Ilinniarniartunut ikiorsiissuteqartarneq pillugu Namminersornerullutik Oqartussat nalunaarutaat nr. 11, 23. juli 1981-imeersoq.
Inuutissarsiutitaarniarluni ilinniartitaanermut, ilinniarnermut tapiisarnermut inuutissarsiutinillu ilitsersuinermut Landstingip peqqussutaani nr. 4-mi 24. oktober 1980-imeersumi § 13 malillugu aalajangersakkat imaattut aalajangersarneqarput:
Kap. 1.
Aalajangersakkat nalinginnaasut.§ 1. Inuutissarsiornermi naalakkersuisoq ilinniarniartunut makkuninnga naammassinnissimasunut tapiissutinik, landskassemit taarsigassarsianik aammalu ilinniarnissamut taarsigassarsianut qularnaveeqqutinik Kalaallit Nunaata landskítsseo. sinnerlugu ikiorsiisinnaavoq:
1)
a) Kalaallit Nunaanni aalajangersimasumik najugalinnut, imaluunniit
b) Kalaallit Nunaanni inunngorsimasunut inunngornermillu kingorna ukiuni 5-ini Kalaallit Nunaanni najugaqarsimasunut, imaluunniit
c) angajoqqaat minnerpaamik aappaata immikkoortuaqqani a-mi imaluunniit b-mi piumasarineqartunik naammassinnissimasut qitornaannut.
2) ilinniagassamik naalakkersuisunut ilaasortamit ikiorsiiffigineqarsinnaasutut akuerisa?iik ingerlataqarpata,
3) ilinniarneq sivikinnerpaamik qaammatinik 3-nik sivisussuseqarpat, ilinniarnerit/kursusit kap. 2-mi eqqartorneqartut naatsorsuutiginagit,
4) ilinniarneq ulloq naallugu ingerlanneqartussatut aaqqissorneqarsimappat,
5) ilinniagassaq aallartinneqartoq naammaginartumik malinnaaffigineqarsimappat,
6) ilinniarniartoq danskisut innuttaassuseqarpat, taamaattoq tak. § 3, imm. 2.
7) ilinniarneq Kalaallit Nunaanni ingerlanneqarpat, imaluunniit inuiaqatigiit kalaallit atorfissaqartitaannut naapertuuppat Kalaallit Nunaannili pineqarsinnaanani Kalaallit Nunaata avataani ingerlanneqarpat.§ 2. Ilinniagaqarnissamut piareersarfiusumik ilinniarnernut arlalinnut, taamaattorli nalinginnaasumik ingerlaqqiffiusumik ilinniarnermut ataasiinnarmut ikiorsiisoqarsinnaavoq.
Imm. 2. Ilinniartitaanermut nakkutilliisoqarfiup nalunaarutigissavaa, ilinniarneqarsinnaasut suut ikiorsiissutigineqarsinnaanersut.§ 3. Ilinniarniartunut ikiorsiissutit tunniunneqarsinnaanngillat inatsit imaluunniit iramikkut ittumik isumaqatigiissut malillugu meeqqamik ilinniarnissartik siunertaralugu Kalaallit Nunaata avataani najugaqartut ilinniarnerannut tapiiffigineqartartut meeraannut.
Imm. 2. Nunami allamiut nunat tamalaat akornanni isumaqatigiissutit imaluunniit inaleruagassat Naalakkersuisunut Ilaasortamit aalajangersarneqartut malillugit ikiorserneqarsinnaapput.
Imm. 3. Ilinniarniartut pisortanit inuuniarnerminni aningaasartuutiminnut matusissutissatut siunertaqartunik ikiorserneqartut ikiorserneqarnissamut mattunneqarsinnaapput.§ 4. Ikiorsiissutit tunniunneqarnissaat ilinniarniartup taakkuninnga pisariaqatitsisutut isigineqarsinnaaneranik tunngaveqartinneqassaaq. Tarnatuma nalilerniarnerani ilinniarniartup nanunineq aappaataluunniit isertitariunnagaat
aningaasaataallu naatsorsuutigineqassapput.
