Landstingip peqqussutaa nr. 1 af 2. februar 1981 nunamik atuineq, nuna tamakkerlugu pilersaarusiorneq aamma illoqarfimmik pilersaarusiorneq illuliortiternerlu pillugit
Nunamik atuineq, illoqarfimmik ineriartortitsineq illuliortiternerlu pillugit Folketingip inatsisaa nr. 612, 23. december 1980-imeersoq naapertorlugu matumuuna makku aalajangerneqarput:
Kapitali 1.
Peqqussutip siunertaa§ 1. Peqqussutip siunertarai:
1) Nunap pinngortitallu atortussiassartaasa inuiaqatigiinnut tunngasutigut tamarmiusumik naliliineq tunngavigalugu iluaqutiginissaasa isumannaallisarnissaat,
2) najukkami ineriartornerup, suliffissaqartitsinerup inuutissarsiornerullu siuarsarneqarnissaat,
3) isumannaallisassallugit nunamik atuineq imatut iliorluni ingerlanneqassasoq, silaannaap, erngup nunallu mingutsernissaat aammalu pisorpalummik akornusersuutissat pitsaaliorneqassallutik, aammalu pinngortitaq illersorneqassalluni,
4) illoqarfippalaartumik illuliortiternerit pilersaarutit malillugit ineriartortitaanerat isumannaallisassallugu,
5) illuliorfissat illoqarfiliorfissallu naleqquttut tamatigut nassaassaanissaannut ikiuutissalluni,
6) isumannaallisassallugu illuliortiternerup imatut ingerlanneqarnissaa iluarsartuunneqarnissaalu, toqqissisimanartumik pissuseqassalluni isumannaallisaanermut tunngasutigut, tassunga ilaatillugit ikuallattoornissamut peqqinnissamullu tunngasutigut aammalu matumunnga ikiuutissalluni, illuliortiterneq ingerlanneqassanngitsoq inuit qasuersaarfissatut soqutigisaannut aammalu iluatinnaatit nunap pissusiinut tunngasut atatiinnarneqarnissaannut tunngasunut akerliusumik,
7) qallikkut aningaasanullu tunngasutigut pilersaarusiornerup killissaasa iluanni iliuutsit ataasiakkaat nr. 1-6-imi taaneqartut ataqatigiississallugit.
Kapitali 2.
Nuna tamakkerlugu pilersaarusiornermut udvalgi§ 2. Nuna tamakkerlugu pilersaarusiornermut udvalgimik landstingi pilersitsissaaq.
Imm. 2. Udvalgip ilaasortarissavai siulittaasoq landstingimit toqqarneqartussaq aammalu ilaasortat allat 4, taakkunannga ilaasortat 2 landstingimit toqqarneqassallutik, ilaasortaq ataaseq toqqarneqassalluni Kalaallit Nunaanni Kommuneqarfiit Kattuffiannit aamma ilaasortaq ataaseq Kalaallit Nunaannut ministerimit. Ilaasortat taakkununngalu sinniisussat ukiunut 4-nut toqqarneqassapput.
Imm. 3. Udvalgip suleriaasissaa landstingip aalajangissavaa.
Kapitali 3.
Nunamik atuineq§ 3. Akuerineqarsimatinnani nuna atorneqassanngilaq illuliortiternermut imaluunniit allatut iliorluni, tassunga ilaatillugu ungaluliineq, taamaasiornikkut nuna tamanit atorneqarsinnaajunnaassappat.
Imm. 2. Nuna, illorsualiorfiusimasoq ikkussuiffiusimasorlu, illoqarfimmik pilersaarummut akuerineqarsimasumut imaluunniit taassuma ilaanut ilaatinneqanngitsoq, akuerineqarsimatinnani manna tikillugu siunertaasimasunit siunertanut allaanerusunut atorneqassanngilaq.
Imm. 3. Illuliorfiusimasut atorunnaakkat akuerineqarsimatinnani inuutissarsiornermut imaluunniit ineqarnermut atorneqassanngillat.
