Saviminilerinermik suliassaqarfik pillugu Namminersornerullutik Ogartussat Nalunaarutat nr. 7, 3. april 1981-imeersoq.
Inatsisartut peqaussutaat nr. 5 24. oktober 1981-imeersoq naapertorlugu saviminilerinermik suliassaqarfik pillugu aalajangersakkat imaattut aalajangersarneqarput.
Kapitali I.
Aalajangersakat nalinginnaasut.§ 1. Inuutissarsiutissatut suliassanut tunngaviusumik ilinniartitaanerit siunertaraat Kalaallit Nunaanni saviminilerinermik suliassaqarfimmi sulisussanik suliassanik ilinniagaqarsimasunik ilinniartitsinissaq. Taamaattumik ilinniartitsinerit imarisaasa Kalaallit Nunaanni inuutissarsiuteqarsinnaalernerup anguneqarnissaa pingaarnerutillugu isumannaallisagassaraat.
Imm. 2. Inuutissarsiutissatut suliassanut tunngaviusumik ilinniartitsinerit aaqqissuunneqassapput meeqqat atuarfiata tamanut tunngasumik ilinniagaqartitsineranut atatillugit.
Imm. 3. Ilinniartitsinerit naleqquttunngorsarneqassapput aamma tiguneqarsinnaanngorlugit ilinniagaqarniartut meeqqat atuarfiannit aneqqamminngitsut, kisianni inuutissarsiutissatut suliassanut tunngaviusumik kingusinnerusukkut ilinniagaqarusuttut.
Imm. 4. Ilinniartitsinerit marlunnik immikkoortortaqarput - aallaqqaatigalugu immikkoortut siulliat, tunngaviusumik ilinniagaqarneq sivikinnerpaamik ukiumik ataatsimik sivisussuseqartussaq, aamma immikkoortut aappaat, tassaassallutik suliffimmi sulinermik sungiusarneq aamma atuarfmmi ilinniagaqarneq. Ilinniartitsinerit ingerlanneqassapput saviminilerinermut ilinniarfimmi Nuummiittumi.§ 3. Suliassanut assigiinngitsunut atuarfik forstanderimit siulersorneqassaaq. Ilinniartitsisut rådiat pilersinneqassaaq, taassuma ilaasortalersugaanera suliassaalu ilinniartitaanermi inspektøriusup siunnersuuteqareerneratigut Inuutissarsiornermi Naalakkersuisumit akuerineqassallutik.
Imm. 2. Atuarfimmi ilinniartut akornanni ilinniartut lat pilersinneqassaaq, taassuma ilaasortalersugaanera suliassalu ilinniartitaanermi inspektøriusup siunnersuuteqareerneratigut Inuutissarsiornermi Naalakkersuisumit akuerineqassallutik.
Kapitali II.
§ 4. Suliassanut assigiinngitsunut ataatsimiititaliap siunnersuuteqareerneratigut Inuutissarsiornermi Naalakkersuisoq aalajangiissaaq ilinniartut qassit ukiut atuarfiusut tamaasa tunngaviusumik ilinniartitsinermut (immikkoortut siulliat) tiguneqarsinnaanersut, aammalu ilinniagaqarniartut ilinniartitsinerit immikkoortuata aappaani agguataarneqarsinnaasut amerlassusissaat aalajangissallugu.
Imm. 2. Ilinniarniakkat ataasiakkaat iluanni atuartitnerup aallarnernissaani ingerlanneqarnissaanilu ilinartut naleqquttumik amerlassuseqassapput, suliassanut assigiinngitsunut atuarfiup siunnersuuteqareerneratigut ilinniartut amerlassusissaat Inuutissarsiornermi Naalakkersuisumit aalajangerneqassalluni.
Kapitali III.
Ilinniartitsinerit aaqqissuussaanerat.§ 5. Ilinniartitsinermi suliassanut tunngasunik atuartitsinerup saniatigut aamma fagini nalinginnaasuni atuartitsineqassaaq.
Imm. 2. Ilinniarniakkap toqqarniarnerani ilinniartut siunnersorneqassapput/ilinniarnissamik ilitsersuunneqassapput, tassunga ilanngullugit suliffimmi sungiusarluni sulinermik inuutissarsiornermillu aammalu inuttut atugassarisanik.§ 6. Ukioq aallartiffik. Inuutissarsiutissatut suliassanut tunngaviusumik ilinniartitaaneq ileqquusumik aallartittassaaq tunngaviusumik ilinniartitaanermik atuarfimmi ingerlanneqartumik. Tunngaviusumik ilinniartitaaneq sivikinnerpaamik ukiumik ataatsimik sivisussuseqassaaq aaqqissuunneqassallunilu immikkoortukkuutaani, taakku ilaat ingerlanneqarsinnaallutik suliassanut assigiinngitsunut atuarfiup avataani.
