Inatsisissatut siunnersuummut oqaaserisat

 

§ 1-imut:

Qulequttap aammalu § 1 stk. l-ip oqaasertalersorneqarnerinut pissutaavoq, Kalaallit Nunaat immikkoorluni EF-imut ilaasortaanngimmat, kisianni isumaqatigiissutinit ilaatinneqarluni kunngeqarfiup Danmarkip ilaasortaaneranut atasumik.

Inatsisip matuma akuerineqarnerata nalaani piareersaatissat iluarsartuussinissamut tunngasut sivisussusissaata naammattumik missingerneqarsinnaannginnera pissutigalugu, naleqqunnerpaasutut isumaqarfigineqarpoq piffissamut aalajangivissimasumut nunatta naalakkersuisuisa eqqortitsisussanngortinneqannginnissaat. Tamatumunnga aamma illersuutissaapput piffissap ingerlanissaanut tunngasut, pissutissat anguneqarsinnaasussat pillugit paasiniaalluni sulinissamut aammalu paasisitsiniarnerup aallarnernissaanut aammalu pingaartitassat suli ilisimaneqanngitsut misissornissaannut. Qinersisartunut paasisitsiniarnermi soqutigisaqaqatigiit tamarmik peqataanissamut periarfissaqarnissaat pillugu taasinissap piareersaatiginissaanut qaammatinik 3-nik piffissaliussaq aalajangerneqarpoq.

 

§ 2-mut:

Pingaartutut isumaqarfigisariaqarpoq taasissutissap suunerata inatsimmi aalajangerneqarnissaa imatut, nunatta inatsisartuini oqaluuserinninnerup kingornatigut tamanna pillugu erseqqissumik akuersineqassalluni. Taasissutissap suunissaa inatsisip oqaasertaani erseqqivissumik paatsuugassaanngitsumillu aalajangerneqarsimavoq apeqqut ataasiinnaq pillugu paasiniaaviusumik taasissutissatut taasinerup inernera pillugu kingusinnerusukkut nassuiaanissami nalornisooruteqarnissaq pinngitsoortinniarlugu, nalornisooruteqarnissaq aarlerinarsinnaammat apeqqutit

arlallit qinemeqarsinnaasut suliarineqarnerini. Apeqqutip iluamik oqaasertalersorneqarneranut ilaatigut pissutaapput oqaatsinut tunngasutigut paasinerluinissat pinngitsoortinneqarnissaannik kissaatigisaq aammalu oqariartaasissat suliarineqareerslmasut pissutigalugit:

"EF-imut naagga" aamma "EF-imut aap".

Stk. 2. Inatsimmi ilanngunneqarsimavoq inatsisip tamanut saqqummiunneratigulli qinersisartut ilisimatinneqareersimammata suna nunatta inatsisartuisa akuerisimagaat tamatumalu nassatarisassai, tassunga ilaatillugu taasisitsinerup inernerata nassatarisaanik nunatta naalakkersuisui piginnaatinneqarsimammata naalagaaffimmi oqartussaatitanik isumaqatiginninniarnissanut niueqatigiiffinnit anisussaagutta Kalaallit Nunaannut atugassarisassat pillugit. Politikikkut apeqqutaavoq inuit taasisinneqarnerannut tunnganngitsoq, Kalaallit Nunaata siunissami atanissaanut tunngasut pillugit nunatta inatsisartuini aalajangiivinnissaq sioqqullugu, inunnik taasisitsinerup  inernera tunngavigalugu naalagaaffimmi oqartussaatitat aanunalu EF atugassarisat taakku pillugit piviusumik isumaqatiginninniarumassanersut, takuuk § 3. Oqaasertalersuinissanut qinerneqartoq imaappoq, inunnik taasisitsinermi Kalaallit Nunaata aninissaa pillugu inissutaasumik aalajangiisoqassanngitsoq, tamannali aatsaat kingornatigut aalajangerneqassasoq.

Taasinerup inernerata naatsorsornissaani malittarisaq atorneqartartoq una atortuussaaq, taasiviit allaffigineqarsimanngitsut taasiviillu allat atorsinnaanngitsut naatsorsuutigineqassanngitsut.

 

§ 3-mut:

Namminersornerulernermik inatsimmi § 11, stk. 2-mit paasineqarsinnaavoq, ilioriusissat Namminersornerullutik Oqartussat aalajangerniarlugit siunertarisaat, aammalu taakku aallarnerneqarnerat annertuumik pingaaruteqassappat naalagaaffiup nunanut allanut pissuserisaanut, tassunga ilaatillugu nunat tamalaat suleqatigiinneranni naalagaaffiup peqataaneranut, akuersinissaq sioqqullugu naalagaaffimmi oqartussaatitanut isumaqatigiinniutigineqassapput, taamaattoq namminersornerulernermik inatsimmi § 15 naapertorlugu Danmarkimi naalakkersuisut najoqqutassat aalajangertussaallugit Kalaallit Nunaata EF-imi soqutigisaasa immikkut ittut isumagineqarnissaannut.