Imm. 4. Aalajangersagaq stk. 1-imiittoq akornutaassanngiaq illuaqqat piniariartarfiusartut taamaangajattullu utaqqiisaagallartumik pissusillit aallaaniarnermut, savaateqarnermut, piniarnernut aalisarnermullu atatillugit sananeqarnissaannut.§ 4. Kommunalbestyrelsi akuersisassaaq paragraf 3 malillugu sumiiffinni ataatsimoortumik illuliorfiusimasuni aamma sumiiffinni illoqarfimmik pilersaarummut imaluunniit atuinissamik pilersaarummut atareersumut (illoqarfiup killingi) ilaatinneqartuni. Taamaattoq pisortaqarfinnut, sanaartukkanut suliffissuaqarnermut, angallannermut allanulluunniit tunngasunut, najukkami inunnut annertuumik pingaaruteqanngitsunut, nunamik atuinissamut akuersineq taamaallaat tunniunneqarsinnaavoq nuna tamakkerlugu pilersaarusiornermut udvalgip isumaqataaneratigut.
Imm. 2. Illoqarfiup killingisa avataanni akuersineqartassaaq paragraf 3 malillugu nuna tamakkerlugu pilersaarusiornermut udvalgimit kommunalbestyrelsimit tunngassuteqartumit oqaaserisat pissarsiarereerlugit.
Imm. 3. Kommunalbestyrelsi taamaattoq akuersisassaaq sunngiffimmi illuutit, illuaqqat aallaaniarnermut atugassat taamaangajattullu sananeqarnissaannut sumiiffinni, nuna tamakkerlugu pilersaarut malillugu sunngiffimmi atugassanngortitani imaluunniit aallaaniarnermut atugassanngortitani.
Imm. 4. Nuna tamakkerlugu pilersaarusiornermut udvalgip kommunalbestyrelsi akuersinissanut piginnaatissinnaavaa § 3 malillugu.
Imm. 5. Sumiiffik illoqarfiup killeqarfigineraa pillugu nalornisoorneqartillugu nuna tamakkerlugu pilersaarusiornermut udvalgi aalajangiisassaaq.
Imm. 6. Qinnuteqartut nassuiaatinik suliassap suliarineqarnissaanut pisariaqartunik piumaffigineqarsinnaapput, tassunga ilaatillugu najukkami inooqatigiinnut aamma pinngortitap mingutsinnaveersaarneqarneranut sunniutissat ilimagisat pillugit nassuiaammik.§ 5. Kommunep suliassaqarfiata iluani kommunalbestyrelsi malittarisassanik aalajangiisinnaavoq inuit aalajangersimasumik najugaqartut atortussiassanik aatsitassanut tunngasunik piiaanissamut aammalu iluarsartuussamik katersuinissamut periarfissarsinissaat pillugit, takuuk Kalaallit Nunaanni aatsitassanik inatsimmi § 30.
§ 6. § 3 malillugu akuersinermut atatillugu pissutissat atugassarisallu piumasarineqarsinnaapput siunertanut § 1-imi taaneqartunut iluaqutaasussat. Akuersissut piffissamut killilerneqarsinnaavoq.
§ 7. Namminersornerullutik Oqartussat malittarisassanik erseqqinnerusunik aalajangiisinnaapput nunap nunalerinermut atorneqarnissaa pillugu.
§ 8. Akuersissut § 3-mi taaneqartutut ittoq nalunaarutigineqassanngilaq, qinnutigineqartoq eqqissisimatitsinermik inatsimmi aalajangersakkanik eqqortitsinngippat imaluunniit inatsit taanna naapertorlugu aalajangiineqarsimanngippat.
Kapitali 4.
