Landstingip peqqussutaanut nr.1, 29.marts 1982-meersumut Kalaallit Nunaani imigassamik atuinerup killilersimaarneqarlunilu aqunneqarnissaanut.
Kalaallit Nunaani imigassanik kimittuunik nioqquteqarnermut sassaalliisarnermullu inatsimmi nr. 99-mi 16 februar 1973-meersumi, allanngortinneqarsimasumilu inatsimmi nr. 623 decembarip 22-ani 1976-mi aammalu inatsimmi nr. 110-mi marsip 21-ni 1979-mi, § 22 malillugu matumuuna Namminersornerullutik Oqartussat imigassanik kimittuunik pisinermi malittarisassat makkua aalajangerpaat.
§ 1. Imigassanik atuineq imigassat kimittuut assigiinngitsut assigiinngitsumik akitsuusersorneqarneratigut killilersimaarneqarlunilu aqunneqassaaq.
§ 2. Isumaginninnermi Naalakkersuisoq Qaanaami Illoqqortoormiunilu kommunalbestyrelsit siunnersuuteqarnerisigut, nunap immikkoortortaani taakkunani imigassanut kimittuunut killilersuinissamut immikkut malittarisassanik aalajangersuisinnaavoq.
§ 3. Peqqussut 1982-mi aprilip 1-ni atortuulersinneqassaaq. Peqatigitillugulu landstingip peqqussusiaa nr. 1 majip 1-ni 1979-meersoq imigassat kimittuut nioqqutigineqarnerannik sassaalliutigineqartarnerannullu killiliissutaasoq, allanngortinneqarsimasorlu landstingip peqqussutaatigut nr. 10 oktobarip 15-ni 1979-mi aammalu landstingip peqqussutaatigut nr. 8 oktobarip 23-ni 1980-mi, atorunnaarsinneqarpoq.
Nuuk, 29. marts 1982
Jonathan Motzfeldt/
Moses Olsen