Tamatuma nassatarissavaa, § 1-imi taaneqartutut inunnik taasisitsinissap nunatta naalakkersuisuisa akuerisaata aallarnerneqarnera malitseqartinneqassammat § 2 malillugu naalagaaffimmi oqartussaatitanik isumaqatiginninniarnernik, aammalu tamatuma kingorna aatsaat ilioriusissatut siunertarineqartut akuerineqarsinnaassammata. § 3-mi taaneqareersutut akuersineq taanna pissaaq tamatuma kingorna nunatta inatsisartuisa ataatsimiinneranni isumaqatigiinniarsimanerit tunngavigalugit, taamaattoq pissutsit ilaatinneqassallutik Kalaallit Nunaat EF-imiiginnassappat. § 3-mi oqaasertalersuinerup aamma manna tunngavigaa, inunnik taasisitsineq paasiniaaviusussaammat nunatta inatsisartuisa kingusinnerusukkut aalajangigassaannut.

 

§ 4-mut:

Qinersinerup siulersornissaa tamatumuuna oqilisarneqassaaq, tassa folketingimut qinersisartut nalunaarsuutaat ukiut tamaasa suliarineqartarmata nuuttunut nalunaarsuummi ilanngunneqarnissamut periarfissaqarluni kingusinnerpaamik taasinissap ullunik 14-inik sioqqunnissaa tikillugu. Namminersornerulernerup atulersitaanissaa pillugu inuit taasisinneqarneranni atortuusoq assigalugu sioqqutsilluni najugaqareersimanissamik piumasaqartoqassanngillat ullut 14-it taaneqareersut saniatigut. Kiisalu oqaasertalersuinerup nassatarissavaa, inuit Kalaallit Nunaanni kommunemi qinersisartut nalunaarsuutaanni ilanngunneqarsimasut kisimik taasinermi peqataasinnaassammata.

 

§ 5-imut:

Aalajangersagaq taanna atorlugu manna isumannaallisarneqassaaq, inunnik taasisitsineq ingerlanneqassasoq malittarisassat erseqqissut paasiuminartullu malillugit, taaneqartanaqarmat Namminensornerullutik Oqartussat maannakkut qinersineq pillugu nammineq inatsisiliorsimanngimmata. Landstingip inatsisaa manna allaassuteqarpoq inunnik taasisitsinerni allani. piffissaliisarnermit taasinerup qaqugu pinissaanik nalunaarut pillugu, takukkit § 1-imut oqaaserisat. Immikkut aalajangersakkat allat § 6-imit takuneqarsinnaapput.

Stk. 2. Ilanngunneqarsimavoq inunnik taasisitsinerup taassuma Namminersornerullutik Oqartussanit siulersorneqarnissaa pillugu, qinersinermi siulersuisunut ilitsersuut pisariaqartoq Namminersornerullutik Oqartussat nassiuttariaqarmassuk taasinissaq sioqqullugu, qinersinerup iluarsartuunnissaa pillugu aamma Namminersornerullutik Oqartussat pisortaqarfiisa akornanni suliat ataasiakkaat agguataarnissaat pillugu.

 

§ 6-imut:

Kalaallit Nunaannni folketingimut qinersineq pillugu inatsimmi malittarisassanut allannguutinik paragrafi imaqarpoq, taakku pisariaqarmata inunnik taasisitsinermut tassunga taasiviit immikkut ittumik ilusilersornissaat pissutigalugu, taakkunani taasissutissap suunera nammineq ilanngunneqarsimammat. Tamanna ilaatigut ima nassataqassaaq, nunani allani danskit sinniisorisaasa taasinermut atortussanik pilersornissaat iluarsartuussinermut atortussanik pilersornissaat iluarsartuussinermut tunngasutigut ajornassalluni, taamaattumillu inuit nunani allani najugaqarallartut allakkatigut taasisinnaassanatik, takuuk stk. 3.

Stk. 4-mi paatsoortoqannginnissaa pissutigalugu erseqqissumik piginnaatinneqarsimapput sumiiffimmi kommunenut immikkoortortalersuinerup avataaniittumi allakkatigut taasinernik tigusaqartartut allakkatigut taasinernik tigusaqarnissamut, qinersisartunit Kalaallit Nunaanni kommunet arlaannit nuussimasunit aammalu kommunemi qimatami tassani qinersisartut nalunaarsutaanni ilanngunneqarsimasunit.

 

§ 7-imut:

Tamatuma nassatarissavaa, inunnik taasisitsinissamut piareersaatit inatsisip nalunaarutigineqarnerani erniinnaq pisinnaassammata, nalunaarut immikkoortillugu nassiunneqassalluni Kalaallit Nunaata inatsisartui il.il. pillugit landstingip inatsisaani nr. 1-imi § 18, stk. 1 naapertorlugu.