Nuna tamakkerlugu pilersaarusiorneq§ 9. Nuna tamakkerlugu pilersaarusiornermut udvalgip pilersissavai ataatsimoortumik qallikkut nuna tamakkerlugu pilersaarusiorneq aamma pilersaarutip tunngavigisai pillugit nassuiaat. Nuna tamakkerlugu pilersaarusiorneq ingerlanneqassaaq makkununnga najoqqutassat pingaarnerit aalajangerneqarneratigut
1) illoqarfimmut tunngasut agguataarnerat,
2) annertussusissaat sumiinnissaallu angallannermut sanaartukkat annerusut aammalu teknikimut tunngasutigut sanaartukkat allat, illersornissamut sanaartukkat aamma sanaartukkat ilisimatusarnermut tunngasut,
3) annertussusissaat sumiinnissaallu inuutissarsiornermut sulliviit annerusut, tassunga ilaatillugit sulliviit atortussiassanik iluaqutiginninnissamut aamma sanaartukkat il.il. sulliviit taakku sumiiffiit akuersissuteqarfiusut avataanniittut sulissunnissaannut,
4) pisortatigut suliffeqarfiit kommunemik ataasiinnaanngitsumik kiffartuussisut sumiinnissaat aamma
5) angissusissaat sumiissusissaallu pinngortitami eqqissisimatitsiviit, naggorissakkat aanmalu sumiiffiit takornariarnermut aanmalu sunngiffimmi siunertanut.§ 10. Pisortatigut oqartussaatitat aamma sulliviit akuersivigineqarsimasut taamaangajattullu ataatsimoortumik qallikkut nuna tamakkerlugu pilersaarusiornermut atugassatut, takuuk paragraf 9, nuna tamakkerlugu pilersaarusiornermut udvalgimut nassuiaammik tunniussissapput misissuinerit, pilersaarusiornerup aamma sanaartugassanut atuinissat annertunerusut piareersaatigineqarneri imaluunniit ingerlanneqarneri pillugit.
Imm. 2. Nuna tamakkerlugu pilersaarusiornermut udvalgip nassuiaatit tiguneqarsimasut kommunenut atugassanngortissavai.
Imm. 3. Nuna tamakkerlugu pilersaarusiornermut udvalgip kommunalbestyrelsit nassuiaatinik pissarseqqusinnaavai nuna tamakkerlugu pilersaarusiornermik sulinerup ingerlannissaanut atugassatut.§ 11. Kommunalbestyrelsip sumiikkaluartulluunniit piffissaliussaq nuna tamakkerlugu pilersaarusiornermut udvalgip aalajangigaa qaangiutsinnagu udvalgi nassiussivigissavaa kommunemi nunamik atuinissaq pillugu najoqqutassanut oqallisissianik, kommunep isumaa malillugu nuna tamakkerlugu pilersaarusiornerup imarisariaqagaanik.
§ 12. § 11 malillugu piffissaliussap naanerata kingornatigut nuna tamakkerlugu pilersaarusiornermut udvalgi kommunalbestyrelsimik isumaqatiginninnialissaaq kommunep oqallisissiaasa nuna tamakkerlugu pilersaarusiornermik siunnersuummut ataatsimoortumut imaluunniit siunnersuutip ilaanut aammalu pilersaarutip tunngavigisai pillugit nassuiaammut naleqqutunngorsarnissaat siunertaralugu.
§ 13. Nuna tamakkerlugu pilersaarusiornermut udvalgip suliarissavaa nuna tamakkerlugu pilersaarummut siunnersuut ataatsimoortoq aammalu kommunalbestyrelsit suleqatigalugit isumagissallugu, najoqqutassanut pingaarnernut § 9-mi eqqartorneqartunut siunnersuut tamanut saqqummiunneqassasoq, aamma paasisitsiniarneq aallarnerneqassasoq nuna tamakkerlugu pilersaarusiornerup anguniagaa imarisaalu pillugit tamanut ammasumik oqallinnerup pilersinnissaa siunertaralugu.
Imm. 2. Tamatuma kingorna landsstyrep siunnersuut oqaaserisanik ilaqartillugu landstingimut saqqummiutissavaa.
