Kalaallit Nunaanni Namminersornerullutik Oqartussat nalunaarutaat nr. 20, 24. november 1981-imeersoq nioqqutissat ilaannik Kalaallit Nunaannut eqqussinermi aammalu Kalaallit Nunaanni sananermi akitsuusiussat pillugit.

Nioqqutissat eqqunneqartut akitsuutaat il.il. pillugit inatsisartut inatsisaanni nr. 7-imi 23. oktober 1979-imeersumi, inatsisartut inatsisaatigut nr. 2-kut 2. april 1980-imeersukkut, inatsisartut inatsisaatigut nr. 8-kut 23. oktober 1980-imeersukkut aammalu inatsisartut inatsisaatigut nr. 7-kut 26. oktober 1981-imeersukkut allanngortinneqartumi § 3, imm. 2, § 4, § 5, § 7, § 8 - 12 aammalu § 13 naapertorlugit matumuuna makku aalajangersarneqarput:

 

§ 1. Nioqqutissat kinguliini taagorneqartut akitsuuteqarfiusumut eqqunneqarneranni, takuuk § 3, Kalaallit Nunaata landskarseanut isertitassatut makku akitsuusiunneqassapput:

Nr. 1. Sukkut suugaluartulluunniit, taakkununnga ilaatillugit sirup aamma glykose Kiilumut 1 kr. 31 øre

Nr. 2. Sukkulaatit aamma sukkulaatinit nioqqutit suugaluartulluunniit (cacao ilanngunnagu), lakrids lakridsinillu nioqqutit suugaluartulluunniit, marcipan marcipanimillu nioqqutit suugaluartulluunniit, karamellit, bonbons sukkuaqqat assigisaallu sukkullit sukkoqanngitsullu Kiilumut 2o kr. 00 øre.

Nr. 3. Immiaaqqat:
a) aalakoornartumik 1 vægtprocent taannalu inorlugu imallit 35 cl. 0 kr. 58 øre.

b) aalakoornartumik 1 vægtprocent sinnerlugu annerpaamillu 1 3/4 vægtprocentimikimallit 35 cl. 1 kr. 15 øre.

c)l 3/4 vægtprocent sinnerlugu aamma 4 vægtprocent inorlugu aalakoornartullit 35 cl. 1 kr. 87 øre.

d) 4 vægtprocent taannalu qaangerlugu aalakoornartullit 35 cl. 2 kr. 09 øre.

Nr. 4. Imigassat kimittuut aamma sprit, pinnagit sprit akuiaqqissaagaq aammalu sprit Kalaallit Nunaanni nakorsaqarfinni atugas-
satut eqqunneqartut:

a) 60 rumprocent sinnernagu aalakoornartullit literimut 111 kr. 55 øre.

b) allat literimut 172 kr. 50 øre.

Nr. 5. Vin-it aalakoornartullit, ilanngullugit druevin soorlu rosinvin, cider frugtsvin-illu allat aammalu mjød:

a) 14 rumprocent sinnernagu aalakoornartullit literimut 7 kr. 93 øre

b) allat literimut28 kr. 75 øre.

Nr. 6. Sikaat, cerutit sikaavaqqallu:

a) ataaseq 3 gr. taannalu inorlugu ataaseq 0 kr. 53,1 øre

b) ataaseq 3 gr. sinnerlugu ataaseq 0 kr. 63,5 øre

Nr. 7. Cigarittit ataaseq 0 kr. 60,7 øre, 

Nr. 8. Tupat:

a) aggukkat, taaneqartartut cut plug, tupat aseqqorissut taamaangajattullu pujortagassallu allat minnerpaamik 1,5 mm-imik silissusillit kiilumut 110 kr.40 øre

b) allat kiilumut 138 kr.00 øre

Nr. 9. Cigarittet pappiarartassaat, puussat ilanngull. ataaseq 0 kr.l0 øre

Nr. 10.Kaffit, kaffit aserorterikkat aamma kaffit kimittuuliat kiilumut 3 kr.86 øre

