Inuutissarsiutigalugu aalisarneq, piniarneq aallaaniarnerlu pillugit landstingip inatsisaata allannguutaanik landstingip inatsisaa nr. 5, 22. oktober 1981-imeersoq.

 

§ 1.

Inuutissarsiutigalugu aalisarneq, piniarneq aallaaniarnerlu pillugit landstingip inatsisaani nr. 4-mi 13. oktober 1980-imeersumi imatut allanngortitsineqarpoq:

1. § 2, imm. 10 atorunnaarpoq imaattumillu taarserneqarluni:
"Imm. 10. Ukiuni kingullerni marlunni Kalaallit Nunaanni aalajangersumik najugaqarsimanissamik imm. 1-imi piumasarisaq Inuutissarsiornermi Naalakkersuisup pissutsini immikkorluinnaq ittuni sanioqqussinnaavaa, assersuutigalugu qinnuteqartoqpiffissaptaassuma iluani  ilinniarluni allamilluunniit assigisaanik pissuteqarluni Kalaallit Nunaata avataani najugaqarallarsimapput."

2. § 2, imm. 11-tut nutaatut una ilanngunneqassaaq:
"Imm. 11. Inuutissarsiornermi Naalakkersuisup pissutsini immikkorluinnaq ittuni imm. 9-mi aalajangersagaq sanioqqussinnaavaa, taamaaliorneq kalaallit aalisarnikkut inuutissarsiornerannut pingaaruteqarsorinaraangat."

3. § 3, imm. 1-imi ilanngunneqassaaq:
"Pisat ilaasa taakku pitsaassusissaat, suunissaat, piffissani suni sumullu tulaanneqarnissaat pillugu Inuutissarsiornermi Naalakkersuisoq erseqqinnerusumik aalajangersagaliorsinnaavoq."

4. § 3-mi, imm. 3-p kingornagut ivertinneqassapput:
"Imm. 4. Akuersissummittaaq tunisinissamut akileraarummik Inatsisartut aalajangigaannik landskassemut akiliisarnissaq tunngavissaavoq. Pisortat kilisaataataat akileraaruteqartitaanngillatl Akileraarut ukiumi pisassatut akuersissutigineqartut ilaasa tulaassisussaatitaanermit pineqanngitsut tamarmiusut nalingat KGH-ip tunisinermini agguaqatigiissillugu akinik angusaanik tunngavilik tunngavigalugu naatsorsorneqassaaq. Akileraarutit ukiumoortumik aningaasat inatsisaannut atatillugit aalajangerneqassapput.
Imm. 5. Aseruatiternermi, sivisunerusumik amutsivimmiititsinermi imaluunniit assigisaanik nammineq pisuussutiginngisamik immikkut pisoqartillugu Inuutissarsiornermi Naalakkersuisoq tamakkiisumik ilaannakortumilluunniit akileraanngitsoortitsisinnaavoq.
Imm. 6. Inuutissarsiornermi Naalakkersuisoq akileraarutip imm. 4-mi pineqartup tiguniarneqartarnera pilluguerseqqinnerusumikaalajangersagaliussaaq. Akileraarutit akilerneqartussanngorsimasut akilerneqarserlugit Inuutissarsiornermi Pisortaqarfiup akuersissut utertikkallarsinnaavaa."

 

§ 2.

Inatsit tamanut saqqummiunneqarnermigut atulissaaq.

Nuuk, ulloq 22. oktober 1981.

Jonathan Motzfeldt

/

Lars Emil Johansen