Imm. 2. Ilinniarniartunut 18-inik ukioqalersimanngitsunut ikiorsiissutit tunniunneqarsinnaanerannut aamma pineqartup angajoqqaavisa qanoq isertitaqartiginerat aningaasaateqassusiallu apeqqutaavoq. Tamannali ilinniarniartunut katissimasunut atortuunngilaq.
Imm. 3. Nalunaarummi tassani katissimanermut naligitinneqarpoq aappariinnermut assingusumik inooqatigiinneq, tamanna 18-inik ukioqalereernermi sivikinnerpaamik ukiumik 1-imik sivisussuseqarsimappat.
Imm. 4. Ikiorsiissuteqarnissami isertitat aningaasaatillu sunik sunniuteqarnissaat pillugu ilinniartitaanermut nakkutilliisoq maleruagassanik erseqqinnerusunik nalunaaruteqassaaq.§ 5. Ilinniagaqartunut ikiorsiissutit ilaat tapiissutitut sinnerilu bankimit imaluunniit sparekassemit ilinniarnermut taarsigassarsianut qularnaveeqqutitut tunniunneqasapput. Ilinniagaqartunut allanut, ilinniartunut, ikiorsiissutit tapiissutitut tunniunneqassapput.
Imm. 2. Pisariaqartitsinermik naliliineq pissutigalugu § 4 malillugu tapiissutit tunniunneqarsinnaanngippata bankimit imaluunniit sparekassemit ilinniarnermut taarsigassarsinissamut qularnaveeqqusiisoqarsinnaavoq, tak. ilinniagaqartunut bankimit sparekassemillu taarsigassarsianut Namminersornerullutik Oqartussat qularnaveeqqusiisarnerat pillugu nalunaarut nr. 4, 13. november 1980-imeersoq.
Imm. 3. Taamaattoq ilinniarnermut taarsigassarsianut qularnaveeqqusiissutit annerpaaffissatut Naalakkersuisunut Ilaasortap aalajangigaa qaangersinnaanngilaat.§ 6. Ikiorsiissutit annerpaamik ukiumut ikiorsiissuteqarfimmut ataatsimut tunniunneqarsinnaapput. Ukioq ikiorsiissuteqarfik tassaavoq 1. august-imiit 31. juli-mut.
Imm. 2. Ilinniarnerit ukiumit ataatsimit sivikinneruppata ikiorsiissutit aningaasartaat taamaaqataannik ikilineqassapput. Tamanna atorpoq ikiorsiissutit allamik peqquteqartumik, tamatumunnga ilanngullugu ilinniarnerup ukiup ikiorsiissuteqarfiup ingerlanerani taamaatinneqarnerani ukiumit ataatsimit sivikinnerusumi tunniunneqartussaassappata.
Imm. 3. Ikiorsiissutit ingerlaannarnissaannik qinnuteqartoqartillugu ilinniartitaanermut nakkutilliisoqarfiup paasiniassavaa, ilinniarnerup ilaa ingerlareersimasoq naammaginartumik malinnaaffigineqarsimanersoq, aammalu ilinniarnerup ilaanut piffissarititaasoq qaangerneqarsimannginnersoq. Taamaassimappat ikiorsiissutit aatsaat pissutsit immikkut ittut atuussimappata tunniunneqartaannarsinnaapput.
Imm. 4. Ilinniartitaanermut nakkutilliisoqarfiup ilinniagaqartoq ikiorsiissutissat tamarmiusut qanoq annertussusiannik allakkatigut nalunaarfigissavaa, aammalu nalunaarfigissallugu ikiorsiissutit qanoq tapiissutinut, landskassemit taarsigassarsianut agguataarsimanersut.
