Landstingip inatsisaa nr. 3, 3. april 1981-imeersoq nunaqarfinni innaallagissiorfiit ingerlatitaanerannut tapiissutit pillugit.

 

§ 1. Kalaallit Nunaanni nunaqarfinni innaallagissiorfiit   ingerlatitaanerannut Namminersornerullutik Oqartussat kommunenut piginneqatigiinnullu tapiissuteqarsinnaapput.
Imm. 2. Tapiissutit tunniunneqassapput innaallagissiorfinnut pilersitsinermut tapiissutinik tigusaqarsimasunut, takuuk Kalaallit Nunaata Landsrådianut aamma Kalaallit Nunaanni Kommunenut il.il. tapiissutit pillugit inatsit nr. 299 14. juni 1974-imeersoq imaluunniit takuuk landstingip ileqqoreqqusaa nr.1 24. oktober 1979imeersoq nunaqarfinni innaallagissiorfinnik, imeqarfinnik tunisassiorfinnillu pilersitsinissamut tapiissutit pillugit.

§ 2. Tapiissutit siunertaraat ingerlatsinermut aningaasartuutit millisinneqarnissaat, taamalu innaallagissap sarfaanik pilersuinermut akigititat millisinneqarsinnaassallutik.

§ 3. Tapiissutinut tunngaviliunneqassapput innaallagissiorfinni ukiumoortumik ingerlatsinermut tunngasutigut
Imm. 2. Namminersornerullutik Oqartussat aalajangersakkanik erseqqinnerusunik aalajangiissapput, aningaasartuutit assigiinngitsut allat tapiissutinut tunngaviliunneqarsinnaanerat pillugu.

§ 4. Tapiissutit ilineqassapput bankimut, sparekassemut,   obligationinngorlugit imaluunniit allatut iliorluni Namminersornerullutik Oqartussat aalajangersagaat erseqqinnerusut malillugit.

§ 5. Namminersornerullutik Oqartussat aalajangersakkat   erseqqinnerusut aalajangissavaat tapiissutit tunniunneqarnissaannut atugassarisat pillugit.

§ 6. Tapiissutit angissusissaat Namminersornerullutik   Oqartussanit aalajangerneqassapput Kalaallit Nunaanni Kommuneqarfiit Kattuffiat isumaqatiginiareerlugu.

§ 7. Landstingip inatsisaa tamanut saqqummiunneqarnermini atortuulerpoq.

Namminersornerullutik Oqartussat, ulloq 3. april 1981.

Jonathan Motzfeldt

/

Anders Andreassen