Imm. 2. Tunngaviusumik ilinniartitaanerupsiunertarai:
1) Ilinniartut ataasiakkaat piginnaassusii soqutiginninnerallu malillugit, inuutissarsiummik toqqaavinnissamut pitsaanerpaamik tunngavissaqalersinniarlugit - kiisalu fagini allani ilinniakkamut attuumassuteqartuni ajornartorsiutinik ilinniartut paasisaqartinniarlugit.
2) Ilinniartut suliassamut aalajangersimasumut sungiusassallugit, taamalu suliassami pineqartumi sakkuutinik, maskinanik suleriaatsinillu ilisimaarinnilissallutik, suliassap toqqarsimasamik iluani sulliviit Kalaallit Nunaanniittut arlaanni ilinniarnerminnut atatillugu sulinermik sungiusarlutik siullermeersumik sulilissagunik.
3) Nalinginnaasumik ilinniartitaanikkut ilinniartut tunngavissinniarlugit inuiaqatigiinnut ilaaffigisaminnut naleqqiullutik namminneq inissisimanerminnik aammalu Kalaallit Nunaanni inuutissarsiuteqarnerup inissisimaneranik paasinninnissamut.§ 7. Ilinniartitaanerup immikkoortuisa aappaat atuarfimmiinnermik aammallu ilinniarnermut atatillugu suliffimmi sulinermik sungiusarnermik nikittaattunik ingerlanneqartassaaq.
Imm. 2. Ilinniartitaanerit imaalillugit aaqqissuunneqassapput, inuutissarsiuteqarsinnaalerneq pissutigalugu killiffimmi naleqquttumi qimakkallarneqarsinnaallutik aammalu imatut, ilinniartitaaneq kingusinnerusukkut nangeqqinneqarsinnaassalluni.
Kapitali IV.
§ 8. Sapaatip akunneranut piffissaq atuartitsiviusoq sivikinnerpaamik nal. akunnerinut 40-nut sivisussusilerneqassaaq. Taakku minnerpaamik 25 %-iat nalinginnaasumik atuartitsinermut atugassanngortinneqassaaq.
Imm. 2. Ilinniartitsinissaq pillugu nalunaarutini nal. akunneri taaneqartut ilaneqarsinnaapput nal. akunnerinik fagini ilinniartut namminneq toqqarsimasaanni atuartitsiviusunik ilinniartut ataasiakkaat pisariaqartitsinerat kissaatigisaallu malillugit, tassa Kalaallit Nunaanni sunngiffimmi sammisassaqartitsineq pillugu landstingip peqqussutaani nr.7 16. oktober 1979 maleruagassat malillugit atuaqatigiinnik pilersitsineqarsinnaammat. Ilinniartitaanerup anguniagaata, imarisaata ingerlanissaatalu allaaserinera ilinniarnissaq pillugu nalunaarutitut immikkut nassiunneqassaaq.
Kapitali V.
Ilinniarnermut atatillugu suliffimmi sulinermik sungiusarneq.§ 9. Ilinniarnermut atatillugu suliffimmi sulinermik sungiusarneq, ilinniartunut ilinniarnerup immikkoortuata aappaani ingerlaqqinnissamut atuarfimmiit piukkunnaateqarsorineqartunut, ingerlanneqartassaaq suliffimmi imaluunniit suliffinni arlalinni suliassanut assigiinngitsunut ataatsimiitaliamit sulinermik sungiusarfissatut akuerineqarsimasuni.
Imm. 2. Ilinniartitaanerup immikkoortuata aappaani ilinniarnermut atatillugu sulifimmi sulinermik sungiusarnissaq pillugu ilinniartoq isumaqatigiissuteqarfigineqassaaq immersugassaq inuutissarsiutitigut ilinniartitaanermut rådip siunnersuuteqareerneratigut Inuutissarsionermi Naalakkersuisumit akuerineqarsimasoq atorlugu. Isumaqatigiissutip imarissavai makku pillugit nassuiaatit: Ilinniartut, ilinniarnermut atatillugu sulinermik sungiusarfissaq, sumut tunngasumik ilinniagaqarnissaq, ilinniarnerup sivisussusissaa aamma ilinniarnerup annertussusissaa, tassunga ilanngullugit suliassanut assigiinngitsunut atuarfiup kursuseqartitsisarnerisa pinngitsoorani peqataaffigisassat sivisussusissaat agguataarnerilu. Isumaqatigiissut atsiorneqassaaq sulinermik sungiusarfissamit aamma ilinniartumit kiisalu isumaqatigiissusiornermi ilinniartoq 18-it inorlugit ukioqarpat angajoqqaatut oqartussaassuseqartumit.
