Namminersornerullutik Oqartussat nalunaarutaat nr. 18, 12. november 1981-imeersoq avannarpasissutsit 68º00' aamma 69º15' N, akornanni kiisalu kippasissutsip 56º-it kangiani kinguppanniarsinnaaneq pillugu.

Kalaallit Nunaanni inuutissarsiutigalugu aalisarneq, piniarneq aallaaniarnerlu pillugit inatsit nr. 4, 13.oktober 1980-imeersumi §§ 5 aamma 6 naapertorlugit aalajangersarneqarpoq:

 

§ 1. Avannarpasissutsit 68º00' aamma 69º15' akornanni kiisalu kippasissutsip 56º-it kangiani angallatit 80 BRT-nik qaangerlugulu usisinnaasut aatsaat kinguppanniarsinnaanermut akuerineqarsinnaapput sumiiffimmi pineqartumi pisatik tamakkerlugit Kalaallit Nunaanni tunisassiorfinnut suliareqqitassanngorlugit nunniguttassagunikkit.

§ 2. Avannarpasissutsit 68º00' aamma 69º15' akornanni  kiisalu kippasissutsip 56º00'-ip kangiani pisassat tamakkiisumik 1982-imi 3.000 tonsiupput matumani igiinnakkat ilanngullugit.
Imm. 2. Sumiiffimmi pineqartumi pisassarititaasut tamarmik pisarineqarpata aalisarneq unitsinneqassaaq. Tamanna pillugu nalunaarut Kalaallit Nunaanni Rigsombudsmandimit radiokkut avisitigullu nalunaarutigineqarsinnaavoq.

§ 3. Nalunaarummi matumani aalajangersakkanik unioqqutitsinerit mianersoqqussummik, akiliisitaanermik akuersissummilluunniit arsaagaanermik kinguneqarsinnaapput. Suliassat taamaattut suliarineqassapput Landstingip inuuissarsiutigalugu aalisarneq, piniarneq aallaaniarnerlu pillugit inatsisaani nr. 4 13. oktober 1980-imeersumi aalajangersakkat malillugit.

§ 4. Nalunaarut atulissaaq 1. januar 1982. Namminersornerullutik Oqartussat kinguppanniarsinnaaneq pillugu nalunaarutaat nr.6 4.december 1980-imeersoq avannarpasissutsit 68°00' aamma 69º15' akornanni kiisalu kippasissutsip 56°00' kangiani matumuuna atorunnaarpoq

Nuuk, ulloq 12. november 1981.

Lars Emil Johansen

/

Emil Abelsen