Namminersornerullutik Oqartussat nalunaarutaat nr. 14, augustip 1-anni 1982-imeersoq palasissat Kalaallit Nunaanni ilinniartalernissaannik.
§ 1. Kalaallit Nunaanni ilageeqarneq pillugu Inatsisartut peqqussutaat nr. 2 martsip 30-anni 1982-imeersoq § 4, imm. 2, nr. 3 naapertorlugu upperisarsiornermik ilinniartalernissaq pilersinneqassaaq, Kalaallit Nunaanni ilagiinni palasinngorsinnaanissaq anguniarlugu.
Imm. 2. Ilinniarnerup siunertaraa ilisimatusartussap siunissami ilagiinni kalaallini palasinngorumaartussap makku pisinnaassagai:
Peqqissaartumik kristumiussutsimik ilisimasaqarnissaq kristumiuunngitsullu inuunermik paasinnittaasiannik paasisimasaqarnissaq, ilagiinnilu sulilernissaq siunertaralugu nammineersinnaalluni aalajangersumillu periaaseqarluni najoqqutassanik nassuiaasinnaanissaq upperisarsiornermilu nammineerluni eqqarsarsinnaanissaq, taamaalillunilu tunngaveqartumik akisussaassuseqarluartumillu sulilersinnaassalluni.§ 2. Ilinniarneq ingerlanneqassaaq Nuummi Upperisarsiornermik Ilisimatusarfimmi (Teologisk Institut), taamatullu aamma Kalaallit Nunaata avataanut ilisimatusariartortoqassalluni.
§ 3. Ilinniarneq Ilagiit Siulersuisui qullersaralugit ingerlatinneqassaaq; ilinniarnermullu tunngasortai pineqaraangata - naammagittaalliuutit pinnagit - ilisimatusarfimmi pisortaasoq aammalu ilisimatusartut akornanni toqqagaasoq peqatigalugit suliarisassavaat.
Imm. 2. Ilagiit Siulersuisuisa Upperisarsiornermik Ilisimatusarfimmi pisortaq ilinniartitsisullu atorfinitsittarlugillu soraarsittassavaat, aningaasallu atugassat pilersaarusiornerat naatsorsuusiornerallu suliarisassallugit.
Imm. 3. Ilisimatusarnermi ataatsimiititaliaq ulluinnarni ingerlatsisuuvoq. Ukuninnga ilaasortaqarluni: Ilisimatusarfimmi pisortaasoq, tamatigut siulittaasuusussaq, ilaasortarlu alla Ilagiit Siulersuisuinit ukiukkuutaartumik ilinniartitsisut akornannit toqqarneqartussaq.
Imm. 4. Ilisimatusarnermi siunnersuisartut ukuupput: Ilisimatusarnermi ataatsimiititaliaq, ilinniartitsisuusut allat tamarmik Upperisarsiornermillu Ilisimatusarfimmi ilisimatusartut. Ilisimatusarnermi siunnersuisartut sulisarnerminni malittarisassaat Ilagiit Siulersuisuinit aalajangersarneqartassapput.§ 4. Tamatumunnga ilinniarumasunut makku piumasarineqarput:
1) Kalaallit Nunaanni HF-imi soraarummeersimanissaq, imaluunniit
2) Danmarkimi HF-imi soraarummeersimanissaq, imaluunniit ilinniarnertuutut soraarummeersimanissaq kalaallisoorîlermik HF-imi soraaruntmeeruteqarsimanermik ilaqartinneqarpat, imaluunniit taamaaqataanik kalaallisut pisinnaaneq uppernarsarsinnaagaanni, imaluunniit
3) HF-imi fagini ukunani ataasiakkaani soraarummeeruteqarsimagaanni: Upperisarsiornermik, kalaallisoornermik, historiamik (Silamiut ingerlaasiannik), qallunaatut, tuluttut tyskisulluunniit arlaat, tamakkulu saniatigut inuussutissarsiummik inigaqarluni ilinniarsimaneq, imaluunniit minnerpaamik ukiuni pingasuni inuussutissarsiummik ingerlataqarsimagaanni, imaluunniit
4) Danmarkimi ilinniartitsisutut seminaariami soraarummeersimagaanni, tamatumunngalu ilanngullugu kalaallisut HF-imi soraarummeersimagaanni, imaluunniit taamaaqataanik kalaallisut pisinnaaneq uppernarsarsinnaagaanni, imaluunniit
5) Kalaallit Nunaanni seminariemi soraarummeersimagaanni.
Imm. 2. Piumasarineqartut tamakkua saniatigut immikkut ittumik akuerineqartoqarsinnaavoq Ilisimatusarnermi ataatsimiititalianit tamatumani oqartussaasunit. Ilisimatusarnermi ataatsimiititaliap aalajangigaa Ilagiit Siulersuisuinut ingerlateqqinneqarsinnaavoq.§ 5. Ilinniarneq immikkoortortaqarpoq aallarnersarnermik, taavalu ilisimatusarnivimmik. Ilisimatusarneq tamakkerluni ukiunut tallimanut naatsorsuussaavoq.
