Kinguppaat pinngitsoorani nunnigunneqartussaatitaanngitsut akitsuusiissutaasa tiguniarneqartarnerat pillugu Namminersornerullutik Oqartussat nalunaarutaat nr. 19, 25. november 1981-imeersoq.
Inuutissarsiutigalugu aalisarneq, piniarneq aallaaniarnerlu pillugit Inatsisartut inatsisaanni nr. 4-mi 13. oktober 1980-imeersumi § 3, imm. 6 naapertorlugu, allanngortinneqartumilu Inatsisartut inatsisaatigut nr. 5-ikkut 22. oktober 1981-imeersukkut, kinguppaat pinngitsoorani nunnigunneqartussaatitaanngitsut akitsuusiissutaasa tiguniarneqartarnerat pillugu aalajangersakkat imaattut aalajangersarneqarput.
§ 1. Nalunaarummi pineqarpoq angallatit 80 BRT taakkulu qaangerlugit angissusillit kinguppannik uutiterinissaq siunertaralugu aaqqissuunneqarsimasut aammalu nalunaarut nr. 17, 22. oktober 1981-imeersoq tunngavigalugu 1982-imi kinguppanniarsinnaanermut akuersissummik tunineqarsimasut atorlugit kinguppanniarnermi ingerlatseqatigiiffinnit inunnillu ataasiakkaanit akitsuusiissutit tiguniarneqartarnerat.
§ 2. 1982-imi aningaasat inatsisaanni 1982-imut akitsuusiissut angallatip pinngitsoorani nunnigutassarinngisaasa kinguppaat umiarsuarmi uutitikkat kg-mut akiat 25,00 kruuniusoq tunngavigalugu pisat tamakkerlugit nalingata 7%-iannut aalajangerneqarpoq.
Imm. 2. Akip tunngaviusup - tassalu piffissami pineqartumi KGH-p silarsuarmi akitigut agguaqatigiissitamik angusimasaata - akimut aallaaviusumut kinguppannut kg-mut 25,00 kruuniusumut naleqqiulluni allanngornerani akitsuusiissutip procentia allanngortassaaq.
Imm. 3. Akitsuusiissutip procentia akip tunngaviusup akimut aallaaviusumut naleqqiulluni kruunimik ilivitsumik qaffanneri imaluunniit apparneri tamaasa 2-nik qaffanneqarluniluunniit appartinneqassaaq. Aki tunngaviusoq kruunimit ilivitsumik minnerusumik allanngorpat procenti taamaaqataanik allanngortinneqassaaq, taamaattoq decimalimut ilivitsumut qaninnermut akunnaallisamik.§ 3. Ukiumi pineqartumi akitsuusiissutissaq naatsorsorneqassaaq akuersissummik pigisaqartup pisaasa ukiumi pineqartumi akimik tunngaviusumik § 2-mi taaneqartumik akitsuusiissutillu procentiannik tassunga atasumik amerlisarnerisigut.
Imm. 2. Akitsuusiissutinit akitsuusiissutaagallartussat akuersissummik pigisaqartup pisaminik nalunaarutai aammalu kvartalimi pineqartumi aki tunngaviusoq tunngavigalugit kvartalikkuutaartumik tiguniarneqassapput.
Imm. 3. Kvartalimi siullermi akitsuusiissutissatut naatsorsorneqartut 60%-ii 15. april 1982 akilerneqarsimassapput.
Imm. 4. Kvartalip aappaani akitsuusiissutissatut naatsorsorneqartut 80%-ii 15. juli 1982 akilerneqarsimassapput.
Imm. 5. Kvartalit pingajuanni akitsuusiissutissatut naatsorsorneqartut 80%-ii 15. oktober 1982 akilerneqarsimassapput.
Imm. 6. Kvartalit sisamaannut akiliineq pissaaq ukiumi akitsuusiissutissat inaarutaasumik naatsorsorneqarnerannut atatillugu akilerneqarsimassallutillu 15. januar 1983.§ 4. Akuersissummik pigisaqartumit pisat pillugit nalunaarutit amigaatigineqartillugit akitsuusiissutit akitsuusiissutaagallartussallu naatsorsorneqarsinnaapput pisassatut akuersissutit tunngavigalugit.
§ 5. Inuutissarsiornermi Pisortaqarfiup akitsuusiissutit akiligassanngorsimasut akilerneqarserlugit pisassatut akuersissut utertikkallarsinnaavaa.
§ 6. Nalunaarut tamanut saqqummiunneqarnermini atortuulerpoq.
Nuuk, 25. november 1981.
Lars Emil Johansen/
Emil Abelsen