Isumaginninnermi tunngasut siulersorneqarnerat aaqqissuunneqarnerallu pillugit Landstingip peqqussutaata nr. 8-p 10. oktober 1979-imeersup allanngortinnera Inatsisartut peqqussutaatigut nr. 6-ikkut 28. oktober 1982-imeersukkut.
§ 1.
Kalaallit Nunaanni isumaginninnermut tunngasut siulersorneqarnerat aaqqissuunneqarnerallu pillugit Landstingip peqqussutaa nr. 8 10. oktober 1979-imeersoq makkuninnga allannguuteqartinneqarpoq:
§ 1-ip kingornani ilanngunneqassaaq:
"§ la. Isumaginninnermi Naalakkersuisup Kalaallit Nunaanni isumaginninnermi sulinerup ineriartortinneqarnissaanut pilersaarusiorneq siulersorlugulu ataqatigiissartassavaa, tassungalu atugassanik kommunit ataasiakkaat siunnersuuteqartittassallugit.
Immikk. 2. Ineriartortitsinissamut pilersaarusiat sivikinnerpaamik ukiunik sisamanik sivisussuseqartassapput ukiumullu ataasiarlutik iluarsaqqinneqartassallutik.§ 1b. Isumaginninnermi Naalakkersuisup kommunalbestyrelsit paasissutissanik suliassat §-ini 1 aamma lanaapertorlugit suliassissutigineqartut suliarinissaannut pisariaqartunik piumaffigisinnaavai".
§ 5-ip kingornani ilanngunneqassaaq:
"5a. Kommunalbestyrelsi kommunimi isumaginninnermi sulinerup ineriartortinneqarnissaanut pilersaarusiassanut siunnersuusiortassaaq, taakkulu Isumaginninnermi Naalakkersuisumut nassiuttarlugit , taassuma kommunit siunnersuutaasa pisariaqartutigut ataqatigiissarnissaat salliunilersornissaallu isumagisassavaa aammalu misissorlugu kommunit inatsisit malillugit isumaginninnikkut kiffartuussinermik pilersitsinissaminnik pisussaatitaanerat eqquutsinneqartutut isigineqarsinnaanersoq kiisalu inuiaqatigiit aningaasanik atuinerup tungaatigut naammattumik eqqarsaatigineqarsimanersut.
Immikk. 2. Isumaginninnermi Naalakkersuisup ineriartortitsinissamut pilersaarusiat suliarisarnerini periusissanut, piffissaliinissanut kiisalu suliat pilersaarusianut ilaatinneqartut annertussusissaannut malittarisassat erseqqinnerusut aalajangersartassavai".§ 7, immikk. 2-p naggataani ilanngunneqassaaq:
"sapaatip akunnerinik sisamanik piffissaqartitsilluni. Taaraaattorli Kalaallit Nunaanni Eqqartuussisut Qullersaata piffissarititaq taanna atortinngissinnaavaa inuk pineqartoq piffissarititamik qaangiinermut nammineerluni pisuusimanngippat".Kap. 4-p kingornagut ilanngunneqassaaq:
"Kapitali 4 a.
Pineqaatissiisinnaaneq.§ 9a. Kinaluunniit isumaginninnermi suliassanik atortitsinermi peqataasoq taamatut suliassaqartitaaneq naalakkersuinermi qinigaanikkut pisimagaluarpalluunniit pinerluttulerinermi inatsimmi naalakkersuinermik atassuteqartunut atorfeqarnermi suliassaqartitaanermiluunniit pinerlultuliornerit pillugit aalajangersakkat malillugit akisussaavoq".
§ 2.
Peqqussut manna atulerpoq 1. januar 1983.
Kalaallit Nunaanni Namminersornerullutik Oqartussat, ulloq 28. oktober 1982.
Jonathan Motzfeldt/
Moses Olsen