasinerata inatsisartut inatsisaanni peqqussutigineqartumiit allaanerusumik nakkutigineqarnissaa.
Imm. 3. Immikkoortumi 1-imi 2-milu aalajangersakkanik unioqqutitsinermut pillaammik akiliisussanngortitsineqarsinnaavoq, inatsisit allat naapertorlugit sakkortunerusumik pineqaatissiineqartariaqanngippat.§ 56. Inatsisartut inatsisaat ernerluni atulerpoq.
Imm. 2. Tamatuma peqatigisaanik atorunnaarsinneqarpoq Kalaallit Nunaanni bygderádinut qinersineq pillugu nalunaarut nr. 58 21. februar 1979-imeersoq.
Imm. 3. Kommunalbestyrelsenut bygderådinullu 1983-imi qinersinermi ilaasortat ukiunut arfinilinnut qinerneqassapput.
Kalaallit Nunaanni namminersornerullutik Oqartussat Martsip 30-anni 1982
Jonathan Motzfeldt/
Gunnar Martens
Ilanngussaq 1 (pdf-format)
Ilanngussaq 2 (pdf-format)