Namminersornerullutik Oqartussat nalunaarutaat nr. 14, 10. september 81-meersoq uumasut nujuartat naasullu qaqutiguuleqisut taakkunanngalu tunisassiat taakualu ilamerngisa Kalaallit Nunaannut eqqunneqartarnerat nunanullu allanut nassiunneqartarnerat pillugu
Kalaallit Nunaanni pinngortitamik allanngutsaaliuineq pillugu Inatsisartut inatsisaanni nr. 11-mi 12. november 1980-imeersumi § 2, tak. § 21, naapertorlugu Kalaallit Nunaannut aalajangersakkat kinguliiniittut aalajangersarneqarput uumasunik nujuartanik nunallu nammineq naasuinik qaqutiguuleqisunik silarsuarmi nioqquteqaneq pillugu silarsuarmioqatigiit isumaqatigiissutaat Washingtonimi isumaqatigiissut 3.marts 1973-imeersoq atortuulersinniarlugu:
§ 1. Uumasunik uumatitat, naasut taakkualu ilamerngi aammalu aiumasunit naasunillu tamakkunannga tunisassiat isumaqatigiissutip nalunaarsuutaani I-imi II-milu taaneqartut Kalaallit Nunaannillu pisuusut immikkut akuerineqartinnani nunanut Danmarkip avataaniittunut Kalaallit Nunaannit avalatsinneqassanngillat.
§ 2. Uumasunik taakkunanngaluunniit tunisassianik isumaqatigiissutip nalunaarsuutaani I-imi II-milu taaneqartunik imaanit Kalaallit Nunaannut eqqussineq aatsaat pisinnaavoq immikkut akuersissutiseqqaarnikkut.
§ 3. § 1 aamma 2 malillugit akuersissuteqassappat tamanna Kalaallit Nunaata ministereqarfianit nalunaarutigineqassaaq ministeeriap uumasut pilliogit siunnersortaa isumalioqatigereerlugu. Akuerineqarnissamik qinnutigisaq immikkut allaffissiamut allanneqassaaq, allaffissarlu taanna pineqarsinnaavoq Kalaallit Nunaata ministereqarfianit imaluunniit Namminersornerullutik Oqartussanit.
§ 4. Tamakku saniatigut atortuuvoq uumasut nujuartat nunallu nammineq naasuisa qaqutiguuleqisut eqqunneqartarnerat nunanullu allanut nassiunneqartarnerat pillugu miljøministeriap nalunaarutaa nr 526, 13. oktober 1977-imeersoq uumasut nujuartat nunallu nammineq naasuisa qaqutiguuleqisut eqqunneqartarnerat nunanullu allanut nassiunaeqartarnerat pillugu miljøministeriap nalunaarutaatigut nr. 462-ikkut 8. november 1979-imeersukkut allanngortinneqartoq. Maleruagassianik Kalaallit Nunaanni atortuusunik unioqqutitsinermut akiliisitsissutit landskassep pisassarai.
§ 5. Nalunaarut erniinnaq atortuulerpoq tamatumunngalu peqatigitillugu uumasut nujuartat nunallu nammineq naasuisa qaqutiguuleqisut taakunanngalu tunisassiat taakualu ilamerngisa Kalaallit Nunaannut eqqunneqartarnerat tassanngaanniillu nunanut allanut nassiunneqartarnerat pillugu nalunaarut nr. 527 13.oktober 1977-imeersoq atorunnaarsinneqarpoq. Uumasut uumatitat, naasut imaluunniit taakkua ilamerngisa taakkunanngalu tunisassiat Kalaallit Nunaannut eqqunneqartarneranik tassanngaanniillu nunanut allanut nassiunneqartarnerannik inerteqqutit killiliissutilluunniit inatsisini, nalunaarutini malittarisassaniluunniit maleruagassiaasisut allat atortuuinnassapput.
Namminersornerullutik Oqartussat l0. september 1981.
Jonathan Motzfeldt/
Alibak Steenholdt