Nr. 11.Tiit, tiit sequtsikkat aamma tiit kimittuuliat kiilumut 4 kr.60 øre

Nr. 12. Imeruersaatit, sodavand, limonade aamma kulsyremik akullit, allallu aalakoornartoqanngitsut, pinnagit imeruersaatit immuk aamma cacao atorlugit suliat aamma paarnat naatitallu isseri kulsyremik akuneqanngitsut literimut 2 kr.00 øre

Nr. 13. Cykelit motorimik ikiortillit (knallertit) pinnagit innarluutillit cykelii motorimik ikiortillit Kalaallit Nunaanni isumaginninner-
mi pisortatigoortumik piniarneqartut ataaseq 2.300 kr.00 øre,

Imm. 2. Glykose aammalu nioqqutissat imm.l, nr. 2, nr. 3 c,d, aammalu nr. 4 - 9-mi taagorneqartut taamaallaat Den kongelige grønlandske Handelimit eqqunneqartassapput, tak. nioqqutissat ilaannik Kalaallit Nunaannut eqqussisinnaatitaaneq pillugu Kalaallit Nunaannut ministereqarfiup nalunaarutaa.

§ 2. Nioqqutissanik § 1, imm. 1-imi taaneqartunik Kalaallit Nunaanni inuutissarsiutigalugu sananermi nioqqutissanut eqqunneqartunutulli akitsuummik akiliisoqassaaq.  Akitsuutit naatsorsorneqassapput tunisat uppernarsaatissaqartitat tunngavigalugit.

§ 3. Akitsuutit akilerneqartassapput Den kongelige grønlandske Handelimut.
Imm. 2. Qaammat februarinaatinnagu Den kongelige grønlandske Handelip akitsuutit qaammatisiutit malillugit ukiumi qaangiuttumi akilerneqarsimasut naatsorsuutaat   landskarsemut nassiuttassavai. Akitsuutit akilerneqarsimasut qaammatikkuutaartumik a'conto-nngorlugit landskarsemut akilerneqartassapput, pisortaaffigineranni akissarsiassat ilanngaatigereerlugit. Akiligassat tamakkerlutik akilerneqartassapput februari naatinnagu.

§ 4. Makku akitsuuteqartitaanngillat:
a) Nioqqutissat, Kalaallit Nunaata illersorneqarnissaa pillugu isumaqatigiissut 27. april 1951-imeersoq naapertorlugu illersuisoqarfiusunut tunisat. Nioqqutissalli § 1, imm. 1 nr. 3 c aamma d-mi aammalu nr. 4 - 9-mi taaneqartut taamaallaat eqqunneqarsinnaapput Den kongelige grønlandske Handelimit aammalu Amerikami naalagaaffeqatigiit sakkutuuinit aammalu tamatuma saniatigut Kalaallit Nunaannut ministerip immikkut akuersineratigut, tak. nioqqutissat ilaannik Kalaallit Nunaannut eqqussisinnaatitaaneq pillugu Kalaallit Nunaannut ministereqarfiup nalunaarutaa.
b) Nioqqutissat nunat allat naalakkersuisuisa aallartitaannut sinniisuutitaannullu tamakkunanilu sulisunut tunineqartarlutillu tamakkunannga atorneqartartut, tamakku nunani allani naalagaaffimmi innuttaassuseqarpata.
c) Nioqqutissat danskit sakkutuuisa imarsiortut umiarsuaannut sivikinnerpaamik ukiumut qaammatini 8-ni Kalaallit Nunaanniittunut tunineqarlutillu  taakkunannga atorneqartartut.
d) Nioqqutissat nunat allat naalagaaffiisa umiarsuaanniiginnartut.
e) Nioqqutissat umiarsuarniittut imaluunniit silaannakkut angallatiniittut usingiaanneqanngitsut imaluunniit umiarsuit/silaannakkoorutit Kalaallit Nunaanni umiarsualivissiffissaannut/miffissaannut siullermut angalanermi imaluunniit umiarsualivimmit aallarfianniit/timmisartut mittarfiannit tingiffiannit kingullermiit angalanermi atorneqartut.
f) Nioqqutissat umiarsuit Kalaallit Nunaanni angerlarsimaffeqanngitsut Kalaallit Nunaata imartaani angalaneranni umiarsuarmiut nerisaqartitaaneranni atorneqartut.
g) Nioqqutissat misiligutit, nassitsisoq nassitsinissaminut allakkatigut akuersissummik Den kongelige grønlandske Handelimiit piniarsimagaangat.
h) Nioqqutissat, najoqqutassat immikkut ittut naapertorlugit akitsuusiiffiusumut pinermi akitsuusernagit nassarneqarsinnaasut.
i) Nioqqutissat Den kongelige grønlandske Handelimiit imaluunniit namminersorluni inuutissarsiortumiit paarineqarnerminni, imaluunniit Kalaallit Nunaanni nioqqutissiorfik nalunaarummi matumani pineqartoq qimatsinnagu ajutoornikkut asiusut, nioqqutissat asiusimanerat Den kongelige grønlandske Handelimit uppernarsarneqarsimagaangat.
j) Nioqqutissat tuniniaqqitassatut eqqunneqarsimasut, akitsuusiiffiusumiilli utertinneqartut. Akitsuusiussaq akilerneqarsimasoq uterteqqullugu qinnuteqartoqaraangat Den kongelige grønlandske Handelip akitsuusiussap l0%-ia ilanngaatigisassavaa pisortaaffiginninnermi aningaasartuutiminut matussutissatut.