Imm. 5. Ikiorsiissuteqarnissamut tunngavissaaruppat ikiorsiissutit erniinnarluinnaq atorunnaarsinneqarsinnaapput.§ 7. Ingerlaqqiffiusumik ilinniagaqartut ikiorsiissutit pisarneq malillugu piffissap ilinniarfiusup naaneraniit ukioq ataaseq tikillugu pisarsinnaavaat. Aalajangersagarli taanna immikkut peqquteqartumik, soorlu napparsimaneq, meerartaarneq, ilisimatuutut suliaqarneq assigisaalluunnnt pissutigalugu piffissaq ilinniarfiusoq sivitsorneqarsimappat saneqqunneqarsinnaavoq. Ilinniartitaanermulli nakkutilliisoqarfiup soraarummeernerup immikkoortuanut imaluunniit ilinniarnermut tamarmiusumut piffissaq allaasoq akuersissutigisinnaavaa, piffissaq ilinniarfiusoq immikkut illuinnartumik peqquteqarluni, soorlu ilinniarnissamut pilersaarutit allanngornerat assigisaalluunniit pissutigalugit sivitsortariaqarsimappat.
Imm. 2. Ilinniagaq ingerlataq sioqqullugu piffissaq ilinniarnermut naammassillugu ingerlassimasamut imaluunniit kipitiinnakkamut atorneqarsimasoq ilinniagaqartup piffissamik maannakkut ilinniakkamut atugaanik naatsorsuinermut ilanngunneqassaaq, tamanna sioqqullugu ilinniarsimasaq maannakkut ingerlatamut isissutaasinnaasimanngippat inaluunniit maannakkut ilinniakkamit appasinneruallaarsimanngippat. Pissutsinili immikkut illuinnartuni tamanna pinngitsoortinneqarsinnaavoq.§ 8. § 5-imi taaneqartutut ilinniarniartunut ikiorsiissutit saniatigut qinnuteqarnikkut ilinniarnermut atatillugu pisariaqartitat ilaasa naammassinissaannut immikkut ikiorsiissuteqartoqarsinnaavoq.
Imm. 2. Ilinniarnerup aalLartinneranut naammassineranullu atatillugu angalanerit nalinginnaasumik tapiissutitut tunniunneqartarput. Ilinniarnerup nalaani nalinginnaasumik ukiumut ataasiarluni tapiissutitut aasaanerani ferierluni angalatitsisoqartarpoq.
Imm. 3. Ilinniartup nammineq pisuussutigisaatut oqaatigineqarsinnaasunik pissuteqartumik ilinniarneq kipitinneqarpat aalajangerneqarsinnaavoq, ilinniagaqartup nammineerluni angerlarniarluni angalanermut aningaasartuutit akilissagai. Pissutsit pisariaqartippassuk pineqartoq taarsigassarsisinneqarsinnaavoq angerlarnermiit kingusinnerpaamik qaammatip ataatsip qaangiunnerani utertillugit akilerneqartussanik.
Imm. 4. Ilinniartitaanerraut nakkutilliisoqarfiup nalunaarutigissavaa ikiorsiissutit immikkut ittut suut imm. 1 malillugu pineqarsinnaanersut, aammalu taakku pisinnaanissaannut suut patsisissaanersut.§ 9. Ilinniarniartoq katissimappat aamma/imaluunniit meeqqanut angajoqqaatut oqartussaappat aappaasup meeqqallu pilersornissaannut immikkut ikiorsiisoqarsinnaavoq. Ilinniartitaanermut nakkutilliisoqarfiup tamanna pillugu maleruagassat erseqqinnerusut nalunaarutigissavai.
§ 10. Ilinniarfinni ingerlaqqiffiusuni ilinniagaqartut ilinniarnermut taarsigassarsianut qularnaveeq- quserneqarsinnaapput § 7 malillugu ikiorserneqartalernermik imaluunniit ikiorserneqarsinnaaleraluarnermik kingorna ukioq ataaseq tikillugu, tamanna Ilinniartitaanermut Nakkutilliisoqarflup naapertuuttutut isigippagu. Inrmikkut illuinnartumik pissutissaqarpat Illinniartitaanermut Nakkutilliisoqarfik suli ukiumi ataatsimi qularnaveeqquseeqqissinnaavoq.