Imm. 3. Nuna tamakkerlugu pilersaarusiornermut najoqqutassat pingaarnerit tamanut saqqummiunneqassapput
Imm. 4. Nuna tamakkerlugu pilersaarusiornermut udvalgip sulissutigissavaa, nuna tamakkerlugu pilersaarut nutartigassanngortinneqassasoq isumaqarnarpat tamanna pisariaqartinneqartoq.§ 14. Nuna tamakkerlugu pilersaarusiornermut udvalgi nuna tamakkerlugu pilersaarusiornermik sulineq pillugu landstingimut ukiumoortumik nassuiaammik tunniussaqartassaaq.
§ 15. Pisortatigut pilersaarusiornermik sulineq, tassunga ilaatillugu illoqarfimmik pilersaarusiorneq, aammalu sanaartugassanut atugassat ingerlanneqarnerat nuna tamakkerlugu pilersaarummut akerliussanngillat.
Kapitali 5
Illoqarfimmik pilersaarusiorneq§ 10. Illoqarfimmik pilersaarusiat ilusilersornissaat imarisassaallu pillugit aalajangersakkat erseqqinnerusut Namminersornerullutik Oqartussat aalajangissavaat.
§ 12. Illoqarfimmut sumulluunniit aammalu ataatsimoortumik illuliorfigisamut allamut sumulluunniit inunut 800-nit amerlanerusunut tunngasunut illoqarfimmik pilersaarut kommunalbestyrelsip pissarsiarissavaa.
Imm. 2. Illuliorfigisanut minnerusunut ataatsimoortunut illoqarfimmik pilersaarut kommunalbestyrelsip pissarsiarisinnaavaa.
Imm. 3. Illoqarfimmik pilersaarut tassaassaaq pilersaarutit nassuiaatillu, ataatsimoorlutik aalajangiisuusut illoqarfiup killeqarfiata kililerneqarneranik atorneqarneranillu.
Imm. 4. Kommunalbestyrelsip pisariartumik annertussusilimmik pissarsiaralugillu malinnaasissavai pilersaarutit taaneqarsimasut nassuiaatillu aammalu taakku atortinneqarnissaannut sulissalluni.
Imm. 5. Nuna tamakkerlugu pilersaarutip piviusunngornissaata isumannaallisarnissaanut pisariaqarpat, aammalu sumiiffik pillugu illoqarfimmik pilersaarutip pissarsiarinissaa imaluunniit allanngortinnissaa pisariaqartutut isumaqarfigineqarpat, nuna tamakkerlugu pilersaarusiornermut udvalgip kommunalbestyrelsi peqqusinnaavaa illoqarfimmik pilersaarutissamut siunnersuummik saqqummiusseqqullugu, taamaattoq ukiunit marlunnit sivikinnerusumik piffissaliilluni.§ 18. Illoqarfimmik pilersaarut kommunalbestyrelsip pissarsiarisaa nuna tamakkerlugu pilersaarusiornermut udvalgimut akuerisassanngorlugu saqqumiunneqassaaq.
§ 19. Illoqarfimmik pilersaarummut siunnersuutip nuna tamakkerlugu pilersaarusiornermut udvalgimut nassiunneqarnissaa sioqqullugu, siunnersuut kikkunnilluunniit misissuataagassatut saqqummiunneqassaaq inunnit tikikkuminartumi sivikinnerpaamik sapaatip akunnerini 3-ni. Saqqummiunneqarnissaa nalunaarutigineqassaaq kommunemi atorneqarsinnaasumik iliornikkut.
Imm. 2. Nalunaarummi taaneqassaaq siunnersuut nunamut sumut tunngasuusoq aammalu piffissaliussaq aalajangerneqassalluni, nalunaarutip ullulerneqarneranit sapaatip akunneri 6 inornagit, siunnersuummut akerliliissutissanik imaluunniit allannguutissatut siunnersuutinik saqqumiussacrarnissamut periarfissaq pillugu. Kiisalu saqqummiussinissaq pillugu nalunaarut ajornanngippat allakkatigut tammarnaveersakkatigut imaluunniit isumannaatsumik allatut iliorluni nassiunneqassaaq piginnittunut aammalu sallunaveeqqusiisimasunut nalunaarsorneqarsimasunut siunnersuunmit attorneqartunut.