§ 5. Den kongelige grønlandske Handel umiarsuit imaluunniit silaannakkoorutit, Kalaallit Nunaanni angerlarsimaffeqanngitsut, imaluunniit umiarsuit Kalaallit Nunaata immakkut killeqarfianiit nunat allamiut, savalimmiormiut imaluunniit qallunaat umiarsualiviannukarlutik aallartut taquassaannik nioqqutissanik akitsuusigaanngitsunik tunisaqarsirmaavoq. Taquassanik pisinermi angallatinut nunani allani angalasunut akitsuusigaanngitsumik tunisinermut maleruaqqusat atuuttut malinneqassapput.

§ 6. Oqimaassutsinik uuttuutinillu aalajangiinermi aammalu naliliinermi il.il qallunaat akitsuuserisartuinit maleruaqqusat malinneqartartut atorneqassapput.

§ 7. Den kongelige grønlandske Handelip nioqqutissat   akitsuuteqartussaatitaasut nioqqutissanut akitsuusersukkanut nalunaaqutsiuttakkamik (banderole) imaluunniit  allamik ilisarnaqutserlugit nalunaaqutsersinnaavai, akitsuusiussat akilerneqartussat akilerneqarsimanerannut uppernarsaatitut.

§ 8. Akitsuutit pillugit aalajangersakkat eqqortinneqarnerat Kalaallit Nunaanni politiinit aammalu Den kongelige grønlandske Handelimit nakkutigineqassaaq. Pisortat taaneqartut taakku inatsimmi kapitali 11-mi taaneqartumik pisussaaffeqarlutillu pisinnaatitaaffeqarput.

§ 9. §§ 1 aamma 2-mik unioqqutitsinerit, tak. § 4, pillaammik akiliisitsissutaasinnaapput, taamatullu nioqqutissat imaluunniit aningaasat taassuma nalingasut amerlatigisut pinngitsaaliissummik arsaarinnissutigineqarsinnaallutik.

§ 10. Nalunaarut 1. januar 1982-imiit atulerpoq.
Imm. 2. Tamatuma peqatigisaanik atorunnaarsinneqarpoq nioqqutissat ilaannik Kalaallit Nunaannut eqqussinermi sananermilu akitsuusiisarneq pillugu nalunaarut nr. 137 27. april 1967-imeersoq,pinnagit § 4 amma § 7, tak.§ 8, kisermaassisussaatitaanermik aaqqissuussinermut tunngasut.

Kalaallit Nunaanni Namminersornerullutik Oqartussat, novemberip 24-ane 1981

Jonathan Motzfeldt

/

Gunnar Martens