Imm. 2. Aallarnersarnera Ilisimatusarfimmi ukiumik ataasimik sivisussuseqartumik ingerlanneqassaaq. Tassanilu anguniarneqassaaq ilisimatusartussap aalajangersimasumik suleriaaseqarluni Kalaallit Nunaata kulturianik itinerusumik paasisaqariartornissaa, tassungalu tunngatillugit kalaallit oqaasii oqaluttuarisaanerallu, eqqarsartarherat nammineerlutillu paasinnittaasiat. Ilisimatusartunngorumasup Kalaallit Nunaata Seminaariaani soraarummeersimasup aallarnersarneq alluinnassavaa.
Imm. 3. Ilisimatusarnivik marlunnik immikkoortortaqarpoq:
a) Immikkoortortat siulliat ukiunik pingasuhik sivisussuseqartoq makkuninnga imaqartinneqassaaq: Upperisat oqaluttuarineqarnerat, tassani pingaarnerutillugu eskimuut upperisarsiornerat, Testamentitoqaq, Testamentitaaq, Ilagiit kristumiut oqaluttuarisaanerat, ilanngullugulu ilagiit upperisaata assigiinngissutaanik ilisimasassat, Kristumiussutsimik paasinninneq, Ileqqorinnissamik ajoqersuutit inuunerullu isumaanik paasisat, kiisalu Palasip suliassaanik ilisimatusarneq sungiusarnermik ilaqartillugu.
b) Immikkoortut aappaat tassaavoq ukiumi ataatsimi nammineq qinikkamik ataatsimik arlalinnilluunniit ilisimatusarnissaq Ilisimatusarnermi ataatsimiititaliap akuerisaanik. Kalaallit Nunaata avataanissaaq ilisimatusarnissaq tassunga inissinneqassaaq.
Imm. 4. Ilagiit Siulersuisuisa ilisimatusagassat suussusissaat suliaritittassavaat, taamatullu aamma ilinniarnissap ingerlanissaa aaqqissortarlugu.§ 6. Ilisimatusarniviup immikkoortua siulleq soraarummeernermik naggaserneqassaaq. Ilinniagassat (fagit) tamakkerlutik oqaluttuarissamik soraarummeerutigineqassapput, taavalu aamma allattarissamik uku: Testamentitaaq, Ilagiit kristumiut oqaluttuarisaanerat ilanngullugu ilagiit upperisaata assigiinngissutaannik ilisimasassat, Ileqqorinnissamik ajoqersuutit inuunerullu isumaanik paasisat.
Imm. 2. Ilinniagassat tamarmik immikkut soraarummeerutigineqassapput, ilisimatusartorlu soraarummeernissamut pingasoriarsinnaatitaassaaq, ilinniagassat tamaasa immikkut soraarummeerutigalugit. Immikkut ittumik pinngitsuugaqarniartoqarpat Ilagiit Siulersuisui tamatumani akuersisinnaapput.
Imm. 3. Ilisimatusarniviup immikkoortuata aappaa naggaserneqassaaq allattarissamik ataatsimik imaluunniit annikinnerusunik marlunnik suliaqarsimanermik. Nalilerneqarnerat oqaloqatigiinnermik ilaqartinneqassaaq.
Imm. 4. Soraarummeerneq Kalaallit Nunaanni nalinginnaasumik ingerlanneqartassaaq qaammatini majimi junimilu misiliisussatut pisussanngortitamit nakkutigineqartumik (censorimit). Soraarummeerneq kalaallisut ingerlanneqassaaq. Misilitsinnerit qallunaatuttaaq ingerlanneqarsinnaapput immikkut ittumik pisariaqartoqarpat.
Imm. 5. Ilinniagassani tamani angusarineqartut nalilerneqassapput imatut allagartalerlugit: Angusilluarpoq, angusivoq imaluunniit angusinngilaq.
Imm. 6. Soraarummeersimanermik angusisup taaguutigissavaa: cand. theol.§ 7. Aningaasartuutit nalunaarummi matumani pineqartunut tunngasut Namminersornerullutik Oqartussanit isumagineqassapput.
§ 8. Nalunaarut manna atortussanngortinneqarpoq augustip 1-anni 1982.
Imm. 2. Ilanngullugulu Ilinniartitaanikkut ministereqarfiup nalunaarutaa nr. 383 augustip 16-anni 1972-imeersoq Kalaallit Nunaanni palasissamut universitetimi kristumiussutsimi ilisimasariaqartumik soraarummeeruteqarluni misilitsissinnaaneq atorunnaarpoq.
Nuuk, augustip 1-anni 1982.
Jonathan Motzfeldt/
Jens Chr.Chemnitz