Kalaallit Nunaanni Namminersornerullutik Oqartussat tuttut eqqissisimatinneqarnissaat pillugu nalunaarutaat nr. 12, 2. juli 1981-imeersoq.
Inuutissarsiutigalugu aalisarneq, piniarneq aallaaniarnerlu pillugit inatsisartut inatsisaanni nr. 4, 13. oktober 1980-imeersumi § 8 malillugu makku aalajangersarneqarput:
§ 1. Taamaallaat tuttunniartoqarsinnaavoq 10. augustip aamma 25. septemberip akornanni.
Imm. 2. Naak imm. 1-imi taamatut aalajangersagaqaraluartoq taamaattoq Inuutissarsiornermi Naalakkersuisoq akuersisinnaavoq Kangaatsiap kommuneani kommunalbestyrelsep inassuteqarneratigut 1. marts aamraa 15. marts akornanni tuttunniarsinnaanissamut.
Imm. 3. Ulloq aallartiffik ullorlu piniarunnaarfik tuttunniarfimmut ilaapput.§ 2. Inuutissarsiutigivillugu piniarnermik aallaaniarnermillu ingerlataqartut uppernarsaammik pigisaqartut piffissami § 1-imi taaneqartumi killeqanngitsuraik tuttunniarsinnaatitaapput.
Imm. 2. saniatigooralugu piniarnermik aallaaniarnermillu ingerlataqartutut uppernarsaammik pigisaqartut piffissami § 1-imi taaneqartumi inoqutigiinnut ataatsinut 8-t tikillugit tuttussinnaatitaapput.
Imm. 3. Inuit aliikkutaralugu piniarnermik aallaaniarnermillu ingerlatsisutut uppernarsaammik pigisaqartut kiisalu Danmarkip naalagaaffiani innuttaaqataasut Kalaallit Nunaanni aalajangersiraasumik najugallit piffissami § 1-imi taaneqartumi inoqutigiinnut ataatsinut 3-t tikillugit tuttussinnaatitaapput.
Imm. 4. Inunnut nalunaarummi 11. november 1976-imeersumi maleruagassat naapertorlugit aallaaniarnissamut allagartaqartussaatitaasunut maleruagassat nalunaarummi aalajangerneqarsimasut atortuupput.§ 3. Tuttunniarnermi qoorortuuaqqat, timmiarsiutit kiisalu aallaasit nammineerlutik eqqartartut eqittaannarlugilluunniit eqqartartut atoqqusaanngillat.
Imm. 2. Tuttut pikkaluartat sapinngisaq tamakkerlugu erniinnaq qinerneqassapput toqunneqarlutillu.
Imm. 3. 10. august aamma 25. septemberip akornanni qimmit tuttunniarfimmut nassaqquneqanngillat.
Imm. 4. § 1. imm. 2 malillugu Kangaatsiap kommuneani 1. marts aamma 15. marts akornanni tuttunniarsinnaanermut akuersisoqarsimatillugu qimmit uniartitut atorneqarsinnaapput. Tuttunniarnermi ingiallortaaginnartunik qimmilisarnissaq inerteqqutaavoq. Ukiukkut tuttunniarnermi snescooterit atornissaat inerteqqutaavoq.§ 4. Kommuneni tuttoqarfiusuni minnerpaamik nunap tuttoqarfiusup tallimararterutaa eqqissisimatitsivittut immikkoortinneqassaaq. Tuttut nunap immikkoortuini taamaattuniittut ukiup qanoq ilineratigulluunniit piniaqqusaanngillat.
Imm. 2. Kommunalbestyrelsep nalunaarutigissavaa nunap immikkoortui suut tuttunik eqqissisimatitsivittut isigineqassanersut. Nunap immikkoortui nunap assingani Inuutissarsiornermi Naalakkersuisumut nassiunneqartussami nalunaaqqutserneqassapput.§ 5. Qeqertarsuarmi, Nuussuup qeqertaasartaani aamma Tasiilap kommuneani tuttunniarneq inerteqqutaavoq.
Imm. 2. Naak imm. 1-imi taamatut aalajangersagaqaraluartoq Inuutissarsiornermi Naalakkersuisoq akuersisinnaavoq Qeqertarsuarmi 10. augustip aamma 25. septemberip akornanni 35-inik tuttussinnaanissamut akuersissutinik tunisinissamut.
Imm. 3. Naak imm. 1-imi taamatut aalajangersagaqaraluartoq Inuutissarsiornermi Naalakkersuisoq akuersisinnaavoq 10. augustip aamma 25. septemberip akornanni Uummannap kommuneaniit aamma Ilulissat kommuneaniit Nuussuup qeqertaasartaani immikkut 25-inik tuttussinnaanissamut inunikkut akuersissuteqarnissamut.
Imm. 4. Naak imm. 1-imi taamatut aalajangersagaqaraluartoq Inuutissarsiornermi Naalakkersuisoq akuersisinnaavoq Tasiilap kommuneani 10. augustip aamma 25. septemberip akornanni l0-nik tuttussinnaanissamut akuersissuteqarnissamut.
Imm. 5. Immikkut akuersissutit imm. 2-4-imi taaneqartut pingaartumik inunnut inuutissarsiutigivillugu piniarnermik aallaaniarnermillu ingerlataqartunut tunniunneqassapput. Immikkut akuersissutit KNAPK-ip immikkoortuata inassuteqarneratigut kommunalbestyrelsemit tunniunneqassapput.§ 6. Tuttunniarfiup nalaani taamaallaat nassunnik katersisoqarsinnaavoq.
§ 7. Unioqqutitsinikkut tuttutat imaluunniit amii nioqqutigeqqusaanatillu pisiareqqusaanngillat.
§ 8. Maleruaqqusanik siuliini allassimasunik unioqqutitsineq akiliisitsissutigineqarsinnaavoq tamatumunngalu ilanngullugu tuttup unioqqutitsisumik pisap pissarsiaasulluunniit neqaa amialu arsaarinnissutaasariaqarlutik.
Imm. 2. Arsaarinnissutit nalingat kornmunalbestyrelsep pisassarai.§ 9. Nalunaarut manna tamanut nalunaarutigineqarnermini atulerpoq.
Imm. 2. Tamatumunnga peqatigitillugu tuttut eqqissisimatitaanerat pillugu landsrådip ileqqoreqqusaa 30. september 1960-imeersoq atorunnaarpoq.
Nuuk, ulloq 2. juli 1981
Lars Emil Johansen/
Emil Abelsen