Kap. 2.
Kursusini peqataanermi aningaasarsiassaraluanut imaluunniit sulisinnaanerugaluamut taartisiat.§ 11. Kursusi ulluunerani ingerlanneqarpat kursusimilu peqataaneq inuutissarsiutinik ilinniartitaanermut siunnersuisunit taartisissutigineqarsinnaasutut akuerineqarsimappat, peqataasut aningaasarsiassaraluaminnut imaluunniit sulisinnaanerigaluaminnut annaasaminnut taartisissapput (kursusernersiut) maleruagassat ataani allassimasut malillugit.
Imm. 2. Kursusitut paasineqassapput ilinniarnerit sivikitsumik ingerlanneqartut nalinginnaasumik qaammatit 3 inorlugit sivisussusillit, soorlu specialarbejderitut Danmarkimiinneq nalinginnaasumik minnerpaamik sap. akunnerinik 3-nik sivisussuseqassaaq.
Imm. 3. Sulisitsisoq ilinniartitaanermut nakkutilliisoqarfimmut nalunaarsimappat kursuseqarnerup nalaani minnerpaamik kursusernersiutip angeqataanik akissarsiaqartitsiumalluni, taartisiassap angeqataa pissutsini immikkut ittuni sulisitsisumut taartisiatut tunniunneqarsint naavoq.§ 12. Kursusernersiut assigiippoq kursusi Kalaallit Nunaanni imaluunniit Danmarkimi ingerlanneqarpat.
Imm. 2. Kursusernersiutit tunniunneqassapput ullormit aallarfissatut pilersaarutaasumit ulloq angerlamut tikiffik ilanngullugu. Kursusernersiutit taamaallaat ulluinnarni nalliuttunilu ulluinnartigoortuni tunniunneqartarput. Nalliuttutut ulluinnartigoortutut issigineqarput ilagiit nalliuttui kiisalu juulliaraq, ukiortaaq, Kunngit pingasut ulluat kiisalu inatsisitaarfik, taakku sapaammi pisimanngippata. Kursuserfissamukarneq tassanngaanniillu angerlarneq kursusernermut atalluinnartumik pissapput. Peqataaniartoq piffissakkut allakkut angalanissamik kissaateqarpat kursusernersiutit taamaallaat kursusernerup nalaani tunniunneqassapput. Kursusernersiutit sap. akunnikkuutaartumik kingumoortumik tunniunneqassapput.
Imm. 3. Peqataasut najukkap kursuserfiullu akornanni angalanissamut periarfissaqannginneq pissutigalugu kursuserfimmi sivisunerusumik utaqqisariaqartut taamaallaat utaqqinerminni kursusernersiuteqassapput, akissarsiaqarfiusumik naleqquttumillu suliffissarsissunneqarsinnaanngikkunik.§ 13. Kursusernersiutitut tunniunneqartartoq tassaavoq SIK-p aamma Kalaallit Nunaanni isumaqatiginninniartartoqatigiit isumaqatigiissutaat malillugu fagimik ilinniarsimasut aamma fagimik ilinniagaqarsimanngitsut akissarsiaasa (akissarsiat tunngaviusut) angeqataat akitsuutinut tapisiamik ilalik. Fagimik ilinniarsimasunut aaitima saniatigut tunniunneqassaaq lærlingitut ilinniarsimasunut inissutaasumillu svendeprøveqarsimasunut, ilinniarsiraanermut uppernarsaateqartunut tapisialiunneqartartoq.
Kursusernersiutip qanoq angissusia ilinnaartitaanermut nakkutilliisoqarfimmiit suliffissarsiuussisarfinnut, kommunet allaffiinut il.il. nalunaarutigineqassaaq.
