Namminersornerullutik Oqartussat nalunaarutaat nr.15, 30. november 1982-imeersoq avannarpasissutsit 68°00' aamma 69°15' akornanni kiisalu kippasissutsip 56°00'-ip Kangiani kinguppanniarsinnaaneq pillugu.

Kalaallit Nunaanni inuutissarsiutigalugu aalisarneq, piniarneq aallaaniarnerlu pillugit inatsit nr. 4, 13.oktober 1980-imeersumi §§ 5 aamma 6 naapertorlugit aalajangersarneqarpoq:

 

§ 1. Avannarpasissutsit 68°00' aamma 69°15' akornanni kiisalu kippasissutsip 56°00'-ip kangiani angallatit 80 BRT-inik qaangerlugulu usisinnaasut aatsaat kinguppanniarsinnaanermut akuerineqarsinnaapput sumiiffimmi pineqartumi pisatik tamakkerlugit Kalaallit Nunaanni tunisassiorfinnut suliareqqitassanngorlugit nunniguttassagunikkit.

§ 2. Avannarpasissutsit 68°00' aamma 69°15' akornanni  kiisalu kippasissutsip 56°00'-ip kangiani pisassat tamakkiisumik 1983-imi 3.000 tonsiupput tamatumani igiinnakkat ilanngullugit.
Imm. 2. Sumiiffimmi pineqartumi pisassarititaasut tamarmik pisarineqarpata aalisarneq unitsinneqassaaq. Tamanna pillugu nalunaarut Kalaallit Nunaanni Naalagaaffimmut inniisuutitamit radiokkut aviisitigullu nalunaarutigineqarsinnaavoq.

§ 3. Nalunaarummi matumani aalajangersakkanik unioqqutitsinerit mianersoqqussummik, akiliisitaanermik akuersissummilluunniit arsaagaanermik kinguneqarsinnaapput. Suliassat taamaattut suliarineqassapput Inatsisartut inuutissarsiutigalugu aalisarneq, piniarneq aallaaniarnerlu pillugit inatsisaani nr. 4 13. oktober 1980-imeersumi aalajangersakkat malillugit.

§ 4. Nalunaarut atulissaaq 1. januar 1983. Namminersornerullutik Oqartussat kinguppanniarsinnaaneq pillugu nalunaarutaat nr.18 12.november 1981-imeersoq avannarpasissutsit 68°00' aamma 69°15' akornanni kiisalu kippasissutsip 56°00' kangiani, Namminersornerullutik Oqartussat nalunaarutaatigut nr.13 5.november 1982-imiminngaaneersukkut allanngortinneqarsimasoq, matumuuna atorunnaarpoq.

Nuuk, ulloq 30. november 1982.

Lars Emil Johansen

/

Emil Abelsen