1982-imi kapisilinniarsinnaanermut akuersissutit pillugit Namminersornerullutik Oqartussat nalunaarutaat nr. 3, 7. juni 1982-miit.
Inuutissarsiutigalugu aalisarneq, piniarneq aallaaniarnerlu pillugit inatsisartut inatsissaanni nr. 4, 13. oktober 1980-imeersuini § 5 tunngavigalugu makku aalajangersarneqarput:
§ 1. Nalunaarut inuutissarsiutigalugu kapisilinniarnermut kalaallit aalisarnikkut imartaani 1982-imi Kap Farvelip kitaani kalaallit aalisartuinit ingerlanneqartumut tunngavoq.
§ 2. Kapisilinniarneq taamaallaat pisinnaatitaavoq Inuutissarsiornermi Naalakkersuisup taassumaluunniit akuersissuteqarnissamut piginnaatitaata akuersissuteqarneratigut. akuersissuteqarnermut atatillugu pisassat akuerineqarsimasut akornanni agguaanneqarsinnaapput. Agguaassineq naapertuuttoq anguniarlugu Inuutissarsiornermi Naalakkersuisoq qanoq iliuutsit § 4-mi taaneqartut saniatigut, KNAPK sioqqutsisumik isumaqatiginiareerlugu aalajangersaasinnaavoq aalajangersakkanik piniutit, piniutit iiusaat aalajangersimasut piniariaatsilluunniit radiokut avisitigullu nalunaaruteqaataasinnaasut inerteqqutaanerannut killiligaanerannulluunniit tunngasumik.
Imm. 2. 1982-imi kapisilinniarsinnaanermut akuersissut taamaallaat tunniunneqarsinnaavoq inunnut piginneqatigiinnullu inuutissarsiutigalugu aalisarnermik, piniarnermik aallaaniarnermillu kiisalu uumasuuteqarnermik ingerlatsisutut uppernarsaammik pigisaqartunut.
Imm. 3. Kapisilinniarnissamut akuersissut tunniunneqassanngilaq angallatinut 150 BRT sinnerlugu angissusilinnut.§ 3. Piffissap kapisilinniarnerup piniutinillu kapisilinniutinik ivertissuinerup aallartiffissaa Kalaallit Nunaannut ministereqarfimmit aalajangerneqassaaq.
§ 4. Kapisilinniarneq pisassaatitat makkua (aalisakkat ilivitsut) iluanniinnaq pisinnaatitaavoq:
1) kikkunnilluunniit pisarineqarsinnaasut, akuersissutinik pigisaqartut tamarmiusut aalisarsinnaasaat, tassaapput pisassarititat tamarmiusut nalunaarutikkut aalajangerneqartut aamma najukkani pisassarititat nikingassutaat.
2) angallatit 80 BRT-iniit 150 BRT-inut angissuseqartut, 1982-imilu kinguppanniarnissamut akuersissummik pigisaqartut, kikkunnilluunniit pisarineqarsinnaasunik 15 tons tikillugit angallammut ataatsimut pisassarititaapput.
3) inuit piginneqatigiillu sumiiffinni ataani taaneqartuni nunaqartut annerpaamillu angallatinik 26 fodsinik pigisaqartut tamatuma saniatigut:
Nanortallup kommunea 19 tons Qaqortup kommunea 19 tons Narsap kommunea 12 tons Paamiut kommunea 32 tons Nuup kommunea 28 tons Maniitsup kommunea 33 tons Sisimiut kommunea 15 tons Kangaatsiap kommunea 15 tons Aasiaat kommunea 19 tons Qasigiannguit kommunea 10 tons Ilulissat kommunea 10 tons Qeqertarsuup kommunea 10 tons Uummannap kommunea 5 tons Upernaviup kommunea 5 tons 232 tons Pisat tamakkua Kalaallit Nunaanni tunitsivinnut tamanut tulaanneqarsinnaapput. Nunami tunitsiviit angallatit sumeersuuneri allattassavaat, sumiiffinni siuliini taaneqartuni pisanut amerlassusissaatitat akimorneqannginnissaat nakkutigineqarsinnaaniassaramat.