Imm. 3.Ilinniarnermut atatillugu sulinermik sungiusarfissarsiuussineq pisassaaq suliassanut assigiinngitsunut atuarfik (ilinniarnissamut/sulinermik sungiusarnissamut ilitsersuussissoq) aqqutigalugu, taassuma isumagissammagu allaffinnut suliffissarsiuussissarfinnut, najugarisami sulinermik sungiusarnissamik isumaqatigiissusiortartunut, atassuteqarnissaq.
Imm. 4. Kalaallit Nunaanni inuutissarsiutitigut siunnersuisoqarneq pillugu inatsisartut peqqussutaanni nr. 6-imi 24. oktober 1980-imeersumi inuutissarsiutinut siunnersortit taaneqartut suleqataassapput EFG-imi ilinniartut ilinniarnerminnut atatillugu sulinermik sungiusarfiinik kommunemiittunik aamma/imaluunniit nunap ilaani aalajangersimasuniittunik aammalu ilinniartut taakku sulinermik sungiusarlutik suliffimmiinnerinik nakkutilliinermi.
Imm. 5. Ilinniarnermut atatillugu suliffinnisulinermik sungiusarnissat pillugit isumaqatigiissutit nalunaarsorneqarnerat aammalu ilinniartitaaneritimmikkoortuisa aappaannut ilinniariartoqqusinissat pillugit aalajangersakkat erseqqinnerusut aalajangersarneqassapput Inuutissarsiornermi Naalakkersuisumit suliassanut assigiinngitsunut ataatsimiititaliap siunnersuuteqareerneratigut. Suliffissarsiuussisarnermi allaffiit uppernarsarlugu atsiussavaat isumaqatigiissut naapertuuttuusoq Naalakkersuisup aalajangersagaanut, aammalu ilinniarnermut atatillugu sulinermik sungiusarfissaq suliassanut assigiinngitsunut ataatsimiititaliamit akuerineqarsimasoq.§ 10. Ilinniarnermut atatillugu suliffimmi sulinermik sungiusarnermi akissarsiat- atorfinitsitaasarnerlu pillugit aammalu sulisuusut illersorneqarnissaat, feriertarneq il. il. pillugit maleruagassat S.I.K.-p isumaqatigiissutaani aalajangersarneqarsintasut atussapput. Ilinniarnermut atatillugu sulinermik sungiusarfik pisussaavoq ilinniartoq sulisissallugu ilinniarneq pillugu najoqqutassat aalajangersarneqarsimasut naapertorlugit. Allatut ajornartillugu aatsaat suliassanik najoqqutassiani taakkunani taaneqanngitsunik suliassiisoqarsinnaavoq. Ilinniartoq pisussaavoq ilinniarnermut atatillugu sulinermik sungiusarfigisap suliassiissutaani suleqataanissamut sulisinneqarnissamut najoqqutassiat taaneqareersut naapertorlugit. Isumaqatigiissutigineqartut ilinniarnermut atatillugu sulinermik sungiusarfiup sulisui allat pillugit sulinermi malittarisassianut nalinginnaasumik atortuusunut ilaatinneqassapput.
Kapitali VI.
Ilinniartussanik tigusisarnermi piumasaqaatit.§ 11. Tiguneqarnissamut qinnuteqartut ileqquusumik ukiuni 11-niatuareersimassapput aammalu inuutissarsiutissatut suliassamut tunngaviusumik ilinnialersinnaanissamut tunngavissareriikkat pillugit meeqqat atuarfianniit naammaginartumik oqaaseqaateqarfigineqarsimassallutik.
Imm. 2. Qinnuteqartut allatigut tunngavissaqareersut, soorlu assersuutigalugu inuutissarsiornermik suliaqareersimasut, allamik ilinniagaqarsimasut, inuutissarsiornermut sammisitanik kursuseqareersimasut, inuiaqatigiinni kiffartuuteqarnermi il.il. peqataarersimasut ilinniarnissami tiguneqarnissamut siunnersuutigineqarsinnaapput.