Imm. 3. Kommunalbestyrelsi paasisitsiniarluni sulinermik siulersuissaaq pilersaarusiornerup anguniagaa imarisaalu pillugit tamanut ammasumik oqallinnerup pilersinnissaa siunertaralugu.§ 20. § 19 stk. 2 malillugu piffissaliussaq naappat, akerliliissuteqarsimappat aammalu allannguutissatut siunnersuuteqarsimappat taakku ilanngullugit aamma kommunalbestyrelsip taakkununnga oqaaserisai ilanngullugit siunnersuut nuna tamakkerlugu pilersaarusiornermut udvalgimut akuerisassanngorlugu nassiunneqassaaq.
Imm. 2. Siunnersuutip nuna tamakkerlugu pilersaarusiornermut udvalginut nassiunneqarnissaa sioqqullugu siunnersuunmik tamanut saqqummiunneqarsimasumik komrmnalbestyrelsi allannguuteqartitsisinnaavoq akerliliissutit imaluunniit allannguutissatut siunnersuutit saqqummersimasut pissutigalugit. Komnunalbestyrelsip isumaa malillugu allannguutissap pingaarutilimmik attussappagit inuit allat, akerliliinikkut imaluunniit allannguutissamik siunnersuuteqarnikkut allannguutip suliarineqarsimaneranut inummit pissutaasimasumit allaasut, kommunalbestyrelsi allannguutinik suliaqarsinnaanngilaq inuit pineqartut tamanna pillugu nalunaarfigineqareersimatinnagit aammalu piffissaliussaq kommunalbestyrelsip aalajangigaanaatinnagu apeqqummut tamatumunnga oqaaserisanik saqqunmiussinissamut periarfissarsisinneqareertinnagit. Allaassutsit ima annertutigippata, siunnersuut nutaatut ittoq saqqummersimalluni, siunnersuut taamatut allannguuteqarsimasoq tamanut saqqummiunneqassaaq § 19-imi maleruagassiat malillugit, siunnersuutip nuna tamakkerlugu pilersaarusiornermut udvalgimut nassiunneqarnissaa sioqqullugu.§ 21. Illoqarfimmik pilersaarutip akuerineqarnerata kinguninnguatigut kommunalbestyrelsi tamanna pillugu tamanut nalunaaruteqassaaq. Nalunaarummi ilaatigut nalunaarutigineqassaaq, pilersaarut allannguuteqarsimanersoq siunnersuummit siornatigut tartanut saqqummiunneqarsimasumit.
Imm. 2. Kiisalu nalunaarutip tamanut saqqummiunneqartup assinga ataaseq kommunalbestyrelsip makkununnga nassiutissavaa:
1) Illorsuarnik sanaartukkanillu piginnittunut aammalu nunamut pilersaarummut ilaatitamik atuisunut,
2) kikkunnulluunniit piffissaatillugu pilersaarummut siunnersuummut allaganngorlugit akerliliissutinik imaluunniit allannguutissatut siunnersuutinik saqqummiussisimasunut.
Imm. 3. Kommunalbestyrelsi pisinnaatitaavoq illoqarfimmik pilersaarutit tunniunneqarnerat pillugu akiliutissanik piumasaqarnissamut.§ 22. Kommunalbestyrelsip illoqarfimmut pilersaarummik suliaqalersup kissaateqarnera malillugu nuna tamakkerlugu pilersaarusiornermut udvalgi matumunnga inerteqquteqarsinnaavoq, nuna imaluunniit pigisaq pilersaarummut ilaatinneqartussatut ilimagineqarsinnaasoq atorneqassanngitsoq imaluunniit imatut iliorluni atorneqassanngitsoq, atuineq pilersaarummut akerliusussatut isumaqarfigisariaqarluni. Inerteqqutit taama ittut taamaallaat inerteqqutigineqarsinnaapput ukioq ilivitsoq piffissamut aammalu ataasiaannarluni.
