Kinguppaat akitsuusiissutaasa tiguniarneqartarnerat pillugu Namminersornerullutik Oqartussat nalunaarutaat nr. 16, 13. december 1982-imeersoq.
Inuutissarsiutigalugu aalisarneq, piniarneq aallaaniarnerlu pillugit Inatsisartut inatsisaanni nr. 4-mi 13. oktober 1980-imeersumi §§ 3 aamma 5 naapertorlugit, kingusinnerpaamillu allanngortinneqartumi Inatsisartut inatsisaatigut nr. 12-ikkut 1. november 1982-imeersukkut, kinguppattat kalaallit tunisassiorfiini suliarineqartussatut nunnigunneqanngitsut akitsuusiissutaasa tiguniarneqartarnerat akiligassaajunnaarsinneqartarnerallu pillugu aalajangersakkat imaattut aalajangersarneqarput.
§ 1. Nalunaarummi pineqarpoq angallatit 80 BRT taakkulu qaangerlugit angissusillit, kinguppattaminnik uutitigaanngitsunik kalaallit tunisassiorfiini suliareqqitassanngorlugit tamakkiisumik nunnigussisartuunngitsut aamma nalunaarut nr. 11, 2. november 1982-imeersoq tunngavigalugu 1983-imi kinguppanniarsinnaanermut akuersissummik tunineqarsimasut atorlugit kinguppanniarnermi piginneqatigiiffinnit inunnillu ataasiakkaanit akitsuusiissutit tiguniarneqartarnerat.
§ 2. 1983-imi aningaasatigut inatsimmi 1983-imut akitsuusiissut kg-mut kr. 0,80-imut aalajangerneqarpoq kinguppattanut Kalaallit Nunaanni tunisassiorfinni suliareqqitassanngorlugit tunineqartuunngitsunut.
§ 3. Akitsuusiissut qaammatit pingasut qaangiunnerisigut akiliuteqartitsigallarnikkut tiguniarneqartassaaq, tassani tunngavigineqarlutik pisat nunami suliareqqitassanngorlugit nunnigussassaanngitsut.
Imm. 2. Kvartalimut siullermut akitsuusiissutip 50%-ia 15. maj 1983 akilerneqassaaq.
Imm. 3. Kvartalit aappaannut akitsuusiissutip 80%-ia 15. august 1983 akilerneqassaaq.
Imm. 4. Kvartalit pingajuannut akitsuusiissutip 80%-ia 15. november 1983 akilerneqassaaq.
Imm. 5. Kvartalit sisamaannut ukiumut inaarutaasumik naatsorsuinermut atatillugu akiligassaq 15. februar 1984 akilerneqassaaq.
Imm. 6. Akiligassap akilerneqartussanngornerata kingorna ullut 30-t qaangiutsinnagit akiligassaq akilerneqarpat akiliineq akiliiffissamik eqquinertut naatsorsuutigineqassaaq.§ 4. Akuersissummik piginnittoq kinguppanniareernerit tamaasa pisussaavoq Inuutissarsiornermi Pisortaqarfimmut pisaminut paasissutissanik nassiussaqassalluni. Paasissutissani takuneqarsinnaassapput pisat tamakkerlugit qanoq annertutiginerat taavalu taakkunanit qanoq annertutigisut kinguppaat uunneqanngitsut Kalaallit Nunaanni tunisassiorfinnut nunnigunneqarsimanersut.
Imm. 2. Akuersissummik piginnittoq nalunaaruteqanngitsoorpat amigartumilluunniit nalunaaruteqarpat akitsuusiissutissaq akiliutigineqarallartorlu pisassatut akuersissutit pisarissamaakkalluunniit tunngavigalugit naatsorsorneqarsinnaapput.§ 5. Ajutoornermi, sivisuumik amutsivimmiinnermi imaluunniit assigisaanik immikkut nammineq pisuussutiginngisamik pisoqarsimatillugu Inuutissarsiornermi Naalakkersuisup akuersissutigisinnaavaa tamakkiisumik ilaannakortumilluunniit akitsuusiissummik akiliinngitsoornissaq.
Imm. 2. Aalisarnermi aningaasarsiassatigut akitsuusiissuteqarfissatigut piffissami akitsuusiissuteqarfissami periarfissat ajortunngoriangaarsimatillugit Inuutissarsiornermi Naalakkersuisoq aamma taamatut akuersissuteqarsinnaavoq tamakkiisumik ilaannakortumilluunniit akitsuusiissummik akiliinngitsoornissamik.§ 6. Akuersissut Inuutissarsiornermi Pisortaqarfimmit arsaarinnissutigineqarsinnaavoq akitsuusiissutip akilerneqartussanngorsimasup akilerneqarnissaata tungaanut.
§ 7. Nalunaarut 1. januar 1983 atortuulerpoq.
Nuuk, ulloq 13. december 1982.
Lars Emil Johansen/
Emil Abelsen