Imm. 2. Sulisutut fagimik ilinniarsimasutut isigmeqarput peqataasut svendeprøveqarsimasut imaluunniit ilinniarsimanermut allagartallit (fagimik ilinniarsimasut svendebreveqartut, EFG aqqutigalugu ilinniarsimanermut uppernarsaateqartut kiisalu HK-assistentit, overassistentit aamma fuldmægtigit). Taamaattoq ilinniartitaanermut nakkutilliisoqarfik immikkut ittunik pissutissaqartillugu aalajangiisinnaavoq fagimik ilinniagaqarsimanngitsoq fagimik ilinniarsimasutut kursuseqarnersiuteqartinneqassasoq.§ 14. Peqataasut 18 inorlugit ukiullit kursuseqarnersiuteqartinneqassapput SIK-p aamma pisortat isumaqatiginninniartartoqatigiivisa isumaqatigiissutaat malillugu fagimik ilinniagaqarsimangitsut 18-it inorlugit ukiullit tunngaviusumik akissarsiaattut akitsuutinut tapisiartalittut angissusilimmik.
§ 15. Kursuseqarnermut atatillugu nerisaqartitsineqarpat aamma/imaluunniit ineqartitsineqarpat, peqataasut ullormut akiliuteqassapput Namminersornerullutik Oqartussat pilersugalinnut aamma pilersugaqanngitsunut 18-it sinnerlugit inorlugillu ukiulinnut akiliutissatut aalajangigaat malillugit. Akiliutissat ukiumut ataasiarlutik 1. april iluarsineqartarput.
Imm. 2. Nerisaqarnermut aamma/inaluunniit ineqarnermut akiliuteqartoqassaaq ulluinnarnut sapaatinullu. Kursuseqarnersiutissat naatsorsorneqarneranni ilanngaassisoqartassaaq.§ 16. Peqataasoq kursusernerminik unitsitsippat imaluunniit tassanngaanniit peersinneqarpat, tamanna pillugu kursusimi pisortaasoq erniinnavik ilinniartitaanermut nakkutilliisoqarfiiranut nalunaaruteqassaaq.
Imm. 2. Nammineq pisuussutigalugu kursusirai peqataajunnaarneq piffissap kursuseqarfiusup sinnerani kursusernersiutinik pisinnaajunnaarutissaavoq. Unioqqutitsilluni takkutinngitsoortoqartillugu ullunut agginngitsoorflusunut kursusernersiuteqartitsisoqassanngilaq.
Imm. 3. Nammineq pisuussutigalugu kursusirai peqartaajunnaartup angerlarnissani nammineerluni akilissavaa.
Kap. 3.
Nalunaaruteqartussaaneq.§ 17. Ilinniagaqarniartut ikiorsiissuteqarfigineqarnissamik qinnuteqartut, imaluunniit ikiorsiissuteqarfigineqarsimasut, piffissap ikiorsiissuteqarfiusussap nalaani aningaasaqarniarnerminnut ilinniagaqarnerminnullu tunngasut ikiorsiissuteaarfigineqarnissamut pingaarutillit pillugit kingornalu pissutsinut taakkununnga allannguutaajumaartut pillugit tamanik nalunaaruteqassapput.
Imm. 2. Ilinniagaqarniartoq pissutsit imm. 1-imi pineqartut pillugit eqqunngitsumik imaluunniit amigartunik nalunaaruteqarsimappat, imaluunniit pineqartoq taakkununnga allannguutaasunik nalunaaruteqanngîtsoorsimappat, ilinniartitaanermut nakkutilliisoqarfiup aningaasat pineqartarsimasut utertillugit akileqqusinnaavai. Aamma aalajangersinnaavoq pineqartoq piffissami aalajangersimasumi imaluunniit qaqugumulluunniit ikiorsiissutinik pisinnaajunnaarsinneqassasoq. Tamanna aamma atortuuvoq ilinniagaqarniartoq siornatigut ikiorsiissutisiarisimasaminut tunngatillugu piumasarineqartunik unioqqutitsisimappat.
Kap. 4.