Imm. 2. Amerlassusissaatitat taaneqartut naapertorlugit aalisarnerup kipinissaa Kalaallit Nunaanni Naalagaaffiup Sinniisaanit nalunaarutigineqassaaq, isumaqarnarpat aalisarnerup taamaativinnginnerani pisat amerlassusissaat taaneqartut anguneqartussaasut. Pisat amerlassusiat paasineqarpat annertussusissaatitamit imm. 1, nr. 1-imi taaneqartumit allaasoq annertussusissaatitat imm. 1, nr. 3-mi taaneqartut naapertuuttumik iluarsissuserneqassapput, imaluunniit pisassarititaasut tamakkerneqarsimappata atorunnaarsinneqarsinnaallutik. Amerlassusissaatitat imm. 1, nr. 3-mi taaneqartut tamakkerlutik pisarineqarnissaat anguniarlugu pissusiusut pisariaqartitsiffiisigut KNAPK sioqqutsisumik isumaqatiginiareerlugu Inuutissarsiornermi Naalakkersuisup aalajangersinnaavaa najugarisani pisassaatitatut aalajangikkat ilaat akuersissutinik pigisaqartunut tamanut pisassanngortitaasussat kommunenut agguaassinertaqanngitsumik.
Imm. 3. Qanoq iliuusissat imm. 2-mi taaneqartut radiokut avisitigullu nalunaarutigineqassapput. Aalisarnerup kipinissaata nalunaarutigineqarnerata kingorna inuutissarsiutigalugu kapisilinniarneq tamarmi inerteqqutaavoq, aamma Kalaallit Nunaanni tuniniagassanik kapisilinniarneq.§ 5. Nalunaarummi aalajangersakkanik unioqqutitsineq akiliisitaanermik akuersissummilluunniit arsaarinninnermik pillaateqartinneqarsinnaavoq.
Imm. 2. Arsaarinninnermi atorneqartussaapput Kalaallit Nunaanni pinerluttaalisitsinermut inatsimmi maleruagassat. Pisat arsaarinnissutigineqarsinnaapput piniarfigeqqusaanngitsumi pisaasimanerannut erseqqissumi uppernarsaatissaqanngikkaluarpalluunniit.
Imm. 3. Akiliisitsinermi akiliutit affaat naalagaaffiup aningaasaateqarfianut nakkartjssaapput, affaailu Namminersornerullutik Oqartussanut tunniunneqassapput KNAPK-ip ikiuutissanik aningaasaateqarfianut (Carl Egedep aningaasaateqarfia) pisassanngorlugit aalisartunut ikiuutissanngorlugit.§ 6. Kalaallit Nunaannut ministereqarfik 1982-imi kapisilinniarnerup aallartiffissaa aamma tamakkiisumik pisassarititaasut amerlassusissaat qassutillu kapisilinniutit nigartussusissaat pillugit immikkut ittumik nalunaarusiussaaq.
Imm. 2. Kapisilinniarneq pillugu Kalaallit Nunaannut ministereqarfiup nalunaarutaata nr. 411 14. august 1981-imeersup atortuujunnaarnissaa taamattaaq Kalaallit Nunannut ministereqarfiup nalunaarutigissavaa.§ 7. Nalunaarut tamanut saqqummiunneqarnermini atortuulissaaq.
Imm. 2. Tamatumunnga peqatigitillugu Kalaallit Nunaata aalisarnikkut imartaani 1981-imi kapisilinniarsinnaanermut akuersissutit pillugit Namminersornerullutik Oqartussat nalunaarutaat nr.10 5.juni 1981-imeersoq atortuujunnaarsinneqarpoq.
Namminersornerullutik Oqartussat, ulloq 7 .juni 1982.
Lars Emil Johansen/
Emil Abelsen