Kalaallit Nunaata Radioata siulersugaanera pillugu inatsisartut peqqussutaata nr. 17-ip 25. oktober 1982-imeersup allanngortinneqarnera pillugu inatsisartut peqqussutaat nr. 3, 1. april 1982-imeersoq.

 

§ 1.

Kalaallit Nunaata Radioata siulersugaanera pillugu landstingip peqqussutaani nr. 17-imi 25. oktober 1979-imeersumi makku allanngortitsissutigineqarput:

1. § 1 imm. 1 imatut oqaasertalerneqassaaq:
"§ 1. Radiop siulersuisui imatut katitigaassapput:
Siulittaasoq 1 kultureqarnermi atuartitsinermilu Naalakkersuisumit toqqagaq, ilaasortaq 1 Qaammarsaanermi siunnersuisut toqqagaat, ilaasortaq 1 Kalaallit Nunaanni TV-utillit peqatigiiffiisa kattuffiannit toqqagaq, ilaasortaq 1 Kalaallit Nunaata Radioani sulisut aalajangersimasumik atorfillit toqqagaat aammalu ilaasortat 3 inuiannik kalaallinik qaammaasaqarluartut akornannit Inatsisartut toqqagaat".

2. § 8, imm. 4 imatut oqaasertalerneqassaaq:
"Imm. 4. Radiomi atorfinitsitsisoqassatillugu radiomi siulersuisut inassuteqartassapput siulersuisut najoqqutassatut aalajangigaat erseqqinnerusut naapertorlugit".

 

§ 2.

Peqqussut erniinnaq atulissaaq. Ilaasortat sisamat Kalaallit Nunaata Radioata siulersugaanera pillugu landstingip peqqussutaa nr. 17-imi 25. oktober 1979-imeersoq   § 1, imm. 1 naapertorlugu Inatsisartunit toqqakkat ataannarallassapput 3o. april 1983-ip tungaanut. Kalaallit  Nunaanni TV-utillit peqatigiiffiisa kattuffiannit ilaasortaatitassatut toqqagassaq ilaasortaalissaaq 1. maj 1983-imiit. Tamatuma tungaanut kattuffiup ilaasortaatitassaatut toqqagaq radiop siulersuisuini ilaasortaassaaq taaseqataasinnaanani.

Namminersornerullutik Oqartussat, 1. april 1982.

Jonathan Motzfeldt

/

Thue Christiansen