Ilinniarniartunut ikiorsiissuteqartarnerup siulersorneqarnera.§ 18. Ilinniarniartunut ikiorsiissuteqartarnerup siulersorneqarnera ilinniartitaanermut nakkutilliisoqarfimmit isumagineqarpoq.
Imm. 2. Ilinniartitaanermut nakkutilliisoqarfiup ilinniarniartunut ikiorsiissutit danskit naalagaaffiannit 1. januar 1981 sioqqullugu siornatigut inatsisini aalajangersakkat malillugit taarsigassarsiaritinneqarsimasut siulersugarai.
Imm. 3. Ilinniartitaanermut nakkutilliisoqarfiup ikiorsiiffigineqarnissamut qinnuteqarnerni periaasissanut, ikiorsiissutissat naatsorsorneqarnerannut, ikiorsiissuteqarnissamut tunngatillugu angajoqqaajussutsip paasineqarnissaanut angajoqqaallu aningaasaqarnerannut, ikiorsiissutit tunniunneqartarnerannut kiisalu ilinniarnermut tarsigassarsiniarnermi qularnaveeqqusiiffigineqarnissamut maleruagassat siulersugarai.
Imm. 4. Ilinniartitaanermut nakkutilliisoqarfiup ikiorsiissutit amerlanaarlugit tunniunneqartut utertillugit akilerneqarnissaat, landskassemit taarsigassarsiaritinneqartut, Kalaallit Nunaata landskasseata bankinit sparekassenillu ilinniarnermut taarsigassarsianut qularnaveeqqusiisutut soqutigisai kiisalu Nairaninersornerullutik Oqartussat qularnaveeqqusigaannik taarsigassarsiat pissusissaq eqqorlugu taarsersorneqanngitsut akilerneqarnissaat nakkutigissavaa.§ 19. Ilinniartitaanermut nakkutilliisoqarfik ikiortissaminik immikkut ikiorsiisarnermut ataatsimiititaliorsinnaavoq ilinniagaqartut peqataatitaqarfissaannik.
§ 20. Ilinniartitaanermut nakkutilliisup ilinniarniartunut ikiorsiissuteqartarnermi maleruagassat siuliini taaneqartut pissutsini immikkut illuinnartuni saneqqussinnaavai.
§ 21. Ilinniartitaanermut nakkutilliisoqarfiup ilinniagaqarniartut ikiorsiiffigineqarsinnaanermut periarfissanik ilisimatinneqarnissaat isumagissavaa.
§ 22. Ilinniartitaanermut nakkutilliisoqarfik sulinini pillugu ukiumoortumik nalunaaruteqassaaq.
Kap. 5.
Landskassemittaarsigassarsisinnaanermut tunngavissat.§ 23. Taarsigassarsiat taarsersornerat aallartissaaq kingusinnerpaamik ilinniarnerup inerneraniit ukiup ataatsip qaangiunnerani, taarsersuutillu ernialiunneqartut ilanngullugit akilerneqarsimassallutik ukiut 15 ingerlaneranni.
Imm. 2. Taarsigassarsiat ilinniarnerup nalaani ernialersugaangillat. Taarsigassarsiat ilinniarnerup naammassineqarnera aallarnerfigalugu ukiumoortumik ernialersorneqassapput Danmarks Nationalbankip diskontoanit 1 %-imik qaffasinnerusumik.
Kap 6.
Assuarlersinnaaneq atulersitsinerlu.§ 24. Ilinniartitaanermut nakkutilliisoqarfiup nalunaarut manna naapertorlugu aalajangiinerinik naanunagittaalliuutit Inuutissarsiornermi Naalakkersuisuraut aalajangiineri inissutaasumut suliassanngortinneqarsinnaapput.
§ 25. Nalunaarut manna 1. august 1981 atortuulersoq, pissutsit § 18, imm. 2-mi eqqartorneqartut ilanngunnagit, taakkununnga tunngatillugu nalunaarut 1. januar 1981-imiit atortuummat.
Namminersornerullutik Oqartussat, Nuuk, ulloq 23. juli 1981.
Lars Emil Johansen/
John Andersen