Imm. 3. Ilinniartitaanermut inspektøreqarfiup kingusinnerpaamik 1. februar tamanut nalunaarutigissavai ukiumi pineqartumi tunngavisumik ilinnialernissamut tiguneqarnissaq pillugu qinnuteqarnermi piumasaqaatit periaasissarlu. Tamanna nalunaarutigineqassaaq avisi Kalaallit Nunaat tamakkerlugu saqqummertartoq aammalu aviseeqqat aqqutigalugit.
Imm. 4. Suliassanut assigiinngitsunut atuarfiup tiguneqartussat aalajangiiffigissavai najoqqutassiat Inuutissarsiornermi Naalakkersuisup aalajangersagai malillugit aprili qaammat naatinnagu.
Imm. 5. Qinnuteqartoq atuarfimmut tiguneqanngippat, itigartitsinermut pissutaasut taallugit nalunaarfigineqassaaq, inullu pineqartoq kommunemi najugarisaani allaffimmi suliffissarsiuussisarfimmi inuutissarsiutinik ilitsersuunneqarnissamut innersuunneqassaaq. Atuarfiup itigartitsinera ilinniartitaanermi inspektøreqarfimmut naammagittaalliuutigalugu suliassiissutigineqarsinnaavoq.
Imm. 6. Kinaluunniit inuutissarsiutissatut suliassanut tunngaviusumik ilinniartitaanerit immikkoortuisa ilaannik ataatsimik arlalinnilluunniit ingerlassaqareersimasoq, aammalu ilinniarnermut atatillugu suliffimmi sulinermik sungiusarnermik ingerlassaqareersimasoq, immikkoortumi tulliuttumi atuartitsinissamut tiguneqarsinnaavoq, tassani inissaqarpat. Immikkoortoq imaluunniit immikkoortut ukiut marluk sinnerlugit siusinnerusukkut ingerlanneqarsimappataimaluunniit ilinniagaq allanngortinneqarsimappat, immikkoortumi aalajangersimasumi tiguneqarnissamut piumasaqaataasinnaavoq atuarfiup naliliinera raalillugu ilassutaasumik naleqquttumik ilinniagaqarsimanissaq.
Kapitali VII.
§ 12. Suliassanut assigiinngitsunut ataatsimiititaliap sisunnersuuteqareerneratigut Inuutissarsiornermi Naalakkersuisup aalajangersarsinnaavai inuutissarsiuteqalersinnaalernermut naliliinissat, misilitsinnerit taamaangajattulluunniit pillugit aalajangersakkat.
Kapitali VIII.
Ilinniagaqarnerup inaarnera.§ 13. Ilinniartunut ilinniarnissamut pilersaarut naapertorlugu tunngaviusumik ilinniartitaanermik (immikkoortut siulliat) naammassinnissimasumut, ilinniarsimanermut uppernarsaammik atuarfik tunniussaqassaaq.
Imm. 2. Ilinniarnerup immikkoortuata aappaata naammassineqareernerani, atuarfik aammalu suliassanut assigiinngitsunut ataatsimiititaliaq ilinniarsimanermut uppernarsaasiussapput atuarfimmiit aammalu ilinniarnermut atatillugu suliffimmiit sulinermik sungiusarfimmiit ilinniarneq ingerlanneqarsimasoq pillugu nalunaarutit tunngavigalugit.
Imm. 3. Ilinniarneq naammassineqanngippat, ilinniartoq pisinnaatitaavoq pappiaramik uppernarsaammik tunineqarnissamut, ilinniarnerup ingerlasimaneranik nalunaarutiginnittumik.
Imm. 4. Ilinniartitaanermut inspektørip suliassanut assigiinngitsunut ataatsimiititaliap siunnersuuteqareerneratigut ilinniarsimanermut uppernarsaatit erseqqinnerusumik ilusilernissaannut, uppernarsaatinik tunniussinissamut, aammalu imm. 3 naapertorlugu uppernarsaasiinissamut maleruagassat aalajangersassavai.
Kapitali IX.
Aalajangersakkat immikkut ittut.§ 14. Ilinniartitaanermut inspektøri suliassanut assigiinngitsunut ataatsimiititaliap siunnersuuteqareerneratigut Nalunaarummi matumani aalajangersakkanitallaanerussuteqartitsigallarnissamut akuerssissuteqarsinnaavoq, ineriartortitsilluni sulinerup ingerlatiinnarnissaanut ilaatitassatut.
§ 15. Nalunaarut, 1. juli 1981 atulersussaq, kingusinnerpaamik 1. januar 1983 nutartigassatut misissugassanngortinneqassaaq.
Namminersornerullutik Oqartussat, ulloq 3. april 1981
Lars Emil Johansen/
Emil Abelsen