Namminersornerullutik Oqartussat saarullinniarnermut akuersissutit pillugit nalunaarutaat nr.10, 2. november 1982-imeersoq.
Inuutissarsiutigalugu aalisarneq, piniarneq aallaaniarnerlu pillugit Landstingip inatsisaa nr. 4, 13.oktober 1980-imeersumi § 3 aamma § 5 naapertorlugit aalajangersarneqarput:
§ 1. Nalunaarummi pineqarput inuit selskabillu kalaallit aalisarsinnaatitaanermut uppernarsaataannik peqartut Kalaallit Nunaata imartaani inuutissarsiutigalugu saarullinniartut.
§ 2. Angallatit 80 BRT-nik qaangerlugulu usisinnaasut saarullinniarsinnaapput Inuutissarsiornermi Naalakkersuisumit akuersissummik aatsaat peqqaarlutik.
Imm. 2. Akuersissutinik tunniussinermut atatillugu akuerineqartut akornanni pisassat agguataarneqarsinnaapput pisassat amerlassusiat, angallatit usisinnaassusiat aalisarnermillu inuutissarsiuteqarnerup piffinni assigiinngitsuni pissusissamisoortumik ineriartornissaa tunngavigalugit.
Imm. 3. Akuersissutit tunniunneqartassapput angallatit 1982-imi saarullinniarsinnaanermut akuersissummik peqarsimasut salliutillugit.§ 3. Saarullinniarnermut akuersissummik qinnuteqaat kiisalu § 4 imm. 4-mi uppernarsaat taaneqartoq Inuutissarsiornermi Naalakkersuisumeeriissaaq 1. december 1982. Inuutissarsiornermi Naalakkersuisoq pisinnaatitaavoq immikkut ittumik pissutissaqartillugu akuersissummik qinnuteqaatinut piffissaq killiliussaq ataasiakkatigut saneqqussinnaallugu.
§ 4. Akuersissut tunniunneqartoq 1983-imut atortuussaaq.
Imm. 2. Akuersissummik tunineqarnissamut patsisissaatinneqarpoq pisat tamakkerlutik Kalaallit Nunaanni tunisassiorfinnut suliareqqitassanngorlugit nunnigunneqarnissaat. Inuutissarsiornermi ilaalakkersuisumit akuerineqaqqaarani Kalaallit Nunaata aalisarnikkut imartaani aalisakkanik aalisakkanilluunniit nioqqusianik suliarinneqqusaasoqaranilu allamut usilersuussisoqaqqusaanngilaq, takuuk Landstingip inatsisaa nr. 4, 13. oktober 1980-imeersoq § 2 imm. 8.
Imm. 3. Akuersissummik tunineqarnissamut patsisissaatinneqarpoq angallatip inuttaasa minnerpaamik 60%-ii tassaassasut inuit kalaallinut inuiaqatigiinnut attuumassuteqarnermut piunasarisar-ik eqqortitsisut, takuuk Landstingip inatsisaa nr. 4 13. oktober 1980-imeersoq § 2, imm. 1 aamma 10. Piumasarisap naammassineqarsimaneranut uppernarsaat aalisariarluni angalareernerit tamaasa Inuutissarsiornermi Naalakkersuisumut nassiunneqartassaaq.
Imm. 4. Akuersissummut patsisaatinneqarpoq ingerlatitse qatigiiffiup aningaasaataasa minnerpaamik 2/3-ii imaluunniit angallat inunnit aalisarneq inuutissarsiutigivillugu allagartamik peqartut pigisarigaat, takuuk Landstingip inatsisaa nr. 4, 13. oktober 1980-imeersoq § 2 imm. 3. Tamatuminnga uppernarsaat akuersissummik qinnuteqaammut ilanngunneqassaaq.§ 5. Inuutissarsiornermi Naalakkersuisup pissutissaqavitsillugu akuersissummik tunniussaqartarnermi § 4, imm. 2-4-mi pimasarisat sanioqqussinnaavai.
§ 6. Inuutissarsiornermi Naalakkersuisup akuersissut malillugu pisassarititaasut annertussusii aalajangersaaffigisinnaavai naliliinermi tunngavigalugu tamakkiisumik pisassarititaasut aalajangiiffigineqarnerata imaluunniit tamakkiisumik pisassarititaasut tamakkerneqarnissaata taama aalajangersaanissaq pisariaqartilersimammassuk.
Imm. 2. Akuersissut malillugu pisassarititaasut pisarineqarpata aalisarneq unitsinneqassaaq, kingusinnerpaamillu unitsinneqassalluni Kalaallit Nunaani Rigsombudsmandip radiokkut avisitigullu tamakkiisumik pisassarititaasut tamakkerneqarsimanerat nalunaarutigippagu.§ 7. Akuersissut angallatip aalajangersimasup piginnittaata aalajangersimasup pissaatut allanneqassaaq.
Imm. 2. Akuersissut piginnaatitaaffiullu taassuma imarisai allamut tunniunneqarsinnaanngillat.
Imm. 3. Akuersissummik piginnittoq toqussagaluarpat, ingerlatseqatigiiffik atorunnaarsinneqassagaluarpat imaluunniit angallat akuerineqarsimasoq tunineqassagaluarpat umiulluniluunniit akuersissutaasimasoq atorunnaassaaq, eqqarsaatigeqqinneqarsinnaallunili paasiniarlugu akuersissutip tunniunneqarnerani patsisissaatitaasut suli eqquutinneqarnersut akuersissutip atuutileqqinnissaanut tunngaviussallutik.
Imm. 4. Akuersissut angallammiitinneqassaaq.§ 8. Nalunaarummik matuminnga imaluunniit § 2 najoqqutaralugu akuersissutini tunniunneqarsimasuni patsisissaatitaasunik unioqqutitsinerit mianersoqqussummik, akiliisitaanermik akuersissummilluunniit arsaagaanermik kinguneqarsinnaapput. Suliassat taamaattut suliarineqassapput Landstingip inuutissarsiutigalugu aalisarneq, piniarneq aallaaniarnerlu pillugit inatsisaani nr. 4 13. oktober 1980-imeersumi aalajangersakkat malillugit.
§ 9. Nalunaarut saqqummiunneqarnermini atortuulissaaq.
Imm. 2. Namminersornerullutik Oqartussat saarullinniarnermut akuersissutit pillugit nalunaarutaat nr. 16, 22. oktober 1981-imeersoq atorunnaasaaq 1. januar 1983
Nuuk, ulloq 2. november 1982.
Lars Emil Johansen/
Emil Abelsen