§ 23. § 20 malillugu nalunaaruteqarpat, nuna sunaluunniit siunnersuummut ilaatinneqartoq illuliorfigineqanngikkallassaaq imaluunniit allatut iliorluni atorneqanngikkallassaaq pilersaarummut siunnersuummut akerliusumik, kommunalbestyrelsi akuersisimatinnagu.
§ 24. Sumiiffiup illoqarfimmik pilersaarummut akuerineqarsimasumut imaluunniit taassuma ilaanut ilaatinneqartup iluani,
1) nuna sunaluunniit illuliorfigineqassanngilaq imaluunniit allatut iliorluni atorneqassanngilaq pilersaarummut akerliusumik,
2) illorsuarmik sanaqqiinermi inaluunniit ilassusiinermi illuliorneq allineqassanngilaq pilersaarummut akerliusumik aamma
3) aqqusinniortoqassanngilaq aqqusernit paarlangavissaat pilersaarut naapertorlugu sumiiffissalereersimatinnagu.
Imm. 2. Najukkami pilersaarummit allaassuteqartitsinerit pingaaruteqangaanngitsut kommunalbestyrelsip suliarisinnaavai. Taamaattoq allaassuteqartitsinerit nassatarissanngilaat pilersaaruteqarfiup pissusiata immikkut ittup aammalu tamanut tunngasumik atorneqarnissaata allanngornerat.
Kapitali 6
Illorsuarnut malittarisassat§ 25. Namminersornerullutik Oqartussat aalajangersakkat aalajangissavaat illorsuarnut oqartussaassuseq pillugu aamma illorsualiat sanaartukkallu allat sananeqarnissaat, ilusilersornissaat iluarsartuunnissaallu pillugit.
Kapitali 7
Aalajangersakkat ataatsimoortut§ 26. Illoqarfiup ilaasa pisoqqat malunnaataasa immikkut ittut atatiinnarnissaannut pissutissap pisariaqartikkaangagu illoqarfimmik pilersaarummi aalajangerneqarsinnaavoq, illuliat taamaallaat piiarneqassasut, sanaqqinneqassasut imaluunniit allatut iliorluni allanngortinneqassasut, aammalu nunap pissusia eqqaanniittoq taamaallaat allanngortinneqassasoq kontmunalbestyrelsi tamatumunnga akuersissuteqarpat.
Imm. 2. Imm. 1 malillugu akuersissutissaq itigartitsissutigineqarpat, pigisamik piginnittup piumasarisinnaavaa, kommunep taarsiissuteqarluni tamarmiusumik imaluunniit ilaannakuusumik ingerlatarilissagaa.
Imm. 3. Tamanut naammaginartumik aaqqissuussinerup amigaataanera pissutigalugu taarsiissutit aalajangerneqassapput illunik peersitsisarnermut ataatsimiititanit tunngassuteqartunit, takuuk illunik peersitsisarneq pillugu Kalaallit Nunaannut inatsit.§ 27. Illoqarfimmik pilersaarutip akuerineqarsimasup atortinnissaanut pisariaqarpat, kommunalbestyrelsip nuna tamakkerlugu pilersaarusiornermut udvalgimi akuersissut pissarsiarereerlugu Kalaallit Nunaannut ministeri qinnuigisinnaavaa, privatimik pigisap peersinniarnera aallarnerneqassasoq illunik peersitsisarneq pillugu Kalaallit Nunaannut inatsimmi maleruagassiat malillugit.
§ 28. Pissutsit peqqussummut maanga ilaatinneqartut pillugit kommunalbestyrelsip aalajangiinera nuna tamakkerlugu pilersaarusiornermut udvalgimut suliassiissutigineqarsinnaavoq. Naammagittaalliuut tunniunneqassaaq kommunalbestyrelsip aalajangiinerata tiguneqarnerata kingorna kingusinnerpaamik qaammatit 2 qaangiuppata.
