Ilisimatusarfik pillugu Landstingip inatsisaa nr. 8, ulluligaq 16. oktober 1981
§ 1. Namminersornerullutik Oqartussat pilersissavaat suliffik Ilisimatusarfik siunertaqartoq kalaallit kulturikkut kingornussaat, oqaasii, oqaluttuarisaanerat nalitsinnilu inuiaqatigiittut atugaat ilanngullugit, misissussallugit ilinniartitsissutigissallugillu.
Imm. 2. Piumaffigineqarnini imaluunniit nammineq noqqaanini naapertorlugu Ilisimatusarfik paasissutissiortassaaq apeqqutit kultureqarnermut inuiaqatigiinnullu tunngasut pillugit.
Imm. 3. Ingerlassat imm. 1-imi aamma 2-mi taaneqartut annertussusiisa suussusiisalu killingi pillugit kultureqarnermik atuartitsinermillu aqutsisut aalajangersaassapput ilinniartitsinerillu kursusillu Ilisimatusarrimmit ingerlassat akuerisassallugit.§ 2. Fagit pillugit suliffittullu Ilisimatusarfiup nalinginnaasumik ingerlanneqarneranut pisortaq Naalakkersuisut atorfinitsissavaat.
Imm. 2. Suliffiup ilisimatusarnermik ingerlatsineranut fagillu tutsuiginarnerannut pisortaq kisimi akisussaavoq.
Imm. 3. Alajangikkalli inatsisinut akerliusut kultureqarnermi atuartitsinermilu Naalakkersuisup atorunnaarsissinnaavai.
Imm. 4. Apeqqutit ingerlatsinermut tunngasut pillugit pisortaq kultureqarnermut atuartitsinermullu pisortaqarfimmut akisussaavoq.§ 3. Fagit pillugit siunnersuisut 5-nik ilaasortallit pisortamut siunnersuisussat pilersinneqassapput.
Imm. 2. Siunnersuisut ilaasortaat ima katiticaassapput:
Ilaasortaq 1 kultureqarnermut atuartitsinermullu Naalakkersuisup toqqassavaa, ilaasortaq 1 Ilinntarfissuup, Inunnik Isumaginnittussanut Ilinniarfiup, Nunatta Atuagaateqarfiafca, Kalaallit Nunaata Katersugaasiviata Landsarkivillu peqatigiillutik toqqassavaat, ilaasortaq 1 sulisut toqqassavaat, ilaasortaq 1 ilinniartut toqqassavaat, aamma ilaasortaq 1 siunnersuisut namminneerlutik ilassamittut toqqassavaat.
Imm. 3. Siunnersuisut naiminneerlutik siulittaasussarsiussapput ingerlanerminnilu najoqqutassatik sanassallugit. Siunnersuisut ataatsimiinnerini Ilisimatusarfiup pisortaa peqataasassaaq siunnersuisullu sulineranni isumagisassat isumagissallugit.§ 4. Kultureqarnermik atuartitsinermillu aqutsisut Ilisimatusarfiup ilumini siulersorneqarnissaa pillugu malittarisassiussapput.
§ 5. Ilisimatusarfiup aningaasartuutissai, isertitassai inuttaasalu amerlassusii annertussusilerneqartassapput aningaasartuutissat pillugit Landstingip inatsisaasigut ukiumoortutigut.
§ 6. Inatsit una erniinnaq atulerpoq.
Jonathan Motzfeldt/
Hugin S.Christiansen