§ 29. Piginnittumut sioqqutsisumik nalunaaruteqareerluni privatimik pigisamut isernissaq kommunalbestyrelsip piumasarisinnaavaa, peqqussut manna malillugu pilersaarusiornermi uuttortaanerit aammalu teknikkimut tunngasutigut piareersaanerit allat suliariniarlugit.
Imm. 2. Illorsuarnut oqartussaatitat eqqartuussivikkut aalajangiinertaqanngitsumik privatimik pigisamut isernissaq piumasarisinnaavaat manna misissorniarlugu, peqqussut unioqqutinneqarsimanersoq imaluunniit peqqussut pissutigalugu malittarisassat suliarineqarsimasut unioqqutinneqarsimanersut.§ 30. Pigisamik sukkulluunniit piginnittoq imaluunniit nunamik atuisoq pisussaatitaavoq pissutsit inatsimmut naleqqutinngitsut aaqqissallugit.
Imm. 2. Pissutsit inatsimmut naleqqutinngitsut aaqqinneqarnissaannik peqqussut kommunalbestyrelsip nalunaarutigisaa piginnittup imaluunniit atuisup maleruanngippagu, eqqartuussutikkut peqquneqarsinnaavoq piffissaliussaq aalajangigaq naatinnagu pinngitsaaliilluni akiliisitsiortornerit atortillugit pissutsit aaqqeqqullugit. Pinngitsaaliilluni akillisitsiortornermi akiligassanngortut, kisianni akilerneqanngitsut, atorunnaassapput aaqqiineq pisimappat.
Imm. 3. Pissutsit inatsimmut naleqqutinngitsut aaqqinneqarnissaannik peqqussut eqqartuussutikkut nalunaarutigineqarsimasoq maleruarneqanngippat piffissaliussaq eqqartuussummi aalajangerneqarsimasoq naatinnagu, aammalu pinngitsaaliilluni akiliisitsiortornerit tiguniarneqarnerat inuup pineqartup peqqussummik maleruaanissaanik nassataqarsinnaasorineqanngippat, pissutsit aaqqinneqarnissannut pisariaqartut kommunalbestyrelsip suliarisinnaavai piginnittup akiligassaanik.§ 31. Mianersoqqussummik imaluunniit akiliisitaanermik eqqartuunneqassaaq
1) paragraffinik 3, stk. 1-imik, 2-mik aamma 3-mik, 23-mik aamma 26-mik unioqqutitsisoq,
2) illoqarfimmik pilersaarummi aalajangersakkanik unioqqutitsisoq,
3) peqqussut naapertorlugu imaluunniit malittarisassat imaluunniit pilersaarutit peqqussut pissutigalugu suliarineqarsimasut naapertorlugit akuersissummut atugassarisanik sumiginnaasoq,
4) peqqussummik imaluunniit inerteqqummik, peqqussut naapertorlugu suliarineqarsimasumik imaluunniit peqqussut pissutigalugu malittarisassat suliarineqarsimasut naapertorlugit, tassunga ilaatillugu pissutsit inatsimmut naleqqutinngitsut aaqqinneqarnissaannik peqqussummik, maleruaanngitsoortoq.
Imm. 2. Malittarisassani peqqussut naapertorlugu suliarineqarsimasuni maleruagassiat aalajangerneqarsinnaapput malittarisassani aalajangersakkat unioqqutinneqarnerat pillugu mianersoqqussummik imaluunniit akiliisitaanissamik eqqartuussuteqarnissaq pillugu.
Imm. 3. Unioqqutitsisuusimappat aktieselskabi, anpartsselskabi, andelsselskabi taamaangajattorluunniit, sullivik taanaattuusutut akiliisitaanissamut akisussaatinneqarsinnaavoq.§ 32. Landstingip peqqussutaa manna atortuulerpoq 1. januar 1981. Taamaasilluni akuerineqarpoq Kalaallit Nunaata landstingianit.
Nuuk, den 2. februar 1981
Jonathan Motzfeldt/
Gunnar Martens